Lik - 2013 WBT (NT) Non Drama

Lik - 2013 WBT (NT) Drama

<div class="version vid3865 iso6393eip" data-vid="3865" data-iso6393="eip">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Kurya ning weik kel nang arye, Yesus dilyayik yupu</div><div class="p"> 1Yesus deiyamuk mutuku ara, Yudea tam noutamak bukni, mutuku si ara, Betlehem mutuku deibuk. Yesus deibuk talak ara, amutuku nirya weik ninye deiyok talibuka ulamuknye, el si ara Raja Herodes ulamuk. Yesus akunum deibukopura, kurya ning min arye kel kibuka balamik nang, keting yangan tam arye, weik mutuku si Yerusalem mutuku dilyayik. 2Yayikce asipdeyik. &#8220;Yahudi yala nang sik weik ninye deiyoknye Raja, winiryuk deipmalnye bira dan ulul do?&#8221; nyabuka asipdeyik. &#8220;Keting yangan tam arye, anye el kurya tikukba eibupurye, &#8216;El si erepnamap&#8217; tenen, kurya im noutamak banmok bisikuk dilamuburye, melibuka yanmabe,&#8221; nyabik.</div><div class="p"> 3Nyabikopura, yuk nang arye Herodes dam laka nyabikba, Herodes kekebukce, malye kanye bobuk. Tonda, &#8216;Yerusalem mutuku ulamik nang ababye, yata yupu nyanmak do?&#8217; tenen, sik nirya ababye malye kanye bobik. 4Herodes ara, malye kanye bobukce, Yahudi yala nang, sik Allah arena ap, el si erena ap ati, anyaik pum pil dona deiyok nang ap, Allah arye, &#8216;Aning ara, wininamlulume, aning ara kum wininamlulume,&#8217; nyapdeibukba, Musa arye sekeiamuk yupu peterena deiyok nang ap, Raja Herodes arye yukubukba yayikopura asipdeyuk. &#8220;Allah yupu laka nyalamik nang, nabi-nabi arye, ninye nirya lyeplirye, talinamlanye Kristus ara, yata mutuku deipnamle nyalamik do?&#8221; nyabuka asipdeyuk. 5Asipdeyuk bukni, sikce, &#8220;Yudea tam noutamak bukni, Betlehem mutuku deipnamle nyalamik,&#8221; nyabik. Ara, Allah yupu laka nyalamuknye, nabi Mika arye, ayupu laka nyabuka sekeiyamsuke. El sekeiyamsuk yupu ara, ani.</div><div class="q1"> 6&#8216;Allah arye Betlehem mutuku ati nyabuk. &#8220;Yudea tam noutamak aubuk mutuku nirya ara, mitik mambul mutuku bukni, Betlehem mutuku ara, pia weik mambule. Ara, Betlehem mutuku noutamak unyak ninye kan-kan arye, weik ninye deiyok unamlanye deipnamake. Anye bira, domba basam teleb ubuka weilamlanye atonun, Allah el mapu Israel ninye ati, bico tenebuka, &#8216;Wininmale&#8217; nyabuka, pia talinamle. Aning ati ara, Betlehem mutuku ara, weik mambul mutuku nyapne,&#8221; Allah arye nyabuk.&#8217; (Mika 5:2)</div><div class="p"> 7Sik kurya dipnin yangalamik nang arye, Herodes ati nyabik.</div><div class="p">Anang arye Herodes ati, ayupu nyabikba, Herodes arye kurya dipnin yangalamik nang yukubukba yayikopura, duknubuka asipdeyuk. &#8220;Anggun eiplum kurya ara, dan sum arye tikuk do?&#8221; nyabuka asipdeyuk. 8Asipdeyukce, yupu ton mopreibuk. &#8216;Betlehem dilbinamak&#8217; tenen, ayupu nyapdeibuk. &#8220;Betlehem mutuku bimunce, ami elamunya ani, akunum eipmunyopura, tamubuka ne ati yanuka nyapnumunyeba, na babye el si erebuka kinamne. El si erepnamna atia,&#8221; nyabuka, Raja Herodes arye, tenepce arye nyabuk.</div><div class="p"> 9Ayupu nyabukba, kekebikopura, kurya banmok bisik eibuka, melibuka dobolbalamik nang ara, biyik. Keting yangan tam arye tikmokba, eipmek kuryauk el menekmokba, sik aminyan melibuka banmeka ani, Yesus deipmok aik, aruma dup deice tikukopura, sik babye anyaik wekik. 10Akurya anyaik aruma dup deice tikukopura, sik weik arye kanye deibik. 11Weik arye kanye deibikce, anyaik wekuka Maria ap, el mi Yesus ap eibikce, ami el kina ati, sik nirya arye, gutam tuku diprongobukabikce, tonda, Yesus el si erenmek. Erenmekce, sik mambul ning, lin ning pum torokukabikce, dekna weik ning Yesus ati arebik. Sikce Yesus arebik ning ara, ani. Yo pia akunum mikamuk ning, el si kemenyan uku dongobikba, &#8216;Teleb nintong nyapnamle&#8217; tenen, arebik. Aning el si ara, kemenyan. Tonda, dekna weik ning emas#2:11 Emas ara, gat ning bukni, dekna weik ning ulule. Emas ning kel kina ati, lak len yupu nomor 4 dipdelulume. arebik. Ton ning ara, dekna weik yo pia teleb nintong nyalamuk ning, el si ara, mur arebik. 12Arebuka mapmekba, lengdar deice, Allah arye anang ati nyabuk. &#8220;Anggun tamubuka ban talak ara, Herodes dam bisik bana kume. Yuk bisik arye anggun mutuku kopropa tamubuka binamlulume,&#8221; nyabukba, kekebikce yuk bisik biyik.</div><div class="s">&#8216;Herodes arye Yesus oplyak&#8217; tenen, Maria ap, Yusuf ap arye, Yesus bobuka Mesir mutuku bobirik yupu</div><div class="p"> 13Sik kurya dipnin yangalamik nang, Yesus delin aik, akunum batakuka biyikopura, lengdar deice arye, Allah el im deice pil donanye malaikat arye, Yusuf ati ayupu nyabuk. &#8220;Herodes arye, ami oplyak anya ati, bukmince ami ap, el lin ap bobuka, Mesir mutuku bobilyame. Herodes arye, &#8216;Ami opnamne&#8217; tenen, pia enamla ati, Mesir mutuku bimince, daulaminya ani, narye yukupkinyopura, tamubuka amutuku yanamlyame,&#8221; nyabuk. 14Allah arye Yusuf ati nyabukopura, Yusuf bukukabukce ami ap, el lin Maria ap bobuka, alukunyan noutamak aryuk Mesir mutuku biyik.</div><div class="p"> 15Daulamika ani, Raja Herodes dibukopura, tamubuka sik mutuku kopropa yayik. Awinibik ning nirya ara, Allah yupu laka nyalamuknye, nabi Hosea arye nyalamuk touk winibik. Hosea nyalamuk yupu ara, ani.</div><div class="q1">&#8216;Allah arye nyabuk. Mesir mutuku noutamak arye na mi yukupsiba, tamubuka yayuk.&#8217; (Hosea 11:1)</div><div class="p"> 16Sik kurya dipnin yangalamik nang arye, Herodes tenepce arye, talya nyapbuk yupu deiyok kel kiyamika ati, kekebukabikce, el dam tamubuka kum biyik bukni, sik mutuku kopropa bana ati, yuk bisik biyik. Akunum biyik bukni, aminyan ara, Herodes aning kel kibukce, el pia yu ubuk. Sik kurya dipnin yangalamik nang arye, Herodes ati, &#8220;Kurya atalak arye tikuk,&#8221; nyabikba, Raja Herodes kekebukce, sik nyabik touk deiyok koubuka, anyapce nukdebukabukce, &#8216;Sal mapu keting tamun bitinye arye sekdongobuka, utam mapu nirya obuka sirya daknamne,&#8217; tenebuk. Utenebukce, yu weik ubukba, el yin talin nang ati ayupu nyapdeibuk. &#8220;Betlehem mutuku ap, adam karin mutuku nirya ap, sal mapu, keting tamun bitinye arye sekdongobuka, utam sal mapu nirya oploplulume,&#8221; nyabuk. Elce nyabuk touk binuka obik.</div><div class="p"> 17Amapu nirya obika ara, Allah yupu laka nyalamuknye nabi Yeremia nyalamuk touk, winibuk. Yeremia nyalamuk yupu ara ani.</div><div class="q1"> 18&#8216;Rama mutuku noutamak ara, weik arye malye nyana ap, engena ap, wininmakba, kekepmabe. Rahel, el mapu dipmakba, weik arye engenmale. El kanye talima weik arye buku sukunmala ati, kum namin uptue. Kanye namin una ara, el like. Ara el mapu weike dipmaka atia.&#8217; (Yeremia 31:15)</div><div class="s">Yusuf ap, Maria ap, Yesus ap, sik nirya arye Nasaret mutuku tamubuka yayik yupu</div><div class="p"> 19Yusuf bira, Mesir mutuku noutamak daulamuka ani, Herodes akunum dibukopura, Allah el im deice pil donanye malaikat, lengdar deice Yusuf ati nyalyayuk. 20&#8220;Yusufo, &#8216;Ami optibye&#8217; tenen, pirilamik nang nirya ara, akunum dibika ati, bopmince ami ap, el lin Maria ap, bopmince, Israel mutuku tamubuka bobinulyame,&#8221; nyabuk. 21Nyabukopura, Yusuf bukukabukce, ami ap, el lin Maria ap bobuka, Israel mutuku tamubuka bobiyukce, sik daulamik.</div><div class="p"> 22Daulamik bukni, aminyan talak Israel tam tamubuka biyuk bukni, &#8220;Herodes dibukba, el talyamuk pil pununa ati, winira el mi Arkelaus arye, Yudea tam talibuke,&#8221; nyabikba kekebukce, &#8216;Anye birye opsilyak&#8217; tenen, ilil weik ubukba, &#8216;Yudea tam kum binune,&#8217; tenebuk. Tonda, Allah lengdar deice arye, &#8220;Yesus oplyak ati kanye wisiplyame,&#8221; nyabuka ati, Yusuf kekebukce, Yudea tam kum bukni, Galilea tamuk tamubuka biyuk. 23Galilea tam biyukopura, tonok mutuku si Nasaret mutuku binuka ulamik. Nasaret mutuku binuka ulamika ara, sik Allah yupu laka nyalamik nang, nabi nang arye ayupu nyalamik. Ara, &#8220;Ninye Lyena Deiyoknye bira, &#8216;Nasaretnye ulule,&#8217; nyapnamake,&#8221; nyalamik. Aning ati ara, Nasaret mutuku binuka ulamikce, sik Allah yupu laka nyalamik nang laka nyalamik touk, Nasaret mutuku binuka ulamik.</div>
 </div>
 </div>
</div>

Yesus deiyamuk mutuku ara, Yudea tam noutamak bukni, mutuku si ara, Betlehem mutuku deibuk. Yesus deibuk talak ara, amutuku nirya weik ninye deiyok talibuka ulamuknye, el si ara Raja Herodes ulamuk. Yesus akunum deibukopura, kurya ning min arye kel kibuka balamik nang, keting yangan tam arye, weik mutuku si Yerusalem mutuku dilyayik. Yayikce asipdeyik. “Yahudi yala nang sik weik ninye deiyoknye Raja, winiryuk deipmalnye bira dan ulul do?” nyabuka asipdeyik. “Keting yangan tam arye, anye el kurya tikukba eibupurye, ‘El si erepnamap’ tenen, kurya im noutamak banmok bisikuk dilamuburye, melibuka yanmabe,” nyabik.
Nyabikopura, yuk nang arye Herodes dam laka nyabikba, Herodes kekebukce, malye kanye bobuk. Tonda, ‘Yerusalem mutuku ulamik nang ababye, yata yupu nyanmak do?’ tenen, sik nirya ababye malye kanye bobik. Herodes ara, malye kanye bobukce, Yahudi yala nang, sik Allah arena ap, el si erena ap ati, anyaik pum pil dona deiyok nang ap, Allah arye, ‘Aning ara, wininamlulume, aning ara kum wininamlulume,’ nyapdeibukba, Musa arye sekeiamuk yupu peterena deiyok nang ap, Raja Herodes arye yukubukba yayikopura asipdeyuk. “Allah yupu laka nyalamik nang, nabi-nabi arye, ninye nirya lyeplirye, talinamlanye Kristus ara, yata mutuku deipnamle nyalamik do?” nyabuka asipdeyuk. Asipdeyuk bukni, sikce, “Yudea tam noutamak bukni, Betlehem mutuku deipnamle nyalamik,” nyabik. Ara, Allah yupu laka nyalamuknye, nabi Mika arye, ayupu laka nyabuka sekeiyamsuke. El sekeiyamsuk yupu ara, ani.
‘Allah arye Betlehem mutuku ati nyabuk. “Yudea tam noutamak aubuk mutuku nirya ara, mitik mambul mutuku bukni, Betlehem mutuku ara, pia weik mambule. Ara, Betlehem mutuku noutamak unyak ninye kan-kan arye, weik ninye deiyok unamlanye deipnamake. Anye bira, domba basam teleb ubuka weilamlanye atonun, Allah el mapu Israel ninye ati, bico tenebuka, ‘Wininmale’ nyabuka, pia talinamle. Aning ati ara, Betlehem mutuku ara, weik mambul mutuku nyapne,” Allah arye nyabuk.’
Sik kurya dipnin yangalamik nang arye, Herodes ati nyabik.
Anang arye Herodes ati, ayupu nyabikba, Herodes arye kurya dipnin yangalamik nang yukubukba yayikopura, duknubuka asipdeyuk. “Anggun eiplum kurya ara, dan sum arye tikuk do?” nyabuka asipdeyuk. Asipdeyukce, yupu ton mopreibuk. ‘Betlehem dilbinamak’ tenen, ayupu nyapdeibuk. “Betlehem mutuku bimunce, ami elamunya ani, akunum eipmunyopura, tamubuka ne ati yanuka nyapnumunyeba, na babye el si erebuka kinamne. El si erepnamna atia,” nyabuka, Raja Herodes arye, tenepce arye nyabuk.
Ayupu nyabukba, kekebikopura, kurya banmok bisik eibuka, melibuka dobolbalamik nang ara, biyik. Keting yangan tam arye tikmokba, eipmek kuryauk el menekmokba, sik aminyan melibuka banmeka ani, Yesus deipmok aik, aruma dup deice tikukopura, sik babye anyaik wekik. Akurya anyaik aruma dup deice tikukopura, sik weik arye kanye deibik. Weik arye kanye deibikce, anyaik wekuka Maria ap, el mi Yesus ap eibikce, ami el kina ati, sik nirya arye, gutam tuku diprongobukabikce, tonda, Yesus el si erenmek. Erenmekce, sik mambul ning, lin ning pum torokukabikce, dekna weik ning Yesus ati arebik. Sikce Yesus arebik ning ara, ani. Yo pia akunum mikamuk ning, el si kemenyan uku dongobikba, ‘Teleb nintong nyapnamle’ tenen, arebik. Aning el si ara, kemenyan. Tonda, dekna weik ning emas arebik. Ton ning ara, dekna weik yo pia teleb nintong nyalamuk ning, el si ara, mur arebik. Arebuka mapmekba, lengdar deice, Allah arye anang ati nyabuk. “Anggun tamubuka ban talak ara, Herodes dam bisik bana kume. Yuk bisik arye anggun mutuku kopropa tamubuka binamlulume,” nyabukba, kekebikce yuk bisik biyik.

Sik kurya dipnin yangalamik nang, Yesus delin aik, akunum batakuka biyikopura, lengdar deice arye, Allah el im deice pil donanye malaikat arye, Yusuf ati ayupu nyabuk. “Herodes arye, ami oplyak anya ati, bukmince ami ap, el lin ap bobuka, Mesir mutuku bobilyame. Herodes arye, ‘Ami opnamne’ tenen, pia enamla ati, Mesir mutuku bimince, daulaminya ani, narye yukupkinyopura, tamubuka amutuku yanamlyame,” nyabuk. Allah arye Yusuf ati nyabukopura, Yusuf bukukabukce ami ap, el lin Maria ap bobuka, alukunyan noutamak aryuk Mesir mutuku biyik.
Daulamika ani, Raja Herodes dibukopura, tamubuka sik mutuku kopropa yayik. Awinibik ning nirya ara, Allah yupu laka nyalamuknye, nabi Hosea arye nyalamuk touk winibik. Hosea nyalamuk yupu ara, ani.
‘Allah arye nyabuk. Mesir mutuku noutamak arye na mi yukupsiba, tamubuka yayuk.’
Sik kurya dipnin yangalamik nang arye, Herodes tenepce arye, talya nyapbuk yupu deiyok kel kiyamika ati, kekebukabikce, el dam tamubuka kum biyik bukni, sik mutuku kopropa bana ati, yuk bisik biyik. Akunum biyik bukni, aminyan ara, Herodes aning kel kibukce, el pia yu ubuk. Sik kurya dipnin yangalamik nang arye, Herodes ati, “Kurya atalak arye tikuk,” nyabikba, Raja Herodes kekebukce, sik nyabik touk deiyok koubuka, anyapce nukdebukabukce, ‘Sal mapu keting tamun bitinye arye sekdongobuka, utam mapu nirya obuka sirya daknamne,’ tenebuk. Utenebukce, yu weik ubukba, el yin talin nang ati ayupu nyapdeibuk. “Betlehem mutuku ap, adam karin mutuku nirya ap, sal mapu, keting tamun bitinye arye sekdongobuka, utam sal mapu nirya oploplulume,” nyabuk. Elce nyabuk touk binuka obik.
Amapu nirya obika ara, Allah yupu laka nyalamuknye nabi Yeremia nyalamuk touk, winibuk. Yeremia nyalamuk yupu ara ani.
‘Rama mutuku noutamak ara, weik arye malye nyana ap, engena ap, wininmakba, kekepmabe. Rahel, el mapu dipmakba, weik arye engenmale. El kanye talima weik arye buku sukunmala ati, kum namin uptue. Kanye namin una ara, el like. Ara el mapu weike dipmaka atia.’

Yusuf bira, Mesir mutuku noutamak daulamuka ani, Herodes akunum dibukopura, Allah el im deice pil donanye malaikat, lengdar deice Yusuf ati nyalyayuk. “Yusufo, ‘Ami optibye’ tenen, pirilamik nang nirya ara, akunum dibika ati, bopmince ami ap, el lin Maria ap, bopmince, Israel mutuku tamubuka bobinulyame,” nyabuk. Nyabukopura, Yusuf bukukabukce, ami ap, el lin Maria ap bobuka, Israel mutuku tamubuka bobiyukce, sik daulamik.
Daulamik bukni, aminyan talak Israel tam tamubuka biyuk bukni, “Herodes dibukba, el talyamuk pil pununa ati, winira el mi Arkelaus arye, Yudea tam talibuke,” nyabikba kekebukce, ‘Anye birye opsilyak’ tenen, ilil weik ubukba, ‘Yudea tam kum binune,’ tenebuk. Tonda, Allah lengdar deice arye, “Yesus oplyak ati kanye wisiplyame,” nyabuka ati, Yusuf kekebukce, Yudea tam kum bukni, Galilea tamuk tamubuka biyuk. Galilea tam biyukopura, tonok mutuku si Nasaret mutuku binuka ulamik. Nasaret mutuku binuka ulamika ara, sik Allah yupu laka nyalamik nang, nabi nang arye ayupu nyalamik. Ara, “Ninye Lyena Deiyoknye bira, ‘Nasaretnye ulule,’ nyapnamake,” nyalamik. Aning ati ara, Nasaret mutuku binuka ulamikce, sik Allah yupu laka nyalamik nang laka nyalamik touk, Nasaret mutuku binuka ulamik.

Listen to Matius 2