The Revised Maasai Bible © 2018, Bible Society of Kenya www.biblesociety-kenya.org The Revised Maasai Audio Bible ℗ 2019, Davar Partners International (Audio) www.davaraudiobibles.org God's word open for all

The Revised Maasai Bible

<div class="version vid3064 iso6393mas" data-vid="3064" data-iso6393="mas">
 <div class="book bkZEC">
 <div class="chapter ch13" data-usfm="ZEC.13">
 <div class="label">13</div><div class="p"> 1&#8220;Ore kenya teina olong, naa ketumi enkong'u enkare nabolo te nkaraki enkaji e Daudi o lelo oomanya Yerusalem pee eitukuoo ing'ok enye o pooki nemesinya. 2Naa ore teina olong, Olaitoriani loo lororani ojo, ekajutoo aiwuang'ie nkarn oo nkitaanyaanyukot oo nkaitin teinakop, ometaa meigili aekata aadamu; naiwuang'ie sii iloibonok o nkiyang'eta torrok. 3Naa teneitoki ake ninye oltung'ani alotu anaa oloiboni naa kejoki ninye menye otoiwuo tenebo ng'otonye, &#8216;Mintoki taa aishu, amu iroro elejare te nkarna o Laitoriani;&#8217; ore menye o ng'otonye naatoiutuo ninye neng'or ninche ninye meipang'a ina kata eibonisho. 4Ore kenya teina olong naa kekurru pooki oiboni teneibonisho te nduata enye; meitoki aishop olkila oju pee etum atelejisho. 5Ekeaku kejo, &#8216;Mara nanu oloiboni, ara olaturoni le nterit; amu ara apake olaturoni ebaiki lelero ai.&#8217; 6Naa teneikilikuan likae ajoki ninye, &#8216;Kainyoo doi kulo baa ootii enkoriong ino?&#8217; Naa kejo, &#8216;Ilbaa laatipikaki tiatua enkaji oo lchoreta laainei.&#8217; &#8221;</div><div class="s">Enkitanapata naarieki olchekut le Nkai netuata</div><div class="p"> 7 # 
 Mat 26.31; Mk 14.27 &#8220;Inyo lo alem tudumakinoyu olchekut lai, tigilunore ilo tung'ani oitashe te mbata nanu:&#8221; Olaitoriani loo lororani ojo. &#8220;Toosho ilo shekut, pee etum ntare aaidapashata; naa kaibelekeny, enkaina ai agilunore lelo ooti. 8Ore tiatua enkop pooki, Olaitoriani ojo, ore ematua e are te uni tiatua iltung'ana naa kemuta, neaku ematua nabo te uni eing'uari eishu. 9Naa kapik nanu ina matua nabo te uni atua enkima, naa kasil nanu ninche anaa olosil enkosholai naitoki atem ninche anaa enatemi saabu. Naa keipot ninche enkarna ai, nawaliki nanu ninche. Naa kajo nanu, &#8216;Iltung'ana laainei ninche, Olaitoriani Enkai ang.&#8217; &#8221;</div>
 </div>
 </div>
</div>

“Ore kenya teina olong, naa ketumi enkong'u enkare nabolo te nkaraki enkaji e Daudi o lelo oomanya Yerusalem pee eitukuoo ing'ok enye o pooki nemesinya. Naa ore teina olong, Olaitoriani loo lororani ojo, ekajutoo aiwuang'ie nkarn oo nkitaanyaanyukot oo nkaitin teinakop, ometaa meigili aekata aadamu; naiwuang'ie sii iloibonok o nkiyang'eta torrok. Naa teneitoki ake ninye oltung'ani alotu anaa oloiboni naa kejoki ninye menye otoiwuo tenebo ng'otonye, ‘Mintoki taa aishu, amu iroro elejare te nkarna o Laitoriani;’ ore menye o ng'otonye naatoiutuo ninye neng'or ninche ninye meipang'a ina kata eibonisho. Ore kenya teina olong naa kekurru pooki oiboni teneibonisho te nduata enye; meitoki aishop olkila oju pee etum atelejisho. Ekeaku kejo, ‘Mara nanu oloiboni, ara olaturoni le nterit; amu ara apake olaturoni ebaiki lelero ai.’ Naa teneikilikuan likae ajoki ninye, ‘Kainyoo doi kulo baa ootii enkoriong ino?’ Naa kejo, ‘Ilbaa laatipikaki tiatua enkaji oo lchoreta laainei.’ ”

“Inyo lo alem tudumakinoyu olchekut lai, tigilunore ilo tung'ani oitashe te mbata nanu:” Olaitoriani loo lororani ojo. “Toosho ilo shekut, pee etum ntare aaidapashata; naa kaibelekeny, enkaina ai agilunore lelo ooti. Ore tiatua enkop pooki, Olaitoriani ojo, ore ematua e are te uni tiatua iltung'ana naa kemuta, neaku ematua nabo te uni eing'uari eishu. Naa kapik nanu ina matua nabo te uni atua enkima, naa kasil nanu ninche anaa olosil enkosholai naitoki atem ninche anaa enatemi saabu. Naa keipot ninche enkarna ai, nawaliki nanu ninche. Naa kajo nanu, ‘Iltung'ana laainei ninche, Olaitoriani Enkai ang.’ ”

Listen to Sakaria 13