Quechua, Panao Huanuco - 2009 Edition (NT) Drama

Quechua, Panao Huanuco - 2009 Edition (NT)

<div class="version vid457 iso6393qxh" data-vid="457" data-iso6393="qxh">
 <div class="book bk1TH">
 <div class="chapter ch4" data-usfm="1TH.4">
 <div class="label">4</div><div class="s">Tayta Diosninchipa shungun munashannuy cawananpaj willapashan</div><div class="p"> 1Irm&#228;nucuna, cananga Tayta Jes&#250;s nimashannuylla shacy&#228;chishayqui. Shim&#239;ta wiyacur, Tayta Diosninchipa shungun munashannuy cawayta ya&#263;hacushcanqui. Shungunmanna tincurcaycanqui. Chaypis shungun munashannuylla sumaj-sumaj cawanayquipaj pi&#241;ap&#228;shayqui.</div><div class="p"> 2Tayta Jes&#250;spa ca&#263;han cashp&#228; yarpashanta mayna willapashcaj. 3Tayta Diosninchipa shungun munashannuylla cawanquiman. Juchata ama aparicunquimanchu. Warmi ullgupis jucwan-jucwan ama puricunquimanchu. 4Majachacarraj warmi runanta &#263;hasquinman. Runapis warmillanta yatanman. Jucpa majanwan ama cacunquimanchu. Manch&#228;ga llapanpa ricay &#241;awin&#263;hu majayquiwan alli cawanquiman. Tayta Diosninchitapis sumaj manchapacunquiman. 5Tayta Diosninchita mana manchapacuj runacuna-jinaga ama canquichu. Paycuna warmi-pa&#263;ha. Warmipis runallapaj wa&#241;un. 6Irm&#228;nuyquipa majanman ama yaycapunquichu. Pipis llutanta ruraptin Tayta Diosninchi unyanta cutichir, sumaj &#241;acachinga. Chaytaga mayna willapashcaj. Pi&#241;apashcaj. 7Tayta Diosninchi mana acracamashcanchichu juchallata rurar cawananchipaj; manch&#228;ga shungun munashannuylla cawananchipaj. 8Chaymi shim&#239;ta mana wiyacur, quiquin Tayta Diosninchitapis wasguiycanqui. Paymi shungun munashannuylla cawananchipaj Esp&#237;ritu Santuta ca&#263;hamusha.</div><div class="p"> 9Irm&#228;nucuna, quiquiqui-pura alli ricanacunayquipaj Tayta Diosninchi mayna tantiyachishcashunqui. Chaymi nuwa mana rimac&#252;manchu. Mana cartac&#252;manpishchu. 10Macedonia quinran&#263;hu llapan irm&#228;nucunawanpis alli ricanacuycanqui. Chaypis pish&#239;shushayquipita wallcallata yarpar&#228;chishayqui. 11Willapash&#228;-jina cuyay-munaypaj cawanquiman. Jucpa-cajman ama ricaranquimanchu. Manch&#228;ga maquiqui arushanwan cawanquiman. 12Chaynuy cawaptiqui, llapan runa alli ricashunquipaj. Pishipacuymanpis mana &#263;hayanquip&#228;chu.</div><div class="s">Wash&#228;cuj Jes&#250;s cutimunan captin, ama llaquicushunchu</div><div class="p"> 13Irm&#228;nucuna, Tayta Diosninchiman mana yupachicujcuna wa&#241;upacush car, juyupa llaquicun: &#171;Runa-mas&#239;wan mana&#263;hi tincush&#228;nachu&#187; nir. Nuwanchim ichanga Tayta Diosninchiman yupachicunchi. Chaymi juyupa mana llaquicunayquipaj wa&#241;ushcunapita rasun-cajta tantiyachishayqui. 14Musyanchi wa&#241;ushanpita Jes&#250;s cawarimushanta. Chaymi pitapis wa&#241;ush captinsi, Jes&#250;sta cawarachishan-jina payman yupachicushanpita Tayta Diosninchi cawarachinga. Cawarimujcunata Jes&#250;swan &#241;aupanman pushacunga.</div><div class="p"> 15Cananga cutimunan junajpita quiquin Tayta Jes&#250;spa shiminta musyachishayqui. Cawaycajcuna wa&#241;ushcunata mana &#241;aupapangachu. Jes&#250;s cutimunan junaj cawaycarpis, wa&#241;ushcunata mana &#241;aupap&#228;shunchu. 16Janaj pachapita Tayta Jes&#250;s cutimur, wa&#241;ushcunata cawarachimunga. Tayta Diosninchipa mayur anjilninwan jayachimunga. Juc anjilpis curn&#239;tanta tucamunga. Chay junaj wa&#241;ushcunata payman yupachicush captin, cawarachimunga. 17Jinarcurraj nuwanchi cawaycajcunatapis illajpita apacam&#228;shun paycunawan tincunanchipaj. Pucutay janan&#263;hu Tayta Jes&#250;swan tincushunpaj. Tincur, imaycamanpis Tayta Jes&#250;spa &#241;aupallan&#263;hu cawashunpaj. 18Chaymi cayta musyashpayqui jucniqui-jucniquipis shacy&#228;chinacunquiman.</div>
 </div>
 </div>
</div>

Irmänucuna, cananga Tayta Jesús nimashannuylla shacyächishayqui. Shimïta wiyacur, Tayta Diosninchipa shungun munashannuy cawayta yaćhacushcanqui. Shungunmanna tincurcaycanqui. Chaypis shungun munashannuylla sumaj-sumaj cawanayquipaj piñapäshayqui.
Tayta Jesúspa caćhan cashpä yarpashanta mayna willapashcaj. Tayta Diosninchipa shungun munashannuylla cawanquiman. Juchata ama aparicunquimanchu. Warmi ullgupis jucwan-jucwan ama puricunquimanchu. Majachacarraj warmi runanta ćhasquinman. Runapis warmillanta yatanman. Jucpa majanwan ama cacunquimanchu. Manchäga llapanpa ricay ñawinćhu majayquiwan alli cawanquiman. Tayta Diosninchitapis sumaj manchapacunquiman. Tayta Diosninchita mana manchapacuj runacuna-jinaga ama canquichu. Paycuna warmi-paćha. Warmipis runallapaj wañun. Irmänuyquipa majanman ama yaycapunquichu. Pipis llutanta ruraptin Tayta Diosninchi unyanta cutichir, sumaj ñacachinga. Chaytaga mayna willapashcaj. Piñapashcaj. Tayta Diosninchi mana acracamashcanchichu juchallata rurar cawananchipaj; manchäga shungun munashannuylla cawananchipaj. Chaymi shimïta mana wiyacur, quiquin Tayta Diosninchitapis wasguiycanqui. Paymi shungun munashannuylla cawananchipaj Espíritu Santuta caćhamusha.
Irmänucuna, quiquiqui-pura alli ricanacunayquipaj Tayta Diosninchi mayna tantiyachishcashunqui. Chaymi nuwa mana rimacümanchu. Mana cartacümanpishchu. Macedonia quinranćhu llapan irmänucunawanpis alli ricanacuycanqui. Chaypis pishïshushayquipita wallcallata yarparächishayqui. Willapashä-jina cuyay-munaypaj cawanquiman. Jucpa-cajman ama ricaranquimanchu. Manchäga maquiqui arushanwan cawanquiman. Chaynuy cawaptiqui, llapan runa alli ricashunquipaj. Pishipacuymanpis mana ćhayanquipächu.

Irmänucuna, Tayta Diosninchiman mana yupachicujcuna wañupacush car, juyupa llaquicun: «Runa-masïwan manaćhi tincushänachu» nir. Nuwanchim ichanga Tayta Diosninchiman yupachicunchi. Chaymi juyupa mana llaquicunayquipaj wañushcunapita rasun-cajta tantiyachishayqui. Musyanchi wañushanpita Jesús cawarimushanta. Chaymi pitapis wañush captinsi, Jesústa cawarachishan-jina payman yupachicushanpita Tayta Diosninchi cawarachinga. Cawarimujcunata Jesúswan ñaupanman pushacunga.
Cananga cutimunan junajpita quiquin Tayta Jesúspa shiminta musyachishayqui. Cawaycajcuna wañushcunata mana ñaupapangachu. Jesús cutimunan junaj cawaycarpis, wañushcunata mana ñaupapäshunchu. Janaj pachapita Tayta Jesús cutimur, wañushcunata cawarachimunga. Tayta Diosninchipa mayur anjilninwan jayachimunga. Juc anjilpis curnïtanta tucamunga. Chay junaj wañushcunata payman yupachicush captin, cawarachimunga. Jinarcurraj nuwanchi cawaycajcunatapis illajpita apacamäshun paycunawan tincunanchipaj. Pucutay jananćhu Tayta Jesúswan tincushunpaj. Tincur, imaycamanpis Tayta Jesúspa ñaupallanćhu cawashunpaj. Chaymi cayta musyashpayqui jucniqui-jucniquipis shacyächinacunquiman.

Listen to 1 Tesalonicenses 4