If you have would like a copy of this version please contact info@davaraudiobibles.org

Kambera Old Testament

<div class="version vid2908 iso6393xbr" data-vid="2908" data-iso6393="xbr">
 <div class="book bkGEN">
 <div class="chapter ch43" data-usfm="GEN.43">
 <div class="label">43</div><div class="s">Da anguna paluhu i Yuhupu ba dalua karia-nya la Mehiru i Mbanyamingu</div><div class="p"> 1-2Na rimbangu la Kana&#224;ngu pa-rukangu-mana-nyaka pa-mb&#224;ringu, nu da tau la kuru umana i Yakupu da panj&#224;pu h&#224;la-haka da pang&#224;ndi-da welingu la Mehiru, ka panii-nanjaka da anana i Yakupu, &#8220;Mihili luawa nu lai n&#224;hu, kai keinda uhu ngg&#224;ndumu panganda,&#8221; w&#224;nanja.</div><div class="p"> 3Napaya i Yahunda la amana, &#8220;Na nggumbunuru Mehiru napeka haha ma-nggamaka ba nda peku hurungu-ama lai nyuna, j&#224;ka ndia-madu ma-karia-nya na erima. 4J&#224;ka upulinya nyuna ama na erima palua karia-nggama jia hi malua lai n&#224;hu pakei pangangu. 5T&#224;ka j&#224;ka ndau pulinya i Mbanyamingu palua karia-nggama, nda mabihu-a palua, nadu na nggumbunuru ba mb&#224;da peka-mana-nggamaka: ba nda peku-ama pa-hurungu la hanggana j&#224;ka nda na-kikungu na erimi,&#8221; w&#224;na.</div><div class="p"> 6Napaya i Yakupu, &#8220;Nggikina nyimi hi pa-handuka-ka bai paniinya na tau nuna ba ninyapa na erimi?&#8221; w&#224;na.</div><div class="p"> 7Dahema nyuda, &#8220;Na tau nuna kand&#224;haru-mana-nggama ba na-pa&#224;ra-nggama ngerama nyuma d&#224;ngu ngera kuru umanda ba napanii, &#8216;Naluri-pa na amami? Ningupa nu erimi anakeda mini hawiangu?&#8217; w&#224;na. Ka hema lera-manjaka da pa&#224;rangu-na mbuu nd&#224;bada. Nggiki hama pimanya nyuma ba jiangu-ma na-karuhi-kama pa-karia-nya na erima?&#8221; w&#224;daka.</div><div class="p"> 8H&#224;la panii-nanyaka i Yahunda la amana, &#8220;Pulinya nyuna na anakeda ka na-tundungu, nyungga duku matanggu hemaya na ngerana nyuna. Ka maluu laku ka &#224;mbu j&#224;mu ningu lai nyuta mameti rimbangu. 9Nyungga duku hiluna, karuhi biaya na rukuna nyuna lai nyungga. J&#224;ka nda ku-karia beli d&#224;ngu h&#224;munya, nyungga duku matanggu-nya na hukungu la ngala luringgu. 10L&#224;ti j&#224;ka nda lalu mandai tunda nu pa-patiangu, n&#224;hu mb&#224;da pandua wundangu-mbumaka duma l&#224;ti palua beli,&#8221; w&#224;na.</div><div class="p"> 11Napaya na amada, &#8220;J&#224;ka tuna numaipa b&#224;di, ng&#224;ndiwa ihi tana mah&#224;mu halaw&#224;la welingu la tana yiana kai tuha la karungu-mi m&#224;ta ka jiaha da pawotu-minya na nggumbunuru: kilu wua kimihu, manggaluangu, rungu, wua kawilu d&#224;ngu wua mbandamu. 12Ng&#224;ndi &#224;mahu pandua wundangu, nadu da &#224;mahu pahunggu-mi la karungu ng&#224;ndi beli-maha b&#224;di. Tal&#224;nga wanguna njala tudanja. 13Karia-nya na erimi, na nyuna beli pa-renggangu. 14M&#224;la &#224;ru i Ala Mahupu-mbiha ka najuju-ya na etina na nggumbunuru ka namila-nggai eti, hi lupa na-pabeli-nja i Mbanyamingu d&#224;ngu i Hamiungu lai nyimi. J&#224;ka jiaka nyungga duku, j&#224;ka pa-mbulangu w&#224;danya da ananggu mbuu nd&#224;bada, m&#224;lawa nyuna,&#8221; w&#224;naka.</div><div class="p"> 15Tunaka nu da anguna paluhu i Yuhupu ng&#224;ndi-danyaka da pawotu-da d&#224;ngu &#224;mahu pandua wundangu, h&#224;la hadangu laku-danyaka la Mehiru karia-nya i Mbanyamingu. Ba dat&#224;ka lai n&#224;hu, hurungu danyaka lai Yuhupu. 16I Yuhupu ba naita-yaka i Mbanyamingu d&#224;ngu da ayana, panii-nanyaka na papalewa-na na ma-kapala paloku la umana, &#8220;Karia-nja nuda da tau la umanggu. Nyuda napa daangu ngangungga la lodu n&#224;hu, jia-duya rupuwa heu banda h&#224;la paloku-ya,&#8221; w&#224;na. 17Na papalewa nuna nunju-nanyaka na pareta-na i Yuhupu hi na-karia-nja da anguna paluhu la uma nggumbunuru.</div><div class="p"> 18Ba karia-njaka la umana i Yuhupu, mang&#224;datu-danyaka d&#224;ngu pa-kanandi-da, &#8220;Hi da karia-nda yiahu, jia-haka rukuda da &#224;mahu pahunggu nda la karungu ba jiaya namainda &#224;mangu. Napa y&#224;pa harabanda-dandaka, hi da pitiha da kalandai-nda, t&#224;ka nyuta hi da-atanda,&#8221; w&#224;da. 19Jia-duyaka, la lihi pindu umana i Yuhupu, hi dapanii-nya na kapala paloku kuru uma, 20&#8220;Malangu-mu Umbu, nyuma mb&#224;da hand&#224;kangu-maka pamai yiahu pakei pangangu. 21-22N&#224;hu la &#224;nda ba mabeli, t&#224;ka la ngia patodu-ma, hi ma-bunggahu-ha da karungu-ma. Ka ni h&#224;la-njaika da &#224;mahu wili uhu ngg&#224;ndumu-ma la pinu uhu ngg&#224;ndumu daa la karungu. Nda mapinya j&#224;ka nggamu mapuhi-ha nuda da &#224;mahu. N&#224;hu mang&#224;ndi beli-manggaunja duma Umbu. Hinggilu-da nuda mang&#224;ndi-mapa &#224;mahu pahili kei w&#224;ngu pangangu,&#8221; w&#224;da.</div><div class="p"> 23Nahema na papalewa, &#8220;&#192;mbi mang&#224;datu. &#192;mbi kah&#224;diku-du. Na Alami nu na Alana palumu-na na amami, Nyuna duna na mapuhi-ha nu da &#224;mahu daa la karungu-mi. Nyungga duku kukei-mahaka da &#224;mahu wilida da uhu ngg&#224;ndumu-mi,&#8221; w&#224;nanja.</div><div class="p">Tunaka nu karia-nanyaka i Hamiungu lai nyuda, 24h&#224;la tama karia-nanjaka daa la uma. Na wuanja wai pabaha w&#224;da wihida, d&#224;ngumbu uhuda da kalandai-da. 25H&#224;laka nu paloku-danjaka da pawotu-da, tiangu da pawua-nya i Yuhupu j&#224;ka nabeli la tidu lodu, nadu ba mb&#224;da panii-mana-njaka napa ba ngangu-danya d&#224;ngu nyuna. 26Ba nat&#224;ka-ka i Yuhupu la uma wotu-danjaka da pang&#224;ndi - pang&#224;ndi-da lai Yuhupu ba d&#224;ngu mar&#224;baku-da lai nyuna. 27I Yuhupu na-pa&#224;ra-nja j&#224;ka nda ngg&#224;ra ehida, hi napanii, &#8220;Mb&#224;da panii-minggaka rukuna na amami na mamb&#224;da kaweda. M&#224;la ndiadu ngg&#224;ra ehina? Ha - h&#224;mu-nanya kadu?&#8221; w&#224;nanja.</div><div class="p"> 28Dahema nyuda, &#8220;Na atamu Tamu Umbu, na amama, ha - h&#224;mu-m&#224;du-nanya,&#8221; w&#224;da, h&#224;la hi da-mar&#224;baku-nya.</div><div class="p"> 29I Yuhupu ba naita-yaka i Mbanyamingu na erina, panii-nanyaka, &#8220;Ka nu jia-yaka yiana yia na eri hupuma ba w&#224;mi, na pamb&#224;da panii-mingga? M&#224;la &#224;ru i Ala ka na-pakanyuru-kau ananggu,&#8221; w&#224;na. 30Na etina i Yuhupu na-mbumbaru na rinju-nanya d&#224;ngu nanamu-nanya na erina. Natika panda roputu wikina, jia-duyaka hi jia haleli biana welingu lai nu hi natama la kurungu, hi nahii. 31H&#224;laka nu hi nabaha matana, hi naluhu beli d&#224;ngu p&#224;tu-nanya na etina, hi na-par&#224;hangu pa-b&#224;njalu-ha da pangangu. 32I Yuhupu ngangu-nanya la menja mehana, t&#224;ka da ayana la menja hauha. Da tau Mehiru da maninja lai nu ngangu-danya la hau menjamai duda, nadu ba pawawa w&#224;ngu-ndanya w&#224;da j&#224;ka dangaa d&#224;nja da tau Imbarani. 33Da anguna paluhu i Yuhupu natuha la menja ma-papangu d&#224;ngu na menjana i Yuhupu, tundu-manya na pa-nd&#224;kingu-na na dedida, piti welingu la ma-maaya dehi lupa la ma-maeri hupu. Ba daita-yaka na pa-mandapu tunanja nu, ka mar&#224;ngga pa-t&#224;ngaru-danyaka pa-kariangu hang&#224;taru-da. 34Nyuda pa-wuangu-ha pangangu welingu la menjana i Yuhupu, t&#224;ka i Mbanyamingu ba da wuanya pangangu da palima hama dangu b&#224;di welingu la ndumada da aya - ayana. Ka ngangu ngunungu-danyaka d&#224;ngu i Yuhupu lundu hodada.</div>
 </div>
 </div>
</div>

@LAI 1995 Indonesian Bible Society (Lembaga Alkitab Indonesia)

Na rimbangu la Kanaàngu pa-rukangu-mana-nyaka pa-mbàringu, nu da tau la kuru umana i Yakupu da panjàpu hàla-haka da pangàndi-da welingu la Mehiru, ka panii-nanjaka da anana i Yakupu, “Mihili luawa nu lai nàhu, kai keinda uhu nggàndumu panganda,” wànanja.
Napaya i Yahunda la amana, “Na nggumbunuru Mehiru napeka haha ma-nggamaka ba nda peku hurungu-ama lai nyuna, jàka ndia-madu ma-karia-nya na erima. Jàka upulinya nyuna ama na erima palua karia-nggama jia hi malua lai nàhu pakei pangangu. Tàka jàka ndau pulinya i Mbanyamingu palua karia-nggama, nda mabihu-a palua, nadu na nggumbunuru ba mbàda peka-mana-nggamaka: ba nda peku-ama pa-hurungu la hanggana jàka nda na-kikungu na erimi,” wàna.
Napaya i Yakupu, “Nggikina nyimi hi pa-handuka-ka bai paniinya na tau nuna ba ninyapa na erimi?” wàna.
Dahema nyuda, “Na tau nuna kandàharu-mana-nggama ba na-paàra-nggama ngerama nyuma dàngu ngera kuru umanda ba napanii, ‘Naluri-pa na amami? Ningupa nu erimi anakeda mini hawiangu?’ wàna. Ka hema lera-manjaka da paàrangu-na mbuu ndàbada. Nggiki hama pimanya nyuma ba jiangu-ma na-karuhi-kama pa-karia-nya na erima?” wàdaka.
Hàla panii-nanyaka i Yahunda la amana, “Pulinya nyuna na anakeda ka na-tundungu, nyungga duku matanggu hemaya na ngerana nyuna. Ka maluu laku ka àmbu jàmu ningu lai nyuta mameti rimbangu. Nyungga duku hiluna, karuhi biaya na rukuna nyuna lai nyungga. Jàka nda ku-karia beli dàngu hàmunya, nyungga duku matanggu-nya na hukungu la ngala luringgu. Làti jàka nda lalu mandai tunda nu pa-patiangu, nàhu mbàda pandua wundangu-mbumaka duma làti palua beli,” wàna.
Napaya na amada, “Jàka tuna numaipa bàdi, ngàndiwa ihi tana mahàmu halawàla welingu la tana yiana kai tuha la karungu-mi màta ka jiaha da pawotu-minya na nggumbunuru: kilu wua kimihu, manggaluangu, rungu, wua kawilu dàngu wua mbandamu. Ngàndi àmahu pandua wundangu, nadu da àmahu pahunggu-mi la karungu ngàndi beli-maha bàdi. Talànga wanguna njala tudanja. Karia-nya na erimi, na nyuna beli pa-renggangu. Màla àru i Ala Mahupu-mbiha ka najuju-ya na etina na nggumbunuru ka namila-nggai eti, hi lupa na-pabeli-nja i Mbanyamingu dàngu i Hamiungu lai nyimi. Jàka jiaka nyungga duku, jàka pa-mbulangu wàdanya da ananggu mbuu ndàbada, màlawa nyuna,” wànaka.
Tunaka nu da anguna paluhu i Yuhupu ngàndi-danyaka da pawotu-da dàngu àmahu pandua wundangu, hàla hadangu laku-danyaka la Mehiru karia-nya i Mbanyamingu. Ba datàka lai nàhu, hurungu danyaka lai Yuhupu. I Yuhupu ba naita-yaka i Mbanyamingu dàngu da ayana, panii-nanyaka na papalewa-na na ma-kapala paloku la umana, “Karia-nja nuda da tau la umanggu. Nyuda napa daangu ngangungga la lodu nàhu, jia-duya rupuwa heu banda hàla paloku-ya,” wàna. Na papalewa nuna nunju-nanyaka na pareta-na i Yuhupu hi na-karia-nja da anguna paluhu la uma nggumbunuru.
Ba karia-njaka la umana i Yuhupu, mangàdatu-danyaka dàngu pa-kanandi-da, “Hi da karia-nda yiahu, jia-haka rukuda da àmahu pahunggu nda la karungu ba jiaya namainda àmangu. Napa yàpa harabanda-dandaka, hi da pitiha da kalandai-nda, tàka nyuta hi da-atanda,” wàda. Jia-duyaka, la lihi pindu umana i Yuhupu, hi dapanii-nya na kapala paloku kuru uma, “Malangu-mu Umbu, nyuma mbàda handàkangu-maka pamai yiahu pakei pangangu. Nàhu la ànda ba mabeli, tàka la ngia patodu-ma, hi ma-bunggahu-ha da karungu-ma. Ka ni hàla-njaika da àmahu wili uhu nggàndumu-ma la pinu uhu nggàndumu daa la karungu. Nda mapinya jàka nggamu mapuhi-ha nuda da àmahu. Nàhu mangàndi beli-manggaunja duma Umbu. Hinggilu-da nuda mangàndi-mapa àmahu pahili kei wàngu pangangu,” wàda.
Nahema na papalewa, “Àmbi mangàdatu. Àmbi kahàdiku-du. Na Alami nu na Alana palumu-na na amami, Nyuna duna na mapuhi-ha nu da àmahu daa la karungu-mi. Nyungga duku kukei-mahaka da àmahu wilida da uhu nggàndumu-mi,” wànanja.
Tunaka nu karia-nanyaka i Hamiungu lai nyuda, hàla tama karia-nanjaka daa la uma. Na wuanja wai pabaha wàda wihida, dàngumbu uhuda da kalandai-da. Hàlaka nu paloku-danjaka da pawotu-da, tiangu da pawua-nya i Yuhupu jàka nabeli la tidu lodu, nadu ba mbàda panii-mana-njaka napa ba ngangu-danya dàngu nyuna. Ba natàka-ka i Yuhupu la uma wotu-danjaka da pangàndi - pangàndi-da lai Yuhupu ba dàngu maràbaku-da lai nyuna. I Yuhupu na-paàra-nja jàka nda nggàra ehida, hi napanii, “Mbàda panii-minggaka rukuna na amami na mambàda kaweda. Màla ndiadu nggàra ehina? Ha - hàmu-nanya kadu?” wànanja.
Dahema nyuda, “Na atamu Tamu Umbu, na amama, ha - hàmu-màdu-nanya,” wàda, hàla hi da-maràbaku-nya.
I Yuhupu ba naita-yaka i Mbanyamingu na erina, panii-nanyaka, “Ka nu jia-yaka yiana yia na eri hupuma ba wàmi, na pambàda panii-mingga? Màla àru i Ala ka na-pakanyuru-kau ananggu,” wàna. Na etina i Yuhupu na-mbumbaru na rinju-nanya dàngu nanamu-nanya na erina. Natika panda roputu wikina, jia-duyaka hi jia haleli biana welingu lai nu hi natama la kurungu, hi nahii. Hàlaka nu hi nabaha matana, hi naluhu beli dàngu pàtu-nanya na etina, hi na-paràhangu pa-bànjalu-ha da pangangu. I Yuhupu ngangu-nanya la menja mehana, tàka da ayana la menja hauha. Da tau Mehiru da maninja lai nu ngangu-danya la hau menjamai duda, nadu ba pawawa wàngu-ndanya wàda jàka dangaa dànja da tau Imbarani. Da anguna paluhu i Yuhupu natuha la menja ma-papangu dàngu na menjana i Yuhupu, tundu-manya na pa-ndàkingu-na na dedida, piti welingu la ma-maaya dehi lupa la ma-maeri hupu. Ba daita-yaka na pa-mandapu tunanja nu, ka maràngga pa-tàngaru-danyaka pa-kariangu hangàtaru-da. Nyuda pa-wuangu-ha pangangu welingu la menjana i Yuhupu, tàka i Mbanyamingu ba da wuanya pangangu da palima hama dangu bàdi welingu la ndumada da aya - ayana. Ka ngangu ngunungu-danyaka dàngu i Yuhupu lundu hodada.

Listen to DEDI 43