 If you would like a copy of this version please contact info@davaraudiobibles.org

Kuranko Old Testament

<div class="version vid2947 iso6393knk" data-vid="2947" data-iso6393="knk">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Iburayimala Musi Ketura S&#596;r&#603;</div><div class="r">(1 Ko-K&#596;r&#596;ta-Karan 1.32-33)</div><div class="p"> 1Wo k&#596;ma, Iburayima ya musi do furu a ny&#603;r&#603; ye. Wo t&#596;g&#603; le Ketura. 2Wo ya den m&#596;g&#596; w&#596;r&#596; s&#596;r&#596;n Iburayima ye. Wonu t&#596;g&#603; le k&#603;nu na, Simiran wo, Yokisan wo, Midan wo, Midiyan wo, Isibaki wo, anub&#603; Suwa. 3K&#596;n&#596; ala dan Yokisan wo ya den m&#596;g&#596; fil&#603; s&#596;r&#596;n, Siba anub&#603; Didan. Didan fanan ya den m&#596;g&#596; sawa s&#596;r&#596;n. Den m&#596;g&#596; saw&#603; wonu b&#596;ns&#596;n t&#596;g&#603; le k&#603;nu na, Asurinu wo, Letusinu wo, anub&#603; Luminu. 4Iburayimala den Midiyan ya den m&#596;g&#596; loli minnu s&#596;r&#596;n, wonu t&#596;g&#603; le k&#603;nu na, &#400;fa wo, &#400;feri wo, Hanoki wo, Abida wo, anub&#603; &#400;lida. Iburayimala musi Ketura s&#596;r&#603; le k&#603;nu na.</div><div class="p"> 5Iburayima ya a f&#596; ko, &#8220;Ni n fagara tum&#603; min, n k&#603;&#603; mum&#603; b&#603;&#603;si, Isiyaka letan.&#8221; 6K&#596;n&#596; yanni Iburayima ni faga, ala musi doinu ya dan minnu s&#596;r&#596;n, a ya wonu k&#596; a bolo-fan wonu t&#596;. Wo k&#596;ma, a ya dan wonu nata nyamani-gb&#603;r&#603; r&#596; tele-b&#596;&#603; wara la alako anu ni b&#596; ala dan Isiyaka daf&#603;.</div><div class="s">Iburayimala So-S&#603;gi-Koe</div><div class="p"> 7-8Iburayima s&#596;r&#596;n ya san k&#603;m&#603; san bi-w&#596;r&#596;nfila ani san loli (175) b&#596;, a nara to so-s&#603;gi-k&#603;la. 9-10#Ko-Dabir&#603;nu 23.3-16 Ale Iburayima ya kaburu-soe min san H&#603;ti do ma Soharila dan &#400;fir&#596;n, k&#596;ni, ale Iburayimata dannu Isiyaka anub&#603; Sumanyila ya a togon faran wo la ala musi Sira kaburu daf&#603;. Faran wo ye Makipela t&#603;ngb&#603;nya r&#596; Mamireta k&#596;l&#596;manu tele-b&#596;&#603;. 11Iburayima fagara tum&#603; min, Alla tora ata duw&#603; layigila ala dan Isiyaka kuma. Isiyaka sigira k&#596;l&#596;n wo daf&#603; Hega ya min kele nun ko, &#8220;Alla Min Kolonk&#603; Ye N Na, Wota K&#596;l&#596;n.&#8221;</div><div class="s">Sumanyila S&#596;r&#603; Sigira Kan Min</div><div class="r">(1 Ko-K&#596;r&#596;ta-Karan 1.28-31)</div><div class="p"> 12Nba, Iburayimala dan Sumanyila Sirala y&#596;&#596;n-musi Hega, Iyipiti k&#603; ya min s&#596;r&#596;n Iburayima ye, wo b&#596;ns&#596;n le k&#603;nu na, 13Sumanyilala den-keinu t&#596;g&#603; le k&#603;nu na iko anu s&#596;r&#596;nta nya min. Ala den-kei-sar&#603; t&#596;g&#603; le Nebay&#596;ti. Nebay&#596;ti d&#596;g&#603; le k&#603;nu na, Kedari wo, Adib&#603;li wo, Mibisan wo, 14Misima wo, Duma wo, Masa wo, 15Hedadi wo, Tema wo, Yetura wo, Nafisi anub&#603; Ked&#603;ma. 16K&#596;n&#596; den tan-ni-fil&#603; k&#603;nu denu mara b&#596;ns&#596;n tan-ni-fila kebila-kuny&#603; la. Anu t&#596;g&#603;nu sara anuna soenu kuma. 17Sumanyila ya san k&#603;m&#603; san bi-sawa ani san w&#596;r&#596;nfila (137) le b&#596;, wo k&#596;ma, a nara to fagala. K&#596;n&#596; nyaman&#603; wo kan tin&#603; min tora Sumanyilata m&#596;g&#603;nu ye, wo le k&#603;nu na. 18#Ko-Dabir&#603;nu 16.12; 17.20 Ala m&#596;g&#603;nu b&#596;ra sigila Sura wul&#603; d&#603; la min bi Iyipiti wara la ha ka ta ke Hafila soe ma min bi Asiriya nyaman&#603; wara la. Sumanyila b&#596;ns&#596;nnu anub&#603; Isiyaka b&#596;ns&#596;nnu ti sigi kan-tina-kelen tun s&#596;nd&#596;ma-fintey&#603; bolo.</div><div class="s">Yakoba anub&#603; Is&#596; S&#596;r&#596;n-Koe</div><div class="p"> 19Iburayimala dan Isiyaka b&#596;ns&#596;n wara-koe le k&#603; la. 20Isiyaka s&#596;r&#596;n ya san bi-nani b&#596; tum&#603; min, a ya B&#603;tuw&#603;lila den Reb&#603;ka furu. Aram k&#603; le anu denu na min bi M&#603;sopotemiya nyaman&#603; r&#596;. A k&#596;r&#596;-kei t&#596;g&#603; le Leban.</div><div class="p"> 21Isiyaka ya Mari madiya ala musi ye kamas&#596;r&#596;n gband&#603; le. Mari ya ala madiyali-kan yabi. Ala musi ya buyi bi f&#603;rannu na. 22F&#603;ran wonu taranta anu ny&#596;g&#596;n k&#603;l&#603;la anu na bur&#596;. Reb&#603;ka ya a f&#596; ko, &#8220;Nfen bi a tola, k&#603; ye mala n na?&#8221; Wolet&#596; a tara Mari manyinika.</div><div class="p"> 23 # 
 Romu 9.12
 Mari ya a f&#596; a ye ko,</div><div class="q">&#8220;I si f&#603;rannu s&#596;r&#596;n.</div><div class="q">Wonu si ma b&#596;ns&#596;n-kun-tiginu na.</div><div class="q">A kinam&#603; si w&#596;li a d&#596;g&#596;m&#603; ye.&#8221;</div><div class="q">B&#596;ns&#596;n wonu si to anu ny&#596;g&#596;n k&#603;l&#603;la.</div><div class="q">B&#596;ns&#596;n doi s&#603;nb&#603; si koloya doit&#603; ko.</div><div class="p"> 24-26A mui-wati kera tum&#603; min, a ya f&#603;r&#603;n-keim&#603;nu s&#596;r&#596;n. F&#603;ran min f&#596;l&#596;n b&#596;ra f&#596;ny&#596; la, a f&#603;r&#603; wulenn&#603; a ma. A f&#603;r&#603;ma-siyi siya iko gb&#596;&#596;n. Anu ya a t&#596;g&#596; sa Is&#596;.#25.24-26 Is&#596;: Ni i ya a lam&#596;&#603;n &#8220;Is&#596;&#8221; Hiburu-kan r&#596;, wo mani de iko anu ba a f&#596;, &#8220;F&#603;r&#603;ma-siyi.&#8221; K&#596;n&#596; a ye anu s&#596;r&#596;nna wati min, min tora k&#596;ma, wo bole biran&#603; a k&#596;r&#596; kin-tintiran la. Wo t&#596;g&#603; sara Yakoba.#25.24-26 Yakoba: Ni i ya a lam&#596;&#603;n &#8220;Yakoba&#8221; Hiburu-kan r&#596;, wo mani de iko anu ba a f&#596;, &#8220;Kin-tintirin-biral&#603;.&#8221; A k&#596;r&#603; le fanan &#8220;Yanfantey&#603;.&#8221; F&#603;ran k&#603;nu bi s&#596;r&#596;nna tum&#603; min, wo ya a taran, Isiyaka ara san bi-w&#596;r&#596; b&#596;.</div><div class="s">Is&#596;ta S&#596; Tin&#603; Mayira-Koe</div><div class="p"> 27F&#603;ran k&#603;nu koloyara tum&#603; min, Is&#596; wo mara donso-h&#603;nkilim&#603; la, ado donso-fir&#603; di a ye. Yakoba wo mara m&#596;g&#596;-laf&#603;r&#603;n&#603; la. Bon-nasigi di ale ye. 28K&#596;n&#596; Is&#596; diyara a fa Isiyaka ye bawo firar&#596;-soge di a ye. Yakoba wo diyara a na ye le kati!</div><div class="p"> 29Lun kelen, Is&#596; k&#596;nk&#596;to-w&#603; b&#596;ra fir&#603; r&#596;. A ya a taran, Yakoba ara s&#596;s&#603; te. 30Is&#596; ya a f&#596; Yakoba ye ko, &#8220;I yandi, n k&#596; d&#596;nta-wulenn&#603; k&#603; r&#596;, n kana kir&#596;n-a-la.&#8221; (Wolet&#596; Is&#596; t&#596;g&#603; sara Id&#596;m nyaman&#603; kun na min k&#596;r&#603;, &#8220;Fen-Wulan.&#8221;)</div><div class="p"> 31K&#596;n&#596; Yakoba ko, &#8220;Bawo den-kei-sar&#603; le ile la, ita s&#596; tin&#603; mayira n ma.&#8221;</div><div class="p"> 32Is&#596; ko, &#8220;S&#596; tin&#603; k&#603; si nfen nyinya nde ma. N fagamatoe le k&#603; la k&#596;nk&#603; bolo.&#8221;</div><div class="p"> 33 # 
 Hiburunu 12.16
 Yakoba ko, &#8220;I keli n ye f&#596;l&#596;n ni i si ita s&#596; tin&#603; di n ma.&#8221; Wolet&#596; Is&#596; ya a keli a ye. A ya a bolo b&#596; ata s&#596; tin&#603; r&#596; ka a mayira a d&#596;g&#603; Yakoba ma.</div><div class="p"> 34Wolet&#596; Yakoba ya biredi anub&#603; s&#596;s&#596;-ten&#603; wo di a k&#596;r&#596; Is&#596; ma. Is&#596; ban wonu d&#596;nna, a tara a ye.</div><div class="p">Is&#596; ya ala s&#596; tin&#603; b&#596;r&#596;b&#596; wo nya na le.</div>
 </div>
 </div>
</div>

Kuranko Common Language Bible © The Bible Society in Sierra Leone, 2006.

Wo kɔma, Iburayima ya musi do furu a nyɛrɛ ye. Wo tɔgɛ le Ketura. Wo ya den mɔgɔ wɔrɔ sɔrɔn Iburayima ye. Wonu tɔgɛ le kɛnu na, Simiran wo, Yokisan wo, Midan wo, Midiyan wo, Isibaki wo, anubɛ Suwa. Kɔnɔ ala dan Yokisan wo ya den mɔgɔ filɛ sɔrɔn, Siba anubɛ Didan. Didan fanan ya den mɔgɔ sawa sɔrɔn. Den mɔgɔ sawɛ wonu bɔnsɔn tɔgɛ le kɛnu na, Asurinu wo, Letusinu wo, anubɛ Luminu. Iburayimala den Midiyan ya den mɔgɔ loli minnu sɔrɔn, wonu tɔgɛ le kɛnu na, Ɛfa wo, Ɛferi wo, Hanoki wo, Abida wo, anubɛ Ɛlida. Iburayimala musi Ketura sɔrɛ le kɛnu na.
Iburayima ya a fɔ ko, “Ni n fagara tumɛ min, n kɛɛ mumɛ bɛɛsi, Isiyaka letan.” Kɔnɔ yanni Iburayima ni faga, ala musi doinu ya dan minnu sɔrɔn, a ya wonu kɔ a bolo-fan wonu tɔ. Wo kɔma, a ya dan wonu nata nyamani-gbɛrɛ rɔ tele-bɔɛ wara la alako anu ni bɔ ala dan Isiyaka dafɛ.

Iburayima sɔrɔn ya san kɛmɛ san bi-wɔrɔnfila ani san loli (175) bɔ, a nara to so-sɛgi-kɛla. Ale Iburayima ya kaburu-soe min san Hɛti do ma Soharila dan Ɛfirɔn, kɔni, ale Iburayimata dannu Isiyaka anubɛ Sumanyila ya a togon faran wo la ala musi Sira kaburu dafɛ. Faran wo ye Makipela tɛngbɛnya rɔ Mamireta kɔlɔmanu tele-bɔɛ. Iburayima fagara tumɛ min, Alla tora ata duwɛ layigila ala dan Isiyaka kuma. Isiyaka sigira kɔlɔn wo dafɛ Hega ya min kele nun ko, “Alla Min Kolonkɛ Ye N Na, Wota Kɔlɔn.”


Nba, Iburayimala dan Sumanyila Sirala yɔɔn-musi Hega, Iyipiti kɛ ya min sɔrɔn Iburayima ye, wo bɔnsɔn le kɛnu na, Sumanyilala den-keinu tɔgɛ le kɛnu na iko anu sɔrɔnta nya min. Ala den-kei-sarɛ tɔgɛ le Nebayɔti. Nebayɔti dɔgɛ le kɛnu na, Kedari wo, Adibɛli wo, Mibisan wo, Misima wo, Duma wo, Masa wo, Hedadi wo, Tema wo, Yetura wo, Nafisi anubɛ Kedɛma. Kɔnɔ den tan-ni-filɛ kɛnu denu mara bɔnsɔn tan-ni-fila kebila-kunyɛ la. Anu tɔgɛnu sara anuna soenu kuma. Sumanyila ya san kɛmɛ san bi-sawa ani san wɔrɔnfila (137) le bɔ, wo kɔma, a nara to fagala. Kɔnɔ nyamanɛ wo kan tinɛ min tora Sumanyilata mɔgɛnu ye, wo le kɛnu na. Ala mɔgɛnu bɔra sigila Sura wulɛ dɛ la min bi Iyipiti wara la ha ka ta ke Hafila soe ma min bi Asiriya nyamanɛ wara la. Sumanyila bɔnsɔnnu anubɛ Isiyaka bɔnsɔnnu ti sigi kan-tina-kelen tun sɔndɔma-finteyɛ bolo.

Iburayimala dan Isiyaka bɔnsɔn wara-koe le kɛ la. Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.
Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na. Fɛran wonu taranta anu nyɔgɔn kɛlɛla anu na burɔ. Rebɛka ya a fɔ ko, “Nfen bi a tola, kɛ ye mala n na?” Woletɔ a tara Mari manyinika.
Mari ya a fɔ a ye ko,
“I si fɛrannu sɔrɔn.
Wonu si ma bɔnsɔn-kun-tiginu na.
A kinamɛ si wɔli a dɔgɔmɛ ye.”
Bɔnsɔn wonu si to anu nyɔgɔn kɛlɛla.
Bɔnsɔn doi sɛnbɛ si koloya doitɛ ko.
A mui-wati kera tumɛ min, a ya fɛrɛn-keimɛnu sɔrɔn. Fɛran min fɔlɔn bɔra fɔnyɔ la, a fɛrɛ wulennɛ a ma. A fɛrɛma-siyi siya iko gbɔɔn. Anu ya a tɔgɔ sa Isɔ. Kɔnɔ a ye anu sɔrɔnna wati min, min tora kɔma, wo bole biranɛ a kɔrɔ kin-tintiran la. Wo tɔgɛ sara Yakoba. Fɛran kɛnu bi sɔrɔnna tumɛ min, wo ya a taran, Isiyaka ara san bi-wɔrɔ bɔ.

Fɛran kɛnu koloyara tumɛ min, Isɔ wo mara donso-hɛnkilimɛ la, ado donso-firɛ di a ye. Yakoba wo mara mɔgɔ-lafɛrɛnɛ la. Bon-nasigi di ale ye. Kɔnɔ Isɔ diyara a fa Isiyaka ye bawo firarɔ-soge di a ye. Yakoba wo diyara a na ye le kati!
Lun kelen, Isɔ kɔnkɔto-wɛ bɔra firɛ rɔ. A ya a taran, Yakoba ara sɔsɛ te. Isɔ ya a fɔ Yakoba ye ko, “I yandi, n kɔ dɔnta-wulennɛ kɛ rɔ, n kana kirɔn-a-la.” (Woletɔ Isɔ tɔgɛ sara Idɔm nyamanɛ kun na min kɔrɛ, “Fen-Wulan.”)
Kɔnɔ Yakoba ko, “Bawo den-kei-sarɛ le ile la, ita sɔ tinɛ mayira n ma.”
Isɔ ko, “Sɔ tinɛ kɛ si nfen nyinya nde ma. N fagamatoe le kɛ la kɔnkɛ bolo.”
Yakoba ko, “I keli n ye fɔlɔn ni i si ita sɔ tinɛ di n ma.” Woletɔ Isɔ ya a keli a ye. A ya a bolo bɔ ata sɔ tinɛ rɔ ka a mayira a dɔgɛ Yakoba ma.
Woletɔ Yakoba ya biredi anubɛ sɔsɔ-tenɛ wo di a kɔrɔ Isɔ ma. Isɔ ban wonu dɔnna, a tara a ye.
Isɔ ya ala sɔ tinɛ bɔrɔbɔ wo nya na le.

Listen to Ko-Dabirɛnu 25