New Testament in Saint Lucian Creole French (Saint Lucian Creole French New Testament)

Tèstèman nèf-la: Épi an posyòn an liv samz-la

<div class="version vid510 iso6393acf" data-vid="510" data-iso6393="acf">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">V&#232;v-la &#200;k Jij-la</div><div class="p"> 1J&#233;zi di s&#233; disip li-a on pawab&#242;l pou moutw&#233; yo ki yo ni pou kontin&#233; pw&#233;dy&#233; san d&#233;konp&#242;t&#233;. 2I di, &#8220;La t&#233; ni yon jij adan yon s&#232;ten vil ki pa t&#233; ka w&#232;sp&#232;kt&#233; ni Bondy&#233; ni l&#233;z&#242;m. 3&#200;k la t&#233; ni yon madanm mawi&#700;y t&#233; ja m&#242;, i t&#233; ka w&#232;st&#233; an menm vil-la. I t&#233; ka toujou vini oti jij-la. I di&#700;y, &#8216;L&#232;lmi mwen ka pwan lavantay anl&#232; mwen. Mwen vl&#233; ou ban mwen jistis.&#8217;</div><div class="p"> 4&#8220;Pou an chay tan jij-la wifiz&#233; &#233;d&#233;&#700;y. M&#233; yon jou jij-la di bay k&#242;&#700;y, &#8216;Menm si mwen pa ka w&#232;sp&#232;kt&#233; ni Bondy&#233; ni l&#233;z&#242;m, 5m&#233; pou anb&#233;t&#233; madanm sala ja anb&#233;t&#233; mwen, mwen kay w&#232; ki i jwenn jistis. Si pa sa i kay kontin&#233; ka ban mwen twaka jis tan i kay f&#232; mwen las.&#8217; &#8221;</div><div class="p"> 6&#200;k J&#233;zi kontin&#233; ka di yo, &#8220;Kout&#233; sa mov&#233; jij-la di. 7&#200;s ou pa kw&#232; Bondy&#233; ki bon kay &#233;d&#233; s&#233; moun-an i ja chwazi-a ki ka pl&#233;w&#233; ba li lannwit &#232;k jou? &#200;s i kay pwan tan pou i &#233;d&#233; yo? 8Mwen ka di&#700;w i kay &#233;d&#233; yo &#232;k i kay f&#232;&#700;y byen vit. M&#233; &#232;s si mwen, Gason L&#233;z&#242;m, kay jwenn moun asou lat&#232; ki ka kw&#232; an mwen l&#232; mwen witounen?&#8221;</div><div class="s1">Fawizyen-an &#200;k Nonm-lan Ki Ka Anmas&#233; Taks-la</div><div class="p"> 9J&#233;zi di pawab&#242;l sala bay s&#233; moun-an ki asiw&#233; yo dw&#232;t douvan Bondy&#233; &#232;k yo kw&#232; yo bon pas&#233; tout l&#233;z&#242;t moun. 10I di, &#8220;D&#233; nonm al&#233; an Kay Bondy&#233; pou yo pw&#233;dy&#233;. Yonn s&#233;t&#233; yon Fawizyen &#232;k l&#242;t-la s&#233;t&#233; yon nonm ki t&#233; ka anmas&#233; taks bay gouv&#232;dman-an. 11Fawizyen-an doubout pa k&#242;&#700;y &#232;k i pw&#233;dy&#233;, &#8216;Bondy&#233;, mwen ka wim&#232;sy&#233;&#700;w paski mwen pa vowas, b&#242;b&#242;lis &#233;ben yon adilt&#232; kon tout l&#233;z&#242;t moun. Mwen ka wim&#232;sy&#233;&#700;w paski mwen pa yon p&#233;ch&#232; kon nonm sala ki ka anmas&#233; taks-la. 12Mwen ka w&#232;st&#233; san manj&#233; d&#233; fwa pa simenn &#232;k mwen ka bay Bondy&#233; dis pou san an tout sa mwen ni.&#8217;</div><div class="p"> 13&#8220;M&#233; nonm-lan ki ka anmas&#233; taks-la doubout yon bon distans &#232;k i pa menm l&#233;v&#233; zy&#233;&#700;y anl&#232;, m&#233; pito i bat l&#232;stonmak li paski i t&#233; an twist&#232;s &#232;k i di, &#8216;Bondy&#233;, ni pity&#233; anl&#232; mwen, mwen s&#233; yon p&#233;ch&#232;.&#8217; &#8221;</div><div class="p"> 14J&#233;zi di, &#8220;Mwen ka di&#700;w, Bondy&#233; pawdonnen d&#233;zyenm nonm-lan avan nonm sala al&#233; lakay li, m&#233; i pa pawdonnen Fawizyen-an. Paski moun-an ki l&#233;v&#233; k&#242;&#700;y mout&#233;-a kay ab&#233;s&#233;, &#232;k moun-an ki ab&#233;s&#233; k&#242;&#700;y-la kay l&#233;v&#233; mout&#233;.&#8221;</div><div class="s1">J&#233;zi &#200;k S&#233; Ti Manmay-la</div><div class="r">(Mafyou 19:13-15; Mak 10:13-16)</div><div class="p"> 15Yon konpanni moun mennen ti manmay yo bay J&#233;zi pou i t&#233; m&#233;t&#233; lanmen&#700;y anl&#232; yo &#232;k benni yo. M&#233; s&#233; disip-la w&#232; yo &#232;k yo di s&#233; moun-an pa kit&#233; s&#233; ti manmay sala anb&#233;t&#233; m&#232;t-la. 16M&#233; J&#233;zi kwiy&#233; s&#233; ti manmay-la pou yo vini jwenn li &#232;k i di, &#8220;Kit&#233; s&#233; ti manmay-la vini jwenn mwen, &#233;pi pa anp&#233;ch&#233; yo, paski s&#233; moun ki kon s&#233; ti manmay sala Bondy&#233; kay kondwi. 17Chonj&#233; sa, moun-an ki pa swiv kondwit Bondy&#233; kon yon ti manmay pa kay janmen swiv kondwit Bondy&#233; py&#232;s.&#8221;</div><div class="s1">J&#233;zi &#200;k Nonm Wich-la</div><div class="r">(Mafyou 19:16-30; Mak 10:17-31)</div><div class="p"> 18La t&#233; ni yon nonm ki t&#233; ni pouvwa anpami s&#233; Jwif-la. I vini oti J&#233;zi. I di, &#8220;Bon m&#232;t, ki sa mwen ni pou f&#232; pou mwen p&#233; &#233;wity&#233; lavi &#233;tonn&#232;l?&#8221;</div><div class="p"> 19J&#233;zi mand&#233;&#700;y, &#8220;&#200;s ou sav sa ou ka di-a l&#232; ou kwiy&#233; mwen &#8216;bon&#8217;? Yon s&#232;l moun ki bon s&#233; Bondy&#233;. 20&#200;s ou konn&#232;t konmandman-an? Pa f&#232; adilt&#232;, pa tjw&#233;, pa v&#242;l&#232;, pa p&#242;t&#233; fo t&#233;mwen, p&#242;t&#233; manman&#700;w &#233;pi papa&#700;w w&#232;sp&#233;.&#8221;</div><div class="p"> 21I w&#233;ponn, &#8220;D&#233;pi mwen piti, mwen ka f&#232; tout s&#233; bagay sala.&#8221;</div><div class="p"> 22J&#233;zi di&#700;y, &#8220;Ou ka mantj&#233; yon s&#232;l bagay. Vann sa ou ni, pwan lajan-an &#232;k s&#233;paw&#233;&#700;y bay l&#233; p&#242;v &#232;k ou kay ni tw&#233;z&#242; an sy&#232;l. &#200;k vini swiv mwen.&#8221;</div><div class="p"> 23L&#232; i tann sa, sa f&#232;&#700;y lapenn paski i t&#233; byen wich. 24J&#233;zi w&#232; i t&#233; an twist&#232;s &#232;k i di&#700;y, &#8220;I byen difisil pou yon nonm ki wich f&#232; lid&#233;&#700;y pou kit&#233; Bondy&#233; kondwi lavi&#700;y. 25I pli &#233;z&#233; pou yon kanm&#232;l antw&#233; an zy&#233; yon z&#233;djwi pas&#233; pou yon nonm wich aks&#232;pt&#233; Bondy&#233; kon yon wa pou li.&#8221;</div><div class="p"> 26L&#232; s&#233; moun-an tann sa yo di, &#8220;Sa vl&#233; di py&#232;s moun pa sa jwenn salvasyon!&#8221;#18:26 &#8220;Sa vl&#233; di py&#232;s moun pa sa jwenn salvasyon!&#8221; Yo t&#233; ni w&#232;sp&#233; pou l&#233; wicha &#232;k yo t&#233; kw&#232; ki si yon moun ki wich pa t&#233; sa twap&#233; salvasyon, py&#232;sonn pa t&#233; kay sa twap&#233;&#700;y.</div><div class="p"> 27J&#233;zi w&#233;ponn, &#8220;Bondy&#233; sa f&#232; sa moun pa sa f&#232;.&#8221;</div><div class="p"> 28Pita di, &#8220;Gad&#233;, nou kit&#233; kay nou &#232;k tout sa nou ni pou nou swiv ou.&#8221;</div><div class="p"> 29J&#233;zi di yo, &#8220;Wi &#232;k mwen ka di z&#242;t sa, n&#233;p&#242;t moun ki kit&#233; kay li &#233;ben madanm li &#233;ben fw&#232;&#700;y &#233;ben manman&#700;y &#232;k papa&#700;y &#233;ben ich li pou i s&#232;vi anba kondwit Bondy&#233;, 30i kay wisivw&#232; an chay plis viw&#233; an lat&#232; sala, &#232;k i kay wisivw&#232; lavi &#233;tonn&#232;l an lat&#232;-a ki kay vini-an.&#8221;</div><div class="s1">J&#233;zi Ka Pal&#233; Pou Twazyenm Fwa Kons&#232;n&#233; Lanm&#242;&#700;y</div><div class="r">(Mafyou 20:17-19; Mak 10:32-34)</div><div class="p"> 31J&#233;zi pwan s&#233; douz disip-la apa &#233;pi i di yo, &#8220;Kout&#233;, nou ka al&#233; J&#233;rouzal&#232;m kot&#233; tout s&#233; bagay-la s&#233; pw&#242;f&#232;t-la &#233;kwi kons&#232;n&#233; mwen, Gason L&#233;z&#242;m-lan, kay vini vw&#233;. 32Mwen kay tonb&#233; anba pouvwa lanmen moun l&#242;t nasyon, yo kay pwan mwen s&#232;vi papicho, yo kay ensilt&#233; mwen &#232;k kwach&#233; anl&#232; mwen. 33Yo kay bat mwen &#232;k tjw&#233; mwen, m&#233; anl&#232; twazyenm jou-a mwen kay w&#233;sisit&#233;.&#8221; 34M&#233; s&#233; disip-la pa t&#233; sa konpwann anyen an s&#233; bagay sala paski syans s&#233; paw&#242;l-la t&#233; s&#233;w&#233; h&#242;d yo, &#232;k yo pa t&#233; sav kons&#232;n&#233; ki sa J&#233;zi t&#233; ka pal&#233;-a.</div><div class="s1">J&#233;zi Dj&#233;wi Yon Nonm Av&#232;g</div><div class="r">(Mafyou 20:29-34; Mak 10:46-52)</div><div class="p"> 35J&#233;zi t&#233; ka apwoch&#233; J&#232;riko &#232;k yon nonm av&#232;g t&#233; ka asid b&#242; chimen-an ka mand&#233; chawit&#233;. 36L&#232; i tann s&#233; moun-an ka pas&#233; i mand&#233; yo, &#8220;Ki sa ki f&#232;t?&#8221;</div><div class="p"> 37Yo di&#700;y, &#8220;S&#233; J&#233;zi jan Nazaw&#232;t ki ka pas&#233;.&#8221;</div><div class="p"> 38I andj&#233;l&#233;, &#8220;J&#233;zi, d&#233;sandan Wa David, ni pity&#233; anl&#232; mwen!&#8221;</div><div class="p"> 39S&#233; moun-an ki t&#233; douvan-an koumans&#233; ka h&#233;l&#233; d&#232;y&#232;&#700;y. Yo di&#700;y, &#8220;P&#233; la.&#8221;</div><div class="p">M&#233; i andj&#233;l&#233; pli f&#242;, &#8220;Gason David, ni pity&#233; anl&#232; mwen!&#8221;</div><div class="p"> 40Kon sa J&#233;zi doubout &#232;k i konmand&#233; yo pou mennen nonm av&#232;g-la ba li. L&#232; i wiv&#233; pw&#233;&#700;y J&#233;zi mand&#233;&#700;y, 41&#8220;Ki sa ou vl&#233; mwen f&#232; ba&#700;w?&#8221;</div><div class="p">I w&#233;ponn, &#8220;M&#232;t, mwen vl&#233; w&#232; ank&#242;.&#8221;</div><div class="p"> 42J&#233;zi di&#700;y, &#8220;Ou sa w&#232;. Lafwa-a ou ni an mwen-an ja f&#232; ou byen.&#8221; 43&#200;k la menm nonm-lan t&#233; sa w&#232;, &#232;k i swiv J&#233;zi &#232;k i ka wim&#232;sy&#233; Bondy&#233;. L&#232; s&#233; moun-an w&#232; sa yo tout glowify&#233; Bondy&#233;.</div>
 </div>
 </div>
</div>

Jézi di sé disip li-a on pawabòl pou moutwé yo ki yo ni pou kontiné pwédyé san dékonpòté. I di, “La té ni yon jij adan yon sèten vil ki pa té ka wèspèkté ni Bondyé ni lézòm. Èk la té ni yon madanm mawiʼy té ja mò, i té ka wèsté an menm vil-la. I té ka toujou vini oti jij-la. I diʼy, ‘Lèlmi mwen ka pwan lavantay anlè mwen. Mwen vlé ou ban mwen jistis.’
“Pou an chay tan jij-la wifizé édéʼy. Mé yon jou jij-la di bay kòʼy, ‘Menm si mwen pa ka wèspèkté ni Bondyé ni lézòm, mé pou anbété madanm sala ja anbété mwen, mwen kay wè ki i jwenn jistis. Si pa sa i kay kontiné ka ban mwen twaka jis tan i kay fè mwen las.’ ”
Èk Jézi kontiné ka di yo, “Kouté sa mové jij-la di. Ès ou pa kwè Bondyé ki bon kay édé sé moun-an i ja chwazi-a ki ka pléwé ba li lannwit èk jou? Ès i kay pwan tan pou i édé yo? Mwen ka diʼw i kay édé yo èk i kay fèʼy byen vit. Mé ès si mwen, Gason Lézòm, kay jwenn moun asou latè ki ka kwè an mwen lè mwen witounen?”

Jézi di pawabòl sala bay sé moun-an ki asiwé yo dwèt douvan Bondyé èk yo kwè yo bon pasé tout lézòt moun. I di, “Dé nonm alé an Kay Bondyé pou yo pwédyé. Yonn sété yon Fawizyen èk lòt-la sété yon nonm ki té ka anmasé taks bay gouvèdman-an. Fawizyen-an doubout pa kòʼy èk i pwédyé, ‘Bondyé, mwen ka wimèsyéʼw paski mwen pa vowas, bòbòlis ében yon adiltè kon tout lézòt moun. Mwen ka wimèsyéʼw paski mwen pa yon péchè kon nonm sala ki ka anmasé taks-la. Mwen ka wèsté san manjé dé fwa pa simenn èk mwen ka bay Bondyé dis pou san an tout sa mwen ni.’
“Mé nonm-lan ki ka anmasé taks-la doubout yon bon distans èk i pa menm lévé zyéʼy anlè, mé pito i bat lèstonmak li paski i té an twistès èk i di, ‘Bondyé, ni pityé anlè mwen, mwen sé yon péchè.’ ”
Jézi di, “Mwen ka diʼw, Bondyé pawdonnen dézyenm nonm-lan avan nonm sala alé lakay li, mé i pa pawdonnen Fawizyen-an. Paski moun-an ki lévé kòʼy mouté-a kay abésé, èk moun-an ki abésé kòʼy-la kay lévé mouté.”


Yon konpanni moun mennen ti manmay yo bay Jézi pou i té mété lanmenʼy anlè yo èk benni yo. Mé sé disip-la wè yo èk yo di sé moun-an pa kité sé ti manmay sala anbété mèt-la. Mé Jézi kwiyé sé ti manmay-la pou yo vini jwenn li èk i di, “Kité sé ti manmay-la vini jwenn mwen, épi pa anpéché yo, paski sé moun ki kon sé ti manmay sala Bondyé kay kondwi. Chonjé sa, moun-an ki pa swiv kondwit Bondyé kon yon ti manmay pa kay janmen swiv kondwit Bondyé pyès.”


La té ni yon nonm ki té ni pouvwa anpami sé Jwif-la. I vini oti Jézi. I di, “Bon mèt, ki sa mwen ni pou fè pou mwen pé éwityé lavi étonnèl?”
Jézi mandéʼy, “Ès ou sav sa ou ka di-a lè ou kwiyé mwen ‘bon’? Yon sèl moun ki bon sé Bondyé. Ès ou konnèt konmandman-an? Pa fè adiltè, pa tjwé, pa vòlè, pa pòté fo témwen, pòté manmanʼw épi papaʼw wèspé.”
I wéponn, “Dépi mwen piti, mwen ka fè tout sé bagay sala.”
Jézi diʼy, “Ou ka mantjé yon sèl bagay. Vann sa ou ni, pwan lajan-an èk sépawéʼy bay lé pòv èk ou kay ni twézò an syèl. Èk vini swiv mwen.”
Lè i tann sa, sa fèʼy lapenn paski i té byen wich. Jézi wè i té an twistès èk i diʼy, “I byen difisil pou yon nonm ki wich fè lidéʼy pou kité Bondyé kondwi laviʼy. I pli ézé pou yon kanmèl antwé an zyé yon zédjwi pasé pou yon nonm wich aksèpté Bondyé kon yon wa pou li.”
Lè sé moun-an tann sa yo di, “Sa vlé di pyès moun pa sa jwenn salvasyon!”
Jézi wéponn, “Bondyé sa fè sa moun pa sa fè.”
Pita di, “Gadé, nou kité kay nou èk tout sa nou ni pou nou swiv ou.”
Jézi di yo, “Wi èk mwen ka di zòt sa, népòt moun ki kité kay li ében madanm li ében fwèʼy ében manmanʼy èk papaʼy ében ich li pou i sèvi anba kondwit Bondyé, i kay wisivwè an chay plis viwé an latè sala, èk i kay wisivwè lavi étonnèl an latè-a ki kay vini-an.”


Jézi pwan sé douz disip-la apa épi i di yo, “Kouté, nou ka alé Jérouzalèm koté tout sé bagay-la sé pwòfèt-la ékwi konsèné mwen, Gason Lézòm-lan, kay vini vwé. Mwen kay tonbé anba pouvwa lanmen moun lòt nasyon, yo kay pwan mwen sèvi papicho, yo kay ensilté mwen èk kwaché anlè mwen. Yo kay bat mwen èk tjwé mwen, mé anlè twazyenm jou-a mwen kay wésisité.” Mé sé disip-la pa té sa konpwann anyen an sé bagay sala paski syans sé pawòl-la té séwé hòd yo, èk yo pa té sav konsèné ki sa Jézi té ka palé-a.


Jézi té ka apwoché Jèriko èk yon nonm avèg té ka asid bò chimen-an ka mandé chawité. Lè i tann sé moun-an ka pasé i mandé yo, “Ki sa ki fèt?”
Yo diʼy, “Sé Jézi jan Nazawèt ki ka pasé.”
I andjélé, “Jézi, désandan Wa David, ni pityé anlè mwen!”
Sé moun-an ki té douvan-an koumansé ka hélé dèyèʼy. Yo diʼy, “Pé la.”
Mé i andjélé pli fò, “Gason David, ni pityé anlè mwen!”
Kon sa Jézi doubout èk i konmandé yo pou mennen nonm avèg-la ba li. Lè i wivé pwéʼy Jézi mandéʼy, “Ki sa ou vlé mwen fè baʼw?”
I wéponn, “Mèt, mwen vlé wè ankò.”
Jézi diʼy, “Ou sa wè. Lafwa-a ou ni an mwen-an ja fè ou byen.” Èk la menm nonm-lan té sa wè, èk i swiv Jézi èk i ka wimèsyé Bondyé. Lè sé moun-an wè sa yo tout glowifyé Bondyé.

Listen to Louk 18