Diosa' kiika; Génesis, Éxodo y El Nuevo Testamento

<div class="version vid535 iso6393cbi" data-vid="535" data-iso6393="cbi">
 <div class="book bkROM">
 <div class="chapter ch13" data-usfm="ROM.13">
 <div class="label">13</div><div class="s">Bale chachillanubalengure' meenguenuu juve.</div><div class="p"> 1Naajulaba bale chachilla naadeti&#241;uba meedin chunu dejuve, matyu naaju chachi bale depu'ba Dioschee vi' tsa dena&#241;u' mitya. Tsaju' challa pudenashu juntsala Dios tsanguikaa&#241;aa depuve. 2Tsa' mitya mun bale chachilla' uudennu meenguityulaya Diosa' uuden naati&#241;uba tsanguindetyuve. Tsa' mitya mun entsa uudennu meenguityulaya taaju iwaranu detsuve, 3matyu naaju bale chachilla depu'ba ura' kemulanu jeetyawaanaa deputyuve; firu' kemulanu jeetyawaanaa depuve. &#191;&#209;unu bain bale rukulanu jela putyu chunu tenguen? Uwain tsaa chundenmalaya ura' ken chude, tsenmala bale chachilla bain &#241;unu deechu' kiikemu kurenu detsuve, 4matyu Dios juntsaa detire&#241;u bale chachi pumulaya &#241;ullanu ura' kemishtinaa depu' mitya. Tsaaren firu' ken dechushu juntsaa, jeetyanu dejuve, matyu yalanu Dios juntsaa tire&#241;u taawasha ken chumiya firu' ken chumulanu taaju iwaanaa depu' mitya. 5Tsa' mitya bale chachillanu meedi&#241;u urave, ne yalanu pa&#241;u meetyushu juntsaa, taaju iwaanu dejuve ten&#241;un jujutyu, &#241;ulla' tenbu' pensashan juntsaaya ke&#241;u urave ten&#241;aa tsanguidei. 6Tsenmin tsaju' mityaa deechu' mitya lushi paanguetu bain &#241;ulla yalanaa paanguemu deeve, matyu yala bale chachi pulaya Dios tsaa tire&#241;aa depu' juntsaa taawasha bain kiikendetsu&#241;u' mitya.</div><div class="p"> 7Main mainnu naa naakenuu ju&#241;uba tsanguidei. Ti' mityaba deechu' mitya lushi paanguekenuu junmalaya paanguenuu juve; tsenmin munaa balengure' keewaanuu ju&#241;u bain tsanguenuu juve.</div><div class="s">Veelanu naakenuu&#241;u baintsanguen chu' estyadei.</div><div class="p"> 8Munuba lushi neenatyudei, veta' veta' estyanu pensa' mityaa neluna&#241;unadei, matyu mun vejan chachillanu estyan chumushu juntsaa yumaa Mois&#233;s' wandya lei naa naakide ti&#241;uba tsanguive. 9Entsanguidei ti' uudenju entsandive: Vee matsaityude, chachiitala tu'tyude, taanguityude, tsaa tadichi tya' tsamantsandya' mutyatyude, #13.9 &#201;xodo 20.13-15, 17; Deuteronomio 5.17-19, 21 tive; tsaju' entsa uuden jumula bain naa kayu vee uuden jumula bain, entsa uudennun tsanguishu juntsaa kumuinchi demeenguiki&#241;uuve: &#209;u maali naa-i estyamu ju'ba &#241;uba kalen chumu chachinu bain juntsai estyade, #13.9 Lev&#237;tico 19.18 tishu juntsa uudennu. 10Uwain estyashu juntsaa vee chachillanu firu' kityu deeve. Tsa' mitya estyan chushu juntsaa, Mois&#233;s' wandya lei naati&#241;uba kumuinchi tsanguendetsuve.</div><div class="p"> 11Tsenmin challa naa-intsu&#241;uba pensangue' kere', &#241;u maali naa-i estyamu ju'ba veelanu bain tsaren estyan chu&#241;u yuj urave, naa kasu'tsu' kipii&#241;u-induba mandenga&#241;aa urave, matyu kaspele ajke' keenguenu uranuya tsanatyuwa deju'ba, challaya livee inu kaledena' mitya. 12Kaspele Cristo jatu yumaa maangumanave; tsa' mitya urajtuuya kentsutyumujchi ma suutadu juu&#241;uu ya' jeru jali manbu' urajtunu vinguen tsanguendu maangama sekuwangue' keena' uraa tene kentsu&#241;aa urave. 13Tsa' mitya decha&#241;u nen tsaisai firu' kentsutyumujchi, ne wa'di' fandangu ke' panda fikes nendu bain firu' kes netyusai, tsenmin ne vi&#241;aa-is netyusai, ne mu'baasa tsa tsa-i' ujcha las netyusai, tsenmin tiba firu' juunu tene ama&#241;andyanu kityusai, naa ne vinban chu bain ityusai, tsenmin kishtyan chutyusai. 14Tsa jutyu' Bale Ruku Jesucristo naaju&#241;uba juntsai tiya&#241;u-i', &#241;ullanu firu' kekaamu pensa tyee kesa tya&#241;uba juntsaaya ke' sundyanu tyatyudei.</div>
 </div>
 </div>
</div>

Naajulaba bale chachilla naadetiñuba meedin chunu dejuve, matyu naaju chachi bale depu'ba Dioschee vi' tsa denañu' mitya. Tsaju' challa pudenashu juntsala Dios tsanguikaañaa depuve. Tsa' mitya mun bale chachilla' uudennu meenguityulaya Diosa' uuden naatiñuba tsanguindetyuve. Tsa' mitya mun entsa uudennu meenguityulaya taaju iwaranu detsuve, matyu naaju bale chachilla depu'ba ura' kemulanu jeetyawaanaa deputyuve; firu' kemulanu jeetyawaanaa depuve. ¿Ñunu bain bale rukulanu jela putyu chunu tenguen? Uwain tsaa chundenmalaya ura' ken chude, tsenmala bale chachilla bain ñunu deechu' kiikemu kurenu detsuve, matyu Dios juntsaa detireñu bale chachi pumulaya ñullanu ura' kemishtinaa depu' mitya. Tsaaren firu' ken dechushu juntsaa, jeetyanu dejuve, matyu yalanu Dios juntsaa tireñu taawasha ken chumiya firu' ken chumulanu taaju iwaanaa depu' mitya. Tsa' mitya bale chachillanu meediñu urave, ne yalanu pañu meetyushu juntsaa, taaju iwaanu dejuve tenñun jujutyu, ñulla' tenbu' pensashan juntsaaya keñu urave tenñaa tsanguidei. Tsenmin tsaju' mityaa deechu' mitya lushi paanguetu bain ñulla yalanaa paanguemu deeve, matyu yala bale chachi pulaya Dios tsaa tireñaa depu' juntsaa taawasha bain kiikendetsuñu' mitya.
Main mainnu naa naakenuu juñuba tsanguidei. Ti' mityaba deechu' mitya lushi paanguekenuu junmalaya paanguenuu juve; tsenmin munaa balengure' keewaanuu juñu bain tsanguenuu juve.

Munuba lushi neenatyudei, veta' veta' estyanu pensa' mityaa nelunañunadei, matyu mun vejan chachillanu estyan chumushu juntsaa yumaa Moisés' wandya lei naa naakide tiñuba tsanguive. Entsanguidei ti' uudenju entsandive: Vee matsaityude, chachiitala tu'tyude, taanguityude, tsaa tadichi tya' tsamantsandya' mutyatyude, tive; tsaju' entsa uuden jumula bain naa kayu vee uuden jumula bain, entsa uudennun tsanguishu juntsaa kumuinchi demeenguikiñuuve: Ñu maali naa-i estyamu ju'ba ñuba kalen chumu chachinu bain juntsai estyade, tishu juntsa uudennu. Uwain estyashu juntsaa vee chachillanu firu' kityu deeve. Tsa' mitya estyan chushu juntsaa, Moisés' wandya lei naatiñuba kumuinchi tsanguendetsuve.
Tsenmin challa naa-intsuñuba pensangue' kere', ñu maali naa-i estyamu ju'ba veelanu bain tsaren estyan chuñu yuj urave, naa kasu'tsu' kipiiñu-induba mandengañaa urave, matyu kaspele ajke' keenguenu uranuya tsanatyuwa deju'ba, challaya livee inu kaledena' mitya. Kaspele Cristo jatu yumaa maangumanave; tsa' mitya urajtuuya kentsutyumujchi ma suutadu juuñuu ya' jeru jali manbu' urajtunu vinguen tsanguendu maangama sekuwangue' keena' uraa tene kentsuñaa urave. Tsa' mitya dechañu nen tsaisai firu' kentsutyumujchi, ne wa'di' fandangu ke' panda fikes nendu bain firu' kes netyusai, tsenmin ne viñaa-is netyusai, ne mu'baasa tsa tsa-i' ujcha las netyusai, tsenmin tiba firu' juunu tene amañandyanu kityusai, naa ne vinban chu bain ityusai, tsenmin kishtyan chutyusai. Tsa jutyu' Bale Ruku Jesucristo naajuñuba juntsai tiyañu-i', ñullanu firu' kekaamu pensa tyee kesa tyañuba juntsaaya ke' sundyanu tyatyudei.

Listen to Romanos 13