Sgaw Mason Bible © Bible Society of Myanmar, 1853.

ဒီးယဲဒၣ်အံၤ,ပုၢ်သ့ၣ်ဝဲၢ်သ့ၣ်ဧၢ, ယကတိၤတၢ်ဒီးသု, ဒ်လၢပှၤဘၣ်ဃးဒီးသးအသိးန့ၣ်တသ့ဘၣ်. မ့ၢ်ဒ်လၢ ပှၤဘၣ်ဃးဒီးတၢ်ဖံးတၢ်ညၣ်, ဒ်ဖိဆံးလၢခရံာ်အပူၤ အသိးန့ၣ်လီၤ. ယဒုးအီၣ်သုလၢတၢ်နုၢ်ထံ,ဒီးတမ့ၢ် ဘၣ်တၢ်အီၣ်ဘၣ်. အဂ့ၢ်ဒ်အံၤ, သုအီၣ်တၢ်တသ့ဒံး ဘၣ်.ဒီးခဲကနံၣ်အံၤဒၣ်လဲာ်, သုတသ့ဒံးစ့ၢ်ကီးဘၣ် လီၤ. အဂ့ၢ်ဒ်အံၤ,မ့ၢ်သုဘၣ်ဃးဒီးတၢ်ဖံးတၢ်ညၣ်ဒံး လီၤ. အဂ့ၢ်ဒ်အံၤ, မ့ၢ်တၢ်သးက့ၣ်, ဒီးတၢ်အ့ၣ်လိာ် ဆိးက့, ဒီးတၢ်လီၤမုၢ်လီၤဖးသ့ၣ်တဖၣ်အိၣ်ဝဲလၢသု ကျါဒီး, သုမ့ၢ်ပှၤဘၣ်ဃးဒီးတၢ်ဖံးတၢ်ညၣ်, ဒီးသုလဲၤ တၢ်ဒ်ပှၤကညီအသိး, တမ့ၢ်ဘၣ်ဧါ. အဂ့ၢ်ဒ်အံၤ,လၢ ပှၤတဂၤစံးဝဲဒၣ်, ယဲဒၣ်အံၤ,ယမ့ၢ်ပှၤဘၣ်ဃးဒီးစီၤပီ လူး, ဒီးလၢအဂၤတဂၤ,ယဲဒၣ်အံၤ,ယမ့ၢ်ပှၤဘၣ်ဃးဒီး စီၤအပီးလိၤဒီး, မ့ၢ်သုဘၣ်ဃးဒီးတၢ်ဖံးတၢ်ညၣ်တမ့ၢ် ဘၣ်ဧါ. မၤသးဒ်န့ၣ်ဒီးစီၤပီလူးမ့ၢ်မတၤတဂၤလဲၣ်. ဒီးစီၤအပီးလိၤမ့ၢ်မတၤတဂၤလဲၣ်. မ့ၢ်တၢ်အခ့အပှၤ လၢသုနာ်တၢ်လၢအဃိ, ဒ်ကစၢ်ဟ့ၣ်လီၤလၢပှၤတဂၤ တဂၤစုာ်စုာ်အသိးန့ၣ်တမ့ၢ်ဘၣ်ဧါ. ယဲဒၣ်အံၤ,ယ သူၣ်တၢ်,ဒီးစီၤအပီးလိၤဖှိၣ်တၢ်, မ့မ့ၢ်ယွၤဒုးဒိၣ်ထီၣ် တၢ်လီၤ. မၤသးဒ်န့ၣ်ဒီး ပှၤလၢအသူၣ်တၢ်တမ့ၢ် ဘၣ်တၢ်ဘၣ်, ဒီးပှၤလၢအဖှိၣ်တၢ် တမ့ၢ်ဘၣ်တၢ် ဘၣ်, မ့မ့ၢ်ပှၤလၢအဒုးဒိၣ်ထီၣ်တၢ်ယွၤတဂၤန့ၣ်မ့ၢ်တၢ် လီၤ. ဘၣ်ဆၣ်ဒီးပှၤလၢအသူၣ်တၢ်, ဒီးပှၤလၢအဖှိၣ် တၢ်, မ့ၢ်တၢ်တမံၤဃီလီၤ. ဒီးပှၤကန့ၢ်ဘၣ်အဘူးအ လဲ,တဂၤဒီးတဂၤ, ဒ်အတၢ်မၤဒၣ်ဝဲအသိး န့ၣ်လီၤ. အဂ့ၢ်ဒ်အံၤ, ပမ့ၢ်ယွၤအပှၤမၤသကိးတၢ်တဖၣ်န့ၣ် လီၤ. သုမ့ၢ်ယွၤအခုး,သုမ့ၢ်ယွၤအတၢ်သူၣ်ထီၣ်လီၤ.
ဒ်ယွၤအဘျုးအဖှိၣ်လၢအဟ့ၣ်ယၤအသိးန့ၣ်, ဒ်ပှၤမၤ ဟံၣ်တဖၣ်အခိၣ်လၢ အကူၣ်တၢ်သ့တဂၤအသိးန့ၣ်, ယပာ်လီၤလံဟံၣ်အခီၣ်ထံးလံ. ဒီးပှၤဂၤသူၣ်ထီၣ်တၢ် လၢအဖီခိၣ်လီၤ. ဘၣ်ဆၣ်ဒီးမ့ၢ်အသူၣ်ထီၣ်တၢ်လၢ အဖီခိၣ်ဒ်လဲၣ်ဒ်လဲၣ်န့ၣ်, မ်အပလီၢ်အသးစုာ်စုာ်တ က့ၢ်. အဂ့ၢ်ဒ်အံၤ, လၢတၢ်အခီၣ်ထံး,လၢအပာ်လီၤ အသးဝံၤလံ, လၢအမ့ၢ်ယ့ၣ်ရှူးခရံာ်န့ၣ်အမဲာ်ညါ,ပှၤ ပာ်အခီၣ်ထံး လၢအဂုၤအဂၤတသ့ဘၣ်နီတဂၤဘၣ်.-
ဒီးပှၤတဂၤဂၤမ့ၢ်သူၣ်ထီၣ်ထူဧိၤလွဲဧိၤ, ကျိၣ်ဧိၤစ့ဧိၤ, တၢ်မျၢ်ထးသံ,သ့ၣ်ဧိၤဝၣ်ဧိၤ, နီၣ်ဧိၤမံၤဧိၤ,လီၢ်ဧိၤဒံးဧိၤ, လၢတၢ်ခီၣ်ထံးအံၤအဖီခိၣ်ဒီး, အတၢ်မၤကအိၣ်ဖျါ ထီၣ်စုာ်စုာ်လီၤ. အဂ့ၢ်ဒ်အံၤ,မုၢ်နံၤတနံၤန့ၣ်ကလီၣ်ဖျါ ထီၣ်အီၤလီၤ.အဂ့ၢ်ဒ်အံၤ, ကဘၣ်လီၣ်ဖျါထီၣ်အသး လၢမ့ၣ်အူ,ဒီးပှၤတဂၤဂၤအတၢ်မၤမ့ၢ် ဒ်လဲၣ်ဒ်လဲၣ်န့ၣ်, မ့ၣ်အူကအီၣ်ကွၢ်ကွၢ်ဝဲလီၤ. ပှၤတဂၤဂၤအတၢ်မၤ လၢအသူၣ်ထီၣ်ဝဲန့ၣ်, မ့ၢ်အိၣ်မ့ၢ်ဆိးဒီး,ကန့ၢ်ဘၣ်အ ဘူးအလဲလီၤ. ပှၤတဂၤဂၤအတၢ်မၤန့ၣ်,မ့ၣ်အူမ့ၢ်အီၣ် ကွံာ်အီၤဒီး, အတၢ်ကဟါမၢ်လီၤ. ဘၣ်ဆၣ်ဒီးအက စၢ်ဒၣ်ဝဲကတုၤလၢတၢ်အုၣ်က့ၤခီၣ်က့ၤအီၤလီၤ. မ့မ့ၢ် ကမၤသးဒ်လၢမ့ၣ်အူအသိးလီၤ.
သုမ့ၢ်ယွၤအတၢ်လုၢ်ဟံၣ်, ဒီးယွၤအသးအိၣ်ဝဲဆိးဝဲ လၢသုပူၤန့ၣ်, မ့ၢ်သုတသ့ၣ်ညါဘၣ်ဧါ. ပှၤတဂၤ ဂၤမ့ၢ်မၤဟးဂီၤယွၤအတၢ်လုၢ်ဟံၣ်ဒီး, ယွၤကမၤဟး ဂီၤအီၤလီၤ.အဂ့ၢ်ဒ်အံၤ, ယွၤအတၢ်လုၢ်ဟံၣ်မ့ၢ်တၢ်စီ ဆှံ,ဒီးသုမ့ၢ်အဝဲန့ၣ်လီၤ.
မ်ပှၤသုတလီလီၤအသးနီတဂၤတဂ့ၤ, ပှၤတဂၤဂၤ လၢသုကျါမ့ၢ်ဆိကမိၣ်လၢ အမ့ၢ်ပှၤကူၣ်တၢ်သ့လၢ အအံၤတဃၣ်ဒီး, မ်အကဲထီၣ်ပှၤဟးဂီၤဖိ,ဒ်သိးအက ကဲလၢပှၤကူၣ်တၢ်သ့န့ၣ်တက့ၢ်. အဂ့ၢ်ဒ်အံၤ, တၢ် ကူၣ်သ့ဘၣ်ဃးဒီးဟီၣ်ခိၣ်အံၤ, မ့ၢ်တၢ်ကလီကလီလၢ ယွၤအမဲာ်ညါလီၤ. အဂ့ၢ်ဒ်အံၤ,တၢ်ကွဲအသး,ယွၤဖီၣ် န့ၢ်ပှၤကူၣ်တၢ်သ့လၢ အတၢ်ကူၣ်တၢ်ဆးဒၣ်ဝဲအပူၤ လီၤ.. ဒီးစံးကဒီးဝဲ,ယွၤသ့ၣ်ညါပှၤကူၣ်တၢ်သ့အတၢ်ဆိကမိၣ်,လၢအမ့ၢ်တၢ်ကလီကလီလီၤ.
မၤသးဒ်န့ၣ်ဒီး မ်ပှၤသုတပာ်အသးကဖၢလၢလၢပှၤ ကညီအပူၤနီတဂၤတဂ့ၤ. အဂ့ၢ်ဒ်အံၤ, တၢ်ခဲလၢာ်မ့ၢ် သုတၢ်လီၤ. စီၤပီလူးမ့ၢ်ဂ့ၤ, စီၤအပီးလိၤမ့ၢ်ဂ့ၤ, စီၤ က့ၤဖးမ့ၢ်ဂ့ၤ, ဟီၣ်ခိၣ်မ့ၢ်ဂ့ၤ, တၢ်မူမ့ၢ်ဂ့ၤ,တၢ်သံမ့ၢ်ဂ့ၤ, တၢ်မၤအသးခဲကနံၣ်အံၤမ့ၢ်ဂ့ၤ, တၢ်ကမၤအသးဆူညါ မ့ၢ်ဂ့ၤ, တၢ်ခဲလၢာ်မ့ၢ်သုတၢ်, ဒီးသုမ့ၢ်ခရံာ်အတၢ်, ဒီးခရံာ်မ့ၢ်ယွၤအတၢ်လီၤ.

Listen to လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၃