Awajun New Testament Drama ℗ 2013 Hosanna

Awajun - 2013 Edition (NT) Drama

<div class="version vid515 iso6393agr" data-vid="515" data-iso6393="agr">
 <div class="book bkREV">
 <div class="chapter ch6" data-usfm="REV.6">
 <div class="label">6</div><div class="s">Siete sello aidau</div><div class="p"> 1Wainkabiajai siete sello aina nuiyan Uwig makichik ujattaman, nuigtush antukbaijai cuatro iwaaku aina nuiya makichik ipamat wajukeama imatuk: &#8220;&#161;Tant&#225; diist&#225;!&#8221;, tujutun. 2Takui diikman makichik caballo pujun wainkabiajai; nui entsatka duka makichik nagk&#237; takakuyi, nuigtush corona susamuyi, nigka depetmaku asa ataktush depetmaktatus jiinkibi.</div><div class="p"> 3Nunikmatai jimaja juna sellon Uwig ujaibi, nuniai iwaaku aina nuiya jimaja nu chichagtak: &#8220;&#161;Tant&#225; diist&#225;!&#8221;, tujutmayi. 4Taig tikich caballo kapantaku jiinkibi; nui entsatka duka senchi susamuyi ash&#237; aents aidaun maanimitkati dutikamu asa pempee pempeentuniki mantamdaitinme nuninak agkan batsatbauk atsuti tusa, nuigtush espada esagman susami.</div><div class="p"> 5Kampatum selloa juna Uwig ujaibi, nuniai iwaaku aina nuiya kampatuma ju untsujuk: &#8220;&#161;Tant&#225; diist&#225;!&#8221;, tujutmayi. Tujutkui diikman, caballo bukusean wainkabiajai; nui entsatka duka balanza takakuyi. 6Nuniai cuatro iwaaku aina nuiya ejapenia chichaak: &#8220;Makichik tsawan takasbauwai makichik kilo trigon jukiagtinai, tuja makichik tsawan takasbauwai kampatum kilo cebada suwam agtinai. Tujash aceite, vino aina duka emeskaipa&#8221;, taun antukbaijai.</div><div class="p"> 7Cuatro selloa nuna Uwig ujaibi, nuniai iwaaku aina nuiya cuatroa nu untsujuk: &#161;Tant&#225; diist&#225;!, tujutmayi. 8Tujutkui diikman caballo yampia wajas wajaun wainkamiajai, nui entsatka nuna daajig Jata tutaiyayi, nunak Hades#6.8 Diist&#225; Mt. 11.23. pataetakuyi; Caballonum entsatka duka senchi susamuyi, ash&#237; aents nugkanmaya aina nuna jimaitukjiya nuna jimaituken maanimtikak ijinati, nujantai, jataishkam, kuntin kajen nugk&#225; batsata nunashkam tusa.</div><div class="p"> 9Cinco selloa nuna Uwig ujaibi, dutikamtai wainkabiajai, altara wakentin Apaju&#237; chichame etsegbaunum, nuigt&#250; pegkejan iwainmamaidau asamtai waitkasa maamu aidau wakan&#237; ijuntatman. 10Nun&#250; aidau senchi untsukag: &#8220;Apuh pegkegmah, dekaskenum chichauwah, &#191;wajupa asamea nugkanmaya iina mantamawajua dusha ikmatkagtuktatme?&#8221; awajiagmayi. 11Nun&#250; aidaunak jaanch puju aidaun mak&#237; makichik susagmayi, dutika: Ujumak tsawan ayamkujum dakastajum, atumin mantamawajua imatiksag yatsum aidaunash Apajuin takajiagtai maawag betek awasatnume, timayi.</div><div class="p"> 12Seis selloa nuna Uwig ujaibi, dutikamtai wainkabiajai senchi uugbaun; nuniai etsag bukusea, jakamunum jaanchin bukusea nugkuwajama iman wajasmayi, nantushkam kapantu numpa numamtin wajasmayi; 13nunisag nayaimpinmaya yaya aidaushkam, higuera nejee dase senchi pegam kakegama numamtuk nugk&#225; kakeyagmayi. 14Nayaimpishkam pap&#237; pempeaja jutayama numamtuk megkaekabi, ash&#237; muja aidauk, ajuntai aidaujai pachimdaegak patamsabi. 15Imanitai nugkanmaya rey aidau, aents eme anentai aidau, wiakuch aidau, capit&#225;n aidau, senchigtin aidau, nuigt&#250; ash&#237; inatai aidau, inashtai aidaushkam, muja kaya waa aidaunum uumkagmayi; 16nunikag mujan, untsuinak: &#8220;Yutujatuam uujatkakia, Apaju&#237; nayaimpinum ekeemtaijin eketa au waipakai, Uwig suwimkan sujamsai; 17wagki ni kajek&#225; suwimak sukagtamuk tsawantak jegae, makichkish yamaik suwimkanak uwemtumain ainatsui&#8221;, wajagmayi.</div>
 </div>
 </div>
</div>

Wainkabiajai siete sello aina nuiyan Uwig makichik ujattaman, nuigtush antukbaijai cuatro iwaaku aina nuiya makichik ipamat wajukeama imatuk: “¡Tantá diistá!”, tujutun. Takui diikman makichik caballo pujun wainkabiajai; nui entsatka duka makichik nagkí takakuyi, nuigtush corona susamuyi, nigka depetmaku asa ataktush depetmaktatus jiinkibi.
Nunikmatai jimaja juna sellon Uwig ujaibi, nuniai iwaaku aina nuiya jimaja nu chichagtak: “¡Tantá diistá!”, tujutmayi. Taig tikich caballo kapantaku jiinkibi; nui entsatka duka senchi susamuyi ashí aents aidaun maanimitkati dutikamu asa pempee pempeentuniki mantamdaitinme nuninak agkan batsatbauk atsuti tusa, nuigtush espada esagman susami.
Kampatum selloa juna Uwig ujaibi, nuniai iwaaku aina nuiya kampatuma ju untsujuk: “¡Tantá diistá!”, tujutmayi. Tujutkui diikman, caballo bukusean wainkabiajai; nui entsatka duka balanza takakuyi. Nuniai cuatro iwaaku aina nuiya ejapenia chichaak: “Makichik tsawan takasbauwai makichik kilo trigon jukiagtinai, tuja makichik tsawan takasbauwai kampatum kilo cebada suwam agtinai. Tujash aceite, vino aina duka emeskaipa”, taun antukbaijai.
Cuatro selloa nuna Uwig ujaibi, nuniai iwaaku aina nuiya cuatroa nu untsujuk: ¡Tantá diistá!, tujutmayi. Tujutkui diikman caballo yampia wajas wajaun wainkamiajai, nui entsatka nuna daajig Jata tutaiyayi, nunak Hades pataetakuyi; Caballonum entsatka duka senchi susamuyi, ashí aents nugkanmaya aina nuna jimaitukjiya nuna jimaituken maanimtikak ijinati, nujantai, jataishkam, kuntin kajen nugká batsata nunashkam tusa.
Cinco selloa nuna Uwig ujaibi, dutikamtai wainkabiajai, altara wakentin Apajuí chichame etsegbaunum, nuigtú pegkejan iwainmamaidau asamtai waitkasa maamu aidau wakaní ijuntatman. Nunú aidau senchi untsukag: “Apuh pegkegmah, dekaskenum chichauwah, ¿wajupa asamea nugkanmaya iina mantamawajua dusha ikmatkagtuktatme?” awajiagmayi. Nunú aidaunak jaanch puju aidaun makí makichik susagmayi, dutika: Ujumak tsawan ayamkujum dakastajum, atumin mantamawajua imatiksag yatsum aidaunash Apajuin takajiagtai maawag betek awasatnume, timayi.
Seis selloa nuna Uwig ujaibi, dutikamtai wainkabiajai senchi uugbaun; nuniai etsag bukusea, jakamunum jaanchin bukusea nugkuwajama iman wajasmayi, nantushkam kapantu numpa numamtin wajasmayi; nunisag nayaimpinmaya yaya aidaushkam, higuera nejee dase senchi pegam kakegama numamtuk nugká kakeyagmayi. Nayaimpishkam papí pempeaja jutayama numamtuk megkaekabi, ashí muja aidauk, ajuntai aidaujai pachimdaegak patamsabi. Imanitai nugkanmaya rey aidau, aents eme anentai aidau, wiakuch aidau, capitán aidau, senchigtin aidau, nuigtú ashí inatai aidau, inashtai aidaushkam, muja kaya waa aidaunum uumkagmayi; nunikag mujan, untsuinak: “Yutujatuam uujatkakia, Apajuí nayaimpinum ekeemtaijin eketa au waipakai, Uwig suwimkan sujamsai; wagki ni kajeká suwimak sukagtamuk tsawantak jegae, makichkish yamaik suwimkanak uwemtumain ainatsui”, wajagmayi.

Listen to (Apocalipsis) 6