Malay, Papuan

<div class="version vid2690 iso6393pmy" data-vid="2690" data-iso6393="pmy">
    <div class="book bkGEN">
        <div class="chapter ch9" data-usfm="GEN.9">
            <div class="label">9</div><div class="s"><span class="heading">Allah ikat janji deng Nuh</span></div><div class="sr"><span class="heading">  </span><span class="heading">9:1-17</span></div><div class="p"><span class="content">  </span><span class="verse v1" data-usfm="GEN.9.1"><span class="label">1</span><span class="content">Habis itu, Allah kas berkat Nuh deng de pu anana, Allah bilang begini ke dorang,</span></span></div><div class="pi2"><span class="verse v1" data-usfm="GEN.9.1"><span class="content">&#8220;Tamba banyak suda. Lahir anana deng cucu-cucu! Kas penu bumi ini!</span><span class="note x"><span class="label">#</span><span class=" body">Kejadian 1:28</span></span><span class="content">  </span></span><span class="verse v2" data-usfm="GEN.9.2"><span class="label">2</span><span class="content">Dari smua binatang yang ada di darat sampe smua burung-burung, dong smua nanti takut kam. Dari smua yang mrayap di tana sampe smua ikan di laut, Sa kasi dong smua ke dalam kam pu kuasa. </span></span><span class="verse v3" data-usfm="GEN.9.3"><span class="label">3</span><span class="content">Smua binatang-binatang itu, kam su bole makan, sperti dulu Sa kasi kam tanaman untuk kam makan.</span></span></div><div class="pi2"><span class="verse v3" data-usfm="GEN.9.3"><span class="content">  </span></span><span class="verse v4" data-usfm="GEN.9.4"><span class="label">4</span><span class="content">Tapi kam tra bole makan binatang yang de pu daging masi ada dara.</span><span class="note x"><span class="label">#</span><span class=" body">Imamat 7:26-27; 17:10-14; 19:26; Ulangan 12:16, 23; 15:23</span></span><span class="content"> Karna dara itu nyawa, de yang bikin binatang itu hidup.</span><span class="note f"><span class="label">#</span><span class=" body"><span class="fr">9:4 </span><span class="ft">Dulu dong pu budaya tu, dong potong binatang trus kas kluar de pu dara smua dulu, baru dong masak ato bakar kas korban untuk Allah (Imamat 1:26-27, 17:11, 17:14).</span></span></span><span class="content">  </span></span><span class="verse v5" data-usfm="GEN.9.5"><span class="label">5</span><span class="content">Trus kalo orang pu nyawa hilang, mo itu karna binatang yang bunu ato manusia lain yang bunu, Sa yang nanti tuntut tanggung jawab dari dong.</span></span></div><div class="q3"><span class="verse v5" data-usfm="GEN.9.5"><span class="content">  </span></span><span class="verse v6" data-usfm="GEN.9.6"><span class="label">6</span><span class="content">Sapa saja yang ambil manusia pu nyawa,</span></span></div><div class="q4"><span class="verse v6" data-usfm="GEN.9.6"><span class="content">manusia lain nanti ambil de pu nyawa.</span></span></div><div class="q3"><span class="verse v6" data-usfm="GEN.9.6"><span class="content">Karna Sa bikin manusia sperti Sa, Allah.</span><span class="note x"><span class="label">#</span><span class=" body">Kejadian 1:26; Keluaran 20:13</span></span></span></div><div class="pi2"><span class="verse v6" data-usfm="GEN.9.6"><span class="content">  </span></span><span class="verse v7" data-usfm="GEN.9.7"><span class="label">7</span><span class="content">Trus untuk kam, tamba banyak suda. Kas banyak kam pu anana cucu supaya dong bisa kas penu bumi ni smua. Iyo, kam tamba banyak trus kas penu bumi ini.&#8221;</span></span></div><div class="p"><span class="verse v7" data-usfm="GEN.9.7"><span class="content">  </span></span><span class="verse v8" data-usfm="GEN.9.8"><span class="label">8</span><span class="content">Trus Allah bilang ke Nuh sama Nuh pu anana yang ada sama-sama deng de disitu,</span></span></div><div class="pi2"><span class="verse v8" data-usfm="GEN.9.8"><span class="content">  </span></span><span class="verse v9" data-usfm="GEN.9.9"><span class="label">9</span><span class="content">&#8220;Skarang, Sa mo ikat Sa pu janji deng ko, sama ko pu anana cucu. </span></span><span class="verse v10" data-usfm="GEN.9.10"><span class="label">10</span><span class="content">Juga deng smua yang hidup yang ada sama-sama deng kam, dari burung-burung, binatang-binatang piara sama smua binatang liar, smua binatang yang kluar sama-sama deng ko dari kapal besar itu, Sa mo ikat janji deng kam. </span></span><span class="verse v11" data-usfm="GEN.9.11"><span class="label">11</span><span class="content">Begini Sa pu janji: Mulai dari skarang, Sa trakan sapu bersi smua yang hidup di bumi ni deng banjir paling besar macam begini lagi. Trakan ada lagi banjir paling besar macam begini untuk kas hancur bumi.&#8202;&#8221;</span></span></div><div class="p"><span class="verse v11" data-usfm="GEN.9.11"><span class="content">  </span></span><span class="verse v12" data-usfm="GEN.9.12"><span class="label">12</span><span class="content">Trus Allah bilang begini,</span></span></div><div class="pi2"><span class="verse v12" data-usfm="GEN.9.12"><span class="content">&#8220;Ini yang jadi tanda dari Sa pu janji untuk kam sama smua yang ada hidup di bumi deng kam. Nanti janji ini tetap ada trus, janji ini nanti turun ke kam pu anana cucu deng dong pu anana cucu juga. </span></span><span class="verse v13" data-usfm="GEN.9.13"><span class="label">13</span><span class="content">Sa su taru Sa pu busur di langit untuk jadi tanda dari Sa pu janji deng smua yang ada di bumi. </span></span><span class="verse v14" data-usfm="GEN.9.14"><span class="label">14</span><span class="content">Kalo Sa kas datang awan hitam di atas bumi trus Sa pu busur, plangi tu, de muncul disitu, </span></span><span class="verse v15" data-usfm="GEN.9.15"><span class="label">15</span><span class="content">nanti Sa ingat janji yang Sa bikin deng kam, juga deng smua yang hidup di bumi ini. Janji kalo air trakan jadi banjir paling besar untuk sapu bersi smua yang hidup di bumi lagi. </span></span><span class="verse v16" data-usfm="GEN.9.16"><span class="label">16</span><span class="content">Jadi, begitu busur itu muncul di awan, nanti Sa liat itu trus Sa ingat deng janji itu. Janji yang sampe nanti juga tetap ada, janji yang Sa, Allah, bikin deng manusia, juga deng smua yang hidup di bumi ini.&#8221;</span></span></div><div class="p"><span class="verse v16" data-usfm="GEN.9.16"><span class="content">  </span></span><span class="verse v17" data-usfm="GEN.9.17"><span class="label">17</span><span class="content">Allah bilang Nuh begini, &#8220;Itu suda, tanda janji yang Sa bikin deng smua yang hidup di bumi.&#8221;</span></span></div><div class="s"><span class="heading">Nuh deng de pu anana</span></div><div class="sr"><span class="heading">  </span><span class="heading">9:18-29</span></div><div class="p"><span class="verse v17" data-usfm="GEN.9.17"><span class="content">  </span></span><span class="verse v18" data-usfm="GEN.9.18"><span class="label">18</span><span class="content">Nuh pu anana yang kluar sama-sama deng de dari kapal tu, dong pu nama Sem, Yafet, deng Ham. Ham ni Kanaan pu bapa. </span></span><span class="verse v19" data-usfm="GEN.9.19"><span class="label">19</span><span class="content">Dong tiga ini suda Nuh pu anana. Dari dong tiga ini lahir smua orang yang tasebar ke mana-mana di bumi.</span></span></div><div class="p"><span class="verse v19" data-usfm="GEN.9.19"><span class="content">  </span></span><span class="verse v20" data-usfm="GEN.9.20"><span class="label">20</span><span class="content">Nuh itu orang yang biasa kerja kebun. De tu orang pertama yang bikin kebun anggur. </span></span><span class="verse v21" data-usfm="GEN.9.21"><span class="label">21</span><span class="content">Satu kali begini, Nuh minum air anggur trus de mabuk, baru de lepas de pu pakean smua. Trus de tidur dalam de pu tenda tu tlanjang-tlanjang begitu. </span></span><span class="verse v22" data-usfm="GEN.9.22"><span class="label">22</span><span class="content">Waktu Kanaan pu bapa Ham ni de masuk ke dalam tenda begini, de liat de pu bapa ada tlanjang, trus de pigi kastau de pu sodara dua yang ada di luar itu. </span></span><span class="verse v23" data-usfm="GEN.9.23"><span class="label">23</span><span class="content">Tapi waktu dengar itu, Sem deng Yafet dong dua ambil kain besar satu. Dong buka kain itu trus taru di dong dua pu bahu baru dong jalan mundur masuk ke dalam tenda, trus tutup dong pu bapa yang ada tlanjang itu. Dong dua pu muka hadap blakang deng Nuh supaya dong tra liat dong pu bapa pu badan tlanjang itu.</span></span></div><div class="p"><span class="verse v23" data-usfm="GEN.9.23"><span class="content">  </span></span><span class="verse v24" data-usfm="GEN.9.24"><span class="label">24</span><span class="content">Skarang begini, pas Nuh de sadar dari de pu mabuk, de dengar yang de pu anak bungsu su bikin ke dia, </span></span><span class="verse v25" data-usfm="GEN.9.25"><span class="label">25</span><span class="content">trus de bilang begini,</span></span></div><div class="q1"><span class="verse v25" data-usfm="GEN.9.25"><span class="content">&#8220;Kanaan, biar kutuk ini turun ke dia:</span></span></div><div class="q2"><span class="verse v25" data-usfm="GEN.9.25"><span class="content">de nanti jadi budak untuk de pu sodara-sodara lain,</span></span></div><div class="q2"><span class="verse v25" data-usfm="GEN.9.25"><span class="content">de jadi budak yang paling hina.&#8221;</span></span></div><div class="p"><span class="verse v25" data-usfm="GEN.9.25"><span class="content">  </span></span><span class="verse v26" data-usfm="GEN.9.26"><span class="label">26</span><span class="content">Baru Nuh de tamba,</span></span></div><div class="q1"><span class="verse v26" data-usfm="GEN.9.26"><span class="content">&#8220;Puji TUHAN, Allah yang Sem semba!</span></span></div><div class="q2"><span class="verse v26" data-usfm="GEN.9.26"><span class="content">Kanaan, biar de nanti jadi Sem pu budak.</span></span></div><div class="q1"><span class="verse v26" data-usfm="GEN.9.26"><span class="content">  </span></span><span class="verse v27" data-usfm="GEN.9.27"><span class="label">27</span><span class="content">Sa minta Allah kas tamba banyak Yafet</span><span class="note f"><span class="label">#</span><span class=" body"><span class="fr">9:27 </span><span class="fq">Yafet </span><span class="ft">&#8210; Nama ini pu arti &#8216;tamba banyak.&#8217; </span></span></span><span class="content"> pu tana,</span></span></div><div class="q2"><span class="verse v27" data-usfm="GEN.9.27"><span class="content">biar de pu anana cucu bisa tinggal tenang</span></span></div><div class="q2"><span class="verse v27" data-usfm="GEN.9.27"><span class="content">sama-sama deng Sem pu anana cucu.</span></span></div><div class="q1"><span class="verse v27" data-usfm="GEN.9.27"><span class="content">Tapi Kanaan de nanti jadi Yafet de pu budak.&#8221;</span></span></div><div class="p"><span class="verse v27" data-usfm="GEN.9.27"><span class="content">  </span></span><span class="verse v28" data-usfm="GEN.9.28"><span class="label">28</span><span class="content">Nuh de masi hidup 350 taun stela banjir paling besar itu. </span></span><span class="verse v29" data-usfm="GEN.9.29"><span class="label">29</span><span class="content">Jadi, Nuh de pu umur su sampe 950 taun baru de mninggal.</span></span></div>
        </div>
    </div>
</div>

Habis itu, Allah kas berkat Nuh deng de pu anana, Allah bilang begini ke dorang,
“Tamba banyak suda. Lahir anana deng cucu-cucu! Kas penu bumi ini! Dari smua binatang yang ada di darat sampe smua burung-burung, dong smua nanti takut kam. Dari smua yang mrayap di tana sampe smua ikan di laut, Sa kasi dong smua ke dalam kam pu kuasa. Smua binatang-binatang itu, kam su bole makan, sperti dulu Sa kasi kam tanaman untuk kam makan.
Tapi kam tra bole makan binatang yang de pu daging masi ada dara. Karna dara itu nyawa, de yang bikin binatang itu hidup. Trus kalo orang pu nyawa hilang, mo itu karna binatang yang bunu ato manusia lain yang bunu, Sa yang nanti tuntut tanggung jawab dari dong.
Sapa saja yang ambil manusia pu nyawa,
manusia lain nanti ambil de pu nyawa.
Karna Sa bikin manusia sperti Sa, Allah.
Trus untuk kam, tamba banyak suda. Kas banyak kam pu anana cucu supaya dong bisa kas penu bumi ni smua. Iyo, kam tamba banyak trus kas penu bumi ini.”
Trus Allah bilang ke Nuh sama Nuh pu anana yang ada sama-sama deng de disitu,
“Skarang, Sa mo ikat Sa pu janji deng ko, sama ko pu anana cucu. Juga deng smua yang hidup yang ada sama-sama deng kam, dari burung-burung, binatang-binatang piara sama smua binatang liar, smua binatang yang kluar sama-sama deng ko dari kapal besar itu, Sa mo ikat janji deng kam. Begini Sa pu janji: Mulai dari skarang, Sa trakan sapu bersi smua yang hidup di bumi ni deng banjir paling besar macam begini lagi. Trakan ada lagi banjir paling besar macam begini untuk kas hancur bumi. ”
Trus Allah bilang begini,
“Ini yang jadi tanda dari Sa pu janji untuk kam sama smua yang ada hidup di bumi deng kam. Nanti janji ini tetap ada trus, janji ini nanti turun ke kam pu anana cucu deng dong pu anana cucu juga. Sa su taru Sa pu busur di langit untuk jadi tanda dari Sa pu janji deng smua yang ada di bumi. Kalo Sa kas datang awan hitam di atas bumi trus Sa pu busur, plangi tu, de muncul disitu, nanti Sa ingat janji yang Sa bikin deng kam, juga deng smua yang hidup di bumi ini. Janji kalo air trakan jadi banjir paling besar untuk sapu bersi smua yang hidup di bumi lagi. Jadi, begitu busur itu muncul di awan, nanti Sa liat itu trus Sa ingat deng janji itu. Janji yang sampe nanti juga tetap ada, janji yang Sa, Allah, bikin deng manusia, juga deng smua yang hidup di bumi ini.”
Allah bilang Nuh begini, “Itu suda, tanda janji yang Sa bikin deng smua yang hidup di bumi.”


Nuh pu anana yang kluar sama-sama deng de dari kapal tu, dong pu nama Sem, Yafet, deng Ham. Ham ni Kanaan pu bapa. Dong tiga ini suda Nuh pu anana. Dari dong tiga ini lahir smua orang yang tasebar ke mana-mana di bumi.
Nuh itu orang yang biasa kerja kebun. De tu orang pertama yang bikin kebun anggur. Satu kali begini, Nuh minum air anggur trus de mabuk, baru de lepas de pu pakean smua. Trus de tidur dalam de pu tenda tu tlanjang-tlanjang begitu. Waktu Kanaan pu bapa Ham ni de masuk ke dalam tenda begini, de liat de pu bapa ada tlanjang, trus de pigi kastau de pu sodara dua yang ada di luar itu. Tapi waktu dengar itu, Sem deng Yafet dong dua ambil kain besar satu. Dong buka kain itu trus taru di dong dua pu bahu baru dong jalan mundur masuk ke dalam tenda, trus tutup dong pu bapa yang ada tlanjang itu. Dong dua pu muka hadap blakang deng Nuh supaya dong tra liat dong pu bapa pu badan tlanjang itu.
Skarang begini, pas Nuh de sadar dari de pu mabuk, de dengar yang de pu anak bungsu su bikin ke dia, trus de bilang begini,
“Kanaan, biar kutuk ini turun ke dia:
de nanti jadi budak untuk de pu sodara-sodara lain,
de jadi budak yang paling hina.”
Baru Nuh de tamba,
“Puji TUHAN, Allah yang Sem semba!
Kanaan, biar de nanti jadi Sem pu budak.
Sa minta Allah kas tamba banyak Yafet pu tana,
biar de pu anana cucu bisa tinggal tenang
sama-sama deng Sem pu anana cucu.
Tapi Kanaan de nanti jadi Yafet de pu budak.”
Nuh de masi hidup 350 taun stela banjir paling besar itu. Jadi, Nuh de pu umur su sampe 950 taun baru de mninggal.

Listen to Kejadian 9