 If you would like a copy of this version please contact info@davaraudiobibles.org

Krio Old Testament

<div class="version vid2948 iso6393kri" data-vid="2948" data-iso6393="kri">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s1">Di Bad Tin d&#603;n We Pipul D&#603;n Bin De Du Na S&#596;d&#596;m</div><div class="p"> 1We di tu enj&#603;l d&#603;n rich na S&#596;d&#596;m da ivin t&#603;m de, d&#603;n mit L&#596;t sid&#596;m na di siti in get. As i si d&#603;n de kam so, i grap go mit d&#603;n. I butu in fes na gr&#596;n bifo d&#603;n, 2&#603;n se, &#8220;Du sa, una n&#596; pas mi os go. Mek a bri&#331; wata f&#596; una f&#596; was una fut. Duya una slip to mi dis n&#603;t, d&#603;n una kin grap ali m&#596;nin &#603;n go usay una de go.&#8221;</div><div class="p">B&#596;t di man d&#603;n ansa se, &#8220;N&#596;-o, wi go go slip na trit midul siti.&#8221;</div><div class="p"> 3B&#596;t L&#596;t fos d&#603;n, &#603;n d&#603;n go wit am insay in os. L&#596;t mek gud it f&#596; d&#603;n &#603;n sav d&#603;n bred we n&#596; g&#603;t yist, d&#596;n d&#603;n it. 4Bay di t&#603;m we d&#603;n de r&#603;di f&#596; go lid&#596;m, &#596;l di man d&#603;n na di siti d&#596;n s&#596;rawnd di os, big wan &#603;n sm&#596;l wan d&#603;n. 5D&#603;n ala aks L&#596;t se, &#8220;We di trenja d&#603;n we kam slip to yu dis n&#603;t? Pul d&#603;n na do mek wi lid&#596;m wit d&#603;n.</div><div class="p"> 6L&#596;t k&#596;m&#596;t go na do &#603;n l&#596;k di do. 7I beg d&#603;n mek d&#603;n n&#596; du da kayn wik&#603;dn&#603;s de. 8I se, &#8220;A g&#603;t tu gyal pikin d&#603;n we na vajin. Mek a gi una l&#603; una du wetin una want du wit d&#603;n. B&#596;t duya, una n&#596; amb&#596;g d&#603;n po man d&#603;n ya, d&#603;n na mi trenja.&#8221;</div><div class="p"> 9B&#596;t d&#603;n se, &#8220;Bo k&#596;m&#596;t bifo wi, yu we na trenja! Na yu de kam t&#603;l wi wetin f&#596; du? Bo k&#596;m&#596;t bifo wi ya! &#390; n&#596; so wi go du yu w&#596;s tin pas wetin wi want du d&#603;n.&#8221; D&#603;n push L&#596;t te d&#603;n wan brok di do. 10B&#596;t di tu man d&#603;n we bin de insay, ol L&#596;t &#603;n dr&#596; am bak insay di os, &#603;n l&#596;k di do. 11D&#596;n d&#603;n mek &#596;l di man d&#603;n we bin de na do d&#603;n yay bl&#603;n so dat d&#603;n n&#596; go ebul f&#596; si di dom&#596;t.</div><div class="s1">L&#596;t K&#596;m&#596;t na S&#596;d&#596;m</div><div class="p"> 12Di tu man d&#603;n aks L&#596;t, if i g&#603;t &#603;nib&#596;di na di siti l&#603;k&#603; b&#596;ypikin, gyal pikin, s&#596;n&#603;nl&#596;, &#596; &#603;ni &#596;da fambul, l&#603; i pul d&#603;n k&#596;m&#596;t de, 13bik&#596;s d&#603;n de kam pw&#603;l di siti kpatakpata. D&#603;n se PAPA G&#390;D d&#596;n y&#603;ri b&#596;t di bad bad tin d&#603;n we di pipul d&#603;n na di siti de du, &#603;n i d&#596;n s&#603;n d&#603;n f&#596; kam pw&#603;l di siti.</div><div class="p"> 14So L&#596;t go to di man d&#603;n we g&#603;t f&#596; mared in gyal pikin d&#603;n &#603;n t&#603;l d&#603;n f&#596; mekes k&#596;m&#596;t na di siti, as PAPA G&#390;D want f&#596; pw&#603;l dis siti kpatakpata. B&#596;t d&#603;n fil se na ple i de ple.</div><div class="p"> 15We do klin di enj&#603;l d&#603;n t&#603;l L&#596;t bak f&#596; mekes. D&#603;n t&#603;l am se, mek i mekes tek in w&#603;f &#603;n tu gyal pikin d&#603;n we de wit am &#603;n k&#596;m&#596;t de kwik kwik wan &#596; n&#596; so d&#603;ns&#603;f go miks pan di pw&#603;l we di siti g&#603;t f&#596; pw&#603;l. 16L&#596;t bigin dr&#603;g fut. B&#596;t PAPA G&#390;D s&#596;ri f&#596; am, so di tu man d&#603;n kapu L&#596;t, in w&#603;f &#603;n in tu gyal pikin d&#603;n bonikali &#603;n dr&#603;g d&#603;n k&#596;m&#596;t na di siti. 17We di enj&#603;l d&#603;n d&#596;n pul d&#603;n k&#596;m&#596;t de, wan pan di enj&#603;l ala se, &#8220;Una r&#596;n f&#596; una layf! Una n&#596; luk bi&#603;n &#603;n una n&#596; tinap na di vali. Una r&#596;n go na d&#603;n il f&#596; l&#603; una n&#596; go day.&#8221;</div><div class="p"> 18B&#596;t L&#596;t beg se, &#8220;Duya a n&#596; ebul go &#596;p di il d&#603;n bik&#596;s d&#603;n de tu fa. 19Du sa yu d&#596;n du big tin f&#596; mi we yu sev mi layf. B&#596;t di il d&#603;n de fa tum&#596;s; di waala go mit mi na rod, &#603;n a go day bifo a rich de. 20Yu si da sm&#596;l siti de oba yanda? I de nia lilibit. Duya, mek a go de; yu kin si se na sm&#596;l ples &#603;n natin n&#596; go apin to mi de.&#8221;</div><div class="p"> 21Di enj&#603;l gri se i kin go de. I se, &#8220;&#390;rayt, A n&#596; go pw&#603;l da siti de. 22Mekes! R&#596;n! A n&#596; go du natin te yu rich de.&#8221; L&#596;t se di siti sm&#596;l, na dat mek d&#603;n k&#596;l di siti Zoa.#19:22 Zoa Dis na di Ibru w&#596;d f&#596; sm&#596;l.</div><div class="s1">PAPA G&#390;D Pw&#603;l S&#596;d&#596;m &#603;n Gom&#596;ra</div><div class="p"> 23Bay di t&#603;m we L&#596;t rich Zoa, san d&#596;n tinap. 24Da sem t&#603;m de nain PAPA G&#390;D mek big, big faya &#603;n s&#596;lfa k&#596;m&#596;t na &#603;vin &#603;n b&#596;n S&#596;d&#596;m &#603;n Gom&#596;ra. 25I pw&#603;l pw&#603;l &#596;l di siti d&#603;n, di vali d&#603;n, di pipul d&#603;n, di plant &#603;n &#596;l di animal d&#603;n. 26B&#596;t L&#596;t in w&#603;f t&#596;n bi&#603;n f&#596; luk wetin de apin. As i du dat so, in wanol b&#596;di j&#603;s stif &#603;n t&#596;n to s&#596;l.</div><div class="p"> 27Ebraam grap di m&#596;nin go tinap na di ples we in &#603;n PAPA G&#390;D bin tinap de t&#596;k. 28I luk d&#596;&#331; na S&#596;d&#596;m &#603;n Gom&#596;ra &#603;n di vali, &#603;n si tik tik smok de k&#596;m&#596;t d&#596;&#331; de. Di smok tan l&#603;k&#603; we big big faya de kech. 29We PAPA G&#390;D bin wan pw&#603;l di siti d&#603;n we de na di vali usay L&#596;t bin tap, i m&#603;mba Ebraam &#603;n na dat mek i sev L&#596;t &#603;n n&#596; mek natin du am.</div><div class="s1">Aw Di Moabayt &#400;n Amonayt Pipul D&#603;n Kam Na W&#596;l</div><div class="p"> 30L&#596;t bin de fred f&#596; tap na Zoa, so in &#603;n in tu gyal pikin d&#603;n muf go &#596;p d&#603;n il go tap na wan kev.#19:30 Kev Na big ol na gr&#596;n we p&#596;sin kin ebul tap 31Wande big gyal pikin t&#603;l in sista se, &#8220;Wi papa d&#596;n ol, man n&#596; de na ya we go mared wi f&#596; l&#603; wi go b&#596;n pikin. 32Yu no wetin l&#603; wi gi papa r&#596;m l&#603; i dr&#596;nk we i chak we go go lid&#596;m wit am so wi go g&#603;t pikin we go mek wi nem n&#596; day.&#8221; 33Da n&#603;t de d&#603;n gi d&#603;n papa r&#596;m f&#596; drink we mek i dr&#596;nk, &#603;n di big gyal pikin lid&#596;m wit am. L&#596;t bin so dr&#596;nk dat i n&#596; no natin.</div><div class="p"> 34Di n&#603;ks de, di big gyal pikin t&#603;l in sista se, &#8220;A lid&#596;m wit papa y&#603;stade n&#603;t; l&#603; wi mek i dr&#596;nk bak dis n&#603;t, so dat yu kin lid&#596;m wit am. D&#596;n wi &#596;l tu go g&#603;t pikin we go mek wi nem n&#596; day.&#8221; 35Da n&#603;t de d&#603;n mek i dr&#596;nk gud, &#603;n di sm&#596;l gyal pikin lid&#596;m wit am. I bin so dr&#596;nk dat i n&#596; no natin. 36Na so L&#596;t in gyal pikin d&#603;n tek g&#603;t b&#603;l&#603; f&#596; am. 37Di big wan b&#596;n b&#596;ypikin, we i gi nem Moab.#19:37 Moab I fiba l&#603;k&#603; di Ibru f&#596;, &#8216;fr&#596;m mi papa.&#8217; Moab na di papa f&#596; di Moabayt d&#603;n we de te tide. 38Di sm&#596;l wan ins&#603;f b&#596;n b&#596;ypikin, we i gi nem B&#603;n Ami,#19:38 B&#603;n Ami: I min Mi b&#596;ypikin in fambul; i fiba di Ibru w&#596;d f&#596; Am&#596;rayt. B&#603;n Ami na di papa f&#596; di Amonayt d&#603;n we stil de te tide.</div>
 </div>
 </div>
</div>

Krio Bible © The Bible Society of Sierra Leone, 2013.

We di tu enjɛl dɛn rich na Sɔdɔm da ivin tɛm de, dɛn mit Lɔt sidɔm na di siti in get. As i si dɛn de kam so, i grap go mit dɛn. I butu in fes na grɔn bifo dɛn, ɛn se, “Du sa, una nɔ pas mi os go. Mek a briŋ wata fɔ una fɔ was una fut. Duya una slip to mi dis nɛt, dɛn una kin grap ali mɔnin ɛn go usay una de go.”
Bɔt di man dɛn ansa se, “Nɔ-o, wi go go slip na trit midul siti.”
Bɔt Lɔt fos dɛn, ɛn dɛn go wit am insay in os. Lɔt mek gud it fɔ dɛn ɛn sav dɛn bred we nɔ gɛt yist, dɔn dɛn it. Bay di tɛm we dɛn de rɛdi fɔ go lidɔm, ɔl di man dɛn na di siti dɔn sɔrawnd di os, big wan ɛn smɔl wan dɛn. Dɛn ala aks Lɔt se, “We di trenja dɛn we kam slip to yu dis nɛt? Pul dɛn na do mek wi lidɔm wit dɛn.
Lɔt kɔmɔt go na do ɛn lɔk di do. I beg dɛn mek dɛn nɔ du da kayn wikɛdnɛs de. I se, “A gɛt tu gyal pikin dɛn we na vajin. Mek a gi una lɛ una du wetin una want du wit dɛn. Bɔt duya, una nɔ ambɔg dɛn po man dɛn ya, dɛn na mi trenja.”
Bɔt dɛn se, “Bo kɔmɔt bifo wi, yu we na trenja! Na yu de kam tɛl wi wetin fɔ du? Bo kɔmɔt bifo wi ya! Ɔ nɔ so wi go du yu wɔs tin pas wetin wi want du dɛn.” Dɛn push Lɔt te dɛn wan brok di do. Bɔt di tu man dɛn we bin de insay, ol Lɔt ɛn drɔ am bak insay di os, ɛn lɔk di do. Dɔn dɛn mek ɔl di man dɛn we bin de na do dɛn yay blɛn so dat dɛn nɔ go ebul fɔ si di domɔt.

Di tu man dɛn aks Lɔt, if i gɛt ɛnibɔdi na di siti lɛkɛ bɔypikin, gyal pikin, sɔnɛnlɔ, ɔ ɛni ɔda fambul, lɛ i pul dɛn kɔmɔt de, bikɔs dɛn de kam pwɛl di siti kpatakpata. Dɛn se PAPA GƆD dɔn yɛri bɔt di bad bad tin dɛn we di pipul dɛn na di siti de du, ɛn i dɔn sɛn dɛn fɔ kam pwɛl di siti.
So Lɔt go to di man dɛn we gɛt fɔ mared in gyal pikin dɛn ɛn tɛl dɛn fɔ mekes kɔmɔt na di siti, as PAPA GƆD want fɔ pwɛl dis siti kpatakpata. Bɔt dɛn fil se na ple i de ple.
We do klin di enjɛl dɛn tɛl Lɔt bak fɔ mekes. Dɛn tɛl am se, mek i mekes tek in wɛf ɛn tu gyal pikin dɛn we de wit am ɛn kɔmɔt de kwik kwik wan ɔ nɔ so dɛnsɛf go miks pan di pwɛl we di siti gɛt fɔ pwɛl. Lɔt bigin drɛg fut. Bɔt PAPA GƆD sɔri fɔ am, so di tu man dɛn kapu Lɔt, in wɛf ɛn in tu gyal pikin dɛn bonikali ɛn drɛg dɛn kɔmɔt na di siti. We di enjɛl dɛn dɔn pul dɛn kɔmɔt de, wan pan di enjɛl ala se, “Una rɔn fɔ una layf! Una nɔ luk biɛn ɛn una nɔ tinap na di vali. Una rɔn go na dɛn il fɔ lɛ una nɔ go day.”
Bɔt Lɔt beg se, “Duya a nɔ ebul go ɔp di il dɛn bikɔs dɛn de tu fa. Du sa yu dɔn du big tin fɔ mi we yu sev mi layf. Bɔt di il dɛn de fa tumɔs; di waala go mit mi na rod, ɛn a go day bifo a rich de. Yu si da smɔl siti de oba yanda? I de nia lilibit. Duya, mek a go de; yu kin si se na smɔl ples ɛn natin nɔ go apin to mi de.”
Di enjɛl gri se i kin go de. I se, “Ɔrayt, A nɔ go pwɛl da siti de. Mekes! Rɔn! A nɔ go du natin te yu rich de.” Lɔt se di siti smɔl, na dat mek dɛn kɔl di siti Zoa.

Bay di tɛm we Lɔt rich Zoa, san dɔn tinap. Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra. I pwɛl pwɛl ɔl di siti dɛn, di vali dɛn, di pipul dɛn, di plant ɛn ɔl di animal dɛn. Bɔt Lɔt in wɛf tɔn biɛn fɔ luk wetin de apin. As i du dat so, in wanol bɔdi jɛs stif ɛn tɔn to sɔl.
Ebraam grap di mɔnin go tinap na di ples we in ɛn PAPA GƆD bin tinap de tɔk. I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech. We PAPA GƆD bin wan pwɛl di siti dɛn we de na di vali usay Lɔt bin tap, i mɛmba Ebraam ɛn na dat mek i sev Lɔt ɛn nɔ mek natin du am.

Lɔt bin de fred fɔ tap na Zoa, so in ɛn in tu gyal pikin dɛn muf go ɔp dɛn il go tap na wan kev. Wande big gyal pikin tɛl in sista se, “Wi papa dɔn ol, man nɔ de na ya we go mared wi fɔ lɛ wi go bɔn pikin. Yu no wetin lɛ wi gi papa rɔm lɛ i drɔnk we i chak we go go lidɔm wit am so wi go gɛt pikin we go mek wi nem nɔ day.” Da nɛt de dɛn gi dɛn papa rɔm fɔ drink we mek i drɔnk, ɛn di big gyal pikin lidɔm wit am. Lɔt bin so drɔnk dat i nɔ no natin.
Di nɛks de, di big gyal pikin tɛl in sista se, “A lidɔm wit papa yɛstade nɛt; lɛ wi mek i drɔnk bak dis nɛt, so dat yu kin lidɔm wit am. Dɔn wi ɔl tu go gɛt pikin we go mek wi nem nɔ day.” Da nɛt de dɛn mek i drɔnk gud, ɛn di smɔl gyal pikin lidɔm wit am. I bin so drɔnk dat i nɔ no natin. Na so Lɔt in gyal pikin dɛn tek gɛt bɛlɛ fɔ am. Di big wan bɔn bɔypikin, we i gi nem Moab. Moab na di papa fɔ di Moabayt dɛn we de te tide. Di smɔl wan insɛf bɔn bɔypikin, we i gi nem Bɛn Ami, Bɛn Ami na di papa fɔ di Amonayt dɛn we stil de te tide.

Listen to Jɛnɛsis 19