Arabe tchadien (alphabet arabe) For more information about this text please contact: Alliance biblique du Tchad Avenue Pascal Yoadoumnadji, BP 1291 N'Djaména CHAD

La Bible en arabe tchadien © Alliance biblique du Tchad, 2019 ℗ 2022 Hosanna

الكتاب المقدس بالعربي الدارجي هنا تشاد

<div class="version vid501 iso6393shu" data-vid="501" data-iso6393="shu">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Yaatu al-naadum al-muhimm ?</div><div class="p"> 1Wa fi l-wakit da, al-talaamiiz jo le Isa sa&#700;alooh wa gaalo : &#171;Yaatu yabga al-naadum al-muhimm fi mamlakat Allah ?&#187; 2Wa Isa naada wileed sakhayyar wa khattaah fi usuthum. 3Wa Isa gaal : &#171;Nuguul leeku al-hagg, kan intu ma tibaddulu fikirku wa kan ma tabgo misil iyaal dugaag, ma tadkhulu fi mamlakat Allah. 4Al-naadum al-yisawwi nafsah sakhayyar wa yabga misil al-wileed da, hu bas al-muhimm fi mamlakat Allah. 5Wa ayyi naadum al-yakhbal be usmi wileed sakhayyar misil da, yakhbalni.</div><div class="p"> 6&#171;Wa ayyi naadum al-yitallif iimaan hana waahid min al-iyaal al-dugaag al-mu&#700;miniin beyi dool, al-azaab al-yarjaah chadiid lahaddi akheer le l-naadum da kan yarbutu murhaaka kabiire fi ragabatah wa yazguluuh fi lubb bahar al-khariig. 7Azaab yarja naas al-dunya achaan yisawwu machaakil le l-mu&#700;miniin. Laabudda achya waahidiin yabgo wa be sababhum naas waahidiin yamurgu min al-derib wa laakin al-azaab yarja al-naadum al-yisabbib al-achya dool.</div><div class="p"> 8&#171;Wa kan iidak walla rijlak tidoor tamurgak min al-derib al-adiil, agta&#700;ha wa azgulha ba&#700;iid minnak. Akheer leek kan bigiit ma&#700;duur wa tadkhul fi l-haya al-abadiiye min yazguluuk fi l-naar al-abadiiye be iideenak wa rijileenak. 9Wa kan eenak tidoor tamurgak min al-derib al-adiil, sillaha wa azgulha ba&#700;iid minnak. Akheer leek tadkhul fi l-haya al-abadiiye be een waahide bas min yazguluuk fi naar Jahannam be uyuunak al-itneen.</div><div class="s">Masal al-khanamaay al-waddarat</div><div class="p"> 10&#171;Angar&#700;u ma tahguru ayyi waahid min al-sukhaar dool achaan nuguul leeku malaa&#700;ikathum fi l-sama daayman haadiriin ma&#700;a abuuyi Allah. 11Wa ana Ibn al-Insaan jiit achaan ninajji al-naas al-halkaaniin. 12Fikirku chunu ? Naadum indah 100 khanam wa khanamaay waahide waddarat. Ma yikhalli al-tis&#700;a wa tis&#700;iin fi l-kadaade wa yamchi yifattich al-muwaddire walla ? 13Wa nuguul leeku al-hagg, kan yalgaaha hu yabga farhaan ziyaada be l-waahide al-waddarat min be l-tis&#700;a wa tis&#700;iin al-ma waddaro. 14Wa sawa sawa misil da, abuuku Allah kula ma yidoor waahid min al-sukhaar dool yahlak.</div><div class="s">Kan akhuuk sawwa foogak khata</div><div class="p"> 15&#171;Wa kan akhuuk mu&#700;min sawwa foogak khata, amchi wa hajji ma&#700;a akhuuk da wiheedku wa wassif leyah khataayah. Wa kan yasma&#700; kalaamak, khalaas intu akhwaan. 16Wa kan akhuuk yaaba ma yasma&#700; kalaamak, amchi leyah battaan wa chiil ma&#700;aak waahid walla itneen min al-akhwaan achaan al-tuhma ma tasbit illa be chahaada hana naas itneen aw talaata.#18:16 Al-kalaam da talgooh fi Tasniya 19:15. 17Wa kan hu yaaba ma yasma&#700; kalaamhum, jiib al-kalaam da le jamaa&#700;at al-mu&#700;miniin. Wa kan aba ma yasma&#700; kalaam jamaa&#700;at al-mu&#700;miniin kula, aj&#700;alah misil naadum ma mu&#700;min walla misil naadum al-yichiil al-miiri.</div><div class="p"> 18&#171;Achaan nuguul leeku al-hagg, ayyi cheyy al-ja&#700;altuuh haraam fi l-ard, Allah fi l-sama kula yaj&#700;alah haraam wa ayyi cheyy al-ja&#700;altuuh halaal fi l-ard, Allah fi l-sama kula yaj&#700;alah halaal. 19Wa battaan nuguul leeku al-hagg, kan naaseen minku fi l-ard astafago fi ayyi cheyy al-yidooruuh, abuuyi Allah al-fi l-sama yisawwiih leehum. 20Wa ayyi bakaan al-yilimmu foogah al-naas be usmi, kan humman itneen aw talaata kula, ana zaati gaa&#700;id fi usuthum.&#187;</div><div class="s">Masal al-khaddaam al-ma saamah</div><div class="p"> 21Wa Butrus ja le Isa wa sa&#700;alah wa gaal : &#171;Sayyidna, kan akhuuyi yisawwi khata foogi katiir, kam marra nisaamihah ? Nisaamihah lahaddi sab&#700;a marraat walla ?&#187; 22Wa Isa radda leyah wa gaal : &#171;Ma tisaamihah lahaddi sab&#700;a marraat bas. Laakin saamihah sab&#700;iin lahaddi sab&#700;a marraat !</div><div class="p"> 23&#171;Aywa, mamlakat Allah hi misil ke. Naadum waahid malik wa dawwar yisawwi hisaab ma&#700;a khaddaamiinah. 24Wa wakit bada al-hisaab ma&#700;aahum, jaabo leyah khaddaam waahid. Wa l-naadum da, al-malik indah foogah maal katiir marra waahid. 25Wa l-khaddaam ma indah cheyy al-yikaffi beyah al-deen al-foogah. Wa siidah al-malik gaal waajib yibii&#700;u al-khaddaam ma&#700;a martah wa iyaalah wa kulla cheyy al-indah fi suug al-abiid achaan yikaffi deenah. 26Wa laakin al-khaddaam waga&#700; giddaamah wa gaal : &#8249;Ya siidi, asburni wa nikaffiik al-indak foogi kulla ke.&#8250; 27Wa siid al-khaddaam da hanna foogah wa afa leyah al-deen wa khallaah macha.</div><div class="p"> 28&#171;Wa fi l-bakaan da, al-khaddaam marag min giddaam al-malik wa macha ajala le naadum aakhar wa hu kula min khaddaamiin al-malik. Wa indah fi akhuuh da deen chiyya bas. Wa karabah wa bada yakhnigah wa gaal : &#8249;Kaffiini al-indi foogak !&#8250; 29Wa akhuuh al-khaddaam waga&#700; giddaamah wa chahadah wa gaal : &#8249;Asburni wa nikaffiik kulla ke !&#8250; 30Wa l-khaddaam aba wa macha dassaah fi l-sijin lahaddi yikaffi al-deen al-indah foogah.</div><div class="p"> 31&#171;Wa akhwaanah khaddaamiin al-malik chaafo al-cheyy al-bigi da wa barjalo bilheen. Wa macho ooro siidhum be kulla cheyy al-bigi. 32Wa siidhum naadaah le l-khaddaam da wa gaal leyah : &#8249;Ya l-khaddaam al-fasil ! Inta chahadtini wa ana saamaht leek al-deen al-katiir da kulla ke. 33Ma waajib leek tihinn fi akhuuk misil ana hanneet foogak inta walla ?&#8250; 34Wa siidah zi&#700;il foogah bilheen wa sallamah le l-askar achaan yi&#700;azzubuuh fi l-sijin lahaddi yikaffi deenah.</div><div class="p"> 35&#171;Wa abuuyi Allah yisawwi misil da kan ayyi naadum minku ma yisaamih akhuuh min galbah.&#187;</div>
 </div>
 </div>
</div>

Wa fi l-wakit da, al-talaamiiz jo le Isa saʼalooh wa gaalo : «Yaatu yabga al-naadum al-muhimm fi mamlakat Allah ?» Wa Isa naada wileed sakhayyar wa khattaah fi usuthum. Wa Isa gaal : «Nuguul leeku al-hagg, kan intu ma tibaddulu fikirku wa kan ma tabgo misil iyaal dugaag, ma tadkhulu fi mamlakat Allah. Al-naadum al-yisawwi nafsah sakhayyar wa yabga misil al-wileed da, hu bas al-muhimm fi mamlakat Allah. Wa ayyi naadum al-yakhbal be usmi wileed sakhayyar misil da, yakhbalni.
«Wa ayyi naadum al-yitallif iimaan hana waahid min al-iyaal al-dugaag al-muʼminiin beyi dool, al-azaab al-yarjaah chadiid lahaddi akheer le l-naadum da kan yarbutu murhaaka kabiire fi ragabatah wa yazguluuh fi lubb bahar al-khariig. Azaab yarja naas al-dunya achaan yisawwu machaakil le l-muʼminiin. Laabudda achya waahidiin yabgo wa be sababhum naas waahidiin yamurgu min al-derib wa laakin al-azaab yarja al-naadum al-yisabbib al-achya dool.
«Wa kan iidak walla rijlak tidoor tamurgak min al-derib al-adiil, agtaʼha wa azgulha baʼiid minnak. Akheer leek kan bigiit maʼduur wa tadkhul fi l-haya al-abadiiye min yazguluuk fi l-naar al-abadiiye be iideenak wa rijileenak. Wa kan eenak tidoor tamurgak min al-derib al-adiil, sillaha wa azgulha baʼiid minnak. Akheer leek tadkhul fi l-haya al-abadiiye be een waahide bas min yazguluuk fi naar Jahannam be uyuunak al-itneen.

«Angarʼu ma tahguru ayyi waahid min al-sukhaar dool achaan nuguul leeku malaaʼikathum fi l-sama daayman haadiriin maʼa abuuyi Allah. Wa ana Ibn al-Insaan jiit achaan ninajji al-naas al-halkaaniin. Fikirku chunu ? Naadum indah 100 khanam wa khanamaay waahide waddarat. Ma yikhalli al-tisʼa wa tisʼiin fi l-kadaade wa yamchi yifattich al-muwaddire walla ? Wa nuguul leeku al-hagg, kan yalgaaha hu yabga farhaan ziyaada be l-waahide al-waddarat min be l-tisʼa wa tisʼiin al-ma waddaro. Wa sawa sawa misil da, abuuku Allah kula ma yidoor waahid min al-sukhaar dool yahlak.

«Wa kan akhuuk muʼmin sawwa foogak khata, amchi wa hajji maʼa akhuuk da wiheedku wa wassif leyah khataayah. Wa kan yasmaʼ kalaamak, khalaas intu akhwaan. Wa kan akhuuk yaaba ma yasmaʼ kalaamak, amchi leyah battaan wa chiil maʼaak waahid walla itneen min al-akhwaan achaan al-tuhma ma tasbit illa be chahaada hana naas itneen aw talaata. Wa kan hu yaaba ma yasmaʼ kalaamhum, jiib al-kalaam da le jamaaʼat al-muʼminiin. Wa kan aba ma yasmaʼ kalaam jamaaʼat al-muʼminiin kula, ajʼalah misil naadum ma muʼmin walla misil naadum al-yichiil al-miiri.
«Achaan nuguul leeku al-hagg, ayyi cheyy al-jaʼaltuuh haraam fi l-ard, Allah fi l-sama kula yajʼalah haraam wa ayyi cheyy al-jaʼaltuuh halaal fi l-ard, Allah fi l-sama kula yajʼalah halaal. Wa battaan nuguul leeku al-hagg, kan naaseen minku fi l-ard astafago fi ayyi cheyy al-yidooruuh, abuuyi Allah al-fi l-sama yisawwiih leehum. Wa ayyi bakaan al-yilimmu foogah al-naas be usmi, kan humman itneen aw talaata kula, ana zaati gaaʼid fi usuthum.»

Wa Butrus ja le Isa wa saʼalah wa gaal : «Sayyidna, kan akhuuyi yisawwi khata foogi katiir, kam marra nisaamihah ? Nisaamihah lahaddi sabʼa marraat walla ?» Wa Isa radda leyah wa gaal : «Ma tisaamihah lahaddi sabʼa marraat bas. Laakin saamihah sabʼiin lahaddi sabʼa marraat !
«Aywa, mamlakat Allah hi misil ke. Naadum waahid malik wa dawwar yisawwi hisaab maʼa khaddaamiinah. Wa wakit bada al-hisaab maʼaahum, jaabo leyah khaddaam waahid. Wa l-naadum da, al-malik indah foogah maal katiir marra waahid. Wa l-khaddaam ma indah cheyy al-yikaffi beyah al-deen al-foogah. Wa siidah al-malik gaal waajib yibiiʼu al-khaddaam maʼa martah wa iyaalah wa kulla cheyy al-indah fi suug al-abiid achaan yikaffi deenah. Wa laakin al-khaddaam wagaʼ giddaamah wa gaal : ‹Ya siidi, asburni wa nikaffiik al-indak foogi kulla ke.› Wa siid al-khaddaam da hanna foogah wa afa leyah al-deen wa khallaah macha.
«Wa fi l-bakaan da, al-khaddaam marag min giddaam al-malik wa macha ajala le naadum aakhar wa hu kula min khaddaamiin al-malik. Wa indah fi akhuuh da deen chiyya bas. Wa karabah wa bada yakhnigah wa gaal : ‹Kaffiini al-indi foogak !› Wa akhuuh al-khaddaam wagaʼ giddaamah wa chahadah wa gaal : ‹Asburni wa nikaffiik kulla ke !› Wa l-khaddaam aba wa macha dassaah fi l-sijin lahaddi yikaffi al-deen al-indah foogah.
«Wa akhwaanah khaddaamiin al-malik chaafo al-cheyy al-bigi da wa barjalo bilheen. Wa macho ooro siidhum be kulla cheyy al-bigi. Wa siidhum naadaah le l-khaddaam da wa gaal leyah : ‹Ya l-khaddaam al-fasil ! Inta chahadtini wa ana saamaht leek al-deen al-katiir da kulla ke. Ma waajib leek tihinn fi akhuuk misil ana hanneet foogak inta walla ?› Wa siidah ziʼil foogah bilheen wa sallamah le l-askar achaan yiʼazzubuuh fi l-sijin lahaddi yikaffi deenah.
«Wa abuuyi Allah yisawwi misil da kan ayyi naadum minku ma yisaamih akhuuh min galbah.»

Listen to Matta 18