Bible translation: Sidama © Bible Society of Ethiopia, 2017 Recording of the New Testament ℗ 2020 Hosanna

Sidama - 2017 BSE (NT) Non Drama

Sidama - 2017 BSE (NT) Drama

<div class="version vid3204 iso6393sid" data-vid="3204" data-iso6393="sid">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s">YESUUSI ROSAANOSIRA HUUCCATTO ROSIISI</div><div class="r">(Mat 6:9-15; 7:7-11)</div><div class="p"> 1Yesuusi mitte hige mitto darga huuccatto assi'ri. Huuccatto gudita rosaanote giddonni mittichu, &#171;Mooticha, Yohaannisi rosaanosira rosiisinte gede, ninkerano huuccatto rosiisinke&#187; yii. 2Yesuusi qole, huuccidhinanni woyite,</div><div class="q1">&#171; &#8249;Annanke gordoho hee'rattohu,</div><div class="q2">su'mikki qullaawa ikko.</div><div class="q2">Gashshootikki dayo;</div><div class="q1"> 3techo barrita sagalenke uyinke.</div><div class="q1"> 4Wolootu sao agurreemmonte gede,</div><div class="q2">ninke saono agurinke;</div><div class="q2">bushu coyiwiinni gatisinke ikkinnina,</div><div class="q1">jifammeemmo gede assitootinke&#8250;</div><div class="m">yitine huuccidhe&#187; yiinsa.</div><div class="p"> 5Rosaanosira lede, &#171;Ki'ne giddonni mittu hashshu mereero jaalisi minira mare, &#8249;Jaala'ya ballo sase tima liqiissie. 6Mittu jaali'ya xeertote gobbanni kae dayenna itisi'reemmore hoogoommo&#8250; yaanno. 7Jaalisi qole, &#8249;Eeggatena qarrissootie; minu cufamino; ooso'yano daallasaho ledo'ya goxxe no. Kunnira kae sagale aammohera didandeemmo&#8250; yaannoni? 8Jaaloomisi daafira yee kae aa hoogiro nafa, qarrisinosi daafira kae hasi'rannore baala aannosi.</div><div class="p"> 9&#171;Anino, &#8249;Huuccidhe, uyinanni'nena. Hasidhe, afidhinannina. Waalcho ganganne fannanni'nena&#8250; yeemmo'ne. 10Huucci'rannohu baalu adhanno. Hasi'rannohuno afi'ranno. Waalcho ganganannohura fannannisi. 11Ki'ne giddo anna ikke hee're, beettisi [tima huucci'reenna kincho aannohu nooni?]#11:11 Qoqqowu giddo noohu mite mite keeshshitinotera angatenni borreessinoonni borro giddo dino. Qulxu'me huucci'reenna hamashsho aannosini? 12Woy quuphe huucci'reenna idda aannosini? 13Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?&#187; yiinsa.</div><div class="s">YESUUSINNA BIELIZEBUULI</div><div class="r">(Mat 12:22-30; Maq 3:20-27)</div><div class="p"> 14Yesuusi mittu manchi giddonni danqicha durriisa fushshi. Durriisu fulita danqe keeshshino manchi coyi'ra hanafi. Mannuno konne coye lae dhaggeeffati. 15Gamu manni kayinni, &#171;Durriisa fushshinohu Durriisu roorrichi Bielizebuuli wolqanniiti&#187; yitu. 16Wolootu qolte fonqoltasira hedde gordunni mitto malaate aannonsa gede xa'mitusi. 17Yesuusino hedonsa afino daafira, &#171;Mimmitu ledo gosooma kalaqi'ranno gashshooti ba"anno. Babbadamanno ayiddino billaalle ba"anno. 18Sheexaanu gashshootino babbaxxannoha ikkiro, hiitto ikke hee'ra dandaanno? Ki'ne, &#8249;Isi durriisa fushshannohu Bielizebuuli wolqanniiti&#8250; yitinanni. 19Ani durriisa Bielizebuuli su'minni fushsheemmoha ikkiro, ki'ne hoode hadhannori hiitto assite fushshitannoyya? Kunnira ki'ne, hoode'ne hadhannori yoo yitanno'ne. 20Ani durriisa Maganu wolqanni fushsheemmoha ikkiro, kuni coyi Maganu Gashshooti ki'newa iillinota leellishanno.</div><div class="p"> 21&#171;Wolqaataamu manchi bagadosi baala gamba assi're qaesi agadhiro jajjisi dieddaramanno. 22Iso roorino jawaati daye gawajje qeelisiro kayinni, hexxinoha bagadosi adhanno. Qeele adhinoreno woleho beehanno. 23Ane ledoha ikkinokkihu baalu ane giwanno. Ane ledo xaadannokkihu billaallisi'ranno.</div><div class="s">BATTETE AYYAANI GALAGALE MAYIRA HIGANNO</div><div class="r">(Mat 12:43-45)</div><div class="p"> 24&#171;Battete ayyaani mannuwiinni fule fooliishshi'rannowa hasi'ranni, moola gobba ha'ranno; fooliishshi'rannowa hoogiro, &#8249;Galagale fulummo minira ha'reemmo&#8250; yaanno. 25Galagale daye mine feyame biifinoha afanno. 26Hakkunni gedensaanni ha're lamala isinni roore bushuulle durriissa adhe daanno. Insano dagge hakko heedhanno; manchohono gedensiidi heeshsho albitenni roore busha ikkitanno&#187; yii.</div><div class="s">HALAALAANCHO MAASSO</div><div class="p"> 27Yesuusi konne coye coyi'rita, mannu giddonni mitte mancho qoonqose naggi assite, &#171;Ate ilte qansidhu ama maassantinote&#187; yitu. 28Yesuusi qole, &#171;Maassantinori Maganu qaale macciishshite hajajantannoreeti&#187; yii.</div><div class="s">MAALALE LA"ATE HASI'RANNO MANNA</div><div class="r">(Mat 12:38-42; Maq 8:12)</div><div class="p"> 29Lowo manni gamba yeenna Yesuusi, &#171;Tini busha ilamaati. Maalale leellinshansara hasidhanno; Yoonaasi maalale agurranna wole diuyinanninsa. 30Himanaanchu Yoonaasi Nennewe mannira malaate ikkinte gede, Manchi Beettino tenne yanna ilamara malaate ikkanno.#Yon 3:4 lai. 31Yoote barra Wodiidi gobba Mootitte tenne ilama ledo ka'e insara yoo yitanno. Ise Selemooni hayyo macciishshitara gobbate qaccenni ka'e daggino. Selemooni rooru kayinni kawiicho no. 32Yoote barra Nennewe gosa tenne ilama ledo ka'e insara yoo yitanno. Nennewe gosa Yoonaasi sokka macciishshitu woyite cubbonsa aagintaabbe higgino. Yoonaasi rooru kayinni kawiicho no&#187; yii.</div><div class="s">MANNIMMATE CAABBICHO</div><div class="r">(Mat 5:15; 6:22-23)</div><div class="p"> 33Yesuusi lede, &#171;Caabbicho xawisihu gedensaanni go'lino darga woy gimboolaho woroonni worannohu dino. Mannaho eanno woyite xawanno gede caabbicho worranni uduunnichi aana woranno. 34Illekki mannimmakki caabbichooti. Illekki fayyo ikkituro, mannimmakki baala xabbanno. Illekki fayya hoogguro kayinni, mannimmakki baala tunsitanno. 35Giddokki noo xawaabbi tunsannokki gede agadhi. 36Kunnira, mittu dargino tunsikkinni, bisikki gudisame xawaabba ikkiro, caabbichu xawannohe garinni manninatikki baalu wara'a yee xawanno&#187; yaanni rosiisi.</div><div class="s">YESUUSI FARISOOTANNA MUSE SEERI ROSIISAANO MISHI</div><div class="r">(Mat 23:1-36; Maq 12:38-40; Luq 20:45-47)</div><div class="p"> 37Yesuusi konne coye coyi'ranni hee'reenna mittu Farisichi ledosi sagale itanno gede koyisisi. Isino mare sagale itara ofolli. 38Farisichu Yesuusi itara albaanni anga hayishshi'rinokkita afe, dhaggeeffati. 39Kunnira Mootichu, &#171;Ki'ne Farisootu finiinchohonna xilteho gobbayido seekkitinanni; giddo'ne kayinni xagarronna bunshe wo'mitino. 40Ki'ne gowwootu, gobbayido kalaqinohu giddoyidono dikalaqino? 41Finiinchi'nenna xilti'ne giddo noore buxanete uuyye; hakkunni gedensaanni wo'munku coyi fayyaaleessa ikkanno'ne.</div><div class="p"> 42&#171;Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne. 43Ki'ne Farisootaho aanne'e! Xaadu mine ayirrado darga ofolla baxxinanni. Dikkoteno keere haa'na'nera hasidhinanni. 44Mannu afikkinni aanaanni ha'rannota malaatu nookki waamma labbinanni daafira, ki'nera aanne'e&#187; yiinsa.</div><div class="p"> 45Seeru rosiisaano giddonni mittu Yesuusa, &#171;Rosiisaancho, togo yaatto woyite ninkeno xontanniwe nootto&#187; yii.</div><div class="p"> 46Yesuusi qole, &#171;Ki'ne Seeru rosiisaanora aanne'e! Mannaho dandiinannikki duha duhisiissinanni; ki'ne kayinni qubbichunni nafa dikissinanni. 47Himanaanote waammara madaada gantinannirira ki'nera aanne'e; insa shitinorino akaakka'neeti. 48Akaakka'ne shitino himanaano waamma seekka'nera, ki'neno hakkunni bushu loosinsara ledoreetinna naqaashshete. 49Kunnira Maganu hayyo, &#8249;Insawa himanaanonna soqqamaasine soyemmo. Insa giddonnino gama shitanno; gama gadadissanno.&#8250; 50Kalqe kalaqantuhunni kayise himanaanote mundee du'nantinohura, 51Abeelinni kayisse kakkalote darginna Qullaawu Mini mereero shinihu Zakkaariyaasi geeshsha du'nantino mundeera, tini ilama xa'mantanno. 52Ki'ne Seeru rosiisaanora aanne'e! Ki'ne egennote waalcho fannanniricho adhitine ho'litinoonni. Ki'neno die'inoonni; e'annoreno hooltinoonni&#187; yii.</div><div class="p"> 53Yesuusi hakkiinni kae ha'rita Farisootunna Seeru rosiisaano iso qussitanni baca coye coyi'ranno gede assitusi; 54hatto assitinohuno, coyinni sarraaqqe amaddasira hasidheeti.</div>
 </div>
 </div>
</div>

Yesuusi mitte hige mitto darga huuccatto assi'ri. Huuccatto gudita rosaanote giddonni mittichu, «Mooticha, Yohaannisi rosaanosira rosiisinte gede, ninkerano huuccatto rosiisinke» yii. Yesuusi qole, huuccidhinanni woyite,
« ‹Annanke gordoho hee'rattohu,
su'mikki qullaawa ikko.
Gashshootikki dayo;
techo barrita sagalenke uyinke.
Wolootu sao agurreemmonte gede,
ninke saono agurinke;
bushu coyiwiinni gatisinke ikkinnina,
jifammeemmo gede assitootinke›
yitine huuccidhe» yiinsa.
Rosaanosira lede, «Ki'ne giddonni mittu hashshu mereero jaalisi minira mare, ‹Jaala'ya ballo sase tima liqiissie. Mittu jaali'ya xeertote gobbanni kae dayenna itisi'reemmore hoogoommo› yaanno. Jaalisi qole, ‹Eeggatena qarrissootie; minu cufamino; ooso'yano daallasaho ledo'ya goxxe no. Kunnira kae sagale aammohera didandeemmo› yaannoni? Jaaloomisi daafira yee kae aa hoogiro nafa, qarrisinosi daafira kae hasi'rannore baala aannosi.
«Anino, ‹Huuccidhe, uyinanni'nena. Hasidhe, afidhinannina. Waalcho ganganne fannanni'nena› yeemmo'ne. Huucci'rannohu baalu adhanno. Hasi'rannohuno afi'ranno. Waalcho ganganannohura fannannisi. Ki'ne giddo anna ikke hee're, beettisi [tima huucci'reenna kincho aannohu nooni?] Qulxu'me huucci'reenna hamashsho aannosini? Woy quuphe huucci'reenna idda aannosini? Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?» yiinsa.


Yesuusi mittu manchi giddonni danqicha durriisa fushshi. Durriisu fulita danqe keeshshino manchi coyi'ra hanafi. Mannuno konne coye lae dhaggeeffati. Gamu manni kayinni, «Durriisa fushshinohu Durriisu roorrichi Bielizebuuli wolqanniiti» yitu. Wolootu qolte fonqoltasira hedde gordunni mitto malaate aannonsa gede xa'mitusi. Yesuusino hedonsa afino daafira, «Mimmitu ledo gosooma kalaqi'ranno gashshooti ba"anno. Babbadamanno ayiddino billaalle ba"anno. Sheexaanu gashshootino babbaxxannoha ikkiro, hiitto ikke hee'ra dandaanno? Ki'ne, ‹Isi durriisa fushshannohu Bielizebuuli wolqanniiti› yitinanni. Ani durriisa Bielizebuuli su'minni fushsheemmoha ikkiro, ki'ne hoode hadhannori hiitto assite fushshitannoyya? Kunnira ki'ne, hoode'ne hadhannori yoo yitanno'ne. Ani durriisa Maganu wolqanni fushsheemmoha ikkiro, kuni coyi Maganu Gashshooti ki'newa iillinota leellishanno.
«Wolqaataamu manchi bagadosi baala gamba assi're qaesi agadhiro jajjisi dieddaramanno. Iso roorino jawaati daye gawajje qeelisiro kayinni, hexxinoha bagadosi adhanno. Qeele adhinoreno woleho beehanno. Ane ledoha ikkinokkihu baalu ane giwanno. Ane ledo xaadannokkihu billaallisi'ranno.


«Battete ayyaani mannuwiinni fule fooliishshi'rannowa hasi'ranni, moola gobba ha'ranno; fooliishshi'rannowa hoogiro, ‹Galagale fulummo minira ha'reemmo› yaanno. Galagale daye mine feyame biifinoha afanno. Hakkunni gedensaanni ha're lamala isinni roore bushuulle durriissa adhe daanno. Insano dagge hakko heedhanno; manchohono gedensiidi heeshsho albitenni roore busha ikkitanno» yii.

Yesuusi konne coye coyi'rita, mannu giddonni mitte mancho qoonqose naggi assite, «Ate ilte qansidhu ama maassantinote» yitu. Yesuusi qole, «Maassantinori Maganu qaale macciishshite hajajantannoreeti» yii.


Lowo manni gamba yeenna Yesuusi, «Tini busha ilamaati. Maalale leellinshansara hasidhanno; Yoonaasi maalale agurranna wole diuyinanninsa. Himanaanchu Yoonaasi Nennewe mannira malaate ikkinte gede, Manchi Beettino tenne yanna ilamara malaate ikkanno. Yoote barra Wodiidi gobba Mootitte tenne ilama ledo ka'e insara yoo yitanno. Ise Selemooni hayyo macciishshitara gobbate qaccenni ka'e daggino. Selemooni rooru kayinni kawiicho no. Yoote barra Nennewe gosa tenne ilama ledo ka'e insara yoo yitanno. Nennewe gosa Yoonaasi sokka macciishshitu woyite cubbonsa aagintaabbe higgino. Yoonaasi rooru kayinni kawiicho no» yii.


Yesuusi lede, «Caabbicho xawisihu gedensaanni go'lino darga woy gimboolaho woroonni worannohu dino. Mannaho eanno woyite xawanno gede caabbicho worranni uduunnichi aana woranno. Illekki mannimmakki caabbichooti. Illekki fayyo ikkituro, mannimmakki baala xabbanno. Illekki fayya hoogguro kayinni, mannimmakki baala tunsitanno. Giddokki noo xawaabbi tunsannokki gede agadhi. Kunnira, mittu dargino tunsikkinni, bisikki gudisame xawaabba ikkiro, caabbichu xawannohe garinni manninatikki baalu wara'a yee xawanno» yaanni rosiisi.


Yesuusi konne coye coyi'ranni hee'reenna mittu Farisichi ledosi sagale itanno gede koyisisi. Isino mare sagale itara ofolli. Farisichu Yesuusi itara albaanni anga hayishshi'rinokkita afe, dhaggeeffati. Kunnira Mootichu, «Ki'ne Farisootu finiinchohonna xilteho gobbayido seekkitinanni; giddo'ne kayinni xagarronna bunshe wo'mitino. Ki'ne gowwootu, gobbayido kalaqinohu giddoyidono dikalaqino? Finiinchi'nenna xilti'ne giddo noore buxanete uuyye; hakkunni gedensaanni wo'munku coyi fayyaaleessa ikkanno'ne.
«Ki'ne Farisootaho aanne'e! Afuduudu, sunkurtunna shaanu giddonni tonnunni mitte anga uyitinanni; wole widoonni kayinni Maganu baxillenna halaale agurtinoonni. Hakkoreno agurtinikkinni konne coyeno agara hasiissanno'ne. Ki'ne Farisootaho aanne'e! Xaadu mine ayirrado darga ofolla baxxinanni. Dikkoteno keere haa'na'nera hasidhinanni. Mannu afikkinni aanaanni ha'rannota malaatu nookki waamma labbinanni daafira, ki'nera aanne'e» yiinsa.
Seeru rosiisaano giddonni mittu Yesuusa, «Rosiisaancho, togo yaatto woyite ninkeno xontanniwe nootto» yii.
Yesuusi qole, «Ki'ne Seeru rosiisaanora aanne'e! Mannaho dandiinannikki duha duhisiissinanni; ki'ne kayinni qubbichunni nafa dikissinanni. Himanaanote waammara madaada gantinannirira ki'nera aanne'e; insa shitinorino akaakka'neeti. Akaakka'ne shitino himanaano waamma seekka'nera, ki'neno hakkunni bushu loosinsara ledoreetinna naqaashshete. Kunnira Maganu hayyo, ‹Insawa himanaanonna soqqamaasine soyemmo. Insa giddonnino gama shitanno; gama gadadissanno.› Kalqe kalaqantuhunni kayise himanaanote mundee du'nantinohura, Abeelinni kayisse kakkalote darginna Qullaawu Mini mereero shinihu Zakkaariyaasi geeshsha du'nantino mundeera, tini ilama xa'mantanno. Ki'ne Seeru rosiisaanora aanne'e! Ki'ne egennote waalcho fannanniricho adhitine ho'litinoonni. Ki'neno die'inoonni; e'annoreno hooltinoonni» yii.
Yesuusi hakkiinni kae ha'rita Farisootunna Seeru rosiisaano iso qussitanni baca coye coyi'ranno gede assitusi; hatto assitinohuno, coyinni sarraaqqe amaddasira hasidheeti.

Listen to LUQAASI 11