Runyoro-Rutoro - 2008 BSU (NT) Drama

<div class="version vid2806 iso6393nyo" data-vid="2806" data-iso6393="nyo">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Oruganikyo rw'omukeeto enkurungutaniza</div><div class="p"> 1Yesu akagambira abeegesebwa be ati: &#8220;Hakaba haroho omusaija muguuda ow'akaba aina omukeeto we. Baamumunyegerraho nkooku akaba naasiisasiisa ebintu bye. 2Nukwo kumweta yamukaguza ati: &#8216;Kiki kinu eki ndukuhurra hali iwe? Mbarra eby'obukeeto bwawe, habwokuba tokyagaruka kuba mukeeto wange.&#8217; 3Omukeeto nukwo kwekaguza ati: &#8216;Nyowe ndagira nta? Mukama wange naija kunyihaho obukeeto! Tinyina maani g'okulima, n'okusabiiriza nikunkwasa ensoni. 4Otyo, hati naacwamu eki ndaakora ekirintaahya omu maka gaabo obu ndiba mbingirwe omu bukeeto.&#8217; 5Nubwo yakeesire abanyamabanja ba mukama we omu-omu, yakaguza ow'okubanza ati: &#8216;MUKAMA wange naakutonga ki?&#8217; 6Yamugarukamu ati: &#8216;Naatonga encundiro z'amagita kikumi.&#8217; Omukeeto yamugambira ati: &#8216;Kwata orupapura oruroho ibanja lyawe, ikarra bwango, ohandiike makumi ataano.&#8217; 7Yakaguza ondi ati: &#8216;Kandi iwe naakutonga ki?&#8217; Yamugarukamu ati: &#8216;Naatonga ebigega by'engano kikumi.&#8217; Omukeeto yamugambira ati: &#8216;Kwata orupapura oruroho ibanja, ohandiike ebigega kinaana.&#8217; 8Mukama w'omukeeto onu enkurungutaniza akamusiima habw'amagezi ge; habwokuba abantu b'ensi enu baina amagezi ag'okukorrana n'abagenzi baabu okukira abantu b'omusana.</div><div class="p"> 9 # 
 Tob 4:9-11. &#8220;Nikyo ndukubagambira nti: Itungo ly'obugobya libakonyere kwetungira enganjani. Hanyuma obu lirihwaho nubwo balibatangirra babataahye omu bwikaro obutalihwaho.&#8221;</div><div class="s">Okwekonyeza kurungi sente</div><div class="p"> 10&#8220;Weena anyakwesigwa omu bintu bike, ayesigwa n'omu bingi; kandi ataba mwesigwa omu bintu bike, n'omu bingi tayesigwa. 11Obu muraaba mutarabaire beesigwa omu itungo ly'ensi, nooha alibakwasa itungo ery'amazima? 12Obu muraaba mutarabaire beesigwa omu kurolerra eby'abandi, nooha alibaha ekyanyu kukirolerra?</div><div class="p"> 13 # 
 Mat 6:24. &#8220;Tiharoho muheereza anyakusobora kuheereza abakama babiri. Alinobaho omu, agonze ondi; rundi aligumira hali omu, agaye ondi. Timusobora kuheereza Ruhanga n'okwemarra ha itungo ly'ensi.&#8221;</div><div class="s">Yesu naagarukamu abaamusekeriize</div><div class="p"> 14Abafalisaayo abagonzaaga itungo ly'ensi obu baahuliire ebi byona, baamusekeereza. 15Nukwo Yesu kubagambira ati: &#8220;Inywe mweyoleka nk'abarungi omu maiso g'abantu, baitu Ruhanga amanyire emitima yanyu. Habwokuba abantu eki banyumiza, Ruhanga akinuga.</div><div class="p"> 16 # 
 Mat 11:12,13. &#8220;Ebiragiro n'eby'Abarangi bikaba nibikora okuhika omu biro bya Yohaana Omubatiza; okurugirra obu, Amakuru Amarungi ag'obukama bwa Ruhanga gaikara nigarangirirwa, kandi buli omu ataho omutima okubutaahamu. 17#Mat 5:18.Nikirahuka iguru n'ensi kuhwaho, okukira akacweka kamu ak'enyuguta kudiba omu Biragiro.&#8221;</div><div class="s">Naayegesa ha kutabinga mukazi</div><div class="p"> 18 # 
 Mat 5:32; 1Kor 7:10,11. &#8220;Omuntu weena anyakubinga mukazi we akaswera ondi aba asiihaine; kandi n'omusaija anyakuswera omukazi abingirwe, nawe aba asiihaine.&#8221;</div><div class="s">Oruganikyo rw'omuguuda n'omunaku</div><div class="p"> 19&#8220;Hakaba haroho omusaija omuguuda ayajwaraga engoye eza kahukya n'ezindi ezirukunekaneka. Buli kiro yalyaga kandi yanywaga kurungi, ataina ekimuburaho. 20Kandi ha irembo lye habyamahoga omusaija omunaku, ibara lye Lazaaro, ow'akaba acwekacwekere ebihooya. 21Yayegombaga kulya oburagalika obwarugaga ha meeza y'omuguuda; kandi embwa zaijaga nizikomba ebihooya bye.</div><div class="p"> 22&#8220;Hanyuma omunaku ogu yafa, abamalaika baamutwara baamuhikya Abburahamu nambere aikara. Omuguuda nawe yafa, yaziikwa. 23#2Esid 7:36; 8:59.Obu akaba ali okuzimu omu busaalizi bwingi, yaimukya amaiso yarora Abburahamu ali hara, na Lazaaro amuheriire. 24Yayamirra naagamba ati: &#8216;Taata Abburahamu, ngirra embabazi! Otume Lazaaro aibike ensonga y'orukumo rwe omu maizi, aije anfukirize orulimi, habwokuba nimbabirirwa muno omu murro gunu!&#8217; 25Baitu Abburahamu yamugarukamu ati: &#8216;Mwana wange, ijuka nkooku watungire ebirungi bingi obu okaba okyali omu nsi; Lazaaro we akabona enaku; baitu hati ahuumizibwe hanu, kandi iwe oli omu busaalizi bwingi. 26Tikiri eki kyonka; hagati yaitu na inywe haroho omwanya mukooto ogurukutanga boona abagonza kuruga hanu kwija oku, rundi okuruga oku kwija kunu.&#8217;</div><div class="p"> 27&#8220;Omuguuda yagamba ati: &#8216;Hati nu Taata, ninkwesengereza otume Lazaaro omu ka ya Isenyowe, 28habwokuba nyinayo bagenzi bange bataano. Abahabule bataliikara kwija omu kiikaro kinu eky'amabone.&#8217; 29Abburahamu yamugarukamu ati: &#8216;Bagenzi baawe baina ebyahandiikirwe Musa n'abarangi, leka bahondere ebi.&#8217; 30Omuguuda yagarukamu ati: &#8216;Nangwa, Taata Abburahamu! Kakuba habaho omuntu ayahumbuukire omu bafu, akabahikaho, baakwegarukiremu.&#8217; 31Nandiki Abburahamu ati: &#8216;Obu baraaba batarukuhurra Musa n'abarangi, tibarukwija kunanuka, noobu haraabaho anyakuhumbuukire omu bafu.&#8217;&#8221;</div>
 </div>
 </div>
</div>

Bible in Runyoro/Rutooro Interconfessional Translation © Bible Society of Uganda, 2008.

Yesu akagambira abeegesebwa be ati: “Hakaba haroho omusaija muguuda ow'akaba aina omukeeto we. Baamumunyegerraho nkooku akaba naasiisasiisa ebintu bye. Nukwo kumweta yamukaguza ati: ‘Kiki kinu eki ndukuhurra hali iwe? Mbarra eby'obukeeto bwawe, habwokuba tokyagaruka kuba mukeeto wange.’ Omukeeto nukwo kwekaguza ati: ‘Nyowe ndagira nta? Mukama wange naija kunyihaho obukeeto! Tinyina maani g'okulima, n'okusabiiriza nikunkwasa ensoni. Otyo, hati naacwamu eki ndaakora ekirintaahya omu maka gaabo obu ndiba mbingirwe omu bukeeto.’ Nubwo yakeesire abanyamabanja ba mukama we omu-omu, yakaguza ow'okubanza ati: ‘MUKAMA wange naakutonga ki?’ Yamugarukamu ati: ‘Naatonga encundiro z'amagita kikumi.’ Omukeeto yamugambira ati: ‘Kwata orupapura oruroho ibanja lyawe, ikarra bwango, ohandiike makumi ataano.’ Yakaguza ondi ati: ‘Kandi iwe naakutonga ki?’ Yamugarukamu ati: ‘Naatonga ebigega by'engano kikumi.’ Omukeeto yamugambira ati: ‘Kwata orupapura oruroho ibanja, ohandiike ebigega kinaana.’ Mukama w'omukeeto onu enkurungutaniza akamusiima habw'amagezi ge; habwokuba abantu b'ensi enu baina amagezi ag'okukorrana n'abagenzi baabu okukira abantu b'omusana.
“Nikyo ndukubagambira nti: Itungo ly'obugobya libakonyere kwetungira enganjani. Hanyuma obu lirihwaho nubwo balibatangirra babataahye omu bwikaro obutalihwaho.”

“Weena anyakwesigwa omu bintu bike, ayesigwa n'omu bingi; kandi ataba mwesigwa omu bintu bike, n'omu bingi tayesigwa. Obu muraaba mutarabaire beesigwa omu itungo ly'ensi, nooha alibakwasa itungo ery'amazima? Obu muraaba mutarabaire beesigwa omu kurolerra eby'abandi, nooha alibaha ekyanyu kukirolerra?
“Tiharoho muheereza anyakusobora kuheereza abakama babiri. Alinobaho omu, agonze ondi; rundi aligumira hali omu, agaye ondi. Timusobora kuheereza Ruhanga n'okwemarra ha itungo ly'ensi.”

Abafalisaayo abagonzaaga itungo ly'ensi obu baahuliire ebi byona, baamusekeereza. Nukwo Yesu kubagambira ati: “Inywe mweyoleka nk'abarungi omu maiso g'abantu, baitu Ruhanga amanyire emitima yanyu. Habwokuba abantu eki banyumiza, Ruhanga akinuga.
“Ebiragiro n'eby'Abarangi bikaba nibikora okuhika omu biro bya Yohaana Omubatiza; okurugirra obu, Amakuru Amarungi ag'obukama bwa Ruhanga gaikara nigarangirirwa, kandi buli omu ataho omutima okubutaahamu. Nikirahuka iguru n'ensi kuhwaho, okukira akacweka kamu ak'enyuguta kudiba omu Biragiro.”

“Omuntu weena anyakubinga mukazi we akaswera ondi aba asiihaine; kandi n'omusaija anyakuswera omukazi abingirwe, nawe aba asiihaine.”

“Hakaba haroho omusaija omuguuda ayajwaraga engoye eza kahukya n'ezindi ezirukunekaneka. Buli kiro yalyaga kandi yanywaga kurungi, ataina ekimuburaho. Kandi ha irembo lye habyamahoga omusaija omunaku, ibara lye Lazaaro, ow'akaba acwekacwekere ebihooya. Yayegombaga kulya oburagalika obwarugaga ha meeza y'omuguuda; kandi embwa zaijaga nizikomba ebihooya bye.
“Hanyuma omunaku ogu yafa, abamalaika baamutwara baamuhikya Abburahamu nambere aikara. Omuguuda nawe yafa, yaziikwa. Obu akaba ali okuzimu omu busaalizi bwingi, yaimukya amaiso yarora Abburahamu ali hara, na Lazaaro amuheriire. Yayamirra naagamba ati: ‘Taata Abburahamu, ngirra embabazi! Otume Lazaaro aibike ensonga y'orukumo rwe omu maizi, aije anfukirize orulimi, habwokuba nimbabirirwa muno omu murro gunu!’ Baitu Abburahamu yamugarukamu ati: ‘Mwana wange, ijuka nkooku watungire ebirungi bingi obu okaba okyali omu nsi; Lazaaro we akabona enaku; baitu hati ahuumizibwe hanu, kandi iwe oli omu busaalizi bwingi. Tikiri eki kyonka; hagati yaitu na inywe haroho omwanya mukooto ogurukutanga boona abagonza kuruga hanu kwija oku, rundi okuruga oku kwija kunu.’
“Omuguuda yagamba ati: ‘Hati nu Taata, ninkwesengereza otume Lazaaro omu ka ya Isenyowe, habwokuba nyinayo bagenzi bange bataano. Abahabule bataliikara kwija omu kiikaro kinu eky'amabone.’ Abburahamu yamugarukamu ati: ‘Bagenzi baawe baina ebyahandiikirwe Musa n'abarangi, leka bahondere ebi.’ Omuguuda yagarukamu ati: ‘Nangwa, Taata Abburahamu! Kakuba habaho omuntu ayahumbuukire omu bafu, akabahikaho, baakwegarukiremu.’ Nandiki Abburahamu ati: ‘Obu baraaba batarukuhurra Musa n'abarangi, tibarukwija kunanuka, noobu haraabaho anyakuhumbuukire omu bafu.’”

Listen to Luk 16