Sgaw Mason Bible © Bible Society of Myanmar, 1853.

ယဟဲဆူသုအိၣ်အအံၤမ့ၢ်သၢစုတစုလီၤ. မ့ၢ်ပှၤခံဂၤ သၢဂၤအုၣ်အသးသတးဒီး, တၢ်ကတိၤကဂၢၢ်ကကျၢၤ ဝဲကိးအထံၣ်ဒဲးလီၤ. ယစံးဘၣ်တ့ၢ်တဘျီ,ဒီးခဲကနံၣ် အံၤ,ယအိၣ်လီၤဖးဒီးသုဒီး, ယစံးပာ်ကဒီးဒ်ယအိၣ်တ့ၢ် ဒီးသုခံစုတစုအသိး, ပှၤလၢအမၤကမၣ်တ့ၢ်တၢ်,ဒီးပှၤ အဂၤခဲလၢာ်, ယမ့ၢ်ဟဲကဒီးတစုဒီး, ယတပျဲဘၣ်အီၤ ဘၣ်. အဂ့ၢ်ဒ်အံၤ, သုဃုတၢ်အုၣ်အသးလၢအဒုးနဲၣ် လၢခရံာ်ကတိၤတၢ်လၢယပူၤလီၤ. အဝဲဒၣ်အဂံၢ်စၢ်အ ဘါစၢ်လၢသုဂီၢ်တမ့ၢ်ဘၣ်. မ့ၢ်အအိၣ်ဒီးအစိအကမီၤ လၢသုကျါလီၤ. အဂ့ၢ်ဒ်အံၤ, ဒိးသံအသးလၢထူၣ်စုညါ အလိၤလၢတၢ်ဂံၢ်စၢ်ဘါစၢ်အဃိနာ်သက့ဒီး, မ့ၢ်အမူဝဲလၢယွၤအစိအကမီၤလီၤ.အဂ့ၢ်ဒ်အံၤ, ပဝဲဒၣ်အံၤ,ပဂံၢ် စၢ်ပဘါစၢ်လၢအပူၤစ့ၢ်ကီးဘၣ်ဆၣ်ဒီး, မ့ၢ်ယွၤအစိအ ကမီၤသတးဒီး,ပကမူဃုာ်ဒီးအီၤလၢသုဂီၢ်လီၤ.
သုဝဲဒၣ်အံၤ သုအိၣ်လၢတၢ်နာ်အပူၤ, သုတအိၣ် ဘၣ်လဲၣ်န့ၣ်,သံကွၢ်သံဒိးလီၤသုသးတက့ၢ်. ပစီကွၢ် လီၤသုသးတက့ၢ်.မ့ၢ်သုတသ့ၣ်ညါလီၤဘၣ်သုသး,လၢ သုမ့တမ့ၢ်ဘၣ်ပှၤလၢ အဘၣ်တၢ်ညိကွံာ်အီၤဘၣ်ဒီး, ယ့ၣ်ရှူးခရံာ်အိၣ်လၢသုပူၤန့ၣ်ဘၣ်ဧါ. ဒီးယမုၢ်လၢ် လၢသုကသ့ၣ်ညါလၢ ပတမ့ၢ်ပှၤဘၣ်တၢ်ညိကွံာ်အီၤ ဘၣ်.
ဒီးပဘါထုကဖၣ်လၢယွၤ ဒ်သိးသုသုတမၤတၢ်အၢ တၢ်သီနီတမံၤတဂ့ၤလီၤ. ဒ်သိးပကအိၣ်ဖျါပဝဲ,လၢပှၤ ဘၣ်တၢ်တူၢ်လိာ်အီၤန့ၣ်တမ့ၢ်ဘၣ်. မ့ၢ်ဒ်သိးပမ့ၢ်ပဝဲပှၤ လီၤဂာ်လၢတၢ်ညိကွံာ်အီၤနာ်သက့ဒီး, သုကမၤတၢ်ဂ့ၤ တၢ်ဘၣ်သုဝဲလီၤ. အဂ့ၢ်ဒ်အံၤ, ပမၤတၢ်ထီဒါတၢ်မ့ၢ် တၢ်တီတသ့ဘၣ်နီတမံၤဘၣ်. မ့ၢ်လၢတၢ်မ့ၢ်တၢ်တီအ ဂီၢ်လီၤ. အဂ့ၢ်ဒ်အံၤ, တုၤပဂံၢ်စၢ်ပဘါစၢ်,ဒီးသုဂံၢ်ဆူၣ် ဘါဆူၣ်ဒီး, ပသးခုလီၤ.ဒီးပဘါထုကဖၣ်စ့ၢ်ကီး,လၢသု ကလၢထီၣ်ပှဲၤထီၣ်လီၤ.
လၢတၢ်န့ၣ်အဃိ, ယလီၤဖးဒီးသုအဖၢမုၢ်ဒီး,ယကွဲး တၢ်တဖၣ်အံၤဒ်သိးယမ့ၢ်အိၣ်က့ၤဒီးသုဒီး, ယသုတမၤ ဆူၣ်မၤစိးဒီးတၢ်အစိအကမီၤလၢ ကစၢ်ဟ့ၣ်ယၤလၢ တၢ်မၤထီၣ်မၤထီအဂီၢ်, ဒီးတမ့ၢ်ဘၣ်လၢတၢ်မၤဟးဂီၤ အဂီၢ်ဘၣ်လီၤ.
တၢ်ကတိၤလၢခံကတၢၢ်န့ၣ်, ပုၢ်သ့ၣ်ဝဲၢ်သ့ၣ်ဧၢ,မ်သု သူၣ်ခုသးခုတက့ၢ်.မ်သုလၢထီၣ်ပှဲၤထီၣ်တက့ၢ်. မ်တၢ် မၤခုၣ်မၤမုာ်သုသးတက့ၢ်. မ်သုအိၣ်သုသးတဖျၢၣ်ဃီ တက့ၢ်.မ်သုအိၣ်ဃူအိၣ်ဖိးတက့ၢ်. ဒီးတၢ်အဲၣ်တၢ်ကွံ, ဒီးတၢ်ဃူတၢ်ဖိးအကစၢ်န့ၣ်,ကအိၣ်ဒီးသုလီၤ. ကတိၤ ဒိၣ်လိာ်သုသးဒီးတၢ်နၢမူစီဆှံတက့ၢ်. ပှၤစီဆှံခဲလၢာ် န့ၣ်ကတိၤဒိၣ်သုလီၤ.
ကစၢ်ယ့ၣ်ရှူးခရံာ်အဘျုးအဖှိၣ်, ဒီးယွၤအတၢ်အဲၣ် တၢ်ကွံ,ဒီးသးစီဆှံအတၢ်ရ့လိာ်န့ၣ်, မ်အအိၣ်ဒီးသုခဲ လၢာ်တက့ၢ်. [အၤမ့ၣ်].

Listen to လံာ်စီၤပီလူးကွဲးန့ၢ်ပှၤကရံၣ်သူးဖိပှဲၤထီၣ်ခံဘ့ၣ်တဘ့ၣ်. ၁၃