Sgaw Mason Bible © Bible Society of Myanmar, 1853.

ဒီးစီၤမိၤရှ့ကွၢ်အမံၤပှၢ် ကီၢ်မံးဒယၣ်အပှၤလုၢ်တၢ်အ ဒိၣ်, စီၤယံးသရိၤအသိဒီးမဲာ်တဲးလဲးတဖု, ဒီးဆှၢသိဒီး မဲာ်တဲးလဲးတဖုဆူပှၢ်မုၢ်ကနၢအချၢဃံတခီ, ဒီးဟဲဆူ ကစၢ်အကစၢၢ်ဃိၤရ့းလီၤ.
ဒီးယွၤအကလူးတဂၤ လီၣ်ဖျါထီၣ်အသးလၢအီၤလၢ မ့ၣ်အူလၣ်အကျါလၢသ့ၣ်တၤဆှုၣ်တခိၣ်အသးကံၢ်ပူၤ, ဒီးကွၢ်ဝဲ, ဒီးကွၢ်ကွၢ်, တၢ်ဆူးသ့ၣ်တၤဆှုၣ်န့ၣ်လၢမ့ၣ် အူ, ဒီးတၢ်တအီၣ်ဘၣ်သ့ၣ်တၤဆှုၣ်ဘၣ်.
ဒီးစီၤမိၤရှ့စံးဝဲဒၣ်, ယကဃၣ်ယသးခဲအံၤ, ဒီးကွၢ် တၢ်အိၣ်ဖျါလီၤလးအံၤ, လၢတၢ်တအီၣ်ဘၣ်သ့ၣ်တၤ ဆှုၣ်တခိၣ်န့ၣ်အဂ့ၢ်လီၤ.
ဒီးတုၤယွၤထံၣ်လၢအဃၣ်အသး ဒ်သိးအကကွၢ်တၢ် ဒီး, ယွၤကိးထီၣ်အီၤလၢသ့ၣ်တၤဆှုၣ်တခိၣ်အသးကံၢ် ပူၤ, ဒီးစံးဝဲဒၣ်, စီၤမိၤရှ့ဧၢ, စီၤမိၤရှ့ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ.
ဒီးစံးဝဲဒၣ်, သုးဘူးနသးဖဲအံၤတဂ့ၤ, ဃ့ၣ်လီၤကွံာ် နခီၣ်ဖံးလၢနခီၣ်တက့ၢ်. အဂ့ၢ်ဒ်အံၤ, ဖဲအလီၢ်လၢန ဆၢထၢၣ်န့ၣ်မ့ၢ်ဟီၣ်ခိၣ်စီဆှံလီၤ. ဒီးစံးဝဲဒၣ်, ယမ့ၢ် နပၢ်အကစၢ်, စီၤအၤဘြၤဟၣ်အကစၢ်, စီၤအံၤစဲးအ ကစၢ်, ဒီးစီၤယၤကိာ်အကစၢ်လီၤ. ဒီးစီၤမိၤရှ့မၤဘံးအ မဲာ်လီၤ. အဂ့ၢ်ဒ်အံၤ, ကွၢ်ယွၤအမဲာ်န့ၣ်ပျံၤဝဲလီၤ.
ဒီးယွၤစံးဝဲဒၣ်, ယထံၣ်တ့ၢ်ယပှၤဂီၢ်မုၢ် လၢအအိၣ် လၢအဲၤကူပတူးအပူၤတဖၣ် အတၢ်နးတၢ်ဖှီၣ် သပှၢ် တၢၢ်ဒီး ယနၢ်ဟူအတၢ်ကိးပသူကိးပသီလၢ အတၢ်ဝံ တၢ်ယိးအကစၢ်အဃိလီၤ. အဂ့ၢ်ဒ်အံၤ, ယသ့ၣ်ညါ အသူၣ်ကိၢ်အသးဂီၤလီၤ. ဒီးယဟဲလီၤဒ်သိးယကမၤ ပူၤမၤဖျဲးအီၤလၢပှၤအဲၤကူပတူးဖိအစုပူၤ, ဒီးဒုးဟးထီၣ် ကွံာ်အီၤလၢကီၢ်အဝဲန့ၣ် ဆူကီၢ်တဘ့ၣ်လၢအဂ့ၤဒီးလၢ အလဲၢ်, ဆူကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲ စီ, ဆူပှၤကနၤဧၣ်ဖိ, ဒီးပှၤဃ့ၤသးဖိ, ဒီးပှၤအမိၢ်ဖိ, ဒီးပှၤပရးစၤဖိ, ဒီးပှၤဃံၤဝံဖိ, ဒီးပှၤယဘူၣ်ဖိသ့ၣ်တ ဖၣ်အလီၢ်န့ၣ်လီၤ. ဒီးခဲကနံၣ်အံၤကွၢ်ကွၢ်, ပှၤအံၣ်စရ့လးဖိအတၢ်ကိးပသူကိးပသီဟဲထီၣ်ဆူယအိၣ်,ဒီးယထံၣ်စ့ၢ်ကီးအတၢ်အၢတၢ်နးလၢ ပှၤအဲၤကူပတူးဖိမၤအၢမၤနးအီၤလီၤ.-
ဒီးခဲကနံၣ်အံၤဟဲ, ဒီးယကမၢလီၤနၤဆူဖၤရိၤအအိၣ်ဒ် သိးနကဒုးဟးထီၣ် ယပှၤဂီၢ်မုၢ်ပှၤအံၣ်စရ့လးဖိ, လၢ အဲၤကူပတူးအပူၤန့ၣ်လီၤ.
ဒီးစီၤမိၤရှ့စံးဘၣ်ယွၤ, ယဲဒၣ်အံၤ ယမ့ၢ်မတၤတဂၤ လၢယကလဲၤဆူဖၤရိၤအအိၣ်, ဒီးဒုးဟးထီၣ်ကွံာ်ပှၤ အံၣ်စရ့လးဖိလၢအဲၤကူပတူးအပူၤန့ၣ်လဲၣ်.
ဒီးစံးဝဲဒၣ်, ယကအိၣ်ဒီးနၤလီၤ. ဒီးအအံၤမ့ၢ်တၢ်ပ နီၣ်လၢယမၢလီၤနၤလီၤ, တုၤနဒုးဟးထီၣ်ကွံာ်ပှၤဂီၢ်မုၢ် လၢအဲၤကူပတူးအပူၤဒီး,သုကမၤယွၤအတၢ်လၢကစၢၢ် တဖျၢၣ်အံၤအလိၤလီၤ.
ဒီးစီၤမိၤရှ့စံးဘၣ်ယွၤ, ကွၢ်ကွၢ်, ယဲဒၣ်အံၤတုၤယဟဲ ဆူပှၤအံၣ်စရ့လးဖိအအိၣ်, ဒီးစံးဘၣ်အီၤ, သုပၢ်အက စၢ်မၢလီၤယၤဆူသုအိၣ်, ဒီးအဝဲသ့ၣ်တဖၣ်ကစံးဘၣ် ယၤ, အမံၤမ့ၢ်မနုၤလဲၣ်ဒီး, ယကစံးဘၣ်အီၤဒ်လဲၣ်.
ဒီးယွၤစံးဘၣ်စီၤမိၤရှ့, ယမ့ၢ်တၢ်လၢယမ့ၢ်လီၤ. ဒီး စံးဝဲဒၣ်, နဘၣ်စံးဘၣ်ပှၤအံၣ်စရ့လးဖိဒ်အံၤ, ယမ့ၢ် မၢလီၤယၤဆူသုအိၣ်လီၤ. ဒီးယွၤစံးဒံးစီၤမိၤရှ့, နဘၣ် စံးဘၣ်ပှၤအံၣ်စရ့လးဖိဒ်အံၤ, ယွၤသုပၢ်အကစၢ်, စီၤ အၤဘြၤဟၣ်အကစၢ်, စီၤအံၤစဲးအကစၢ်, ဒီးစီၤယၤ ကိာ်အကစၢ်, မၢလီၤယၤဆူသုအိၣ်လီၤ. အန့ၣ်မ့ၢ်ယ မံၤလီၤထူလီၤယိာ်, ဒီးအန့ၣ်မ့ၢ်တၢ်ဒုးသ့ၣ်နီၣ်ထီၣ်ယၤ အစိၤစိၤအဃၣ်ဃၣ်လီၤ.
လဲၤတၢ်, ဒီးဒုးအိၣ်ဖှိၣ်ရိဖှိၣ်အံၣ်စရ့လးအသူၣ်က့သး ပှၢ်, ဒီးစံးဘၣ်အီၤ, ယွၤသုပၢ်အကစၢ်, စီၤအၤဘြၤ ဟၣ်, ဒီးစီၤအံၤစဲး, ဒီးစီၤယၤကိာ်အကစၢ်လီၣ်ဖျါထီၣ် အသးလၢယၤ, ဒီးစံးဝဲဒၣ်, ယအိၣ်သကိးသုသပှၢ် တၢၢ်လံ, ဒီးယထံၣ်တၢ်လၢပှၤမၤသုလၢအဲၤကူပတူး အပူၤလီၤ. ဒီးယစံးတၢ်, ယကဒုးလဲၤထီၣ်ကွံာ်သုလၢ အဲၤကူပတူးအတၢ်နးတၢ်ဖှီၣ်အပူၤဆူပှၤကနၤဧၣ်ဖိ, ဒီး ပှၤဃ့ၤသးဖိ, ဒီးပှၤအမိၢ်ဖိ, ဒီးပှၤပရးစၤဖိ, ဒီးပှၤဃံၤ ဝံၤဖိ, ဒီးပှၤယဘူၣ်ဖိသ့ၣ်တဖၣ်အကီၢ်, ဆူကီၢ်တဘ့ၣ် လၢအယွၤဝဲဒီးတၢ်နုၢ်ထံဒီးကနဲစီလီၤ.
ဒီးအဝဲသ့ၣ်တဖၣ်န့ၣ်ကကနၣ်နကလုၢ်, ဒီးနဘၣ်ဟဲ နဲ, ဒီးပှၤအံၣ်စရ့လးဖိအသူၣ်က့သးပှၢ်, ဆူအဲၤကူပ တူးအစီၤပၤအအိၣ်, ဒီးသုဘၣ်စံးဘၣ်အီၤ, ယွၤ, ပှၤ ဧ့ၤဘြံၤဖိအကစၢ်, ဘၣ်သဃိာ်ဒီးပှၤ, ဒီးခဲကနံၣ်အံၤ ဒုးလဲၤလၢ်ပှၤသၢနံၤကျဲဆူပှၢ်လၢ်ကျါ, ဒ်သိးပကလုၢ် တၢ်လၢယွၤပကစၢ်န့ၣ်တက့ၢ်.
ဒီးယသ့ၣ်ညါလၢတၢ်အစုဆူၣ်အခီၣ်ဆူၣ် မ့ၢ်တအိၣ် ဘၣ်ဒီး, အဲၤကူပတူးအစီၤပၤတဖၣ်တဟ့ၣ်လဲၤဘၣ်သု ဘၣ်.
ဒီးယကယူာ်ထီၣ်ယစု, ဒီးတီၢ်အဲၤကူပတူးလၢတၢ် လီၤလိၢ်လီၤလး လၢယကမၤလၢအသးကံၢ်ပူၤခဲလၢာ် လီၤ. ဒီးတၢ်တဖၣ်န့ၣ်အလီၢ်ခံကပျၢ်သုလီၤ. ဒီးယ ကဟ့ၣ်ပှၤဂီၢ်မုၢ်န့ၣ်လၢအဘျုးအဖှိၣ်လၢ ပှၤအဲၤကူပ တူးဖိအမဲာ်, ဒီးတုၤသုလဲၤထီၣ်ဒီး, တၢ်ကမၤအသး လၢသုတလဲၤထီၣ်ဘၣ်ကလီဘၣ်. ဒီးကယဲၢ်ပှၤပိာ်မုၣ် တဂၤလၢ်လၢ်ကဃ့စ့အကယၢ, ဒီးထူအကယၢ, ဒီး တၢ်ကူတၢ်သိးလၢပှၤလၢအဃၢၤ, ဒီးလၢပှၤလၢအအိၣ် တမှံၤလၢအဟံၣ်ပူၤ, ဒီးသုကဒုးကူဒုးသိးသုဖိခွါဒီးသု ဖိမုၣ်, ဒီးသုကဂုာ်န့ၢ်ပှၤအဲၤကူပတူးဖိအတၢ်လီၤ.

Listen to လံာ်စီၤမိၤရှ့ခံဘ့ၣ်တဘ့ၣ်. ၃