Bible translation: Lubukusu © Bible Society of Kenya, 2007 Recording of the New Testament ℗ Hosanna, 2019

Lubukusu- 2007 KENBS (NT) Drama

Lubukusu- 2007 KENBS (NT) Non Drama

<div class="version vid2654 iso6393bxk" data-vid="2654" data-iso6393="bxk">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Omwimeelesi omukesikesi</div><div class="p"> 1Yesu aboolela babeeka bewe ali, &#8220;Abao omuiinda owaba no mukholi owemeelela kimiaandu kiewe. Omuyiinda oyo aboolelwa ali omukholi wewe chana alikho onakaka kimiaandu kiewe. 2Nio omuiinda oyo alanga omukholi wewe oyo mala amureeba ali, &#8216;Makhuwa siina niko ndaulilanga khwiwe kano? Kobosia bitabu bie kimilimo kiowo, sikila se olaba omwimeelesi lundi tawe.&#8217; 3Omukholi ebaasia, aloma ali, &#8216;Omukhongo wase alikho andekhesia kimilimo, ndakhola siina? Se ndi ne kamaani ke khulima chikhwakhwa tawe, ne lundi chisoni khukhwesabiilisia. 4Namanyile nilio ndakhola nio babaandu banjakaanile mu chinju chabwe, ne ndekhilwe kimilimo.&#8217;</div><div class="p"> 5&#8220;Nio alaanga be kamakobi ko mukhoongo wewe boosi buli sia mulala. Mala areeba owe khunyoa ali, &#8216;Ewe oli ne likobi lio mukhoongo wase sikelo siina?&#8217; 6Oyo amukobosia ali, &#8216;Kamapiipa emia ndala ke kamafura ka miseituni.&#8217; Omukholi amuboolela ali, &#8216;Yikhala aasi oandike khangu oli kamapiipa kamakhumi karaano.&#8217; 7Ne areeba okundi ali, &#8216;Ne ewe oli ne likobi sikelo siina?&#8217; Amukobosia ali, &#8216;Kamakunia emia ndala ke ngano.&#8217; Omukholi chana amuboolela ali, &#8216;Bukula lukaratasi oandike oli kamakunia kamakhumi munaane.&#8217;</div><div class="p"> 8&#8220;Sisiakholekha, omwami owo mukholi okhali omweyikinwa yuno tawe, amufumia, sikila khukhola bibiindu sikesikesi, sikila babaandu be sibala sino bali bakesikesi lukali mu khukhola kakaabwe babeene khukhila babaandu bali be buwaanga.&#8221;</div><div class="p"> 9Ne Yesu achiililila khubaboolela ali, &#8220;Ng'ali ese muboolela enywe ndi amba basaale khulwe buiinda bukhali bwe buluungi tawe, nio oli buwao boole khumwingisia mu chingo cha mindali. 10Omundu yesi yesi oli omusuubilwa mu kaali matiiti ali omusuubilwa akhaba mu kali kamakali. Ne Omundu yesi yesi okhali omusuubilwa mu kaali matiiti tawe, se asuubilwa akhaba mu makali tawe. 11Khwako enywe mwaba ne mukhali basuubilwa mu buiinda bwe sibala, naanu onyala amura mu buliindi bwe buiinda bwa ng'ali? 12Ne mwaba ne mukhaba basuubilwa mu buiinda bwo kundi tawe, naanu onyala amuelesia enywe bubwenywe?</div><div class="p"> 13 # 
 Mat. 6.24
 &#8220;Se aliio omukholi onyala akholela bakhoongo babili tawe, sikila anyala abiila mulala mala asiima okundi, namwe anyala aria mulala mala alekelesia okundi. Sonyala wakholela Wele ne kimiaandu tawe.&#8221;</div><div class="s">Chingano cha Yesu chichiindi</div><div class="r">(Mat. 11.12-13; 5.31-32; Mk. 10.11-12)</div><div class="p"> 14Nga Bafarisayo ne baulila kano balekelesia Yesu sikila basiima chirupia. 15Ababoolela ali, &#8220;Enywe mwekhola khuba baluungi ebweeni we babaandu ne kakhali Wele amanyile kimiooyo kienywe. Sikila bibiindu bie bukhala bukali khu baandu bili bie lisinye mu moni cha Wele.</div><div class="p"> 16 # 
 Mat. 11.12-13
 &#8220;Lilaka lia Musa ne kamaandiko ke bang'oosi kaba ne kimilimo khukhwola khu Yoana Omubatiisi, khukhwama ao babaandu baboolelwa Elomo Endayi eye Bubwami bwa Wele mala buli mundu arumikhira kamaani khukhwingila mu bwami obwo. 17#Mat. 5.18 Lili liliangu likulu ne liloba khuwao khukhila enyukuta ndala eye Lilaka khurusibwao.</div><div class="p"> 18 # 
 Mat. 5.32; 1 Bakor. 7.10-11 &#8220;Buli omuseecha oona omukhasi wewe mala areera okundi akhola bueeyi, ne omundu oreera omukhasi owaonwa no museecha wewe akhola bueeyi.</div><div class="s">Omuyiinda ne Lasaro</div><div class="p"> 19&#8220;Abao omuiinda mulala owefwaranga chingubo cha che bukusi bwe angaaki owamenya mu limenya lie bukoote ne khulia naikara buli endaalo. 20Omutaambi owalaangwa bali Lasaro abechanga a silibwa sio muyiinda oyo. Lasaro chana aba ne kamakoonjo kumubili kwoosi mala bamumemanga ne bamura asilibwa sio muyiinda oyo. 21Lasaro ekoombanga khulia bitonyi bie biakhulia bikwile khukhwama khu sialwa sio muyiinda oyo: ne chimbwa cho muyiinda chechanga ne chikhoomba mu makoonjo.</div><div class="p"> 22&#8220;Omutaambi oyo afwa mala malaika bamumeema bamuyila ekhala a lubeka lwa Aburahamu anaikara eye mwikulu. Omuyiinda oyo yesi afwa mala asiikhwa, 23ne e makoombe, ne alikho na aya lukali, asuta chimoni mala abona Aburahamu ataayi ne Lasaro amwikhale a lubeka. 24Nio alanga ali, &#8216;Paapa Aburahamu kholele siisa mala orume Lasaro aronge lulwala lwewe mumeechi mala ambosie lulimi, sikila ndi mu buchuuni bukali lukali mu mulilo kuno.&#8217;</div><div class="p"> 25&#8220;Ne Aburahamu amuboolela ali, &#8216;Mwana wase khebulila oli mu siise sie bulamu bwowo wanyoola bibiindu bilayi, ne Lasaro anyoola bibiindu biibi. Ne ano alikho aolelesibwa ne ewe oli mu buchuuni bukali. 26Lundi litooma liboofu lili akari wefwe nawe. Khwako babenya khukhwicha niio oli khukhwama ano namwe babenya khukhwambukha beche eno khukhwama niio oli se banyala tawe.&#8217; 27Ne omuiinda chana amuboolela ali, &#8216;Nono paapa Aburahamu khusaba ewe orume Lasaro munju eya Paapa wase. 28Sikila ndiyo ne bawandaayase baraano. Lekha ache abakaambile, nio bakhakhola bario bosi becha abuundu we buchuuni ano tawe.&#8217;</div><div class="p"> 29&#8220;Nio Aburahamu aamukobosia ali, &#8216;Bawandaayo bali ne Musa ne bang'oosi khubakaambila, bawandaayo bakhoyeele baulile niko abo baloma.&#8217; 30Omuyiinda oyo aaloma ali, &#8216;Paapa Aburahamu, se kaakama kario tawe. Ne kakhali omundu aalamukha khukhwama mu bafu mala aababoolela balekanila bubwoni bwabwe.&#8217; 31Nio Aburahamu aamukobosia ali, &#8216;Baaba ne bakhaulila Musa ne bang'oosi tawe, se banyala baulila aakhaba omundu khukhwama emakoombe tawe.&#8217; &#8221;</div>
 </div>
 </div>
</div>

Yesu aboolela babeeka bewe ali, “Abao omuiinda owaba no mukholi owemeelela kimiaandu kiewe. Omuyiinda oyo aboolelwa ali omukholi wewe chana alikho onakaka kimiaandu kiewe. Nio omuiinda oyo alanga omukholi wewe oyo mala amureeba ali, ‘Makhuwa siina niko ndaulilanga khwiwe kano? Kobosia bitabu bie kimilimo kiowo, sikila se olaba omwimeelesi lundi tawe.’ Omukholi ebaasia, aloma ali, ‘Omukhongo wase alikho andekhesia kimilimo, ndakhola siina? Se ndi ne kamaani ke khulima chikhwakhwa tawe, ne lundi chisoni khukhwesabiilisia. Namanyile nilio ndakhola nio babaandu banjakaanile mu chinju chabwe, ne ndekhilwe kimilimo.’
“Nio alaanga be kamakobi ko mukhoongo wewe boosi buli sia mulala. Mala areeba owe khunyoa ali, ‘Ewe oli ne likobi lio mukhoongo wase sikelo siina?’ Oyo amukobosia ali, ‘Kamapiipa emia ndala ke kamafura ka miseituni.’ Omukholi amuboolela ali, ‘Yikhala aasi oandike khangu oli kamapiipa kamakhumi karaano.’ Ne areeba okundi ali, ‘Ne ewe oli ne likobi sikelo siina?’ Amukobosia ali, ‘Kamakunia emia ndala ke ngano.’ Omukholi chana amuboolela ali, ‘Bukula lukaratasi oandike oli kamakunia kamakhumi munaane.’
“Sisiakholekha, omwami owo mukholi okhali omweyikinwa yuno tawe, amufumia, sikila khukhola bibiindu sikesikesi, sikila babaandu be sibala sino bali bakesikesi lukali mu khukhola kakaabwe babeene khukhila babaandu bali be buwaanga.”
Ne Yesu achiililila khubaboolela ali, “Ng'ali ese muboolela enywe ndi amba basaale khulwe buiinda bukhali bwe buluungi tawe, nio oli buwao boole khumwingisia mu chingo cha mindali. Omundu yesi yesi oli omusuubilwa mu kaali matiiti ali omusuubilwa akhaba mu kali kamakali. Ne Omundu yesi yesi okhali omusuubilwa mu kaali matiiti tawe, se asuubilwa akhaba mu makali tawe. Khwako enywe mwaba ne mukhali basuubilwa mu buiinda bwe sibala, naanu onyala amura mu buliindi bwe buiinda bwa ng'ali? Ne mwaba ne mukhaba basuubilwa mu buiinda bwo kundi tawe, naanu onyala amuelesia enywe bubwenywe?
“Se aliio omukholi onyala akholela bakhoongo babili tawe, sikila anyala abiila mulala mala asiima okundi, namwe anyala aria mulala mala alekelesia okundi. Sonyala wakholela Wele ne kimiaandu tawe.”


Nga Bafarisayo ne baulila kano balekelesia Yesu sikila basiima chirupia. Ababoolela ali, “Enywe mwekhola khuba baluungi ebweeni we babaandu ne kakhali Wele amanyile kimiooyo kienywe. Sikila bibiindu bie bukhala bukali khu baandu bili bie lisinye mu moni cha Wele.
“Lilaka lia Musa ne kamaandiko ke bang'oosi kaba ne kimilimo khukhwola khu Yoana Omubatiisi, khukhwama ao babaandu baboolelwa Elomo Endayi eye Bubwami bwa Wele mala buli mundu arumikhira kamaani khukhwingila mu bwami obwo. Lili liliangu likulu ne liloba khuwao khukhila enyukuta ndala eye Lilaka khurusibwao.
“Buli omuseecha oona omukhasi wewe mala areera okundi akhola bueeyi, ne omundu oreera omukhasi owaonwa no museecha wewe akhola bueeyi.

“Abao omuiinda mulala owefwaranga chingubo cha che bukusi bwe angaaki owamenya mu limenya lie bukoote ne khulia naikara buli endaalo. Omutaambi owalaangwa bali Lasaro abechanga a silibwa sio muyiinda oyo. Lasaro chana aba ne kamakoonjo kumubili kwoosi mala bamumemanga ne bamura asilibwa sio muyiinda oyo. Lasaro ekoombanga khulia bitonyi bie biakhulia bikwile khukhwama khu sialwa sio muyiinda oyo: ne chimbwa cho muyiinda chechanga ne chikhoomba mu makoonjo.
“Omutaambi oyo afwa mala malaika bamumeema bamuyila ekhala a lubeka lwa Aburahamu anaikara eye mwikulu. Omuyiinda oyo yesi afwa mala asiikhwa, ne e makoombe, ne alikho na aya lukali, asuta chimoni mala abona Aburahamu ataayi ne Lasaro amwikhale a lubeka. Nio alanga ali, ‘Paapa Aburahamu kholele siisa mala orume Lasaro aronge lulwala lwewe mumeechi mala ambosie lulimi, sikila ndi mu buchuuni bukali lukali mu mulilo kuno.’
“Ne Aburahamu amuboolela ali, ‘Mwana wase khebulila oli mu siise sie bulamu bwowo wanyoola bibiindu bilayi, ne Lasaro anyoola bibiindu biibi. Ne ano alikho aolelesibwa ne ewe oli mu buchuuni bukali. Lundi litooma liboofu lili akari wefwe nawe. Khwako babenya khukhwicha niio oli khukhwama ano namwe babenya khukhwambukha beche eno khukhwama niio oli se banyala tawe.’ Ne omuiinda chana amuboolela ali, ‘Nono paapa Aburahamu khusaba ewe orume Lasaro munju eya Paapa wase. Sikila ndiyo ne bawandaayase baraano. Lekha ache abakaambile, nio bakhakhola bario bosi becha abuundu we buchuuni ano tawe.’
“Nio Aburahamu aamukobosia ali, ‘Bawandaayo bali ne Musa ne bang'oosi khubakaambila, bawandaayo bakhoyeele baulile niko abo baloma.’ Omuyiinda oyo aaloma ali, ‘Paapa Aburahamu, se kaakama kario tawe. Ne kakhali omundu aalamukha khukhwama mu bafu mala aababoolela balekanila bubwoni bwabwe.’ Nio Aburahamu aamukobosia ali, ‘Baaba ne bakhaulila Musa ne bang'oosi tawe, se banyala baulila aakhaba omundu khukhwama emakoombe tawe.’ ”

Listen to Lk. 16