Chin, Tiddim - Holy Bible in Tedim (Chin) language (NT)

<div class="version vid368 iso6393ctd" data-vid="368" data-iso6393="ctd">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s1">Jesuh&#8217; Aana Neihna Kidong</div><div class="r">(Mat 21:23-27; Mrk 11:27-33)</div><div class="p"> 1Nikhat, Jesuh in biakinntual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate, le upate hong paikhawm uh a, 2Jesuh kiangah, &#8220;Kua&#8217; thu tawh hih bangin gamta a, kua in thu hong pia ahi hiam, hong gen dih in,&#8221; ci-in a dot uh ciangin 3Jesuh in, &#8220;Kei zong thu khat ka hong dong ding hi. Hong gen dih un. 4Johan&#8217; tuiphumna pen Pasian&#8217; tung panin thu ngah ahi hiam, ahih kei leh mihing tung panin thu ngah ahi hiam?&#8221; ci-in a dawng hi. 5Tua ciangin amaute khatlekhat kikum uh a, &#8220;Pasian&#8217; tung panin thu ngah hi,&#8221; ci lehang, &#8220;Bang hangin ama thu um lo na hi uh hiam?&#8221; hong ci ding a, 6&#8220;Mihing tung panin a ngah hi,&#8221; ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi. 7Tua ahih manin Johan&#8217; tuiphumna pen kua thu tawh hiam, cih thei kei ung, ci-in a dawng uh hi. 8Tua ciangin Jesuh in amaute kiangah, &#8220;Hih bangin ka nasepnate kua&#8217; thu tawh ka sep hiam cih kei zong kong gen kei ding hi,&#8221; a ci hi.</div><div class="s1">Leenggah Lo le A Khote Thugentehna</div><div class="r">(Mat 21:33-46; Mrk 12:1-12)</div><div class="p"> 9Tua ciangin Jesuh in mite kiangah thugentehna khat gen a, &#8220;Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sauveipi a tam hi.#Isa 5:1. 10Leenggah min hun a tun ciangin ama ngahzah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na satgawp uh a, khut hawmguakin a ciahsak uh hi. 11Tua ciangin nasem dang khat sawl leuleu a, lo khawhlawhte in tua pa zong na satgawpin maizumsak gawp uh a, khut hawmguak mahin a ciahsak uh hi. 12Tua ciangin a thumveina dongin a nasem dang khat mah sawl leuleu a, lo khawhlawhte in amah zong na liamsak gawpin na sawnkhia uh hi. 13Tua ciangin leenggah lonei pa in, &#8216;Bang cih ding ka hi hiam? Ka it mahmah ka tapa ka sawl ding hi. Amaute in amah na zahtakbawl kha ding uh hi,&#8217; a ci hi. 14Ahi zongin lo khawhlawhte in a tapa a muh uh ciangin khatlekhat in, &#8216;Hih pa, a gamhluah ding pa ahi hi. Ama gamhluah ding teng i ngahtheih nadingin amah that ni,&#8217; a ci uh hi. 15Tua ahih manin amaute in lo nawlah amah sawnkhia-in a that uh hi.</div><div class="p">&#8220;Tua ahihleh lonei pa in hih lo khawhlawhte bang cih ding ahi hiam? 16Amah hong pai-in hih lo khawhlawhte that ding a, midangte khawhlawhsak ding hi,&#8221; a ci hi.</div><div class="p">Amaute in hih thu a zak uh ciangin, &#8220;Hih bangin piang kei ta peuh hen,&#8221; a ci uh hi. 17Tua ciangin Jesuh in amaute enin,</div><div class="q1">&#8220;&#8216;Innlamte in a nilkhiat suang pen</div><div class="q2">innkiu suang bulpi suak khinta hi,&#8217;</div><div class="m">ci-in Lai Siangtho in a gen pen bang a cihnopna ahi hiam?#La 118:22. 18Tua suang tungah a kia mi khempeuh kizangawp ding a, mi khatpeuh tungah tua suang a kiat leh zong dengvuigawp ding hi,&#8221; a ci hi.</div><div class="s1">Sisar&#8217; tungah Siah Piakna</div><div class="r">(Mat 22:15-22; Mrk 12:13-17)</div><div class="p"> 19Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi. 20Tua ahih manin a hunhoih ngakin vil gige uh a, ukna aana a neite&#8217; khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi. 21Hih thukante in Jesuh kiangah, &#8220;Sia aw, na thuhilhnate le na thugente man mahmah hi. Nang in miliante zahtakbawl tuan loin, Pasian&#8217; thu a mantakin na hilhna ka thei uh hi. 22Rom Kumpipa Sisar&#8217; tungah siah i piak ding a kilawm mah ahi hiam, kilawm lo ahi hiam?&#8221; ci-in a dong uh hi.</div><div class="p"> 23Ahi zongin Jesuh in amau&#8217; ngianbawlna thei ahih manin, 24&#8220;Sum peek khat hong lak dih un. Hih sum tunga om lim le min kua-a&#8217; ahi hiam?&#8221; a cih ciangin, &#8220;Kumpipa&#8217; lim le min hi,&#8221; ci-in a dawng uh hi. 25Tua ciangin Jesuh in, &#8220;Tua ahihleh, Kumpipa a&#8217; teng Kumpipa tungah na pia unla, Pasian a&#8217; teng Pasian&#8217; tungah na pia un,&#8221; a ci hi. 26Ama kampauna tawh mihon lak panin a mat nadingun thu om thei lo ahih manin ama thudawnna hangin lamdangsa-in a om khikhe uh hi.</div><div class="s1">Thawhkikna Thudotna</div><div class="r">(Mat 22:23-33; Mrk 12:18-27)</div><div class="p"> 27Tua ciangin, &#8220;Thawhkikna om lo hi,&#8221; a ci mi pawlkhat Jesuh kiangah hong pai uh a,#Sawl 23:8. 28&#8220;Sia aw, Moses in eite a dingin ngeina khat hong koihsak a, &#8216;Mi khat in ta nei loin a zi a sihsan leh, tua a sipa&#8217; khang a kizop theihna dingin a naupa in tua meigongnu tenpih ta hen,&#8217; ci hi.#Thkna 25:5. 29Khatvei, unau pasal sagih om hi. A u pen in zi nei a, ta nei loin a si hi. 30Tua ciangin a naupa in tenpih a, 31tua banah a nausawn in tenpih leuleu hi. Tua bangin a unau sagih dongin tenpih uh a, ta nei lo vive-in a si khin uh hi. 32A tawpna-ah numei zong hong si hi. 33A unau sagih mahin hihnu tenpih ciat khin uh ahih manin thawhkik ni ciangin hih numei pen a kua pen&#8217; zi hi ding ahi hiam?&#8221; ci-in a dong uh hi.</div><div class="p"> 34Tua ciangin Jesuh in, &#8220;Tu huna hih leitung mite in numei le pasal kitenna nei uh hi. 35Ahi zongin sihna panin thokikin a hong tung ding hunah a nungta dingin a kilawm mite in kitenna cihte nei lo uh hi. 36Amaute pen vantungmi tawh kibang uh a, sithei nawn lo uh hi. Sihna panin a thokik khinte ahih manin amaute pen Pasian&#8217; tate ahi uh hi. 37Tua tham loin Moses in zong misite a thawhkikna thu teltakin hong lak hi. Sawlpang kuang thu a genna munah Topa pen, &#8216;Abraham Pasian, Isaac Pasian, Jakob Pasian,&#8217; ci-in a na gen hi.#Pai 3:6. 38Amaute khempeuh hing uh ahih manin, Pasian pen mihingte&#8217; Pasian hi a, misite&#8217; Pasian hi lo hi, a cihnopna ahi hi,&#8221; ci-in a dawng hi. 39Tua ciangin Thukham hilh siate pawlkhat in, &#8220;Sia aw, na dawnna hoih mahmah hi,&#8221; a ci uh hi. 40Tua ahih manin Saddusi mite in thu a dong ngam nawn kei uh hi.</div><div class="s1">David&#8217; Suan tawh kisai Thudotna</div><div class="r">(Mat 22:41-46; Mrk 12:35-37)</div><div class="p"> 41Ahi zongin Jesuh in amaute kiangah, &#8220;Bang hangin Thukham hilh siate in Khrih pen David&#8217; suan hi, ci zenzen ahi uh hiam? 42-43Bang hang hiam cih leh David mahmah in La Bu sungah,</div><div class="q1">&#8216;Topa in keima Topa tungah thu gen a:</div><div class="q2">Na galte, na khenuai-ah</div><div class="q3">ka koih matengin ka taklamah tu in,&#8217;</div><div class="m">ci hi.#La 110:1. 44David in Khrih pen, &#8216;Topa,&#8217; ci ahih manin bang hangin Khrih pen David&#8217; suan hi thei ding ahi hiam?&#8221; a ci hi.</div><div class="s1">Jesuh in Thukham hilh siate Mawhsak</div><div class="r">(Mat 23:1-36; Mrk 12:38-40; Luk 11:37-54)</div><div class="p"> 45Tua ciangin Jesuh in mi khempeuh zakin a nungzuite kiangah, 46&#8220;Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante&#8217; tutna mun hoihte bekah tunuam uh hi. 47Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau&#8217; kineihkhemna tawh kizui-in a gimthuak ding uh lianzaw ding hi,&#8221; a ci hi.</div>
 </div>
 </div>
</div>

Nikhat, Jesuh in biakinntual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate, le upate hong paikhawm uh a, Jesuh kiangah, “Kua’ thu tawh hih bangin gamta a, kua in thu hong pia ahi hiam, hong gen dih in,” ci-in a dot uh ciangin Jesuh in, “Kei zong thu khat ka hong dong ding hi. Hong gen dih un. Johan’ tuiphumna pen Pasian’ tung panin thu ngah ahi hiam, ahih kei leh mihing tung panin thu ngah ahi hiam?” ci-in a dawng hi. Tua ciangin amaute khatlekhat kikum uh a, “Pasian’ tung panin thu ngah hi,” ci lehang, “Bang hangin ama thu um lo na hi uh hiam?” hong ci ding a, “Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi. Tua ahih manin Johan’ tuiphumna pen kua thu tawh hiam, cih thei kei ung, ci-in a dawng uh hi. Tua ciangin Jesuh in amaute kiangah, “Hih bangin ka nasepnate kua’ thu tawh ka sep hiam cih kei zong kong gen kei ding hi,” a ci hi.


Tua ciangin Jesuh in mite kiangah thugentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sauveipi a tam hi. Leenggah min hun a tun ciangin ama ngahzah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na satgawp uh a, khut hawmguakin a ciahsak uh hi. Tua ciangin nasem dang khat sawl leuleu a, lo khawhlawhte in tua pa zong na satgawpin maizumsak gawp uh a, khut hawmguak mahin a ciahsak uh hi. Tua ciangin a thumveina dongin a nasem dang khat mah sawl leuleu a, lo khawhlawhte in amah zong na liamsak gawpin na sawnkhia uh hi. Tua ciangin leenggah lonei pa in, ‘Bang cih ding ka hi hiam? Ka it mahmah ka tapa ka sawl ding hi. Amaute in amah na zahtakbawl kha ding uh hi,’ a ci hi. Ahi zongin lo khawhlawhte in a tapa a muh uh ciangin khatlekhat in, ‘Hih pa, a gamhluah ding pa ahi hi. Ama gamhluah ding teng i ngahtheih nadingin amah that ni,’ a ci uh hi. Tua ahih manin amaute in lo nawlah amah sawnkhia-in a that uh hi.
“Tua ahihleh lonei pa in hih lo khawhlawhte bang cih ding ahi hiam? Amah hong pai-in hih lo khawhlawhte that ding a, midangte khawhlawhsak ding hi,” a ci hi.
Amaute in hih thu a zak uh ciangin, “Hih bangin piang kei ta peuh hen,” a ci uh hi. Tua ciangin Jesuh in amaute enin,
“‘Innlamte in a nilkhiat suang pen
innkiu suang bulpi suak khinta hi,’
ci-in Lai Siangtho in a gen pen bang a cihnopna ahi hiam? Tua suang tungah a kia mi khempeuh kizangawp ding a, mi khatpeuh tungah tua suang a kiat leh zong dengvuigawp ding hi,” a ci hi.


Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi. Tua ahih manin a hunhoih ngakin vil gige uh a, ukna aana a neite’ khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi. Hih thukante in Jesuh kiangah, “Sia aw, na thuhilhnate le na thugente man mahmah hi. Nang in miliante zahtakbawl tuan loin, Pasian’ thu a mantakin na hilhna ka thei uh hi. Rom Kumpipa Sisar’ tungah siah i piak ding a kilawm mah ahi hiam, kilawm lo ahi hiam?” ci-in a dong uh hi.
Ahi zongin Jesuh in amau’ ngianbawlna thei ahih manin, “Sum peek khat hong lak dih un. Hih sum tunga om lim le min kua-a’ ahi hiam?” a cih ciangin, “Kumpipa’ lim le min hi,” ci-in a dawng uh hi. Tua ciangin Jesuh in, “Tua ahihleh, Kumpipa a’ teng Kumpipa tungah na pia unla, Pasian a’ teng Pasian’ tungah na pia un,” a ci hi. Ama kampauna tawh mihon lak panin a mat nadingun thu om thei lo ahih manin ama thudawnna hangin lamdangsa-in a om khikhe uh hi.


Tua ciangin, “Thawhkikna om lo hi,” a ci mi pawlkhat Jesuh kiangah hong pai uh a, “Sia aw, Moses in eite a dingin ngeina khat hong koihsak a, ‘Mi khat in ta nei loin a zi a sihsan leh, tua a sipa’ khang a kizop theihna dingin a naupa in tua meigongnu tenpih ta hen,’ ci hi. Khatvei, unau pasal sagih om hi. A u pen in zi nei a, ta nei loin a si hi. Tua ciangin a naupa in tenpih a, tua banah a nausawn in tenpih leuleu hi. Tua bangin a unau sagih dongin tenpih uh a, ta nei lo vive-in a si khin uh hi. A tawpna-ah numei zong hong si hi. A unau sagih mahin hihnu tenpih ciat khin uh ahih manin thawhkik ni ciangin hih numei pen a kua pen’ zi hi ding ahi hiam?” ci-in a dong uh hi.
Tua ciangin Jesuh in, “Tu huna hih leitung mite in numei le pasal kitenna nei uh hi. Ahi zongin sihna panin thokikin a hong tung ding hunah a nungta dingin a kilawm mite in kitenna cihte nei lo uh hi. Amaute pen vantungmi tawh kibang uh a, sithei nawn lo uh hi. Sihna panin a thokik khinte ahih manin amaute pen Pasian’ tate ahi uh hi. Tua tham loin Moses in zong misite a thawhkikna thu teltakin hong lak hi. Sawlpang kuang thu a genna munah Topa pen, ‘Abraham Pasian, Isaac Pasian, Jakob Pasian,’ ci-in a na gen hi. Amaute khempeuh hing uh ahih manin, Pasian pen mihingte’ Pasian hi a, misite’ Pasian hi lo hi, a cihnopna ahi hi,” ci-in a dawng hi. Tua ciangin Thukham hilh siate pawlkhat in, “Sia aw, na dawnna hoih mahmah hi,” a ci uh hi. Tua ahih manin Saddusi mite in thu a dong ngam nawn kei uh hi.


Ahi zongin Jesuh in amaute kiangah, “Bang hangin Thukham hilh siate in Khrih pen David’ suan hi, ci zenzen ahi uh hiam? Bang hang hiam cih leh David mahmah in La Bu sungah,
‘Topa in keima Topa tungah thu gen a:
Na galte, na khenuai-ah
ka koih matengin ka taklamah tu in,’
ci hi. David in Khrih pen, ‘Topa,’ ci ahih manin bang hangin Khrih pen David’ suan hi thei ding ahi hiam?” a ci hi.


Tua ciangin Jesuh in mi khempeuh zakin a nungzuite kiangah, “Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante’ tutna mun hoihte bekah tunuam uh hi. Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Listen to LUKA 20