Asheninka, Pichis 2008 WBT (NT) Drama

<div class="version vid238 iso6393cpu" data-vid="238" data-iso6393="cpu">
 <div class="book bkMRK">
 <div class="chapter ch8" data-usfm="MRK.8">
 <div class="label">8</div><div class="s">Jovakaari Jes&#250;s 4,000 shirampari</div><div class="r">(Mt. 15.32-39)</div><div class="p"> 1Ikanta japatotaiyanira osheki atziri, thonkapaaka irovarite. Ikaimakeri Jes&#250;s iriyotaane ikantziri: 2&#8220;Antaro netakoshiretakari atziripayeeni. Tema mavatake kitaite itsipatakana jaka, tekatsitapaake irovaiyaari. 3Aririka notyaantairi, ari aakeri itashe avotsiki, tema tzimayetatsi po&#241;aachari intaina.&#8221; 4Jakanake iriyotaane, ikantziri: &#8220;&#191;Tsikama ayeka ovakaiyaariri jaka tsika te inampiitaro?&#8221; 5Josampitziri Jes&#250;s: &#8220;&#191;Tsikama okaratzi tanta tzimatsiri?&#8221; Ikantaiyini irirori: &#8220;Tzimatsi 7.&#8221; 6Ipo&#241;a jomisaikakaantakeri Jes&#250;s maaroni atziri kipatsiki. Jaakero 7 tanta, ipaasoonkeventakero, ipetoryaakero, ipakeri iriyotaane jovavisaakeneri atziripayeeni irirori. 7Tzimitacha eejatzi tsikarika ikaratzi shimaaniki. Ipaasoonkeventakeri eejatzi, ipayeetakeri atziripayeeni. 8Ovaiyakani maaroni, kematziitaiyakani. Ijaikitai okaratzi tzimakaantapaintsiri 7 kantziri. 9Maaroni ovainchari aamaaka ikaratzi 4,000 shirampari. Ari jomityaantayetairiri. 10Ipo&#241;a jotetanaa Jes&#250;s pitotsiki itsipatanaari iriyotaane, montyaakotanaa intatsikeronta opaitara Dalmanuta.</div><div class="s">Ikovakoyeetziri Jes&#250;s intasonkaventante</div><div class="r">(Mt. 16.1-4; Lc. 12.54-56)</div><div class="p"> 11Ipo&#241;a ipokaiyapaakeni Fariseo, i&#241;aanaminthatapaakeri Jes&#250;s, ikovi iri&#241;eero intasonkaventante, iro iriyotantaityaari omaperotatya opo&#241;a itasorenka inkiteki, tema i&#241;aantatyaari. 12Jovineenkatanaka Jes&#250;s, ikantzi: &#8220;&#191;Opaitama ikovantari iri&#241;eena nontasonkaventante irikapayeeni? Eero no&#241;aakimaitari. Omaperora.&#8221; 13Piyanaka Jes&#250;s, montyaakotanaa.</div><div class="s">Shineyakairori itantane Fariseo</div><div class="r">(Mt. 16.5-12)</div><div class="p"> 14Ari ipeyakotanakaro iriyotaane iraanontanakyaami tanta, intaani jaamatsitanake aparoni janta ipitoki. 15Ari ikantzi Jes&#250;s: &#8220;Ontzimatye paamaventyaaro shineyakairori itantane Fariseo eejatzi irashi Herodes.&#8221; 16Ari i&#241;aanatavakaiyani iriyotaane, ikantavakaa: &#8220;Kaarima amantaka tanta.&#8221; 17Ikanta Jes&#250;s jiyotake ikantavakaari iriyotaane, ikantzi: &#8220;&#191;Ipaitama pikantavakaamentari: &#8216;Kaari amantaka tanta?&#8217; &#191;Tema pikemi? Kisoshire pikantaka. 18Tzimavetacha poki te pi&#241;aante, tzimavetacha piyempita te pinkeme. &#191;Tema pinkinkishiryeero noshekyaantakarori tanta? 19Tema 5 tanta tzimavetacha, iro kantamaitacha jovaiyakani 5,000 shirampari. Piyoyagairo okaratzi tzimakaantapaintsiri. &#191;Tsikama okaratzi kantziri jaikitaachari?&#8221; Ikantaiyini: &#8220;12 kantziri.&#8221; 20&#8220;Eejatzi nokempitaakero, karavetachari 7 tanta, jovaiyakani 4,000 shirampari. Piyoyagairo tzimakaantapaintsiri. &#191;Tsika okaratzi kantziri pijaikitairi?&#8221; Ikantaiyini: &#8220;7 kantziri.&#8221; 21Ari ikantziri: &#8220;&#191;Tekerama pinkemathateroota?&#8221;</div><div class="s">Jovashincheetziri mavityaakiri</div><div class="p"> 22Areetaka Jes&#250;s nampitsiki Betsaida. Jamaitakeneri mavityaakiri, ikantaitapaakeri: &#8220;Pantantanakyaari kapicheeni pako.&#8221; 23Ipo&#241;a Jes&#250;s, jakathavakotanakeri. Jaanakeri othapiki nampitsi. Ichoontaakitakeri, jantantakari kapicheeni irako. Josampitzimaitari: &#8220;&#191;Kantatsi pamene?.&#8221; 24Ari jamenanake, ikantzi: &#8220;Amenavetaana, no&#241;aavetaari atziri janiitaiyini, iro kantamaitacha te inko&#241;aaperote, joshiyakaro inchato.&#8221; 25Ipo&#241;a japiitakeri ipampitaakitziri, i&#241;aantaari jamenakagairi eejatzi. Ari jeshitakotanake, ko&#241;aatanai jameni intaina, i&#241;aanairo maaroni. 26Jotyaantairi, ikantavairi: &#8220;Eerora pikenanai nampitsiki, te nonkove pinkamantakotena.&#8221;</div><div class="s">Jiyotake Pedro: Cristo inatzi irika Jes&#250;s</div><div class="r">(Mt. 16.13-20; Lc. 9.18-21)</div><div class="p"> 27Ipo&#241;a jovaanaka Jes&#250;s, itsipatanaari iriyotaane, iriyaatero maaroni nampitsi saikatsiri Cesarea-ki inampitsiteki Filipo. Okanta niyanki avotsi josampitakeri iriyotaane, ikantziri: &#8220;&#191;Ipaitama ikinkishiretakotanari atziripayeeni?&#8221; 28Ari jakaiyanakeni: &#8220;Ikantayeetzi Juan-ni oviinkaatantaneri pinatzi, ikantayeetzi eejatzi El&#237;as pinatzi. Tzimatsi kantayetatsiri eejatzi pashine, kamantantaneri piriintaacha.&#8221; 29Ipo&#241;a josampitanakeri irirori, ikantziri: &#8220;&#191;Opaita pikinkishiretari eeroka?&#8221; Ari jakanake Pedro: &#8220;&#161;Cristo pinatzi!.&#8221; 30Ikantzi Jes&#250;s: &#8220;Eerora pikamantakotana.&#8221;</div><div class="s">I&#241;aaventziro Jes&#250;s inkame</div><div class="r">(Mt. 16.21-28; Lc. 9.22-27)</div><div class="p"> 31Ari jetanakaro Jes&#250;s ikamantziri iriyotaane onkarate avishimoterine, tema iri apaniro paitaincha Itomi Atziri. Ikantziri: &#8220;Oshekira no&#241;eero no&#241;aashitakoventyaami. Osheki inkisaneentena pinkatharipayeeni, eejatzi ijevarepayeeni omperatasorentsitaari, eejatzi ikaratzi iyotzinkariite. Irovamaakaantena. Iro avisavetakya mava kitaite, a&#241;agaana.&#8221; 32Ari ikantakeriri, te iromanero. Ipo&#241;a Pedro, jaanakeri Jes&#250;s jantyaatziini, ikovavetaka inkaminairimi. 33Ipithokapithatanakari, jamenanakeri iriyotaane, ikisathatanakeri Pedro, ikantziri: &#8220;&#161;Piyaate Satan&#225;s! Tera poshiretaro eeroka ikovakaantziri Pava, intaani poshiretaro ikovayetziri atziriite.&#8221; 34Ipo&#241;a ikaimakeri Jes&#250;s piyotzimentakariri, ikaimakeri eejatzi iriyotaane, ikantakeri: &#8220;Tzimatsirika kovatsiri intsipatyaana irovashaantairo ikovashiyetari irantero. Onkantavetya impaikakoiterimi, intsipatyaana. 35Ikaratzi etakovaitachari apaniro jantayetziro inevetashiyetari, ari impeyashitakya. Iriima inkarate kamimentenane, okantakaantziro ikempisantziro Kameethari &#209;aantsi, aritake iravisakoshiretai. 36Amenaavaitashitara i&#241;eetziro otzimimotantzi osheki ovaakarontsi tzimayetatsiri jaka kipatsi, impo&#241;a iri&#241;eetairo impeyaashiitaiyaaro a&#241;aantarentsi. 37&#191;Kantatsima impinakoventaitya eero i&#241;aantaitaro impeyashitaitya? 38Tema ikaratzi pashikiventakotanari naaka i&#241;aaventaina kaariperoshireriki atziri, ari nonkantzitaiyaari naaka eejatzi nompashikiventairi apaata aririka nompiye namairo irovaneenkaro Ashitanari nontsipataiyaari maninkariite, tema naaka Itomi Atziri.&#8221;</div>
 </div>
 </div>
</div>

Ikanta japatotaiyanira osheki atziri, thonkapaaka irovarite. Ikaimakeri Jesús iriyotaane ikantziri: “Antaro netakoshiretakari atziripayeeni. Tema mavatake kitaite itsipatakana jaka, tekatsitapaake irovaiyaari. Aririka notyaantairi, ari aakeri itashe avotsiki, tema tzimayetatsi poñaachari intaina.” Jakanake iriyotaane, ikantziri: “¿Tsikama ayeka ovakaiyaariri jaka tsika te inampiitaro?” Josampitziri Jesús: “¿Tsikama okaratzi tanta tzimatsiri?” Ikantaiyini irirori: “Tzimatsi 7.” Ipoña jomisaikakaantakeri Jesús maaroni atziri kipatsiki. Jaakero 7 tanta, ipaasoonkeventakero, ipetoryaakero, ipakeri iriyotaane jovavisaakeneri atziripayeeni irirori. Tzimitacha eejatzi tsikarika ikaratzi shimaaniki. Ipaasoonkeventakeri eejatzi, ipayeetakeri atziripayeeni. Ovaiyakani maaroni, kematziitaiyakani. Ijaikitai okaratzi tzimakaantapaintsiri 7 kantziri. Maaroni ovainchari aamaaka ikaratzi 4,000 shirampari. Ari jomityaantayetairiri. Ipoña jotetanaa Jesús pitotsiki itsipatanaari iriyotaane, montyaakotanaa intatsikeronta opaitara Dalmanuta.


Ipoña ipokaiyapaakeni Fariseo, iñaanaminthatapaakeri Jesús, ikovi iriñeero intasonkaventante, iro iriyotantaityaari omaperotatya opoña itasorenka inkiteki, tema iñaantatyaari. Jovineenkatanaka Jesús, ikantzi: “¿Opaitama ikovantari iriñeena nontasonkaventante irikapayeeni? Eero noñaakimaitari. Omaperora.” Piyanaka Jesús, montyaakotanaa.


Ari ipeyakotanakaro iriyotaane iraanontanakyaami tanta, intaani jaamatsitanake aparoni janta ipitoki. Ari ikantzi Jesús: “Ontzimatye paamaventyaaro shineyakairori itantane Fariseo eejatzi irashi Herodes.” Ari iñaanatavakaiyani iriyotaane, ikantavakaa: “Kaarima amantaka tanta.” Ikanta Jesús jiyotake ikantavakaari iriyotaane, ikantzi: “¿Ipaitama pikantavakaamentari: ‘Kaari amantaka tanta?’ ¿Tema pikemi? Kisoshire pikantaka. Tzimavetacha poki te piñaante, tzimavetacha piyempita te pinkeme. ¿Tema pinkinkishiryeero noshekyaantakarori tanta? Tema 5 tanta tzimavetacha, iro kantamaitacha jovaiyakani 5,000 shirampari. Piyoyagairo okaratzi tzimakaantapaintsiri. ¿Tsikama okaratzi kantziri jaikitaachari?” Ikantaiyini: “12 kantziri.” “Eejatzi nokempitaakero, karavetachari 7 tanta, jovaiyakani 4,000 shirampari. Piyoyagairo tzimakaantapaintsiri. ¿Tsika okaratzi kantziri pijaikitairi?” Ikantaiyini: “7 kantziri.” Ari ikantziri: “¿Tekerama pinkemathateroota?”

Areetaka Jesús nampitsiki Betsaida. Jamaitakeneri mavityaakiri, ikantaitapaakeri: “Pantantanakyaari kapicheeni pako.” Ipoña Jesús, jakathavakotanakeri. Jaanakeri othapiki nampitsi. Ichoontaakitakeri, jantantakari kapicheeni irako. Josampitzimaitari: “¿Kantatsi pamene?.” Ari jamenanake, ikantzi: “Amenavetaana, noñaavetaari atziri janiitaiyini, iro kantamaitacha te inkoñaaperote, joshiyakaro inchato.” Ipoña japiitakeri ipampitaakitziri, iñaantaari jamenakagairi eejatzi. Ari jeshitakotanake, koñaatanai jameni intaina, iñaanairo maaroni. Jotyaantairi, ikantavairi: “Eerora pikenanai nampitsiki, te nonkove pinkamantakotena.”


Ipoña jovaanaka Jesús, itsipatanaari iriyotaane, iriyaatero maaroni nampitsi saikatsiri Cesarea-ki inampitsiteki Filipo. Okanta niyanki avotsi josampitakeri iriyotaane, ikantziri: “¿Ipaitama ikinkishiretakotanari atziripayeeni?” Ari jakaiyanakeni: “Ikantayeetzi Juan-ni oviinkaatantaneri pinatzi, ikantayeetzi eejatzi Elías pinatzi. Tzimatsi kantayetatsiri eejatzi pashine, kamantantaneri piriintaacha.” Ipoña josampitanakeri irirori, ikantziri: “¿Opaita pikinkishiretari eeroka?” Ari jakanake Pedro: “¡Cristo pinatzi!.” Ikantzi Jesús: “Eerora pikamantakotana.”


Ari jetanakaro Jesús ikamantziri iriyotaane onkarate avishimoterine, tema iri apaniro paitaincha Itomi Atziri. Ikantziri: “Oshekira noñeero noñaashitakoventyaami. Osheki inkisaneentena pinkatharipayeeni, eejatzi ijevarepayeeni omperatasorentsitaari, eejatzi ikaratzi iyotzinkariite. Irovamaakaantena. Iro avisavetakya mava kitaite, añagaana.” Ari ikantakeriri, te iromanero. Ipoña Pedro, jaanakeri Jesús jantyaatziini, ikovavetaka inkaminairimi. Ipithokapithatanakari, jamenanakeri iriyotaane, ikisathatanakeri Pedro, ikantziri: “¡Piyaate Satanás! Tera poshiretaro eeroka ikovakaantziri Pava, intaani poshiretaro ikovayetziri atziriite.” Ipoña ikaimakeri Jesús piyotzimentakariri, ikaimakeri eejatzi iriyotaane, ikantakeri: “Tzimatsirika kovatsiri intsipatyaana irovashaantairo ikovashiyetari irantero. Onkantavetya impaikakoiterimi, intsipatyaana. Ikaratzi etakovaitachari apaniro jantayetziro inevetashiyetari, ari impeyashitakya. Iriima inkarate kamimentenane, okantakaantziro ikempisantziro Kameethari Ñaantsi, aritake iravisakoshiretai. Amenaavaitashitara iñeetziro otzimimotantzi osheki ovaakarontsi tzimayetatsiri jaka kipatsi, impoña iriñeetairo impeyaashiitaiyaaro añaantarentsi. ¿Kantatsima impinakoventaitya eero iñaantaitaro impeyashitaitya? Tema ikaratzi pashikiventakotanari naaka iñaaventaina kaariperoshireriki atziri, ari nonkantzitaiyaari naaka eejatzi nompashikiventairi apaata aririka nompiye namairo irovaneenkaro Ashitanari nontsipataiyaari maninkariite, tema naaka Itomi Atziri.”

Listen to Marcos 8