If you have would like a copy of this version please contact info@davarpartners.org

Ekegusii Revised Bible

<div class="version vid2925 iso6393guz" data-vid="2925" data-iso6393="guz">
 <div class="book bkGEN">
 <div class="chapter ch14" data-usfm="GEN.14">
 <div class="label">14</div><div class="s1">Esegi ya Kedorilaoma</div><div class="p"> 1Ekaba ase amatuko &#8217;Amurafeli, omorwoti o Shinari, na Arioki, omorwoti o Eleasari, na Kedorilaoma, omorwoti o Elamu, na Tidali, omorwoti o Goiimu, 2abarwoti aba bagakora esegi na Bera, omorwoti o Sodomu, na Birisa, omorwoti o Gomora, na Shinabu, omorwoti o Adima na Shemeberi, omorwoti o Seboimu, na omorwoti o Bela noro Soari. 3Abarwoti abwo bonsi bakabwatana, bagasangererekana ase ense omweya ya Sidimu, agwo nao Enyancha y&#8217;omonyo ere.#14:3Enyancha y&#8217;omonyo: engencho yaye ne nyancha ase kende gionsi kere moyo getamenye 4Konya bamokoreire Kedorilaoma emeremo ase engaki y&#8217;emiaka ikomi na ebere, korende omwaka o ikomi na gatato bakaenena, tibamokorera naende. 5Na omwaka o ikomi na kane Kedorilaoma na abarwoti baria babwataine nere bagacha, bakarwania na kobua Abarefai ase Asteroti&#8208;Karinaimu, na Abasusi ase Hamu, na Abaemi ase Shawe&#8208;Kiriataimu, 6n&#8217;Abahori ase egetunwa Edomu goika Eli-Parani ore ang&#8217;e nerooro. 7Erio bakairana goika bagaika Enimisifati, noro okorokwa Kadeshi, bagasaria ense yonsi y&#8217;Abaameleki, na eya Abaamori abwo bamenyete Hasasoni-Tamari.</div><div class="p"> 8Agwo omorwoti o Sodomu, na oyo o Gomora, na oyo bw&#8217;Adima, na oyo o Seboimu, na oyo o Bela, noro Soari, bakageenda, bakabwatarena korwana esegi ase ense omweya ya Sidimu, 9barwane na Kedorilaoma, omorwoti o Elamu, na Tidali, omorwoti o Goimu, na Amurafeli, omorwoti o Shinari, na Arioki, omorwoti o Eliesari. Abarwoti abwo baane bakarwania baria batano. 10Na ense omweya ya Sidimu nigo yaichire amabwago y&#8217;esike gete, na abarwoti abwo ba Sodomu na Gomora ekero baarenge gotama, bakagwa ase amabwago ayio ime, na baria batigarete bagatama gochia ebitunwa igoro. 11Erio ababisa bagasakora chinibo chionsi chia Sodomu na Gomora, na endagera yabo yonsi bakaira chinsobo. 12Naboigo bagoosa Loti, omwana omomura omwabo Aburamu, oyomenyete agwo Sodomu, bakamoira amo nenibo yaye.</div><div class="p"> 13Omonto oyomo, oyotamete korwa ase abooswa, akagenda agateebia Aburamu Omoiberania, oyomenyete ase akaanani k&#8217;emete enga buna Emealuni ka Mamure, oria Omoamori, momura omwabo Esikoli na Aneri. Abwo konya bakorire okobwatana na Aburamu. 14Aburamu agachia koigwa ng&#8217;a oyomwabo osakoirwe na gwoswa, agatoma abamura baye abakong&#8217;u, abaiboire bwoye, abamanyire korwana esegi, babwatie ababisa goika Dani. Abarwani aba nigo baarenge amagana atato, na ikomi na batano na batato. 15Bwachia koba botuko, Aburamu agaatanana abanto baye, erinde barwanie ababisa babo, akababua akabaseria goika Hoba, sugusu ya Damesiki. 16Erio akairania enibo yonsi, na akairania boigo Loti omwabo amo nenibo yaye, na abakungu, na abanto bande abasakoretwe.</div><div class="s1">Melkizedeki ogosesenia Aburamu</div><div class="p"> 17Ekero Aburamu are koirana korwa ogoita Kedorilaoma amo n&#8217;abarwoti baria baarenge amo nere, omorwoti o Sodomu agasooka akamoorototera Aburamu ase ense omweya ya Shawe, eyio n&#8217;Ense omweya y&#8217;Omorwoti. 18#Abaibr 7:1-10Erio Melkizedeki, omorwoti o Salemu#14:18Salemu: noro Yerusalemu, akareenta omogati na edivai; ere nigo areenge Omokuani o Nyasae Ore Igoro Mono. 19Akamosesenia, akabora,</div><div class="q1">&#8220;Aburamu asesenigwe na Nyasae Ore Igoro Mono,</div><div class="q1">oyotongete igoro na ense;</div><div class="q1"> 20Nyasae Ore Igoro Mono atogigwe, oyo obekire ababisa bao inse y&#8217;amaboko ao!&#8221;</div><div class="m">Aburamu akamoa ensemo ya ikomi ya kera egento ekiabwate. 21Omorwoti o Sodomu agateebia Aburamu: &#8220;Ing&#8217;a abanto baane, korende enibo ero oire aye.&#8221; 22Korende Aburamu agateebia omorwoti o Sodomu: &#8220;Naimokirie okoboko kwane na gotiana ase Omonene Nyasae Ore Igoro Mono, oyotongete igoro na ense, 23ng&#8217;a tinkoira nonya ng&#8217;ake eusi, gose enuga y&#8217;egekoroto kiao, gose kende gionsi kiao, obaise gocha goteeba: Ninche natenenkirie Aburamu. 24Tinkoira gento kende gionsi otatiga endagera eyio abamura abwo bariete, na ensemo y&#8217;abwo bagendete amo nainche; tiga Aneri, na Esikoli, na Mamure, barabwo baire ebiabo.&#8221;</div>
 </div>
 </div>
</div>

Ekaba ase amatuko ’Amurafeli, omorwoti o Shinari, na Arioki, omorwoti o Eleasari, na Kedorilaoma, omorwoti o Elamu, na Tidali, omorwoti o Goiimu, abarwoti aba bagakora esegi na Bera, omorwoti o Sodomu, na Birisa, omorwoti o Gomora, na Shinabu, omorwoti o Adima na Shemeberi, omorwoti o Seboimu, na omorwoti o Bela noro Soari. Abarwoti abwo bonsi bakabwatana, bagasangererekana ase ense omweya ya Sidimu, agwo nao Enyancha y’omonyo ere. Konya bamokoreire Kedorilaoma emeremo ase engaki y’emiaka ikomi na ebere, korende omwaka o ikomi na gatato bakaenena, tibamokorera naende. Na omwaka o ikomi na kane Kedorilaoma na abarwoti baria babwataine nere bagacha, bakarwania na kobua Abarefai ase Asteroti‐Karinaimu, na Abasusi ase Hamu, na Abaemi ase Shawe‐Kiriataimu, n’Abahori ase egetunwa Edomu goika Eli-Parani ore ang’e nerooro. Erio bakairana goika bagaika Enimisifati, noro okorokwa Kadeshi, bagasaria ense yonsi y’Abaameleki, na eya Abaamori abwo bamenyete Hasasoni-Tamari.
Agwo omorwoti o Sodomu, na oyo o Gomora, na oyo bw’Adima, na oyo o Seboimu, na oyo o Bela, noro Soari, bakageenda, bakabwatarena korwana esegi ase ense omweya ya Sidimu, barwane na Kedorilaoma, omorwoti o Elamu, na Tidali, omorwoti o Goimu, na Amurafeli, omorwoti o Shinari, na Arioki, omorwoti o Eliesari. Abarwoti abwo baane bakarwania baria batano. Na ense omweya ya Sidimu nigo yaichire amabwago y’esike gete, na abarwoti abwo ba Sodomu na Gomora ekero baarenge gotama, bakagwa ase amabwago ayio ime, na baria batigarete bagatama gochia ebitunwa igoro. Erio ababisa bagasakora chinibo chionsi chia Sodomu na Gomora, na endagera yabo yonsi bakaira chinsobo. Naboigo bagoosa Loti, omwana omomura omwabo Aburamu, oyomenyete agwo Sodomu, bakamoira amo nenibo yaye.
Omonto oyomo, oyotamete korwa ase abooswa, akagenda agateebia Aburamu Omoiberania, oyomenyete ase akaanani k’emete enga buna Emealuni ka Mamure, oria Omoamori, momura omwabo Esikoli na Aneri. Abwo konya bakorire okobwatana na Aburamu. Aburamu agachia koigwa ng’a oyomwabo osakoirwe na gwoswa, agatoma abamura baye abakong’u, abaiboire bwoye, abamanyire korwana esegi, babwatie ababisa goika Dani. Abarwani aba nigo baarenge amagana atato, na ikomi na batano na batato. Bwachia koba botuko, Aburamu agaatanana abanto baye, erinde barwanie ababisa babo, akababua akabaseria goika Hoba, sugusu ya Damesiki. Erio akairania enibo yonsi, na akairania boigo Loti omwabo amo nenibo yaye, na abakungu, na abanto bande abasakoretwe.

Ekero Aburamu are koirana korwa ogoita Kedorilaoma amo n’abarwoti baria baarenge amo nere, omorwoti o Sodomu agasooka akamoorototera Aburamu ase ense omweya ya Shawe, eyio n’Ense omweya y’Omorwoti. Erio Melkizedeki, omorwoti o Salemu, akareenta omogati na edivai; ere nigo areenge Omokuani o Nyasae Ore Igoro Mono. Akamosesenia, akabora,
“Aburamu asesenigwe na Nyasae Ore Igoro Mono,
oyotongete igoro na ense;
Nyasae Ore Igoro Mono atogigwe, oyo obekire ababisa bao inse y’amaboko ao!”
Aburamu akamoa ensemo ya ikomi ya kera egento ekiabwate. Omorwoti o Sodomu agateebia Aburamu: “Ing’a abanto baane, korende enibo ero oire aye.” Korende Aburamu agateebia omorwoti o Sodomu: “Naimokirie okoboko kwane na gotiana ase Omonene Nyasae Ore Igoro Mono, oyotongete igoro na ense, ng’a tinkoira nonya ng’ake eusi, gose enuga y’egekoroto kiao, gose kende gionsi kiao, obaise gocha goteeba: Ninche natenenkirie Aburamu. Tinkoira gento kende gionsi otatiga endagera eyio abamura abwo bariete, na ensemo y’abwo bagendete amo nainche; tiga Aneri, na Esikoli, na Mamure, barabwo baire ebiabo.”

Listen to Omochakano 14