If you would like a copy of this version please contact info@davaraudiobibles.org

Kirundi Bible

<div class="version vid2944 iso6393run" data-vid="2944" data-iso6393="run">
 <div class="book bkMAL">
 <div class="chapter ch2" data-usfm="MAL.2">
 <div class="label">2</div><div class="s1">Ingen&#8217; abaherezi bishe amasezerano</div><div class="p"> 1 # 
 Mal 1:6. Nuko rero mwa baherezi mwe, iri bgirizwa ni mwebge ndaribgirije. 2#Lew 26:14; Gus 28:15; Mal 3:9.Ni mwanka kwumva, mukanka kurishirak&#8217; umutima, ntimuheshe izina ryanje icubahiro, ni k&#8217;Uhoraho Nyen&#8217; ingabo agize, nzobavuma wa muvumo, n&#8217;imigisha yanyu nzoyivuma; mbere mmaze no kuyivuma, kuko mutarishizek&#8217; umutima. 3#Kuv 29:14; Yow 1:17; Nah 3:6.R&#257;ba nzovuma imbuto zanyu, ari mwebge mubinteye, kandi nzobas&#299;ga mu maso amayezi y&#8217;ibimazi vyanyu; muzoyoranwa na yo. 4#Guh 3:45; 25:12, 13; Neh 13:29.Ni ho muzomenyera kw ari jewe nabarungikiye iryo bgirizwa, kugira ngw isezerano nasezeranye na Lewi rimugumeko, ni k&#8217;Uhoraho Nyen&#8217; ingabo agize. 5#Yes 54:10.Isezerano nasezeranye na we ryar&#8217; iry&#8217; ubugingo n&#8217;amahoro; nabimuhaye ngw anyubahe: maz&#8217; aranyubaha, ahindishwa agashitsi n&#8217;izina ryanje. 6#Dan 12:3; Yak 5:20.Icagezwe c&#8217;ukuri caba mu kanwa kiwe, kandi mu minwa yiwe nta bigoramye vyahumvikana; yagendana nanje mu mahoro no mu bugororotsi, yahindura benshi bakareka ibigabitanyo. 7#Lew 10:11; Gus 17:9; Hag 1:13.Kukw akanwa k&#8217;umuherezi gakwiye kuzigama ubgenge, kandi mu kanwa kiwe ni ho bakwiye kubariza ivyagezwe: kukw ari we ntumwa y&#8217; Uhoraho Nyen&#8217; ingabo. 8#1 Sam 2:17; Ezk 22:26.Ariko mweho mwarakebeje muta inzira; mutsitaje benshi mu vy&#8217;ivyagezwe; mwononye isezerano rya Lewi, ni k&#8217;Uhoraho Nyen&#8217; ingabo agize. 9#Gus 1:17; 16:19; 1 Sam 2:30.Nanje ni co gitumye mbahindura ink&#275;ng&#275;rwa, nkabacisha bugufi imbere y&#8217;abantu bose, kuko mutakomeje inzira zanje, ariko mukarobanura abantu ku cubahiro mu vy&#8217;ivyagezwe.</div><div class="s1">Ivyaha vy&#8217;abantu b&#8217;Imana</div><div class="p"> 10 # 
 Gus 4:35, 39; Yes 33:1; 1 Kor 8:6; Ef 4:6. Mbega twese ntidusangiye Data? Imana yaturemye s&#8217;imwe? None n&#8217;iki gituma turyarukana, umuntu wese aryaruka mwene wabo, tukica isezerano ryasezeraniwe ba sogokuruza? 11#Ezr 9:2.Yuda araryaruka, kandi bakora ibizira mu Bisirayeli n&#8217;i Yerusalemu; kuko Yuda ahumanije ah&#275;ra Uhoraho akunda, y&#257;biriye umukobga w&#8217;imana y&#8217;inyamahanga. 12&#362;kora ben&#8217; ivyo, Uhoraho azomurandura mu mahema ya Yakobo, ar&#8217; umuteramyi, ar&#8217; uwitaba, ar&#8217; &#363;shikanira Uhoraho Nyen&#8217; ingabo ishikanwa. 13Kand&#8217; ikigeretseko mukora, mutotesha igicaniro c&#8217;Uhoraho amosozi, mw&#299;riza, musuhuza imitima, bigatuma atanakibabaye amashikanwa yanyu, ngw ay&#257;k&#299;re ayemeye. 14Yamara muravuga, muti Ni ku ki? Ni kuk&#8217; Uhoraho yabaye icabona canyu, mwe n&#8217;umugore wawe wo mu bucance, uwo waryarutse, nah&#8217; ar&#8217; umugenzi wawe, akaba n&#8217;umugore w&#8217;isezerano. 15#Ita 2:24; Mat 19:4, 5.Nta wokoze ben&#8217; ivyo, Mpwemu akiri muri we. &#362;mufise bimumerera bite? Yifuza kugira uruvyaro ruzokwubaha Imana. Nuko rero mwirinde mu mitima yanyu, ntihagire &#363;ryaruka umugore wiwe wo mu bucance. 16#Mrk 10:9, 11.Kuko nanka ivyo kwahukana, ni k&#8217;Uhoraho Imana y&#8217;Abisirayeli agize, nanka n&#8217;&#363;twikira umwambaro wiwe umuryano, ni k&#8217;Uhoraho Nyen&#8217; ingabo agize; nuko rero mwirinde mu mitima yanyu, mwoye kuryarukana.</div><div class="p"> 17 # 
 Yes 5:20; 43:24; Mal 3:1, 15; 2 Pet 3:4. Uhoraho mwaramurambiye n&#8217;amagambo yanyu; yamara muravuga, muti Twamurambiye dute? Ni kuko muvuga yuk&#8217; umuntu wese akora ivyaha ari mwiza imbere y&#8217;Uhoraho, ngo Kand&#8217; aramuhimbara; canke ngw Imana ica imanza iri hehe?</div>
 </div>
 </div>
</div>

Bibliya Yera © Société Biblique du Burundi, 1967

Nuko rero mwa baherezi mwe, iri bgirizwa ni mwebge ndaribgirije. Ni mwanka kwumva, mukanka kurishirak’ umutima, ntimuheshe izina ryanje icubahiro, ni k’Uhoraho Nyen’ ingabo agize, nzobavuma wa muvumo, n’imigisha yanyu nzoyivuma; mbere mmaze no kuyivuma, kuko mutarishizek’ umutima. Rāba nzovuma imbuto zanyu, ari mwebge mubinteye, kandi nzobasīga mu maso amayezi y’ibimazi vyanyu; muzoyoranwa na yo. Ni ho muzomenyera kw ari jewe nabarungikiye iryo bgirizwa, kugira ngw isezerano nasezeranye na Lewi rimugumeko, ni k’Uhoraho Nyen’ ingabo agize. Isezerano nasezeranye na we ryar’ iry’ ubugingo n’amahoro; nabimuhaye ngw anyubahe: maz’ aranyubaha, ahindishwa agashitsi n’izina ryanje. Icagezwe c’ukuri caba mu kanwa kiwe, kandi mu minwa yiwe nta bigoramye vyahumvikana; yagendana nanje mu mahoro no mu bugororotsi, yahindura benshi bakareka ibigabitanyo. Kukw akanwa k’umuherezi gakwiye kuzigama ubgenge, kandi mu kanwa kiwe ni ho bakwiye kubariza ivyagezwe: kukw ari we ntumwa y’ Uhoraho Nyen’ ingabo. Ariko mweho mwarakebeje muta inzira; mutsitaje benshi mu vy’ivyagezwe; mwononye isezerano rya Lewi, ni k’Uhoraho Nyen’ ingabo agize. Nanje ni co gitumye mbahindura inkēngērwa, nkabacisha bugufi imbere y’abantu bose, kuko mutakomeje inzira zanje, ariko mukarobanura abantu ku cubahiro mu vy’ivyagezwe.

Mbega twese ntidusangiye Data? Imana yaturemye s’imwe? None n’iki gituma turyarukana, umuntu wese aryaruka mwene wabo, tukica isezerano ryasezeraniwe ba sogokuruza? Yuda araryaruka, kandi bakora ibizira mu Bisirayeli n’i Yerusalemu; kuko Yuda ahumanije ahēra Uhoraho akunda, yābiriye umukobga w’imana y’inyamahanga. Ūkora ben’ ivyo, Uhoraho azomurandura mu mahema ya Yakobo, ar’ umuteramyi, ar’ uwitaba, ar’ ūshikanira Uhoraho Nyen’ ingabo ishikanwa. Kand’ ikigeretseko mukora, mutotesha igicaniro c’Uhoraho amosozi, mwīriza, musuhuza imitima, bigatuma atanakibabaye amashikanwa yanyu, ngw ayākīre ayemeye. Yamara muravuga, muti Ni ku ki? Ni kuk’ Uhoraho yabaye icabona canyu, mwe n’umugore wawe wo mu bucance, uwo waryarutse, nah’ ar’ umugenzi wawe, akaba n’umugore w’isezerano. Nta wokoze ben’ ivyo, Mpwemu akiri muri we. Ūmufise bimumerera bite? Yifuza kugira uruvyaro ruzokwubaha Imana. Nuko rero mwirinde mu mitima yanyu, ntihagire ūryaruka umugore wiwe wo mu bucance. Kuko nanka ivyo kwahukana, ni k’Uhoraho Imana y’Abisirayeli agize, nanka n’ūtwikira umwambaro wiwe umuryano, ni k’Uhoraho Nyen’ ingabo agize; nuko rero mwirinde mu mitima yanyu, mwoye kuryarukana.
Uhoraho mwaramurambiye n’amagambo yanyu; yamara muravuga, muti Twamurambiye dute? Ni kuko muvuga yuk’ umuntu wese akora ivyaha ari mwiza imbere y’Uhoraho, ngo Kand’ aramuhimbara; canke ngw Imana ica imanza iri hehe?

Listen to Malaki 2