If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkZEC">
 <div class="chapter ch14" data-usfm="ZEC.14">
 <div class="label">14</div><div class="s">Mwami Leza mbwayoobukulusya Jelusalemu</div><div class="p"> 1Buzuba bwa Mwami Leza buyoosika zisaalo zyanu noziyooabanyizigwa akati kanu. 2Njoobunganya misyobo yoonse kuti ikaboole kuzoolwana munzi wa Jelusalemu, munzi uyoozundwa, maanda ayoosaalwa, bakaintu bayoojatwa. Cisela camunzi ciyootolwa mubwaange, pele bamwi babantu basyeede tabakagwisigwi mumunzi. 3Mpawo Mwami Leza uyooinka kuti akalwane misyobo eeyo mbubonya mbuli mbwalwana mubuzuba bwankondo. 4Mubuzuba oobo maulu aakwe ayoolyata acilundu ca Maoliva cili kujwe lya Jelusalemu, cilundu ca Maoliva eeci ciyooandaanyizigwa muzibeela zyobilo kuzwa kujwe kuyoosika kumbo, ciyoopanga kkuti pati, cisela cimwi cacilundu ciyooswena kunyika, cisela cimwi cacilundu ciyooswena kumusanza. 5Mwaakutija muyooinda mukkuti lyacilundu cangu nkaambo linooyoosika ku Azeli. Muyootija mbuli mbomwakatija kuzungaana kwanyika mumazuba aakulela kwa Uziya mwami wa Juda. Aawo Mwami Leza wangu uyooboola antoomwe abasalali boonse.</div><div class="p"> 6Mubuzuba oobo takukabi mumuni nokuba kutontola nociba caanda. 7Buyooba buzuba bulibedelede takukabi sikati naaba masiku, mbuzuba buzizilwe ku Mwami Leza. Lyaakuba kumangolezya kuyooba mumuni.</div><div class="p"> 8Mubuzuba oobo maanzi aapa buumi ayookunka kuzwa mu Jelusalemu, cisela cawo ciyookunkila kulwizi lwakujwe, cisela cimwi cawo ciyookunkila kulwizi kumbo mainza amupeyo. 9Mwami Leza nguuyoolela nyika yoonse. Mubuzuba oobo kuyooba Mwami Leza omwe, zina lyakwe lilikke ndelinooambwa.</div><div class="p"> 10Nyika yoonse kuzwa ku Geba kuyoosika ku Limoni kumusanza lya Jelusalemu iyooba mbuli Alaba cibanda. Pele munzi wa Jelusalemu uyoosumpulwa akusyaala mubusena bwawo kuzwa kumulyango wa Benjamini mane kuyoosika kubusena bwamulyango wakumusanza, kuzwa ku&#331;anda ndamfu ya Hananeli kuyoosika kuzikandilo zyawaini. 11Nyika eeyi inookkalwa bantu, tiikanyonyoonwi limbi pe. Munzi wa Jelusalemu unooliibide.</div><div class="p"> 12Nceeci cuumo eeco Mwami Leza ncayooumya misyobo yoonse eeyo iilwana Jelusalemu. Mibili yabantu aabo iyoobola kabacikonzya kwiima, meso aabo ayoobolela muzikoye zyabo, ayalo milaka yabo iyoobolela mukanwa lyabo.</div><div class="p"> 13Mubuzuba oobo bantu bayoonyonganyizigwa a Mwami Leza. Umwi aumwi uyoojata janza lyamweenzinyina, nkabela bayoolwana. 14Bantu baku Juda abalo bayoolwana munzi wa Jelusalemu. Lukono lwamisyobo yoonse iizingulukide luyooyobololwa, kunooli ngolida, nsiliva azyakusama zinji.</div><div class="p"> 15Cuumo ceelene buyo ciyoosikila mabbiza, mamyuulu, nkamela, aambongolo abanyama boonse banooli muzivuka zyabo eezyo.</div><div class="p"> 16Mpoonya boonse aabo basyeede kuzwa kumisyobo eeyo yakalwana munzi wa Jelusalemu banooyooinka mwaka amwaka kuyookomba Mwami, Mwami Leza Singuzuzyoonse, akuyoosekelela pobwe lyazivuka. 17Kuti naa bantu bamwi bamunyika batakainki ku Jelusalemu kuyookomba Mwami, Mwami Leza Singuzuzyoonse, tabakabi aamvula pe. 18Kuti bantu baku Ijipiti batakainki kuyookomba takukabi mvula pe. Mwami Leza uyoobaletela cuumo eeco ncayooletela misyobo eeyo iitakainki kuyoosekelela pobwe lyazivuka. 19Eeci nceciyooba cisubulo ca Baijipiti acisubulo camisyobo yoonse eeyo iitakainki kuyoosekelela pobwe lyazivuka.</div><div class="p"> 20Mubuzuba oobo amilangu yamabbiza kuyoolembwa kuti ilasalala ku Mwami Leza, zibiya zyakujikila mu&#331;anda ya Mwami Leza ziyooba mbuli mitiba iisalala kumbele lyacipaililo. 21Cibiya coonse mu Jelusalemu amucisi ca Juda cinoosalala ku Mwami Leza Singuzuzyoonse, nkabela boonse bayooinka kuti bakapaizye, bayoobweza zibiya zimwi akuyoojikila mulinzizyo Mubuzuba oobo takukabi limbi Bakenani basambazi mu&#331;anda ya Mwami Leza Singuzuzyoonse.</div>
 </div>
 </div>
</div>

Tonga Bible © United Bible Societies, 1994. 

Buzuba bwa Mwami Leza buyoosika zisaalo zyanu noziyooabanyizigwa akati kanu. Njoobunganya misyobo yoonse kuti ikaboole kuzoolwana munzi wa Jelusalemu, munzi uyoozundwa, maanda ayoosaalwa, bakaintu bayoojatwa. Cisela camunzi ciyootolwa mubwaange, pele bamwi babantu basyeede tabakagwisigwi mumunzi. Mpawo Mwami Leza uyooinka kuti akalwane misyobo eeyo mbubonya mbuli mbwalwana mubuzuba bwankondo. Mubuzuba oobo maulu aakwe ayoolyata acilundu ca Maoliva cili kujwe lya Jelusalemu, cilundu ca Maoliva eeci ciyooandaanyizigwa muzibeela zyobilo kuzwa kujwe kuyoosika kumbo, ciyoopanga kkuti pati, cisela cimwi cacilundu ciyooswena kunyika, cisela cimwi cacilundu ciyooswena kumusanza. Mwaakutija muyooinda mukkuti lyacilundu cangu nkaambo linooyoosika ku Azeli. Muyootija mbuli mbomwakatija kuzungaana kwanyika mumazuba aakulela kwa Uziya mwami wa Juda. Aawo Mwami Leza wangu uyooboola antoomwe abasalali boonse.
Mubuzuba oobo takukabi mumuni nokuba kutontola nociba caanda. Buyooba buzuba bulibedelede takukabi sikati naaba masiku, mbuzuba buzizilwe ku Mwami Leza. Lyaakuba kumangolezya kuyooba mumuni.
Mubuzuba oobo maanzi aapa buumi ayookunka kuzwa mu Jelusalemu, cisela cawo ciyookunkila kulwizi lwakujwe, cisela cimwi cawo ciyookunkila kulwizi kumbo mainza amupeyo. Mwami Leza nguuyoolela nyika yoonse. Mubuzuba oobo kuyooba Mwami Leza omwe, zina lyakwe lilikke ndelinooambwa.
Nyika yoonse kuzwa ku Geba kuyoosika ku Limoni kumusanza lya Jelusalemu iyooba mbuli Alaba cibanda. Pele munzi wa Jelusalemu uyoosumpulwa akusyaala mubusena bwawo kuzwa kumulyango wa Benjamini mane kuyoosika kubusena bwamulyango wakumusanza, kuzwa kuŋanda ndamfu ya Hananeli kuyoosika kuzikandilo zyawaini. Nyika eeyi inookkalwa bantu, tiikanyonyoonwi limbi pe. Munzi wa Jelusalemu unooliibide.
Nceeci cuumo eeco Mwami Leza ncayooumya misyobo yoonse eeyo iilwana Jelusalemu. Mibili yabantu aabo iyoobola kabacikonzya kwiima, meso aabo ayoobolela muzikoye zyabo, ayalo milaka yabo iyoobolela mukanwa lyabo.
Mubuzuba oobo bantu bayoonyonganyizigwa a Mwami Leza. Umwi aumwi uyoojata janza lyamweenzinyina, nkabela bayoolwana. Bantu baku Juda abalo bayoolwana munzi wa Jelusalemu. Lukono lwamisyobo yoonse iizingulukide luyooyobololwa, kunooli ngolida, nsiliva azyakusama zinji.
Cuumo ceelene buyo ciyoosikila mabbiza, mamyuulu, nkamela, aambongolo abanyama boonse banooli muzivuka zyabo eezyo.
Mpoonya boonse aabo basyeede kuzwa kumisyobo eeyo yakalwana munzi wa Jelusalemu banooyooinka mwaka amwaka kuyookomba Mwami, Mwami Leza Singuzuzyoonse, akuyoosekelela pobwe lyazivuka. Kuti naa bantu bamwi bamunyika batakainki ku Jelusalemu kuyookomba Mwami, Mwami Leza Singuzuzyoonse, tabakabi aamvula pe. Kuti bantu baku Ijipiti batakainki kuyookomba takukabi mvula pe. Mwami Leza uyoobaletela cuumo eeco ncayooletela misyobo eeyo iitakainki kuyoosekelela pobwe lyazivuka. Eeci nceciyooba cisubulo ca Baijipiti acisubulo camisyobo yoonse eeyo iitakainki kuyoosekelela pobwe lyazivuka.
Mubuzuba oobo amilangu yamabbiza kuyoolembwa kuti ilasalala ku Mwami Leza, zibiya zyakujikila muŋanda ya Mwami Leza ziyooba mbuli mitiba iisalala kumbele lyacipaililo. Cibiya coonse mu Jelusalemu amucisi ca Juda cinoosalala ku Mwami Leza Singuzuzyoonse, nkabela boonse bayooinka kuti bakapaizye, bayoobweza zibiya zimwi akuyoojikila mulinzizyo Mubuzuba oobo takukabi limbi Bakenani basambazi muŋanda ya Mwami Leza Singuzuzyoonse.

Listen to Zekaliya 14