Batak Karo - Today's Karo Version, 1987 (NT) Non-Drama

Batak Karo - Today's Karo Version, 1987 (NT) Drama

<div class="version vid35 iso6393btx" data-vid="35" data-iso6393="btx">
 <div class="book bk2CO">
 <div class="chapter ch11" data-usfm="2CO.11">
 <div class="label">11</div><div class="s">Paulus dingen rasul-rasul palsu</div><div class="p"> 1Ngarap aku maka ola kam megelut erkiteken kebodohen si sitik enda! Kugapa pe labo kam megelut. 2Mecimberu ateku ngenehen kam e, e me cemburu ate Dibata kap, sabap kam enggo kupertunangken bagi sekalak singuda-nguda si la keliamen man dilaki si Sada e, e me Kristus jine. 3Aru ateku perukurenndu tergoda, seh maka ukurndu lanai bulat dingen lanai bersih man Kristus, bali ras si Hawa itipu si Iblis alu kinipantasenna. #Kej 3:1-5,13 4Sabap adi reh kalak man bandu meritaken kerna &#8220;Jesus&#8221; si lain asangken si iberitaken kami, labo kam megelut. Bage pe ialokenndu denga ka nge kesah tah pe &#8220;berita si mehuli&#8221; si lain kal ras Kesah Dibata bage pe Berita Si Meriah si ialokenndu i bas kami nari!</div><div class="p"> 5Kuakap labo aku sitik kal pe ketadingen i bas rasul-rasulndu &#8220;si mbelin la teralang e&#8221;. 6Banci jadi kurang beluhku ngerana, tapi labo si e nuduhkenca maka kurang pemetehku. Si enda enggo tangkas ibahan kami i bas kai-kai pe arah erbage-bage cara.</div><div class="p"> 7Asum kuberitaken nai Berita Si Meriah si rehna i bas Dibata nari man bandu la aku ngaloken upah i bas kam nari. Alu si e kupeteruk diringku gelah kam ipeganjang. Salah kin aku i bas si e? 8Perpulungen-perpulungen si deban nge mereken keperlunku; tempa-tempa kurampasi perpulungen-perpulungen e gelah aku banci erdahin i tengah-tengahndu. 9Asum aku i tengah-tengahndu, adi kekurangen aku, la aku jadi tanggungen ise pe. Kerina kekurangenku icukupi senina-senina si reh i Makedoni nari. Subuk asum si e, bage pe i bas wari-wari si reh enda kujaga kal maka ola aku jadi babanndu. #Pil 4:15-18 10Erkiteken kebenaren Kristus si lit i bas aku, la kupelepas ise pe i belang-belang propinsi Akaya ena ngambati kemegahenku e. 11Engkai maka bage ningku? Perbahan la kin ateku keleng kam? Ieteh Dibata kap maka keleng ateku kam.</div><div class="p"> 12Kai sikubahan i bas paksa enda terus nge kulakoken gelah ola lit alasen &#8220;rasul-rasul&#8221; si deban e mujiken dirina alu ngataken maka pendahinna bali ras pendahin kami. 13Sabap kalak si bage rasul-rasul palsu kap. Nipui ia i bas dahinna alu encidahken bana tempa-tempa bali ia ras rasul-rasul Kristus. 14Si enda labo ate mamang! Sabap Iblis pe banci nalihken rupana gelah teridah ia bali ras malekat terang! 15Jadi labo perkara si mbelin kal e adi persuruhen Iblis e nalihken rupana gelah teridah bali ras persuruhen si mehuli. Kedungenna ugapa pe idatna nge balasen sue ras perbahanenna.</div><div class="s">Kiniseran Paulus selaku rasul</div><div class="p"> 16Sekali nari kukataken: ola ise pe erpengakap maka aku la sehsa. Tapi adi bage pengakapndu, alokenlah aku bagi kalak si la sehsa, gelah banci meganjang sitik cakapku. 17Kai si nandangi kukataken enda labo bekas penjemba Tuhan, tapi aku ngerana bagi kalak si la sehsa. 18Bagi nterem kalak meganjang cakapna erkiteken kemegahen doni, aku pe meganjang ka ateku kubahan cakapku. 19Erkiteken kam kalak pentar, alu ukur menahang la kam megelut man kalak si la sehsa. 20Aminna pe kam iperbudak, tah itipu, tah icari kalak untung i bas kam, tah megombang kalak man bandu, dingen iparap kalak ayondu, la kam megelut man kalak si erbahan bage. 21Si tuhuna mela kuakap ngakuisa, maka kami la ngasup ngelakoken si bage.</div><div class="p">Tapi adi lit kalak si pang ngerana alu cakap meganjang kerna kai-kai gia, aku pe pang ka nge. Aku ngerana bagi kalak si la sehsa. 22Kalak Jahudi kin ia? Aku pe kalak Jahudi nge. Kalak Israel kin ia? Aku pe kalak Israel nge. Kesusuren Abraham kin ia? Aku pe kesusuren Abraham nge. 23Persuruhen Kristus kin ia? Bagi kalak adon tempa pengeranangku &#8211; aku lebihen asangken kalak e. Buen aku erdahin. Usuren aku ipenjaraken. Usuren aku iligasi. Gatin aku menam mate. #Perb 16:23 24Lima nembas aku iligasi kalak Jahudi; telu puluh siwah kali tep-tep nembas. #Ul 25:3 25Telu kali aku igudam kalak Roma janah sekali aku ibenteri alu batu. Telu kali karam kapal si kutumpangi, janah sekali bombang-bombang aku i babo lawit sada wari sada berngi dekahna. #Perb 16:22; 14:19 26I bas perdalanen-perdalanenku, megati aku jumpa bahaya: bahaya lau mbelin, bahaya kena rampok, bahaya erkiteken teman sebangsangku ras i bas bangsa si deban nari, bahaya i bas kota ras i bas ingan si mesawang, bahaya i lawit, bage pe bahaya i bas teman si pekulah-kulahna erkiniteken. #Perb 9:23; 14:5 27I bas aku erdahin mberat dingen latih suhsah e, megati aku la terpedem, megati muas dingen melihe; megati la lit si man panganenku, megati bergehen erkiteken kurang uis. 28Tambah-tambah si debanna si la kuturiken i jenda, tep-tep wari leket i bas ukurku kecibal kerina perpulungen. 29Adi lit kalak si mesera akapna, ndiganai kin la kugejapken kiniseranna e? Adi lit kalak si idabuhken ku bas dosa, ndiganai kin la gara pusuh peratenku?</div><div class="p"> 30Adi la banci lang meganjang cakapku, kerna gegehku si kuranglah cakapku meganjang. 31Dibata, Bapa Tuhan Jesus, si terpuji seh rasa lalap, IA metehsa maka aku labo erbual. 32Asum aku i Damaskus, wakil raja Aretas nuruh perajurit-perajuritna erjaga i gerbang kota guna nangkap aku. #Perb 9:23-25 33Tapi arah sada jendela si lit i bas tembok kuta itantan kalak aku ku teruh tare raga, ndarat i bas kuta e nari. Alu bage pulah aku i bas ia nari.</div>
 </div>
 </div>
</div>

Batak Karo Bible © Indonesian Bible Society, 2003.

Ngarap aku maka ola kam megelut erkiteken kebodohen si sitik enda! Kugapa pe labo kam megelut. Mecimberu ateku ngenehen kam e, e me cemburu ate Dibata kap, sabap kam enggo kupertunangken bagi sekalak singuda-nguda si la keliamen man dilaki si Sada e, e me Kristus jine. Aru ateku perukurenndu tergoda, seh maka ukurndu lanai bulat dingen lanai bersih man Kristus, bali ras si Hawa itipu si Iblis alu kinipantasenna. Sabap adi reh kalak man bandu meritaken kerna “Jesus” si lain asangken si iberitaken kami, labo kam megelut. Bage pe ialokenndu denga ka nge kesah tah pe “berita si mehuli” si lain kal ras Kesah Dibata bage pe Berita Si Meriah si ialokenndu i bas kami nari!
Kuakap labo aku sitik kal pe ketadingen i bas rasul-rasulndu “si mbelin la teralang e”. Banci jadi kurang beluhku ngerana, tapi labo si e nuduhkenca maka kurang pemetehku. Si enda enggo tangkas ibahan kami i bas kai-kai pe arah erbage-bage cara.
Asum kuberitaken nai Berita Si Meriah si rehna i bas Dibata nari man bandu la aku ngaloken upah i bas kam nari. Alu si e kupeteruk diringku gelah kam ipeganjang. Salah kin aku i bas si e? Perpulungen-perpulungen si deban nge mereken keperlunku; tempa-tempa kurampasi perpulungen-perpulungen e gelah aku banci erdahin i tengah-tengahndu. Asum aku i tengah-tengahndu, adi kekurangen aku, la aku jadi tanggungen ise pe. Kerina kekurangenku icukupi senina-senina si reh i Makedoni nari. Subuk asum si e, bage pe i bas wari-wari si reh enda kujaga kal maka ola aku jadi babanndu. Erkiteken kebenaren Kristus si lit i bas aku, la kupelepas ise pe i belang-belang propinsi Akaya ena ngambati kemegahenku e. Engkai maka bage ningku? Perbahan la kin ateku keleng kam? Ieteh Dibata kap maka keleng ateku kam.
Kai sikubahan i bas paksa enda terus nge kulakoken gelah ola lit alasen “rasul-rasul” si deban e mujiken dirina alu ngataken maka pendahinna bali ras pendahin kami. Sabap kalak si bage rasul-rasul palsu kap. Nipui ia i bas dahinna alu encidahken bana tempa-tempa bali ia ras rasul-rasul Kristus. Si enda labo ate mamang! Sabap Iblis pe banci nalihken rupana gelah teridah ia bali ras malekat terang! Jadi labo perkara si mbelin kal e adi persuruhen Iblis e nalihken rupana gelah teridah bali ras persuruhen si mehuli. Kedungenna ugapa pe idatna nge balasen sue ras perbahanenna.

Sekali nari kukataken: ola ise pe erpengakap maka aku la sehsa. Tapi adi bage pengakapndu, alokenlah aku bagi kalak si la sehsa, gelah banci meganjang sitik cakapku. Kai si nandangi kukataken enda labo bekas penjemba Tuhan, tapi aku ngerana bagi kalak si la sehsa. Bagi nterem kalak meganjang cakapna erkiteken kemegahen doni, aku pe meganjang ka ateku kubahan cakapku. Erkiteken kam kalak pentar, alu ukur menahang la kam megelut man kalak si la sehsa. Aminna pe kam iperbudak, tah itipu, tah icari kalak untung i bas kam, tah megombang kalak man bandu, dingen iparap kalak ayondu, la kam megelut man kalak si erbahan bage. Si tuhuna mela kuakap ngakuisa, maka kami la ngasup ngelakoken si bage.
Tapi adi lit kalak si pang ngerana alu cakap meganjang kerna kai-kai gia, aku pe pang ka nge. Aku ngerana bagi kalak si la sehsa. Kalak Jahudi kin ia? Aku pe kalak Jahudi nge. Kalak Israel kin ia? Aku pe kalak Israel nge. Kesusuren Abraham kin ia? Aku pe kesusuren Abraham nge. Persuruhen Kristus kin ia? Bagi kalak adon tempa pengeranangku – aku lebihen asangken kalak e. Buen aku erdahin. Usuren aku ipenjaraken. Usuren aku iligasi. Gatin aku menam mate. Lima nembas aku iligasi kalak Jahudi; telu puluh siwah kali tep-tep nembas. Telu kali aku igudam kalak Roma janah sekali aku ibenteri alu batu. Telu kali karam kapal si kutumpangi, janah sekali bombang-bombang aku i babo lawit sada wari sada berngi dekahna. I bas perdalanen-perdalanenku, megati aku jumpa bahaya: bahaya lau mbelin, bahaya kena rampok, bahaya erkiteken teman sebangsangku ras i bas bangsa si deban nari, bahaya i bas kota ras i bas ingan si mesawang, bahaya i lawit, bage pe bahaya i bas teman si pekulah-kulahna erkiniteken. I bas aku erdahin mberat dingen latih suhsah e, megati aku la terpedem, megati muas dingen melihe; megati la lit si man panganenku, megati bergehen erkiteken kurang uis. Tambah-tambah si debanna si la kuturiken i jenda, tep-tep wari leket i bas ukurku kecibal kerina perpulungen. Adi lit kalak si mesera akapna, ndiganai kin la kugejapken kiniseranna e? Adi lit kalak si idabuhken ku bas dosa, ndiganai kin la gara pusuh peratenku?
Adi la banci lang meganjang cakapku, kerna gegehku si kuranglah cakapku meganjang. Dibata, Bapa Tuhan Jesus, si terpuji seh rasa lalap, IA metehsa maka aku labo erbual. Asum aku i Damaskus, wakil raja Aretas nuruh perajurit-perajuritna erjaga i gerbang kota guna nangkap aku. Tapi arah sada jendela si lit i bas tembok kuta itantan kalak aku ku teruh tare raga, ndarat i bas kuta e nari. Alu bage pulah aku i bas ia nari.

Listen to 2 KORINTI 11