If you have would like a copy of this version please contact info@davaraudiobibles.org

Yali Angguruk Old Testament

<div class="version vid2911 iso6393yli" data-vid="2911" data-iso6393="yli">
 <div class="book bkGEN">
 <div class="chapter ch20" data-usfm="GEN.20">
 <div class="label">20</div><div class="s">He Sara Abimelekhen hilamin ulug tibag ane</div><div class="p"> 1Welatfareg Abraham ino o Mamre embeselug Negeb kinangma wirig atfareg o Kades men Syur men honggolegma o Gerar libareg ap pohon hag toho welatfag. 2#Kej 12:13, 26:7Wereg lit Abrahamen uhe Sara fahet, &#8221;Tu an not,&#8221; uruk latfagma Gerar inap onowe suwon Abimelekh inowen otsi fam Sara ino wak lalihip ulug mon enepfagma hondoholug watfag. 3Hondoholug watfagma Abimelekh hubanggo nei warukmen Allah at ambeg watfareg ele uruk lit, &#8221;Hiyap aru ap uhe palehen angge re hat war aruhun,&#8221; ibag. 4Abimelekh ino Sara iraham am fugmu ele uruk lit, &#8221;Nikni, Haren ap o pumbuk eke siyag ane tuk fugmen unusehen ha reg?&#8221; ibareg 5&#8221;Ap ino amuwen, &#8217;Tu an not,&#8217; ulug hiyag nitisi fug? Hiyap ino amuwen oho, &#8217;At an nowe,&#8217; irisi. Alem ari fahet anden tirikikon ino siyag ane timin fug ulug nindiyen haloho hilarikik,&#8221; ibag. 6Ari ibagma nei fam Allahn hiyag utuk lit, &#8221;Alem ari fahet nindiyen haloho timin perikinon ari An oho noluk atisimu haren hiyap ari iraham atuk lit An nalukema siyag ane tuhu rohon ulug holohotma sok latikik. 7Ari fahet ketiya hiyap ino ahun An nawene uruk ahun nabi wereg angge re hahun ambeg lamihin ulug hiyag itmihin. Hiyag itmihinmu at inowen hat fahet oluk welaruhu ulug sembahyang uhu. Lamihin ulug hiyag itmihin fug halug hat men hori men war amuhup ane fahet holuk toho welaruhun,&#8221; ulug hiyag itfag.</div><div class="p"> 8Nohibareg likiyamon Abimelekhen otsi obog toho wol enepfareg alem obog toho teko libag ane fahet hiyag isibagma otsi arimano enekol anggolo hibag. 9Enekol hibagma Abimelekhen Abraham wol tibareg ele ubam uruk lit, &#8221;Nungge fahet alem ari hahon nit nunubam tirikin? Anden hat hubam siyag ane nunggeyon tirikikmu haren tirikinon famen an men numalikisi menen oho alem mondabi siyahon tila? Haren tirikinon ari nubam tuk fug tehon tirikin,&#8221; ulug hiyag itfag. 10Hiyag itfareg Abimelekh inowen Abraham fam nin ele uruk lit, &#8221;Nungge wenggel harikinteg alem ari nubam tirikin?&#8221; ibagma 11Abrahamen hebeloho hiyag utuk lit, &#8221;Anden wenggel haruk lit o aruwen Allah fahet enekol toho wenggel haruk ane wereg eleg angge re an nuhe ap winonen hilaruk lit an nuwabuhup tohon ulug irikik. 12An not irikikon ino we tik-tem toho an not, nikni ahaloho fahet irikik angge famen ninisingasi amu-amu werehen an hilarikik. 13Hilarikikteg weregma Allahn an nubam ele uruk lit, &#8217;Hat hikni ibam embeselug lahun,&#8217; ulug hiyag nitisimu anden nuhe hiyag utuk lit, &#8217;Nit o kema-kema laruk ambehen haren hindi nasug lit an fahet ap unubam, &#8217;Tu an nowe,&#8217; ulug hiyag isaruk laruhun,&#8217; ulug hiyag itikik,&#8221; ibag. 14Ibagma Abimelekh inowen wam domba men sapi men amingmingangge abet hiyabet wibareg Abraham og utuk lit uhe Sara oho hebeloho og itfag. 15Og utuk lit Abimelekhen, &#8221;Kinang anden tohon aru fam haren o wit tahuk puhun ambeg hahiyeg toho welaruhun,&#8221; ulug Abraham hiyag itfag. 16Hiyag itfareg Sara fam ele uruk lit, &#8221;Ap obog toho hat men werehonen hat fahet we tik-tem toho siyag ane tirisi fug puhuben hat howe uang perak anggolo 1.000 og irihi. Og irihi angge re ap misihen oho aren siyag ane tirisi uhu fug,&#8221; ibag. 17-18Abimelekhen Abraham uhe Sara fam tibag ane fahet Ninikni Allahn hiyap Abimelekh ibam welatfahon obog toho ibiliyap enepfag angge famen Abraham inowen Allah fam sembahyang ibagma Allahn Abimelekh men uhe men hiyap at amingmingangge welatfahon men fanowap enepfagma nin malik indag taruk latfag.</div>
 </div>
 </div>
</div>

Welatfareg Abraham ino o Mamre embeselug Negeb kinangma wirig atfareg o Kades men Syur men honggolegma o Gerar libareg ap pohon hag toho welatfag. Wereg lit Abrahamen uhe Sara fahet, ”Tu an not,” uruk latfagma Gerar inap onowe suwon Abimelekh inowen otsi fam Sara ino wak lalihip ulug mon enepfagma hondoholug watfag. Hondoholug watfagma Abimelekh hubanggo nei warukmen Allah at ambeg watfareg ele uruk lit, ”Hiyap aru ap uhe palehen angge re hat war aruhun,” ibag. Abimelekh ino Sara iraham am fugmu ele uruk lit, ”Nikni, Haren ap o pumbuk eke siyag ane tuk fugmen unusehen ha reg?” ibareg ”Ap ino amuwen, ’Tu an not,’ ulug hiyag nitisi fug? Hiyap ino amuwen oho, ’At an nowe,’ irisi. Alem ari fahet anden tirikikon ino siyag ane timin fug ulug nindiyen haloho hilarikik,” ibag. Ari ibagma nei fam Allahn hiyag utuk lit, ”Alem ari fahet nindiyen haloho timin perikinon ari An oho noluk atisimu haren hiyap ari iraham atuk lit An nalukema siyag ane tuhu rohon ulug holohotma sok latikik. Ari fahet ketiya hiyap ino ahun An nawene uruk ahun nabi wereg angge re hahun ambeg lamihin ulug hiyag itmihin. Hiyag itmihinmu at inowen hat fahet oluk welaruhu ulug sembahyang uhu. Lamihin ulug hiyag itmihin fug halug hat men hori men war amuhup ane fahet holuk toho welaruhun,” ulug hiyag itfag.
Nohibareg likiyamon Abimelekhen otsi obog toho wol enepfareg alem obog toho teko libag ane fahet hiyag isibagma otsi arimano enekol anggolo hibag. Enekol hibagma Abimelekhen Abraham wol tibareg ele ubam uruk lit, ”Nungge fahet alem ari hahon nit nunubam tirikin? Anden hat hubam siyag ane nunggeyon tirikikmu haren tirikinon famen an men numalikisi menen oho alem mondabi siyahon tila? Haren tirikinon ari nubam tuk fug tehon tirikin,” ulug hiyag itfag. Hiyag itfareg Abimelekh inowen Abraham fam nin ele uruk lit, ”Nungge wenggel harikinteg alem ari nubam tirikin?” ibagma Abrahamen hebeloho hiyag utuk lit, ”Anden wenggel haruk lit o aruwen Allah fahet enekol toho wenggel haruk ane wereg eleg angge re an nuhe ap winonen hilaruk lit an nuwabuhup tohon ulug irikik. An not irikikon ino we tik-tem toho an not, nikni ahaloho fahet irikik angge famen ninisingasi amu-amu werehen an hilarikik. Hilarikikteg weregma Allahn an nubam ele uruk lit, ’Hat hikni ibam embeselug lahun,’ ulug hiyag nitisimu anden nuhe hiyag utuk lit, ’Nit o kema-kema laruk ambehen haren hindi nasug lit an fahet ap unubam, ’Tu an nowe,’ ulug hiyag isaruk laruhun,’ ulug hiyag itikik,” ibag. Ibagma Abimelekh inowen wam domba men sapi men amingmingangge abet hiyabet wibareg Abraham og utuk lit uhe Sara oho hebeloho og itfag. Og utuk lit Abimelekhen, ”Kinang anden tohon aru fam haren o wit tahuk puhun ambeg hahiyeg toho welaruhun,” ulug Abraham hiyag itfag. Hiyag itfareg Sara fam ele uruk lit, ”Ap obog toho hat men werehonen hat fahet we tik-tem toho siyag ane tirisi fug puhuben hat howe uang perak anggolo 1.000 og irihi. Og irihi angge re ap misihen oho aren siyag ane tirisi uhu fug,” ibag. Abimelekhen Abraham uhe Sara fam tibag ane fahet NINIKNI Allahn hiyap Abimelekh ibam welatfahon obog toho ibiliyap enepfag angge famen Abraham inowen Allah fam sembahyang ibagma Allahn Abimelekh men uhe men hiyap at amingmingangge welatfahon men fanowap enepfagma nin malik indag taruk latfag.

Listen to KEJADIAN 20