ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ The Naskapi text is copyright © Naskapi Development Corporation Naskapi Development Corporation Kawawachikamach, Québec G0G 2Z0 Canada New Testament published by the Canadian Bible Society (CBS) © 2007 Canadian Bible Society 10 Carnforth Road, Toronto Ontario M4A 2S4 Canada

ᓂᔅᑎᒻ ᐛᑕᒂᒡ ᐅᑕ ᒥᓯᓇᐃᑭᓂᒡ
ᐊᒃᓱᑕᔅ ᐊ ᐃᓇᓄᐅᒡ “ᐊ ᔅᑐᑕᓄᐅᒡ” ᐃᔅᒋᔄᒥᑭᓐ ᑭᔭ ᐊᑯᑕ ᐃᔭᔨᒧᑕᒡ ᐊ ᒋᔅᑕᔨᑕᒂᒡ ᐎᐱᒡ ᑲ ᐃᔅᐱᔨᒡ ᐃᔅᕋᐃᓪ ᐃᔪᒡ, ᐅᑕ ᒥᔪᐎᑕᑭᓄᐅᒡ ᒥᓯᓇᐃᑭᓂᒡ᙮ ᑲ ᔅᑐᑕᒡ ᐃᔅᕋᐃᓪ ᐃᔪᒡ ᐃᒋᑉᑎᒡ ᐅᒡ, ᐊᓐᑕ ᑲ ᐅᑦ ᐊᐱᒋᐊᑭᓂᑐᐛᑭᓄᐅᒡ᙮
ᓇᐎᒡ ᐃᓯᓇᑯᓐ ᐅ ᒥᓯᓇᐃᑭᓐ: 1) ᑲ ᐱᐧᑯᐛᑭᓄᐅᒡ ᐃᑉᕈᐤ ᐃᔪᒡ ᐊᓐᑕ ᑲ ᐅᑦ ᐊᐱᒋᐊᑭᓂᑐᐛᑭᓄᐅᒡ᙮ 2) ᓴᐃᓇᐃ ᐱᔅᑯᑎᓇᒡ ᑲ ᐃᓯ ᐊᑐᒐᒡ᙮ 3) ᒋᓴᒪᓂᑐᐤ ᑲ ᐃᑐᑎᒧᐛᑦ ᓂᔅᑯᒧᑐᐅᓂᔪᐤ ᐅᑦ ᐃᔨᒪ ᐊᓐᑕ ᓴᐃᓇᐃ ᐱᔅᑯᑎᓇᒡ, ᐊᓂᔭ ᑲ ᒥᔭᑦ ᒥᔪᐃᑕᑎᓯᐤ ᑭᔭ ᒥᓯᐛ ᑕᑐ ᐃᔪᐤ ᑭᔭ ᐊᔭᒥᐊᐛᑎᓯᐤ ᐎᓱᐛᐅᓇ ᒐ ᐃᑕᑎᓯᔨᒋ ᑭᔭ 4) ᑲ ᒋᒥᑕᒡ ᑭᔭ ᑲ ᐅᓯᑕᒡ ᒐᒂᔪᐛ ᒐ ᐊᐱᑎᓂᔨᒋ ᐊᓐᑕ ᐃᔅᕋᐃᓪ ᐃᔪᒡ ᒐ ᐊᔭᒥᐊᒡ, ᑭᔭ ᐎᓱᐛᐅᓇ ᒐ ᐃᔨᑎᒡ ᐊᔭᒥᐊᐅᒋᒪᐅᒡ ᑭᔭ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ᙮
ᒥᔪᐎᑕᑭᓄᐤ ᐅᑕ ᒥᓯᓇᐃᑭᓂᒡ ᒐᒂᔪᐤ ᑲ ᐃᑐᑕᐧᒃ ᒋᓴᒪᓂᑐᐤ, ᒪᒂᒡ ᑲ ᐱᐧᑯᐛᐊᑦ ᐅᑦ ᐃᔨᒪ ᑲ ᐅᑦ ᐊᐱᒋᐊᑭᓂᑐᐛᑭᓄᐎᒋ ᑭᔭ ᑲ ᑐᑐᐛᑦ ᒐᒋ ᐃᑎᔅᑲᓇᓯᔨᒋ ᓂᑲᓄᒡ ᐊ ᐃᓯ ᐊᔅᐸᔨᒧᔨᒋ᙮
ᒧᓱᔅ ᐊᓐ ᒋᒋᐛ ᐃᔭᔨᒧᒪᑭᓄᐤ ᐅᑕ ᒥᓯᓇᐃᑭᓂᒡ, ᐊᓂᔭ ᐊᐛᔪᐛ ᑲ ᐎᔭᔨᒪᑦ ᒋᓴᒪᓂᑐᐤ ᒐᒋ ᒋᔅᒋᓄᑕᔨᒋ ᐅᑦ ᐃᔨᒪ ᐃᒋᑉᑎᒡ ᐅᒋ᙮ ᐊ ᐎᑕᒋ ᐸᐃᑯᔪᐤ ᐃᑎᓱᐛᐅᓇ ᐊᓐᑕ 20 ᐱᓯᑎᓯᓇᐃᑭᓂᒡ ᐊᐅᒄ ᒪᐅᒡ ᐊ ᒥᓴᒡ ᒐᒂᓐ ᒐᔅᒐᔨᑕᒂᒡ ᐅᑕ ᒥᓯᓇᐃᑭᓂᒡ᙮

Listen to ᐊᒃᓱᑕᔅ ᓂᔅᑎᒻ ᐛᑕᒂᒡ ᐅᑕ ᒥᓯᓇᐃᑭᓂᒡ