If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkLUK">
 <div class="chapter ch3" data-usfm="LUK.3">
 <div class="label">3</div><div class="s">Ukulumbilila kwa Yohani Umosi</div><div class="r">(Mat 3.1-12; Mar 1.18; Yoh 1.19-28)</div><div class="p"> 1Lelo nkyinja kya kalongo na buhano ikya bulagili bwa Kaisari uyu ali yo Tiberiya ingamu, bo Ponti Pilati ndindililakisu gwa nkiyabo kya Yudai; bo Herodi malafyale gwa kiyabo kya Galilai, yope na Filipu ugwamyabo bo malafyale nkiyabo kya Ituria na Trakoniti, yope Lusani bo malafyale nkiyabo kya Abilene, 2pala baHanasi na Kayafa bayege baputi bakulumba; popapo ilisyu lya Kyala lilinkumwisila Yohani unnya Zekaria matengele. 3Popapo alinkufika nkisu kyosa iki kipalamene nulusoko lwa Yordani, alinkulumbilila ulosyo lwa lupinduko, ulu lukutwala ubuswe bwa nongwa; 4#Yes 40.3-5bo apa sisimbigwe mwa buku gwa Yesaya unsololi isi sikuti,</div><div class="q">&#8220;Ilisyu lya nkoleli likukolela mmatengele likuti,</div><div class="q">Amutendekesyege injila ya Ntwa,</div><div class="q">amugolosyege imisebo gyake.</div><div class="q"> 5Ifikoga fyosa fikusyiligwaga,</div><div class="q">ifyamba fyosa nindananda mufipelege ukuya buyo butengamu,</div><div class="q">imisebo gyosa igi giniongele mugigolosyege.</div><div class="q">Injila syosa isi sikaya nunu musipelege ukuya ndenenefu.</div><div class="q"> 6Po abandu bosa bisakububonaga ubupoki bwa Kyala.&#8221;</div><div class="p"> 7 # 
 Mat 12.34; 23.33 Popapo Yohani alinkufibula ifilundilo fya bandu aba babukaga kukosigwa kumyake alinkuti, &#8220;Mwe luko lwa njoka umwe, ywani abasokile umwe ukusibopa ingalalisi isi sikwisaga? 8#Yoh 8.33Mulipaga lelo iseke isi sibagisenie nulupinduko; kangi mungandaga ukuyoba mundumbula syinu ukuti, &#8216;Tuli banduyungu lwa Abrahamu,&#8217; buno nikubabula une nikuti, Kyala abagile ukunsanukisya amabwe aga Abrahamu ukuya luyungu lwake. 9#Mat 7.19Indwanga yibikigwe ngani ukutumula ifikolo fya mipiki; lelo umpiki gosa ugu gutikupa iseke inunu, go gukutumuligwaga nukusopigwa mmoto.&#8221;</div><div class="p"> 10Popapo ifilundilo fya bandu filinkundalusya filinkuti, &#8220;Tutubulege lelo?&#8221;</div><div class="p"> 11Umwene alinkubamula alinkuti, &#8220;Uyu linga ali nimiselekesye mibili, yo ampege gumo unnine uyu akaya nago, yope na uyu linga ali nifyakulya abombege bo bunobuno.&#8221;</div><div class="p"> 12 # 
 Luk 7.29
 Popapo balinkwisa kumyake abasongesyasongo kukosigwa, balinkundalusya balinkuti, &#8220;Mmanyisi, tubombege fiki?&#8221; 13Umwene alinkubamula alinkuti, &#8220;Komma ukukisya ukwambilila, ukukinda pali ifi mulagiligwe.&#8221; 14Bope nabasikali balinkundalusya balinkuti, &#8220;Nanuswe tubombege sya fiki?&#8221; Umwene alinkubamula alinkuti, &#8220;Mungapupaga ifya mundu, kangi mungamohelaga yumo isya butungulu, amufwanege nafyo ifihombigwa fyinu.&#8221;</div><div class="p"> 15Papo abandu bagulilaga isi sikubonekaga, balinkwinogona mundumbula syabo ninongwa sya Yohani, ukuti pamo ayege yo yu Kristi. 16Popapo Yohani alinkubamula bosa alinkuti, &#8220;Une ne gwaki ne nikubokesya ga misi, loli ikwisa yumo uyu angindile amaka une, uyu ngabagila ukwabula utukoba twa filato fyake; umwene yo isakubokesyaga na Mbepo Mwikemo numoto. 17Yo ali nuluselo nkiboko kyake, ukuti apyagilege ikipalo kyake, nukubunganikisya ingano mu ndamba yake, loli unkupili go isakugukosyaga numoto ugu gutikusimamo.&#8221;</div><div class="p"> 18Bo alinkulumbilila bunobuno Yohani Inongwa Inunu kubandu, alinkuba sukania nisingi si nyingi itolo. 19#Mat 14.3-4; Mar 6.17-18Loli umalafyale Herodi, uyu Yohani alinkemile panongwa ya Herodia unkasi gwa nnuguna uyu alyegene nagwe na panongwa ya mbibi syosa isi asibombile, 20Herodi alinkongelapo ukubomba imbibi iyingi, alinkumwigalila Yohani munnyololo.</div><div class="s">Ukosigwa kwa Yesu</div><div class="r">(Mat 3.13-17; Mar 1.9-11; Yoh 1.31-34)</div><div class="p"> 21Lelo bo abandu bosa bosigwe, bo yope na yu Yesu osigwe kangi bo ali pakwiputa. 22#Bwa 22.2; Salimo 2.7; Yes 42.1; Mat 3.17; Mar 1.11; Luk 9.35Popapo kumwanya kulinkwiguka, Mbepo Mwikemo alinkunsololokela nkifwani kya mbili, alinkufwana ngunde; nisyu lilinkufuma kumwanya lilinkuti, &#8220;Ugwe gwe Mwanangu unkundwe, mmyako mo nikyelile.&#8221;</div><div class="s">Abankikolo kya Yesu</div><div class="r">(Mat 1.1-17)</div><div class="p"> 23Umwene Yesu bo ikwanda imbombo yake, aliti ali nifyinja amalongo matatu (30), bo mumo abandu bamwinogonelaga ali yo mwana gwa Yosefu, unnya Heli, 24unnya Matati, unnya Levi, unnya Meleki, unnya Yanayi, unnya Yosefu, 25unnya Matatia, unnya Amosi, unnya Nahumu, unnya Esili, unnya Nagai, 26unnya Matti, unnya Matatia, unnya Semei unnya Yoseku, unnya Yoda, 27unnya Yohanani, unnya Resa, unnya Zerubabeli, unnya Shetiele, unnya Neri, 28unnya Meleki, unnya Adi, unnya Kosamu, unnya Elimadamu, unnya Eri, 29unnya Yesu, unnya Eliezari, unnya Yorimu, unnya Matati, unnya Levi, 30unnya Simeoni, unnya Yuda, unnya Yosefu, unnya Yonamu, unnya Eliakimu, 31unnya Melea, unnya Mena, unnya Matata, unnya Natani, unnya Davidi, 32unnya Yese, unnya Obedi, unnya Boazi, unnya Salimoni, unnya Nashoni, 33unnya Aminadabu, unnya Adimini, unnya Arini, unnya Hezironi, unnya Perezi, unnya Yuda, 34unnya Yakobu, unnya Isaka, unnya Abrahamu, unnya Tera, unnya Nahori, 35unnya Serugwe, unnya Reu, unnya Pelegi, unnya Eberi, unnya Shela, 36unnya Kanani, unnya Aripakishadi, unnya Shemu, unnya Noa, unnya Lameki, 37unnya Metusala, unnya Enoki, unnya Yaredi, unnya Mahalaleli, unnya Kenani, 38unnya Enoshi, unnya Seti, unnya Adamu unnya Kyala.</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Lelo nkyinja kya kalongo na buhano ikya bulagili bwa Kaisari uyu ali yo Tiberiya ingamu, bo Ponti Pilati ndindililakisu gwa nkiyabo kya Yudai; bo Herodi malafyale gwa kiyabo kya Galilai, yope na Filipu ugwamyabo bo malafyale nkiyabo kya Ituria na Trakoniti, yope Lusani bo malafyale nkiyabo kya Abilene, pala baHanasi na Kayafa bayege baputi bakulumba; popapo ilisyu lya Kyala lilinkumwisila Yohani unnya Zekaria matengele. Popapo alinkufika nkisu kyosa iki kipalamene nulusoko lwa Yordani, alinkulumbilila ulosyo lwa lupinduko, ulu lukutwala ubuswe bwa nongwa; bo apa sisimbigwe mwa buku gwa Yesaya unsololi isi sikuti,
“Ilisyu lya nkoleli likukolela mmatengele likuti,
Amutendekesyege injila ya Ntwa,
amugolosyege imisebo gyake.
Ifikoga fyosa fikusyiligwaga,
ifyamba fyosa nindananda mufipelege ukuya buyo butengamu,
imisebo gyosa igi giniongele mugigolosyege.
Injila syosa isi sikaya nunu musipelege ukuya ndenenefu.
Po abandu bosa bisakububonaga ubupoki bwa Kyala.”
Popapo Yohani alinkufibula ifilundilo fya bandu aba babukaga kukosigwa kumyake alinkuti, “Mwe luko lwa njoka umwe, ywani abasokile umwe ukusibopa ingalalisi isi sikwisaga? Mulipaga lelo iseke isi sibagisenie nulupinduko; kangi mungandaga ukuyoba mundumbula syinu ukuti, ‘Tuli banduyungu lwa Abrahamu,’ buno nikubabula une nikuti, Kyala abagile ukunsanukisya amabwe aga Abrahamu ukuya luyungu lwake. Indwanga yibikigwe ngani ukutumula ifikolo fya mipiki; lelo umpiki gosa ugu gutikupa iseke inunu, go gukutumuligwaga nukusopigwa mmoto.”
Popapo ifilundilo fya bandu filinkundalusya filinkuti, “Tutubulege lelo?”
Umwene alinkubamula alinkuti, “Uyu linga ali nimiselekesye mibili, yo ampege gumo unnine uyu akaya nago, yope na uyu linga ali nifyakulya abombege bo bunobuno.”
Popapo balinkwisa kumyake abasongesyasongo kukosigwa, balinkundalusya balinkuti, “Mmanyisi, tubombege fiki?” Umwene alinkubamula alinkuti, “Komma ukukisya ukwambilila, ukukinda pali ifi mulagiligwe.” Bope nabasikali balinkundalusya balinkuti, “Nanuswe tubombege sya fiki?” Umwene alinkubamula alinkuti, “Mungapupaga ifya mundu, kangi mungamohelaga yumo isya butungulu, amufwanege nafyo ifihombigwa fyinu.”
Papo abandu bagulilaga isi sikubonekaga, balinkwinogona mundumbula syabo ninongwa sya Yohani, ukuti pamo ayege yo yu Kristi. Popapo Yohani alinkubamula bosa alinkuti, “Une ne gwaki ne nikubokesya ga misi, loli ikwisa yumo uyu angindile amaka une, uyu ngabagila ukwabula utukoba twa filato fyake; umwene yo isakubokesyaga na Mbepo Mwikemo numoto. Yo ali nuluselo nkiboko kyake, ukuti apyagilege ikipalo kyake, nukubunganikisya ingano mu ndamba yake, loli unkupili go isakugukosyaga numoto ugu gutikusimamo.”
Bo alinkulumbilila bunobuno Yohani Inongwa Inunu kubandu, alinkuba sukania nisingi si nyingi itolo. Loli umalafyale Herodi, uyu Yohani alinkemile panongwa ya Herodia unkasi gwa nnuguna uyu alyegene nagwe na panongwa ya mbibi syosa isi asibombile, Herodi alinkongelapo ukubomba imbibi iyingi, alinkumwigalila Yohani munnyololo.


Lelo bo abandu bosa bosigwe, bo yope na yu Yesu osigwe kangi bo ali pakwiputa. Popapo kumwanya kulinkwiguka, Mbepo Mwikemo alinkunsololokela nkifwani kya mbili, alinkufwana ngunde; nisyu lilinkufuma kumwanya lilinkuti, “Ugwe gwe Mwanangu unkundwe, mmyako mo nikyelile.”


Umwene Yesu bo ikwanda imbombo yake, aliti ali nifyinja amalongo matatu (30), bo mumo abandu bamwinogonelaga ali yo mwana gwa Yosefu, unnya Heli, unnya Matati, unnya Levi, unnya Meleki, unnya Yanayi, unnya Yosefu, unnya Matatia, unnya Amosi, unnya Nahumu, unnya Esili, unnya Nagai, unnya Matti, unnya Matatia, unnya Semei unnya Yoseku, unnya Yoda, unnya Yohanani, unnya Resa, unnya Zerubabeli, unnya Shetiele, unnya Neri, unnya Meleki, unnya Adi, unnya Kosamu, unnya Elimadamu, unnya Eri, unnya Yesu, unnya Eliezari, unnya Yorimu, unnya Matati, unnya Levi, unnya Simeoni, unnya Yuda, unnya Yosefu, unnya Yonamu, unnya Eliakimu, unnya Melea, unnya Mena, unnya Matata, unnya Natani, unnya Davidi, unnya Yese, unnya Obedi, unnya Boazi, unnya Salimoni, unnya Nashoni, unnya Aminadabu, unnya Adimini, unnya Arini, unnya Hezironi, unnya Perezi, unnya Yuda, unnya Yakobu, unnya Isaka, unnya Abrahamu, unnya Tera, unnya Nahori, unnya Serugwe, unnya Reu, unnya Pelegi, unnya Eberi, unnya Shela, unnya Kanani, unnya Aripakishadi, unnya Shemu, unnya Noa, unnya Lameki, unnya Metusala, unnya Enoki, unnya Yaredi, unnya Mahalaleli, unnya Kenani, unnya Enoshi, unnya Seti, unnya Adamu unnya Kyala.

Listen to LUKA 3