Recording of the Inuktitut NT without background music.

Eastern Arctic Inuktitut Bible © Canadian Bible Society, 2012, 2021. ℗ Hosanna 2023

Inuktitut - CBS (NT) Non Drama

Inuktitut - CBS (NT) Drama

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ. ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ. ᑎᒥᒃᑯᑦ ᓇᔪᖏᒃᑲᓗᐊᕐᓗᓯ ᐊᓂᕐᓂᒃᑯᓪᓕ ᐃᓚᒋᕙᑦᓯ, ᓇᔪᕐᓗᓯ ᓲᕐᓗ ᑍᓐᓇ ᑍᒤᓕᐅᕐᑐᖅ ᐃᖅᑲᕐᑐᕐᑕᐅᓂᕐᒧᑦ ᑐᓂᔭᕇᕐᐸᕋ. ᑲᑎᒪᓕᕌᒐᑦᓯ ᐊᑕᓂᑦᑕ ᔩᓱᓯᐅᑉ ᐊᑎᖓᓂ ᐃᓚᒋᕙᒃᐸᑦᓯ ᐊᓂᕐᓂᒃᑯᑦ, ᐊᑕᓂᑦᑕᓗ ᔩᓱᓯᐅᑉ ᐱᔪᓐᓇᕐᓂᖓᓄᑦ ᓇᔪᕐᑕᐅᓂᑦᑎᓐᓄᑦ, ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.
ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ? ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ. ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.
ᑎᑎᕋᕐᕕᒋᓚᐅᕆᕙᑦᓯ ᐃᓚᖃᖁᓇᓯ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᒥᒃ; ᐅᖃᐅᓯᖃᓚᐅᓐᖏᓚᖓᓕ ᐅᒃᐱᖏᑦᑐᓂᒃ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᓂᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᔪᓂᒃ, ᑎᒡᓕᑐᔪᓂᒡᓘᓐᓃᑦ, ᒎᑎᓐᖑᐊᓄᓪᓘᓐᓃᑦ ᑐᒃᓯᐊᕐᕕᖃᕐᑐᓂᒃ, ᑕᒪᒃᑯᓂᖓ ᐅᖃᐅᓯᖃᓚᐅᕈᒪ ᓯᓚᕐᔪᐊᕐᒥᒃ ᕿᒤᓪᓚᕆᒃᓗᓯ ᑭᓯᐊᓂᐅᒐᔭᕐᐳᖅ. ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.
ᐃᓱᒪᓇᓐᖏᓚᕐᓘᓐᓃᑦ ᐅᒃᐱᕐᑑᖃᑎᒌᑦ ᐃᓚᒋᓐᖏᑕᖓᓐᓂᒃ ᐃᖅᑲᕐᑐᐃᓇᓱᐊᕈᒪ, ᒎᑎᐅᓪᓕ ᐃᖅᑲᕐᑐᕈᒫᕐᒪᒋᑦ. ᐅᒃᐱᕐᑑᖃᑎᒌᓄᑦ ᐃᓚᒋᔭᐅᔪᓂᒃ ᐃᖅᑲᕐᑐᐃᔪᒃᓴᐅᓐᖏᓚᓰ? ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

Listen to ᑯᕆᓐᑎᐊᒥᐅᓄᑦ ᓯᕗᓪᓖᑦ 5