Arabela

<div class="version vid519 iso6393arl" data-vid="519" data-iso6393="arl">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jesu samiitiasacariuhua</div><div class="r">(Mt 28.1-10; Mr 16.1-8; Jn 20.1-10)</div><div class="p"> 1Coteenu semaana juucajinia, cuno maajipohuari tariquiicuaji raajiniara quiaquiaari. Nojori cojitijiosano shanohua jaanutaja patootaareeri. 2Nojori tiuquiijiosacari raajinia, saajiajiniji quejasano raa tiootiu niquitiushiiri tariucua tamocora shuuquitishano. 3Naaratej, nojoriiri raaco tiuquitiamaa. Shaaqui quiriquiaari Jiyaniijia Jesu quete. 4Nojoriiri shiriiquirii. Majaari nojori niishiniu quiriquiaa taa nojori miiniutianiyani. Canashiyaquiji caapiqui pueyari nojori shuriucua nujuatuquee. Nojori toqueeri shacantuque quiriquiaa. 5Maajipohuari na puerenuta jiyocuara naniquioree. Cuno canuuri nojori sequeree:</div><div class="p">&#8212;&#191;Casaara nia pajeya saminio pueyano macu niojosaquini? 6Maja tari niya na quiniu. &#161;Tari samiitiarohuano! &#191;Niaateeri tari niyajetaree na sequesano niajaniya, Galilea jiyajinia na quishacarijia? 7Nojuajaari tari nia sequecanucuaja, nojuaja sesa miijiaca niquitiosaanutaniya. Nojoriiri na monutaniya niyacutesanojinia. Na nuhuaji, nojuajaari samiitianutaniuhua jiuujianaraca juucajinia.</div><div class="p"> 8Jiyacaritij, maajipohuari shusha niishiquii tarijia Jesu sequesano nojori. 9Nojori tacatesacariuhua jamajiniji, nojoriiri Jesu once saquiriojosano pueya caminiujiushuhua puetunu niojuanaa, puetunu Jesuucua tiuuniaa pueyajanaanio. 10Cuno maajipohua, Jesu saquiriojosano pueya pohuataquiaariuhuani, nojoriiri nio maajipohua quiquiaari: Mar&#237;a Magdalena, Juana, Santiago nucua Mar&#237;ajuhuaj, socua tamasaca maajipohuanio. 11Jesu once pueyara, maajipohua pohuatasanoori juhua paateca sequesano quiquiaari saaja. Nojoriiri saa cuaracashitiriijiaa maajipohua pohuatanuusano.</div><div class="p"> 12Naajaa, Pedroori tiajiniji netequiaari raajiniara. Raaco na cuuquesacari, saaja Jesu jiuniocotaja cohuajaque toque niquiquiaari maanoori. Pedroori juhua jiuujiaaju tacateyarohua na shiriiquiniutia, na niquishanojiniji, maajipohua pohuatasanojinijinio.</div><div class="s">Jesu tojitianaa pueya niquishacari Jesu, nojori quiasacari Ema&#250;s tiacajiniara</div><div class="r">(Mr 16.12-13)</div><div class="p"> 13Cuno domingo juucaja, caapiqui Jesu pueyari Ema&#250;s tiacajiniara quiojoriquiaa. Ema&#250;s tiacaari querajaa hora quiquiaari Jerusal&#233;n tiacajiniji, niohuacata quiasacari tiriara. 14Nojori quiojosacari nucuaco, nojoriiri Jesujiniji pocoojoriquiaa, mariyata shusha naataja pueya miishanojiniji Jesu. 15Naa nojori pocoojosacari nucuacotej, Jesujuanaari jiyacari nojori rupuesee. Juhuajaniya nojoritia pacutaareeri. 16Majaari nojori niishiniu quiquiaari cana pueyanote cuno quiquiaarini. Nojori namijiaari tojequiaari, maja nojori niishiniuria Jesu. 17Jesuuri nojori nequesotaree:</div><div class="p">&#8212;&#191;Casaa nia pocoojotaacuaani?</div><div class="p">Nojoriiri nujuatuquee. Taraajecoyano niquishaariquiaari.</div><div class="p"> 18Cuno caapiqui pueyanojinijini, tamonu sesa quiquiaari Cleofas. Nojuajaari Jesu riucuaree:</div><div class="p">&#8212;Puetunu pueyajanaacuajaari niishiya casaate Jerusal&#233;n tiacajinia miishaarucuaa taraatiani. Quiaacuajaari Jerusal&#233;n tiacajinia quiquianujuhuaj. &#191;Quiaatucua casaara niishiyaquirini casaate miishaarucuaani?</div><div class="p"> 19Jesuuri nojori nequesotaree:</div><div class="p">&#8212;&#191;Casaate tii miishaarucuaajaarani?</div><div class="p">Jesu sequereeri:</div><div class="p">&#8212;&#161;Nazaret tiacajinijinio Jesuuri mosaarucuaajaj! Nojuajaari Pueyaso sequesano caminiujiunia quiquianu. &#161;Jiyanohua maninia quijiaari na cumaacata na miijiosano, na niishitiojosanojuhuaj! Pueyaso timitiasano quijiaari, puetunu pueya panishanojuanaanio. 20Pueyacuara secojonaa jiyaniijianucua, mariyata pa camarucuaari na niquitiorucuaa Romano jiyaniijia na motesocoriquiano. Niyacutesanojinia mosaarucuaari. 21Canaari juucua jiyaniquianuni, nojuajaari Romano pueya taanuunutaniya, pa Israel pueya quiniuria juhuajaniya tama pajaniyajaaja. Quiarijiani, jiuujianaraca juucaari tari na shoconujiya na mosaanujiniji. 22Tamasaca maajipohua canaa maanujinijinioori canaa shirioree nojori pohuatasanota. Nojoriiri quiarijia tariquiicuaji quiojomaa Jesu raajinia. 23Nojoriiri maja na riuriatanu quishii na quete. Nojori tacatesacariuhua, nojoriiri canaa pohuatasuhua, nojorinia Pueyaso seya niquirii juhua na maquenujinia. &#161;Cuno Pueyaso seyanaari nojori sequeree, Jesu tari samiitiarohua! 24Na nuhuaji, tamasaca canaajinijinioori raajinia quiojiyareejuhuaj. Seetanujuanaa naa quiriquiaari, taa maajipohua sequeree canaacuajani. Maja cutaraari nojori niquiniu quirii Jesu.</div><div class="p"> 25Jiyacaritij, Jesuuri nojori sequeree:</div><div class="p">&#8212;Pueyanaa, majaquiiri juhuanojuaja nia niishiniu. Niaari taacanuyajaa puetunu tariucuacaanu Pueyaso sequesano caminiujiuniaa naajiotasanoocuajanaa nia tiuuniuria. 26&#191;Majateeri naa na pohuatasaanu quiquiaaricuaja: &#8220;Cristoori coteenu naa mosaanutaniyaquij. Na nuhuaji cutara, jiyanohua cumaacaracara quijiara jiyatesaanutaniuhuari Jiyaniijiajanaa na quiniuria&#8221;?</div><div class="p"> 27Jesuuri juhuacatecara nojori niishitiojoree puetunu tariucuacaanu Pueyaso Rupaajinijijianaa, tee nojuajiniji naajiotasano quiyacuajani. Mois&#233;s naajiotasanojiniji pohuatanu coteereeri, na nuhuaji, puetunu Pueyaso sequesano caminiujiuniaa naajiotasanojinijijianaanio.</div><div class="p"> 28Nojori tiuquishacari cuno tiacajinia, terara nojori quiojoriquiaacuajani, Jesuuri juhua shocoriquiano canujuriquiaa. 29Nojoriiri nojoritia na jiyojetenu paniriquiaa jiyanohua. Nojoriiri na sequeree:</div><div class="p">&#8212;&#161;Niyaja canaata quia jiyojere! Paa tari niniyareeni.</div><div class="p">Naaratej, Jesuuri nojoritia jiyojesee cuniqui. 30Jesu jaara nojoritia cajiriquiaa tari miaquejajinia, nojuajaari pan ririi. Nocuara Pueyaso secojoreeri. Nojoriria na neecasereeri. Na nuhuaji, nojori serotareeri. 31Jiyacaritij, nojori namijiaari juhua riatequequee. Jiyacariqui na niishitiuquiiri. Jesuuri saaja shaajequee cuniquijia nojori tajiniji. 32Nojoriiri sequetooree:</div><div class="p">&#8212;&#161;Jesucuajaquiiri quiriquiaa! &#161;Cunora poojiaqui jiyamitia timiriquiaa na pocoojosacari pajaniyata nucuamaji, nojuaja jaara niishitiojoriquiaa pajaniya Pueyaso Rupaajinia naajiotasanotej!</div><div class="p"> 33Jiyacaritij, nojori shuquiriniutia, nojoriiri ritia sanetaquee. Cuniquiji Jerusal&#233;n tiacajiniara tacaretaarohuari. Nojori tiuquishacariuhua, nojoriiri puetunu Jesu once saquiriojosano pueyajanaa riuriatasuhua tii tariucua rerejono, mariyata socua narta Jesu pueyata. 34Tariucua tiajinia quiniaari Ema&#250;s tiacajiniji tiuquiijionaa sequeree:</div><div class="p">&#8212;&#161;Pa Jiyaniijiaqui seetanujuanaa samiitiarohua! &#161;Sim&#243;nri na niquirii!</div><div class="p"> 35Na nuhuaji, shusha tiuquiijionaari nojori pohuatareejuhuaj, taa Jesu pocoojoriquiaa nojoritiani, nucuaco nojori quiasacari, mariyata taa nojori niishirii nojuajani, pan na neecasesacari nojoriria.</div><div class="s">Jesu muetasacariuhua na saquiriojosano pueyacua</div><div class="r">(Mt 28.16-20; Mr 16.14-18; Jn 20.19-23)</div><div class="p"> 36Nojori pocoojosacarijia nojori niquishanojiniji Jesu, jiyacaritij, Jesujuanaari canashiyaquiji nojori tajinia nujuaquee. Naa nojori sequereeri:</div><div class="p">&#8212;&#191;Niaate quiyajaa? Nioojia nia cajitiri.</div><div class="p"> 37Nojoriiri shiriiquitiuquii. Jiyanohua puereturiquiaari. Nojoriiri Jesu jiyaniriquiaa naaqui. 38Jesuuri nojori sequeree:</div><div class="p">&#8212;&#191;Casaara nia pueretiuyani? &#191;Casaara nia jiyajenetaa janiyani? 39Cua juaashiquia nia niquiri, cua niohuacanio, nia niishiniuria janiyacuajaari quiyani. &#161;Cua cootiuri! &#161;Cua niquitiuri! Naaquiiri maja cuaqueyaraca, maja nucuhuaraca taa nia niquiya janiyacuajani.</div><div class="p"> 40Naa nojori na sequesacaritij, Jesuuri nojori niquitijioree na juaashiquia, na niohuacanio. 41Puera nojori jiuujiatesacari, puera nojori shuquirishacarijiuhuaj, nojoriiri taacanuuriquiaajaa, maja naasucua Jesu. Cunora, Jesuuri nojori sequeree:</div><div class="p">&#8212;&#191;Niaate miaquesocoriquiano jiitiaacuaa?</div><div class="p"> 42Nojoriiri Jesu niquitioree sapitiaaja raqui caquishano. 43Jesuuri na maseree. Nojori niquiara na miaquereeri. 44Na nuhuaji, nojori sequereeri:</div><div class="p">&#8212;Janiyari naa miishaarucuaani taa cua pohuataquiaari niajaniyacuajani, pueyaracaanu niaata cua quishacari tarijia. Nia sequequiaaricuajanijia, janiyari naa miishaanutaniyani, taa Mois&#233;s naajiotaquiaari janiyajinijicuajani. Puetunu Pueyaso sequesano caminiujiuniaajanaari janiyajiniji naajionuutaquiaarijiuhuaj. Supuetana Davidri janiyajiniji naajiotaquiaarijiuhua na jaaquequejoneejinia. Quiarijia tari tohuateerucuaari puetunu janiyajiniji cuno naajionuutasanojuanaa.</div><div class="p"> 45Jiyacaritij, Jesuuri nojori niishitirii tariucuacaanu Pueyaso Rupaa naajiotasano. 46Nojori sequereeri:</div><div class="p">&#8212;Tariucuacaanu naa naajiotasanoori quiya: &#8220;Pueyaso Jiyarosocoriquianoori mosaariquiano, na nuhuaji, jiuujianaraca juucajinia samiitianutaniuhuari&#8221;. 47Naa naajiotasaaquiaarijiuhuaj, Jerusal&#233;n tiacajinia, janiyajinijiiri pohuatasaanutaniya pueya niquiara, na nuhuaji puetunu jiyacajiniajanaanio. Pueya tiuushacari cucua, nojori jaara noojiaca tacatorohua sesa nojori miiniujiniji, sesa nojori miishanoori tuujusaanutaniya, Pueyaso jiyanooshacari nojori. 48Niaacuajaari puetunu cua miishanojuanaa niquijiaca. 49Cua tojitiare. Janiya jaara jiyocuacaanu quiaarohua cua Queecuani, janiyari Pueyaso Sohuanu jiyaronutaniya niaacuani, taa cua Que sequequiaaricuajani. Niyaja pootia nia quiri Jerusal&#233;n tiacajiniani, niaa jaara jiyocuacaanuji niriquiano cumaaca maserejaatijia.</div><div class="s">Jiyocuacaanu Jesu tacasacariuhua</div><div class="r">(Mr 16.19-20)</div><div class="p"> 50Na nuhuaji, Jesuuri nojori jiyataquiaari Jerusal&#233;n tiacajiniji, Betania tiacajiniara. Cuniqui nojori quishacarijia, Jesuuri na juaashiquia shiitioquiaari nojoriicuara na secojosacari Pueyaso, Pueyaso jiitianura maninia pueyaracaanu nojori. 51Nojoriicuara na secojosacarijia, Jesuuri nojori shuriucuaji tacanishaaquiaari jiyocuacaanu. 52Nojoriiri na shuquiritiaree. Na nuhuaji, nojoriiri Jerusal&#233;n tiacajinia panaatia tacateyarohua. Nojoriiri jiyanohua shuquiriaatia quiriquiaa. 53Nojoriiri pueyaracaanu quijia Pueyaso Secojojua tiajinia. Tii Pueyaso maniniuhuaqueetatujua pueyaracaanuuri. Tariucuaja.</div>
 </div>
 </div>
</div>

Coteenu semaana juucajinia, cuno maajipohuari tariquiicuaji raajiniara quiaquiaari. Nojori cojitijiosano shanohua jaanutaja patootaareeri. Nojori tiuquiijiosacari raajinia, saajiajiniji quejasano raa tiootiu niquitiushiiri tariucua tamocora shuuquitishano. Naaratej, nojoriiri raaco tiuquitiamaa. Shaaqui quiriquiaari Jiyaniijia Jesu quete. Nojoriiri shiriiquirii. Majaari nojori niishiniu quiriquiaa taa nojori miiniutianiyani. Canashiyaquiji caapiqui pueyari nojori shuriucua nujuatuquee. Nojori toqueeri shacantuque quiriquiaa. Maajipohuari na puerenuta jiyocuara naniquioree. Cuno canuuri nojori sequeree:
—¿Casaara nia pajeya saminio pueyano macu niojosaquini? Maja tari niya na quiniu. ¡Tari samiitiarohuano! ¿Niaateeri tari niyajetaree na sequesano niajaniya, Galilea jiyajinia na quishacarijia? Nojuajaari tari nia sequecanucuaja, nojuaja sesa miijiaca niquitiosaanutaniya. Nojoriiri na monutaniya niyacutesanojinia. Na nuhuaji, nojuajaari samiitianutaniuhua jiuujianaraca juucajinia.
Jiyacaritij, maajipohuari shusha niishiquii tarijia Jesu sequesano nojori. Nojori tacatesacariuhua jamajiniji, nojoriiri Jesu once saquiriojosano pueya caminiujiushuhua puetunu niojuanaa, puetunu Jesuucua tiuuniaa pueyajanaanio. Cuno maajipohua, Jesu saquiriojosano pueya pohuataquiaariuhuani, nojoriiri nio maajipohua quiquiaari: María Magdalena, Juana, Santiago nucua Maríajuhuaj, socua tamasaca maajipohuanio. Jesu once pueyara, maajipohua pohuatasanoori juhua paateca sequesano quiquiaari saaja. Nojoriiri saa cuaracashitiriijiaa maajipohua pohuatanuusano.
Naajaa, Pedroori tiajiniji netequiaari raajiniara. Raaco na cuuquesacari, saaja Jesu jiuniocotaja cohuajaque toque niquiquiaari maanoori. Pedroori juhua jiuujiaaju tacateyarohua na shiriiquiniutia, na niquishanojiniji, maajipohua pohuatasanojinijinio.


Cuno domingo juucaja, caapiqui Jesu pueyari Emaús tiacajiniara quiojoriquiaa. Emaús tiacaari querajaa hora quiquiaari Jerusalén tiacajiniji, niohuacata quiasacari tiriara. Nojori quiojosacari nucuaco, nojoriiri Jesujiniji pocoojoriquiaa, mariyata shusha naataja pueya miishanojiniji Jesu. Naa nojori pocoojosacari nucuacotej, Jesujuanaari jiyacari nojori rupuesee. Juhuajaniya nojoritia pacutaareeri. Majaari nojori niishiniu quiquiaari cana pueyanote cuno quiquiaarini. Nojori namijiaari tojequiaari, maja nojori niishiniuria Jesu. Jesuuri nojori nequesotaree:
—¿Casaa nia pocoojotaacuaani?
Nojoriiri nujuatuquee. Taraajecoyano niquishaariquiaari.
Cuno caapiqui pueyanojinijini, tamonu sesa quiquiaari Cleofas. Nojuajaari Jesu riucuaree:
—Puetunu pueyajanaacuajaari niishiya casaate Jerusalén tiacajinia miishaarucuaa taraatiani. Quiaacuajaari Jerusalén tiacajinia quiquianujuhuaj. ¿Quiaatucua casaara niishiyaquirini casaate miishaarucuaani?
Jesuuri nojori nequesotaree:
—¿Casaate tii miishaarucuaajaarani?
Jesu sequereeri:
—¡Nazaret tiacajinijinio Jesuuri mosaarucuaajaj! Nojuajaari Pueyaso sequesano caminiujiunia quiquianu. ¡Jiyanohua maninia quijiaari na cumaacata na miijiosano, na niishitiojosanojuhuaj! Pueyaso timitiasano quijiaari, puetunu pueya panishanojuanaanio. Pueyacuara secojonaa jiyaniijianucua, mariyata pa camarucuaari na niquitiorucuaa Romano jiyaniijia na motesocoriquiano. Niyacutesanojinia mosaarucuaari. Canaari juucua jiyaniquianuni, nojuajaari Romano pueya taanuunutaniya, pa Israel pueya quiniuria juhuajaniya tama pajaniyajaaja. Quiarijiani, jiuujianaraca juucaari tari na shoconujiya na mosaanujiniji. Tamasaca maajipohua canaa maanujinijinioori canaa shirioree nojori pohuatasanota. Nojoriiri quiarijia tariquiicuaji quiojomaa Jesu raajinia. Nojoriiri maja na riuriatanu quishii na quete. Nojori tacatesacariuhua, nojoriiri canaa pohuatasuhua, nojorinia Pueyaso seya niquirii juhua na maquenujinia. ¡Cuno Pueyaso seyanaari nojori sequeree, Jesu tari samiitiarohua! Na nuhuaji, tamasaca canaajinijinioori raajinia quiojiyareejuhuaj. Seetanujuanaa naa quiriquiaari, taa maajipohua sequeree canaacuajani. Maja cutaraari nojori niquiniu quirii Jesu.
Jiyacaritij, Jesuuri nojori sequeree:
—Pueyanaa, majaquiiri juhuanojuaja nia niishiniu. Niaari taacanuyajaa puetunu tariucuacaanu Pueyaso sequesano caminiujiuniaa naajiotasanoocuajanaa nia tiuuniuria. ¿Majateeri naa na pohuatasaanu quiquiaaricuaja: “Cristoori coteenu naa mosaanutaniyaquij. Na nuhuaji cutara, jiyanohua cumaacaracara quijiara jiyatesaanutaniuhuari Jiyaniijiajanaa na quiniuria”?
Jesuuri juhuacatecara nojori niishitiojoree puetunu tariucuacaanu Pueyaso Rupaajinijijianaa, tee nojuajiniji naajiotasano quiyacuajani. Moisés naajiotasanojiniji pohuatanu coteereeri, na nuhuaji, puetunu Pueyaso sequesano caminiujiuniaa naajiotasanojinijijianaanio.
Nojori tiuquishacari cuno tiacajinia, terara nojori quiojoriquiaacuajani, Jesuuri juhua shocoriquiano canujuriquiaa. Nojoriiri nojoritia na jiyojetenu paniriquiaa jiyanohua. Nojoriiri na sequeree:
—¡Niyaja canaata quia jiyojere! Paa tari niniyareeni.
Naaratej, Jesuuri nojoritia jiyojesee cuniqui. Jesu jaara nojoritia cajiriquiaa tari miaquejajinia, nojuajaari pan ririi. Nocuara Pueyaso secojoreeri. Nojoriria na neecasereeri. Na nuhuaji, nojori serotareeri. Jiyacaritij, nojori namijiaari juhua riatequequee. Jiyacariqui na niishitiuquiiri. Jesuuri saaja shaajequee cuniquijia nojori tajiniji. Nojoriiri sequetooree:
—¡Jesucuajaquiiri quiriquiaa! ¡Cunora poojiaqui jiyamitia timiriquiaa na pocoojosacari pajaniyata nucuamaji, nojuaja jaara niishitiojoriquiaa pajaniya Pueyaso Rupaajinia naajiotasanotej!
Jiyacaritij, nojori shuquiriniutia, nojoriiri ritia sanetaquee. Cuniquiji Jerusalén tiacajiniara tacaretaarohuari. Nojori tiuquishacariuhua, nojoriiri puetunu Jesu once saquiriojosano pueyajanaa riuriatasuhua tii tariucua rerejono, mariyata socua narta Jesu pueyata. Tariucua tiajinia quiniaari Emaús tiacajiniji tiuquiijionaa sequeree:
—¡Pa Jiyaniijiaqui seetanujuanaa samiitiarohua! ¡Simónri na niquirii!
Na nuhuaji, shusha tiuquiijionaari nojori pohuatareejuhuaj, taa Jesu pocoojoriquiaa nojoritiani, nucuaco nojori quiasacari, mariyata taa nojori niishirii nojuajani, pan na neecasesacari nojoriria.


Nojori pocoojosacarijia nojori niquishanojiniji Jesu, jiyacaritij, Jesujuanaari canashiyaquiji nojori tajinia nujuaquee. Naa nojori sequereeri:
—¿Niaate quiyajaa? Nioojia nia cajitiri.
Nojoriiri shiriiquitiuquii. Jiyanohua puereturiquiaari. Nojoriiri Jesu jiyaniriquiaa naaqui. Jesuuri nojori sequeree:
—¿Casaara nia pueretiuyani? ¿Casaara nia jiyajenetaa janiyani? Cua juaashiquia nia niquiri, cua niohuacanio, nia niishiniuria janiyacuajaari quiyani. ¡Cua cootiuri! ¡Cua niquitiuri! Naaquiiri maja cuaqueyaraca, maja nucuhuaraca taa nia niquiya janiyacuajani.
Naa nojori na sequesacaritij, Jesuuri nojori niquitijioree na juaashiquia, na niohuacanio. Puera nojori jiuujiatesacari, puera nojori shuquirishacarijiuhuaj, nojoriiri taacanuuriquiaajaa, maja naasucua Jesu. Cunora, Jesuuri nojori sequeree:
—¿Niaate miaquesocoriquiano jiitiaacuaa?
Nojoriiri Jesu niquitioree sapitiaaja raqui caquishano. Jesuuri na maseree. Nojori niquiara na miaquereeri. Na nuhuaji, nojori sequereeri:
—Janiyari naa miishaarucuaani taa cua pohuataquiaari niajaniyacuajani, pueyaracaanu niaata cua quishacari tarijia. Nia sequequiaaricuajanijia, janiyari naa miishaanutaniyani, taa Moisés naajiotaquiaari janiyajinijicuajani. Puetunu Pueyaso sequesano caminiujiuniaajanaari janiyajiniji naajionuutaquiaarijiuhuaj. Supuetana Davidri janiyajiniji naajiotaquiaarijiuhua na jaaquequejoneejinia. Quiarijia tari tohuateerucuaari puetunu janiyajiniji cuno naajionuutasanojuanaa.
Jiyacaritij, Jesuuri nojori niishitirii tariucuacaanu Pueyaso Rupaa naajiotasano. Nojori sequereeri:
—Tariucuacaanu naa naajiotasanoori quiya: “Pueyaso Jiyarosocoriquianoori mosaariquiano, na nuhuaji, jiuujianaraca juucajinia samiitianutaniuhuari”. Naa naajiotasaaquiaarijiuhuaj, Jerusalén tiacajinia, janiyajinijiiri pohuatasaanutaniya pueya niquiara, na nuhuaji puetunu jiyacajiniajanaanio. Pueya tiuushacari cucua, nojori jaara noojiaca tacatorohua sesa nojori miiniujiniji, sesa nojori miishanoori tuujusaanutaniya, Pueyaso jiyanooshacari nojori. Niaacuajaari puetunu cua miishanojuanaa niquijiaca. Cua tojitiare. Janiya jaara jiyocuacaanu quiaarohua cua Queecuani, janiyari Pueyaso Sohuanu jiyaronutaniya niaacuani, taa cua Que sequequiaaricuajani. Niyaja pootia nia quiri Jerusalén tiacajiniani, niaa jaara jiyocuacaanuji niriquiano cumaaca maserejaatijia.


Na nuhuaji, Jesuuri nojori jiyataquiaari Jerusalén tiacajiniji, Betania tiacajiniara. Cuniqui nojori quishacarijia, Jesuuri na juaashiquia shiitioquiaari nojoriicuara na secojosacari Pueyaso, Pueyaso jiitianura maninia pueyaracaanu nojori. Nojoriicuara na secojosacarijia, Jesuuri nojori shuriucuaji tacanishaaquiaari jiyocuacaanu. Nojoriiri na shuquiritiaree. Na nuhuaji, nojoriiri Jerusalén tiacajinia panaatia tacateyarohua. Nojoriiri jiyanohua shuquiriaatia quiriquiaa. Nojoriiri pueyaracaanu quijia Pueyaso Secojojua tiajinia. Tii Pueyaso maniniuhuaqueetatujua pueyaracaanuuri. Tariucuaja.

Listen to Lucas 24