If you have would like a copy of this version please contact info@davarpartners.org

Kiembu Old Testament

<div class="version vid2775 iso6393ebu" data-vid="2775" data-iso6393="ebu">
 <div class="book bkGEN">
 <div class="chapter ch27" data-usfm="GEN.27">
 <div class="label">27</div><div class="s">Isaka n&#238;warathimire Jakovu</div><div class="p"> 1R&#238;r&#238;a Isaka aak&#251;rire na ak&#238;&#251;ra metho, n&#238;wetire Esa&#251;, m&#251;v&#238;c&#238; &#251;r&#238;a m&#251;k&#251;r&#251; na ak&#238;mw&#238;ra at&#238;r&#238;, &#8220;M&#251;v&#238;c&#238;wa!&#8221;</div><div class="p">Nake Esa&#251; n&#238;wacokirie at&#238;r&#238;, &#8220;&#206;&#238; n&#238;r&#238; ava.&#8221; 2Isaka n&#238;wamw&#238;rire at&#238;r&#238;, &#8220;R&#238;u n&#238;ng&#251;rire, na nwa ngue v&#238;nd&#238; wa yonthe. 3Kwoguo oca &#251;ta waku na m&#238;gu&#238;, &#251;thi&#238; k&#238;thakar&#238; na &#251;mb&#251;rag&#238;re nyam&#251; &#238;mwe. 4&#219;coke &#251;ke &#251;ndug&#238;re irio mbaro ir&#238;a mendete, &#251;ndetere nd&#238;e, n&#238;guo ng&#251;rathime mbere ya ngua.&#8221;</div><div class="p"> 5Rebeka n&#238;wathik&#238;r&#238;r&#238;tie ndeto ir&#238;a Isaka eeraga m&#251;v&#238;c&#238; Esa&#251;. Kwoguo r&#238;r&#238;a Esa&#251; aaumagar&#251;kire ak&#238;thi&#238; k&#251;gu&#238;ma, 6Rebeka n&#238;werire Jakovu at&#238;r&#238;, &#8220;Nie negua aguo ak&#238;ra m&#251;rwany&#251;kwe Esa&#251; at&#238;r&#238;, 7&#8216;Ndetere nyam&#251; na &#251;ndug&#238;re irio mbaro nd&#238;e. Nar&#238;kia k&#251;r&#238;a n&#238;ng&#251;k&#251;rathima n&#238;r&#238; mbere ya Ngai-M&#251;nene mbere ya ngua.&#8217; 8R&#238;u mwana wakwa, thik&#238;r&#238;ria &#251;r&#238;a ng&#251;kw&#238;ra na w&#238;ke guo. 9Thi&#238; nd&#238;thiar&#238; &#251;nyite twori tw&#238;r&#238; t&#251;t&#251; t&#251;noru, &#251;ndetere n&#238;guo nthondekere aguo irio mbaro ir&#238;a endete m&#251;no. 10&#219;coke &#251;m&#251;vir&#238;re ar&#238;e n&#238;guo ak&#251;rathime mbere ya akua.&#8221;</div><div class="p"> 11Nwat&#238; Jakovu n&#238;werire ng'ina at&#238;r&#238;, &#8220;M&#251;rwaiya ethag&#238;rwa ec&#251;r&#238;te nju&#238;r&#238; mw&#238;r&#238;, nwat&#238; nie mb&#238;thag&#238;rwa n&#238;r&#238; m&#251;tender&#251; mw&#238;r&#238;. 12Vava avota k&#251;vutia mw&#238;r&#238; wakwa na amenye at&#238; n&#238;kwa n&#238;ram&#251;veenia. Na nj&#238;ra &#238;no, nie n&#238;ngw&#238;g&#238;r&#238;ra k&#238;rumi vand&#251; va k&#238;rathimo.&#8221;</div><div class="p"> 13Nake ng'ina n&#238;wam&#251;cokerie at&#238;r&#238;, &#8220;M&#251;v&#238;c&#238;wa, we &#238;ka &#251;r&#238;a n&#238;rakw&#238;ra. Thi&#238; &#251;ndetere twori; k&#238;rumi k&#238;r&#238;a k&#238;ng&#238;k&#251;nyita n&#238;k&#238;nyite nie.&#8221; 14Kwoguo Jakovu n&#238;wathi&#238;re k&#251;g&#238;ra twori na ak&#238;retera ng'ina. N&#238;warugire irio mbaro ir&#238;a &#238;the endete. 15Rebeka n&#238;wacokire ag&#238;oca nguo ir&#238;a mbaro cia Esa&#251; ir&#238;a aaig&#238;te nyomba, na ag&#238;k&#238;ra Jakovu. 16Rebeka n&#238;wacokire ag&#238;oca t&#251;r&#251;&#251;o twa twori na ag&#238;k&#238;ra Jakovu njara wana ngingo k&#251;r&#238;a g&#251;taar&#238; na nju&#238;r&#238;. 17Rebeka n&#238;wanengere Jakovu irio ir&#238;a ciar&#238; mbaro m&#251;no vamwe na m&#251;gate &#251;r&#238;a aarug&#238;te.</div><div class="p"> 18Jakovu n&#238;wathi&#238;re k&#251;r&#238; &#238;the na ak&#238;mw&#238;ra at&#238;r&#238;, &#8220;Vava!&#8221; Nake &#238;the n&#238;wam&#251;cokerie at&#238;r&#238;, &#8220;&#206;&#238;; we n&#238;we &#251; m&#251;v&#238;c&#238;wa?&#8221;</div><div class="p"> 19Nake Jakovu n&#238;wacokerie &#238;the at&#238;r&#238;, &#8220;N&#238;nie Esa&#251;, m&#251;v&#238;c&#238;guo &#251;r&#238;a m&#251;k&#251;r&#251;; n&#238;mb&#238;kire &#251;r&#238;a &#251;mb&#238;rire. Nak&#251;thaitha &#251;k&#238;ra w&#238;kare nth&#238; &#251;r&#238;e nyama ino nak&#251;retera n&#238;guo &#251;ndathime.&#8221;</div><div class="p"> 20Nake Isaka n&#238;wam&#251;ririe at&#238;r&#238;, &#8220;M&#251;v&#238;c&#238;wa, n&#238;kwa wona nyam&#251; ya k&#251;raga na &#238;venya at&#238;a?&#8221;</div><div class="p">Jakovu n&#238;wacokerie Isaka at&#238;r&#238;, &#8220;Ngai-M&#251;nene, Ngai waku n&#238;ke &#251;ndethirie nam&#238;ona.&#8221;</div><div class="p"> 21Isaka n&#238;werire Jakovu at&#238;r&#238;, &#8220;Nak&#251;thaitha &#251;ka&#251;ke vakuv&#238; n&#238;guo ng&#251;vutie menye nama kana n&#238;we m&#251;v&#238;c&#238;wa Esa&#251;.&#8221; 22Jakovu n&#238;wathi&#238;re vakuv&#238; na &#238;the nake &#238;the ak&#238;m&#251;vutia na akiuga at&#238;r&#238;, &#8220;M&#251;gambo waku &#251;regu&#238;ka ta wa Jakovu, nwat&#238; njara n&#238; cia Esa&#251; vi&#251;.&#8221; 23Isaka ndaamenya Jakovu n&#238;&#251;nd&#251; njara ciake ciar&#238; na nju&#238;r&#238; ta cia Esa&#251;. Na ar&#238; vakuv&#238; k&#251;rathima Jakovu, 24n&#238;wam&#251;ririe wa r&#238;ng&#238; at&#238;r&#238;, &#8220;N&#238;ma at&#238; we n&#238;we m&#251;v&#238;c&#238;wa Esa&#251;?&#8221;</div><div class="p">Nake Jakovu n&#238;wam&#251;cokerie at&#238;r&#238;, &#8220;&#206;&#238; n&#238; nie.&#8221;</div><div class="p"> 25Nake Isaka n&#238;waugire at&#238;r&#238;, &#8220;Ndetere nyama nd&#238;e n&#238;guo nar&#238;kia k&#251;r&#238;a ng&#251;rathime.&#8221; Jakovu n&#238;wam&#251;vir&#238;re nyama, na ag&#238;coka ak&#238;m&#251;vir&#238;ra ndivei n&#238;guo anyue.</div><div class="p"> 26Nake &#238;the Isaka n&#238;wamw&#238;rire at&#238;r&#238;, &#8220;&#219;ka vakuv&#238; m&#251;v&#238;c&#238;wa n&#238;guo &#251;mumunye.&#8221; 27#Ahib 11.20 R&#238;r&#238;a Jakovu aathi&#238;re vakuv&#238; na &#238;the n&#238;guo am&#251;mumunywe, Isaka n&#238;wanung&#238;re nguo ciake, ak&#238;m&#251;rathima na ak&#238;mw&#238;ra at&#238;r&#238;, &#8220;M&#251;nungo mwaro wa m&#251;v&#238;c&#238;wa nwa ta m&#251;nungo wa m&#251;g&#251;nda &#251;r&#238;a Ngai-M&#251;nene arathim&#238;te. 28Ngai arokuur&#238;ria &#238;me kuuma &#238;g&#251;r&#251; na anorie m&#238;g&#251;nda yaku! Arok&#251;va irio ny&#238;ng&#238; na ndivei! 29#K&#238;am 12.3 And&#251; a nd&#251;r&#238;r&#238; marotu&#238;ka ndungata ciaku na makw&#238;namag&#238;r&#238;re. &#219;rotu&#238;ka wa kwathaga aa m&#251;rwany&#251;kwe, nao onthe marokw&#238;namag&#238;r&#238;ra. Ar&#238;a onthe magaak&#251;rumaga maronyitwa n&#238; k&#238;rumi na ar&#238;a magaak&#251;rathimaga marorathimagwa!&#8221;</div><div class="s">Esa&#251; n&#238;wathaithire Isaka am&#251;rathime</div><div class="p"> 30War&#238;o Isaka ar&#238;kia k&#251;rathima Jakovu, mwarwang'ina Esa&#251; n&#238;waumire k&#251;gu&#238;ma na ag&#238;tonya. 31Esa&#251; wanake n&#238;warugire irio mbaro m&#251;no ak&#238;vir&#238;ra &#238;the, na ak&#238;mw&#238;ra at&#238;r&#238;, &#8220;Vava nak&#251;thaitha &#251;k&#238;re &#251;r&#238;e irio ino nak&#251;rug&#238;ra n&#238;guo &#251;ndathime.&#8221;</div><div class="p"> 32Isaka n&#238;wa&#251;ririe at&#238;r&#238;, &#8220;N&#238; we &#251;?&#8221;</div><div class="p">Nake n&#238;wam&#251;cokerie at&#238;r&#238;, &#8220;N&#238; nie Esa&#251; m&#251;v&#238;c&#238;guo &#251;r&#238;a m&#251;k&#251;r&#251;.&#8221;</div><div class="p"> 33Isaka n&#238;wamb&#238;r&#238;rie g&#251;tetema mw&#238;r&#238; wonthe na ak&#238;&#251;ria at&#238;r&#238;, &#8220;N&#238;&#251;r&#238;k&#251; &#251;ragire nyam&#251; na andetere? N&#238;nar&#238;a nyam&#251; &#238;o wa r&#238;u &#251;tar&#238; &#251;rakinya na n&#238;nam&#251;rathima, na n&#238;at&#251;&#251;ra ar&#238; m&#251;rathime tene na tene.&#8221;</div><div class="p"> 34R&#238;r&#238;ra Esa&#251; eegwire &#251;guo n&#238;war&#238;rire aug&#238;r&#238;r&#238;tie na marakara akiugaga &#8220;&#219;&#251;i Vava, wa nanie ndathima!&#8221; 35Nwat&#238; Isaka n&#238;wamw&#238;rire at&#238;r&#238;, &#8220;M&#251;rwany&#251;kwe a&#251;kire amveenia na oca k&#238;rathimo g&#238;aku.&#8221;</div><div class="p"> 36 # 
 K&#238;am 25.29-34
 Esa&#251; n&#238;waugire at&#238;r&#238;, &#8220;R&#238;r&#238; n&#238; rita r&#238;a ka&#238;r&#238; r&#238;ake r&#238;a k&#251;mveenia. N&#238;k&#238;o etagwa Jakovu#27.36 Jakovu: R&#238;&#238;twa r&#238;r&#238; r&#238;gu&#238;kaga ta r&#238;a K&#238;hibirania r&#238;r&#238;a riugaga, &#8220;K&#251;venania.&#8221;. N&#238;wocire &#251;rikithathi wakwa, na r&#238;u n&#238;woca k&#238;rathimo g&#238;akwa. Vava, nd&#251;nandigar&#238;ria k&#238;rathimo?&#8221;</div><div class="p"> 37Isaka n&#238;wacokerie Esa&#251; at&#238;r&#238;, &#8220;N&#238;nam&#251;tua mwathi waku, nawe vamwe na and&#251; onthe enyu m&#251;kam&#251;tungatag&#238;ra. N&#238;nam&#251;va irio na ndivei. R&#238;u g&#251;tir&#238; &#251;nd&#251; n&#238;ng&#238;gw&#238;ka, m&#251;v&#238;c&#238;wa!&#8221;</div><div class="p"> 38 # 
 Ahib 12.17
 Esa&#251; n&#238;wathi&#238;re na mbere k&#251;thaitha &#238;the ak&#238;mw&#238;raga at&#238;r&#238;, &#8220;N&#238;kwa &#251;r&#238; na k&#238;rathimo k&#238;mwe tu, Vava? Wa nanie ndathima!&#8221; Esa&#251; n&#238;watum&#251;kire na k&#238;r&#238;ro k&#238;nene.</div><div class="p"> 39 # 
 Ahib 11.20
 Nake &#238;the Isaka n&#238;wamw&#238;rire at&#238;r&#238;,</div><div class="q">&#8220;&#219;gaat&#251;&#251;raga k&#251;raca na &#251;noru wa g&#251;k&#251; nth&#238;,</div><div class="q2">k&#251;nd&#251; k&#251;raca na k&#251;r&#238;a kuuraga mbura.</div><div class="q"> 40 # 
 K&#238;am 36.8; 2Atha 8.20 N&#238;&#251;t&#251;&#251;ra &#251;r&#251;aga na &#251;r&#238; ndungata ya m&#251;rwany&#251;kwe,</div><div class="q2">nwat&#238; r&#238;r&#238;a &#251;kaaregana nake n&#238;&#251;kaag&#238;a na w&#238;yathi,</div><div class="q">na ndagaakwatha r&#238;ng&#238;.&#8221;</div><div class="p"> 41Esa&#251; n&#238;wamenire Jakovu n&#238;&#251;nd&#251; wa k&#251;rathimwa n&#238; &#238;the. Esa&#251; n&#238;we&#238;rire at&#238;r&#238;, &#8220;&#206;vinda r&#238;a g&#251;cakaya n&#238;&#251;nd&#251; wa vava r&#238;r&#238; vakuv&#238;. V&#238;nd&#238; &#238;o n&#238;r&#238;o ngaa&#251;raga m&#251;rwaiya Jakovu.&#8221; 42Nwat&#238; r&#238;r&#238;a Rebeka aamenyire m&#251;vango wa Esa&#251;, n&#238;wat&#251;man&#238;re Jakovu na ak&#238;mw&#238;ra at&#238;r&#238;, &#8220;M&#251;rwany&#251;kwe Esa&#251; n&#238;aravanga g&#251;k&#251;&#251;raga n&#238;guo ethirie marakara. 43Kwoguo m&#251;v&#238;c&#238;wa, thik&#238;r&#238;ria &#251;r&#238;a ng&#251;kw&#238;ra. &#219;k&#238;ra wa r&#238;u &#251;thi&#238; Harani kwa m&#251;rwaiya Labani, 44mw&#238;karange nake kuo nginya r&#238;r&#238;a marakara ma m&#251;rwany&#251;kwe makaathira, 45na arigan&#238;rwe n&#238; &#251;r&#238;a we wamw&#238;kire. N&#238;ngaacoka ng&#251;t&#251;man&#238;re ume k&#251;u. Nding&#238;vota k&#251;rwa n&#238; mue muo&#238;r&#238; m&#251;thenya &#251;mwe.&#8221;</div><div class="s">Isaka n&#238;wat&#251;mire Jakovu k&#251;r&#238; Labani</div><div class="p"> 46Rebeka n&#238;werire Isaka at&#238;r&#238;, &#8220;N&#238;r&#238;m&#251;nogu n&#238; g&#251;t&#251;&#251;rania na aka aya a Esa&#251;. O n&#238; a m&#251;v&#238;r&#238;ga wa Ahiti, na Jakovu wanake ang&#238;vikia m&#251;nd&#251;m&#251;ka M&#251;hiti ta aya, nwa ngue.&#8221;</div>
 </div>
 </div>
</div>

Rîrîa Isaka aakûrire na akîûra metho, nîwetire Esaû, mûvîcî ûrîa mûkûrû na akîmwîra atîrî, “Mûvîcîwa!”
Nake Esaû nîwacokirie atîrî, “Îî nîrî ava.” Isaka nîwamwîrire atîrî, “Rîu nîngûrire, na nwa ngue vîndî wa yonthe. Kwoguo oca ûta waku na mîguî, ûthiî kîthakarî na ûmbûragîre nyamû îmwe. Ûcoke ûke ûndugîre irio mbaro irîa mendete, ûndetere ndîe, nîguo ngûrathime mbere ya ngua.”
Rebeka nîwathikîrîrîtie ndeto irîa Isaka eeraga mûvîcî Esaû. Kwoguo rîrîa Esaû aaumagarûkire akîthiî kûguîma, Rebeka nîwerire Jakovu atîrî, “Nie negua aguo akîra mûrwanyûkwe Esaû atîrî, ‘Ndetere nyamû na ûndugîre irio mbaro ndîe. Narîkia kûrîa nîngûkûrathima nîrî mbere ya Ngai-Mûnene mbere ya ngua.’ Rîu mwana wakwa, thikîrîria ûrîa ngûkwîra na wîke guo. Thiî ndîthiarî ûnyite twori twîrî tûtû tûnoru, ûndetere nîguo nthondekere aguo irio mbaro irîa endete mûno. Ûcoke ûmûvirîre arîe nîguo akûrathime mbere ya akua.”
Nwatî Jakovu nîwerire ng'ina atîrî, “Mûrwaiya ethagîrwa ecûrîte njuîrî mwîrî, nwatî nie mbîthagîrwa nîrî mûtenderû mwîrî. Vava avota kûvutia mwîrî wakwa na amenye atî nîkwa nîramûveenia. Na njîra îno, nie nîngwîgîrîra kîrumi vandû va kîrathimo.”
Nake ng'ina nîwamûcokerie atîrî, “Mûvîcîwa, we îka ûrîa nîrakwîra. Thiî ûndetere twori; kîrumi kîrîa kîngîkûnyita nîkînyite nie.” Kwoguo Jakovu nîwathiîre kûgîra twori na akîretera ng'ina. Nîwarugire irio mbaro irîa îthe endete. Rebeka nîwacokire agîoca nguo irîa mbaro cia Esaû irîa aaigîte nyomba, na agîkîra Jakovu. Rebeka nîwacokire agîoca tûrûûo twa twori na agîkîra Jakovu njara wana ngingo kûrîa gûtaarî na njuîrî. Rebeka nîwanengere Jakovu irio irîa ciarî mbaro mûno vamwe na mûgate ûrîa aarugîte.
Jakovu nîwathiîre kûrî îthe na akîmwîra atîrî, “Vava!” Nake îthe nîwamûcokerie atîrî, “Îî; we nîwe û mûvîcîwa?”
Nake Jakovu nîwacokerie îthe atîrî, “Nînie Esaû, mûvîcîguo ûrîa mûkûrû; nîmbîkire ûrîa ûmbîrire. Nakûthaitha ûkîra wîkare nthî ûrîe nyama ino nakûretera nîguo ûndathime.”
Nake Isaka nîwamûririe atîrî, “Mûvîcîwa, nîkwa wona nyamû ya kûraga na îvenya atîa?”
Jakovu nîwacokerie Isaka atîrî, “Ngai-Mûnene, Ngai waku nîke ûndethirie namîona.”
Isaka nîwerire Jakovu atîrî, “Nakûthaitha ûkaûke vakuvî nîguo ngûvutie menye nama kana nîwe mûvîcîwa Esaû.” Jakovu nîwathiîre vakuvî na îthe nake îthe akîmûvutia na akiuga atîrî, “Mûgambo waku ûreguîka ta wa Jakovu, nwatî njara nî cia Esaû viû.” Isaka ndaamenya Jakovu nîûndû njara ciake ciarî na njuîrî ta cia Esaû. Na arî vakuvî kûrathima Jakovu, nîwamûririe wa rîngî atîrî, “Nîma atî we nîwe mûvîcîwa Esaû?”
Nake Jakovu nîwamûcokerie atîrî, “Îî nî nie.”
Nake Isaka nîwaugire atîrî, “Ndetere nyama ndîe nîguo narîkia kûrîa ngûrathime.” Jakovu nîwamûvirîre nyama, na agîcoka akîmûvirîra ndivei nîguo anyue.
Nake îthe Isaka nîwamwîrire atîrî, “Ûka vakuvî mûvîcîwa nîguo ûmumunye.” Rîrîa Jakovu aathiîre vakuvî na îthe nîguo amûmumunywe, Isaka nîwanungîre nguo ciake, akîmûrathima na akîmwîra atîrî, “Mûnungo mwaro wa mûvîcîwa nwa ta mûnungo wa mûgûnda ûrîa Ngai-Mûnene arathimîte. Ngai arokuurîria îme kuuma îgûrû na anorie mîgûnda yaku! Arokûva irio nyîngî na ndivei! Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Warîo Isaka arîkia kûrathima Jakovu, mwarwang'ina Esaû nîwaumire kûguîma na agîtonya. Esaû wanake nîwarugire irio mbaro mûno akîvirîra îthe, na akîmwîra atîrî, “Vava nakûthaitha ûkîre ûrîe irio ino nakûrugîra nîguo ûndathime.”
Isaka nîwaûririe atîrî, “Nî we û?”
Nake nîwamûcokerie atîrî, “Nî nie Esaû mûvîcîguo ûrîa mûkûrû.”
Isaka nîwambîrîrie gûtetema mwîrî wonthe na akîûria atîrî, “Nîûrîkû ûragire nyamû na andetere? Nînarîa nyamû îo wa rîu ûtarî ûrakinya na nînamûrathima, na nîatûûra arî mûrathime tene na tene.”
Rîrîra Esaû eegwire ûguo nîwarîrire augîrîrîtie na marakara akiugaga “Ûûi Vava, wa nanie ndathima!” Nwatî Isaka nîwamwîrire atîrî, “Mûrwanyûkwe aûkire amveenia na oca kîrathimo gîaku.”
Esaû nîwaugire atîrî, “Rîrî nî rita rîa kaîrî rîake rîa kûmveenia. Nîkîo etagwa Jakovu. Nîwocire ûrikithathi wakwa, na rîu nîwoca kîrathimo gîakwa. Vava, ndûnandigarîria kîrathimo?”
Isaka nîwacokerie Esaû atîrî, “Nînamûtua mwathi waku, nawe vamwe na andû onthe enyu mûkamûtungatagîra. Nînamûva irio na ndivei. Rîu gûtirî ûndû nîngîgwîka, mûvîcîwa!”
Esaû nîwathiîre na mbere kûthaitha îthe akîmwîraga atîrî, “Nîkwa ûrî na kîrathimo kîmwe tu, Vava? Wa nanie ndathima!” Esaû nîwatumûkire na kîrîro kînene.
Nake îthe Isaka nîwamwîrire atîrî,
“Ûgaatûûraga kûraca na ûnoru wa gûkû nthî,
kûndû kûraca na kûrîa kuuraga mbura.
Nîûtûûra ûrûaga na ûrî ndungata ya mûrwanyûkwe,
nwatî rîrîa ûkaaregana nake nîûkaagîa na wîyathi,
na ndagaakwatha rîngî.”
Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.” Nwatî rîrîa Rebeka aamenyire mûvango wa Esaû, nîwatûmanîre Jakovu na akîmwîra atîrî, “Mûrwanyûkwe Esaû nîaravanga gûkûûraga nîguo ethirie marakara. Kwoguo mûvîcîwa, thikîrîria ûrîa ngûkwîra. Ûkîra wa rîu ûthiî Harani kwa mûrwaiya Labani, mwîkarange nake kuo nginya rîrîa marakara ma mûrwanyûkwe makaathira, na ariganîrwe nî ûrîa we wamwîkire. Nîngaacoka ngûtûmanîre ume kûu. Ndingîvota kûrwa nî mue muoîrî mûthenya ûmwe.”

Rebeka nîwerire Isaka atîrî, “Nîrîmûnogu nî gûtûûrania na aka aya a Esaû. O nî a mûvîrîga wa Ahiti, na Jakovu wanake angîvikia mûndûmûka Mûhiti ta aya, nwa ngue.”

Listen to Kîam 27