Tte Pa̱'a̱li̱ Me' Skëköl tö Se' a̱ Bribri New Testament and Shorter Old Testament  Bible Society of Costa Rica 

Nuevo Testamento en Bribri con Antiguo Testamento corto © Sociedad Bíblica de Costa Rica, 1904, 2007, 2010. ℗ 2007 Hosanna

Tte Pa̱'a̱li̱ Me' Skëköl tö Se' a̱

<div class="version vid234 iso6393bzd" data-vid="234" data-iso6393="bzd">
 <div class="book bk1TI">
 <div class="chapter ch5" data-usfm="1TI.5">
 <div class="label">5</div><div class="s">We&#817;s be' k&#233; se&#817;nuk Jes&#250;s mik e&#817;rbl&#246;kwakpa ta&#817;</div><div class="p"> 1W&#235;pa k&#235;k&#235;patke esepa k&#235;&#768; u&#241;ar k&#235;sik wa, e' sk&#233;ie ie'pa patt&#246;&#769; e&#817;r bua' wa we&#817;s s'y&#235;&#769;w&#246; es. Duladulapa patt&#246;&#769; we&#817;s s'&#235;lpa es. 2Es &#241;ies alak&#246;lpa k&#235;k&#235;patke, e' patt&#246;&#769; we&#817;s s'm&#236; es. &#209;ies busipa patt&#246;&#769; we&#817;s s'kutapa es e&#817;r y&#235;sy&#235;s&#235; wa.</div><div class="p"> 3Alak&#246;lpa sch&#246;&#769; sia&#817;r&#235;la, k&#235;&#768; wa&#817; yi ta&#817;' e&#817;' kk&#246;'nuk, esepa dal&#246;i&#246;&#769;, esepa kk&#246;'n&#250;. 4Er&#235; sch&#246;&#769;pa wa&#817; ala'r ta&#817;' &#246; uy&#246;kpa ta&#817;' &#246; wi&#817;'chkepa ta&#817;' esepa ala'r &#246; isibay&#246;kpa ka&#817;w&#246;ta&#817; e&#817;' w&#246;bla'u&#817;k iwi&#817;ke&#817;la &#246; im&#236; a&#817;te&#817; sia&#817;r&#235; e' kk&#246;'nuk imipa t&#246; ie'pa kk&#246;na' e' sk&#233;ie. E' w&#235;r bua&#235; Sk&#235;k&#246;l wa. 5Alak&#246;lpa sch&#246;&#769; k&#235;&#768; wa&#817; yi ta&#817;' e&#817;' kk&#246;'nuk, se&#817;rke ek&#246;rla, morke Sk&#235;k&#246;l &#235;&#768; mik, tt&#246;ke ie' ta&#817; &#241;i&#235; na&#241;e&#235;, esepa ka&#817;w&#246;ta&#817; ki&#817;m&#232;. 6Er&#235; alak&#246;lpa sch&#246;&#769;pa e&#817;' mettsa&#817; &#236; sulu wambl&#246;k e&#817;' tts&#235;'wo&#817;ie bua&#235; esepa tso' tts&#235;'ka, er&#235; Sk&#235;k&#246;l a&#817; ie'pa d&#246;r we&#817;s s'duulewa&#817; es. Esepa k&#235;&#768; ka&#817;w&#246; ta&#817;' ki&#817;m&#232;. 7Tt&#232; e' w&#224; iu&#817;t&#246;k s'yamipa k&#246;&#769; a&#817;s k&#235;&#768; yi t&#246; &#236; sulu k&#249;&#817; ie'pa ki&#817; ikkatoie. 8Es yi k&#235;&#768; t&#246; iyamipa kk&#246;'n&#232;, k&#235;&#768; t&#246; iyamipa e&#817;kka kk&#246;'n&#232; bua'iewa&#817;, ese t&#246; tt&#232; mik se' e&#817;rbl&#246;ke e' wat&#233;ttsa&#817;. Ie' d&#246;r sulu&#235; tk&#246;&#768;ka&#817; p&#235;' k&#235;&#768; e&#817;rbl&#246;ta&#817;' Jes&#250;s mik esepa tsa&#817;ta&#817;.</div><div class="p"> 9Alak&#246;lpa sch&#246;&#769; ki&#817; duas de dabom tery&#246;k (60) &#246; k&#237;&#817; ta&#817;, se&#817;newa&#817;bak w&#235;m ek&#246;l &#235;&#768; ta&#817;, esepa &#235;&#768; ki&#232; sht&#246;&#769; ki&#817;m&#232;. 10E' k&#237;&#817;ie ta&#817; ijche&#817;r sulitane wa&#817; t&#246; ie'pa s'ki&#817;meke bua&#235;, ie'pa ala'r talao&#817;' bua&#235;, ie'pa t&#246; ipak&#246;kwakpa datse&#817; b&#225;net esepa ki'wa&#817; bua&#235;, k&#235;&#768; ie'pa tkine kan&#232; &#235;se u&#817;k s'batse'r male&#817;pa ki&#817;moie, &#241;ies s'weirke esepa ki&#817;meke ie'pa t&#246;, ie'pa e&#817;' muke &#237;yi bua&#235; ko&#817;s ese u&#817;k e' wawe&#817;ke ie'pa t&#246;. Alak&#246;lpa sch&#246;&#769; esepa ki&#232; sht&#246;k se' ka&#817;w&#246;ta&#817; y&#235;kku&#246; ki&#817; iki&#817;moie.</div><div class="p"> 11,12Er&#235; alak&#246;lpa sch&#246;&#769; ka&#817;m ki&#817; duas d&#246;&#768; dabom tery&#246;k (60) esepa ki&#232; k&#235;&#768; shtar y&#235;kku&#246; ki&#817;, esepa k&#235;&#768; ka&#817;w&#246;ta&#817; ki&#817;m&#232;. Ie'pa t&#246; ich&#232;mi Cristo a&#817; t&#246; k&#235;&#768; sa' se&#817;rpawa&#817;ne, er&#235; ie'pa e&#817;rki&#246;w&#233;&#817;ne w&#235;pa t&#246;, e' ta&#817; ie'pa se&#817;rdawa&#817;ne. Es ie'pa tt&#232; me' kua&#235;, e' k&#235;&#768; dal&#246;i&#235;ne ie'pa wa&#817;, e' ta&#817; e' nu&#237;&#817; a&#817;te&#817; ie'pa ki&#817;. E' kue&#817;ki&#817; esepa ki&#232; k&#235;&#768; shtar y&#235;kku&#246; ki&#817; a&#817;s k&#235;&#768; itk&#246;&#768; ie'pa ta&#817; es. 13&#209;ies a' t&#246; alak&#246;lpa sch&#246;&#769; esepa ki&#817;m&#233; eta&#817; ie'pa bik&#235;rdaka&#817; tai&#817;&#235;, micho&#235; upak&#246;k u &#235;t u &#235;t biy&#246;bl&#246;k sulu&#235;, e&#817;' ti&#249;&#817; mir mir s'yamipa tsiriu&#817;k, tt&#232; k&#235;&#768; y&#235;r ta&#817;' ese cherami shabatshabat. 14E' kue&#817;ki&#817; alak&#246;lpa sch&#246;&#769; i&#224;&#817; busipa, esepa a&#817; ye' t&#246; ich&#232; t&#246; a' se&#817;n&#250;wa&#817;ne, a' ala'r k&#246;&#769;ka&#817;ne, a' w&#225;kpa u kane&#250;&#817;. Ie'pa t&#246; iw&#233;&#817; es eta&#817; p&#235;' k&#235;&#768; w&#246;bats&#246; Jes&#250;s tt&#232; wa e'pa k&#235;&#768; t&#246; se' chepa sulu&#235;. 15Alak&#246;lpa sch&#246;&#769; we&#817;lepa a&#817;nemibakne Cristo tt&#232; y&#246;ki&#817; tso'ne Satan&#225;s tt&#246;&#768; iu&#817;t&#246;k, e' kue&#817;ki&#817; ye' t&#246; ich&#232; es.</div><div class="p"> 16Alak&#246;l isie d&#246;r Jes&#250;s mik e&#817;rbl&#246;kwak, e' yamipa al&#232; d&#246;r alak&#246;lpa sch&#246;&#769;, eta&#817; ie' k&#233; ie'pa kk&#246;'nuk a&#817;s kan&#232; e' k&#235;&#768; a&#817;rka&#817; Sk&#235;k&#235;pa icha male&#817;pa ki&#817;. Es imale&#817;pa t&#246; alak&#246;lpa sch&#246;&#769; k&#235;&#768; wa&#817; yi ta&#817;' e&#817;' kk&#246;'nuk, esepa kk&#246;'nemi.</div><div class="p"> 17Sk&#235;k&#235;pa Jes&#250;s icha erule erule e'pa w&#246;kirpa t&#246; se' w&#235;ttse&#817;ke bua&#235;, esepa ka&#817;w&#246;ta&#817; dal&#246;i&#232; tai&#817;&#235; patu&#232;&#817; bua&#235;. Ie'pa w&#233;&#817;pa e&#817;' ch&#233; s'patt&#246;k s'w&#246;bla'u&#817;k Sk&#235;k&#246;l tt&#232; wa, esepa ka&#817;w&#246;ta&#817; pasu&#232;&#817; bua'iewa&#817;. 18Sk&#235;k&#246;l y&#235;kku&#246; t&#246; ich&#232;: &#8220;Baka w&#235;'&#241;e tso' kanebloie trigo w&#246;ttsoie, e' k&#235;&#768; ka&#817;w&#246; ta&#817;' kk&#246;&#768; payu&#232;wa&#817; itso' kanebl&#246;k e' dalewa a&#817;s ie' t&#246; trigow&#246; kat&#246;&#768;.&#8221; &#209;ies ich&#232;it&#246;: &#8220;Kanebl&#246;kwakpa ka&#817;w&#246;ta&#817; patu&#232;&#817;.&#8221; E' kue&#817;ki&#817; s'w&#246;kirpa pasa&#817;u&#817;k bua&#235; se' ka&#817;w&#246;ta&#817;. </div><div class="p"> 19Yile debitu&#817; s'w&#246;kirpa ek&#246;l kkat&#246;k, ese k&#235;&#768; iu&#817;tar. Er&#235; mik idebitu&#817;rak b&#246;l ma&#241;al ikkat&#246;k ta&#817; ich&#233; t&#246; ie'pa t&#246; isu&#233;&#817;, eta&#817; tt&#232; e' w&#224; chak&#246;&#769; t&#246; iy&#235;ne &#246; k&#235;&#768; iy&#235;ne. 20S'w&#246;kirpa t&#246; &#236; sulu wamblekeia&#817;, k&#235;&#768; &#233;&#817;na ilo'yak, esepa w&#246;u&#241;&#250; s'yamipa ulitane w&#246;rki&#817; a&#817;s imale&#817;pa suarka&#817; ta&#817; ie'pa k&#235;&#768; t&#246; &#237;yi sulu wambl&#246;&#768;.</div><div class="p"> 21Ye' t&#246; be' a&#817; icheke Sk&#235;k&#246;l w&#246;rki&#817; &#241;ies Jesucristo w&#246;rki&#817; &#241;ies Sk&#235;k&#246;l biy&#246;ch&#246;kwakpa shu&#817;kitule e'pa w&#246;rki&#817; t&#246; tt&#232; ekk&#235;pa w&#224; iu&#817;t&#246;&#769; &#241;ikk&#235;&#235; s'w&#246;kirpa ulitane ta&#817;. Ie'pa sa&#817;&#250;&#817; &#241;ikk&#235;&#235;. 22K&#235;&#768; yi marka&#817; betbet s'w&#246;kirie. Mik be' t&#246; imekeka&#817;, eta&#817; iw&#224; bikeits&#246;&#769;wa&#817; bua&#235; ke&#817;we. W&#235;m t&#246; &#236; sulu wambl&#233;, ese m&#233;ka&#817;b&#246; s'w&#246;kirie e' ta&#817; ie'pa t&#246; ich&#232;mi t&#246; be' tso' ie' pabak&#246;k. &#209;ies be' sue&#817;ra&#235; sulu&#235; ie'pa t&#246;. Be' e&#817;' kk&#246;'n&#250; batse'r &#236; sulu ko&#817;s e' y&#246;ki&#817;.</div><div class="p"> 23Be' shu&#817; dal&#235;r &#241;i&#235;, e' kue&#817;ki&#817; k&#235;&#768; be' k&#224;ne di' &#235;&#768; y&#246;k. Mikle ta&#817; vino y&#246;&#769; elkela kap&#246;liie.</div><div class="p"> 24&#204; sulu wambleke we&#817;lepa t&#246; ese jche&#817;rwa&#817; sulitane wa&#817; bet, ka&#817;m ishu&#817;lir e' y&#246;ki&#817;. Er&#235; &#236; sulu sk&#224; tso' ese k&#235;&#768; jche&#817;rwa&#817; yi wa&#817; d&#246;&#768; aishku&#246; ta&#817; mik ishu&#817;line eta&#817;. 25Es &#241;ies &#236; bua&#235; we&#817;kes&#246; ese w&#235;rwa&#817; bet. Er&#235; k&#235;&#768; iw&#235;ne bet, e' ta&#817; iw&#235;rda&#235; aishku&#246; ta&#817;, k&#235;&#768; ibl&#235;nuk. E' kue&#817;ki&#817; k&#235;&#768; yi marka&#817; betbet s'w&#246;kirie ka&#817;m iw&#224; bike&#236;tswa&#817; bua&#235; e' y&#246;ki&#817;.</div>
 </div>
 </div>
</div>

Wëpa këkëpatke esepa kë̀ uñar kësik wa, e' skéie ie'pa pattö́ e̱r bua' wa we̱s s'yë́wö es. Duladulapa pattö́ we̱s s'ëlpa es. Es ñies alakölpa këkëpatke, e' pattö́ we̱s s'mì es. Ñies busipa pattö́ we̱s s'kutapa es e̱r yësyësë wa.
Alakölpa schö́ sia̱rëla, kë̀ wa̱ yi ta̱' e̱' kkö'nuk, esepa dalöiö́, esepa kkö'nú. Erë schö́pa wa̱ ala'r ta̱' ö uyökpa ta̱' ö wi̱'chkepa ta̱' esepa ala'r ö isibayökpa ka̱wöta̱ e̱' wöbla'u̱k iwi̱ke̱la ö imì a̱te̱ sia̱rë e' kkö'nuk imipa tö ie'pa kköna' e' skéie. E' wër buaë Skëköl wa. Alakölpa schö́ kë̀ wa̱ yi ta̱' e̱' kkö'nuk, se̱rke ekörla, morke Skëköl ë̀ mik, ttöke ie' ta̱ ñië nañeë, esepa ka̱wöta̱ ki̱mè. Erë alakölpa schö́pa e̱' mettsa̱ ì sulu wamblök e̱' ttsë'wo̱ie buaë esepa tso' ttsë'ka, erë Skëköl a̱ ie'pa dör we̱s s'duulewa̱ es. Esepa kë̀ ka̱wö ta̱' ki̱mè. Ttè e' wà iu̱tök s'yamipa kö́ a̱s kë̀ yi tö ì sulu kù̱ ie'pa ki̱ ikkatoie. Es yi kë̀ tö iyamipa kkö'nè, kë̀ tö iyamipa e̱kka kkö'nè bua'iewa̱, ese tö ttè mik se' e̱rblöke e' watéttsa̱. Ie' dör suluë tkö̀ka̱ pë' kë̀ e̱rblöta̱' Jesús mik esepa tsa̱ta̱.
Alakölpa schö́ ki̱ duas de dabom teryök (60) ö kí̱ ta̱, se̱newa̱bak wëm eköl ë̀ ta̱, esepa ë̀ kiè shtö́ ki̱mè. E' kí̱ie ta̱ ijche̱r sulitane wa̱ tö ie'pa s'ki̱meke buaë, ie'pa ala'r talao̱' buaë, ie'pa tö ipakökwakpa datse̱ bánet esepa ki'wa̱ buaë, kë̀ ie'pa tkine kanè ëse u̱k s'batse'r male̱pa ki̱moie, ñies s'weirke esepa ki̱meke ie'pa tö, ie'pa e̱' muke íyi buaë ko̱s ese u̱k e' wawe̱ke ie'pa tö. Alakölpa schö́ esepa kiè shtök se' ka̱wöta̱ yëkkuö ki̱ iki̱moie.
Erë alakölpa schö́ ka̱m ki̱ duas dö̀ dabom teryök (60) esepa kiè kë̀ shtar yëkkuö ki̱, esepa kë̀ ka̱wöta̱ ki̱mè. Ie'pa tö ichèmi Cristo a̱ tö kë̀ sa' se̱rpawa̱ne, erë ie'pa e̱rkiöwé̱ne wëpa tö, e' ta̱ ie'pa se̱rdawa̱ne. Es ie'pa ttè me' kuaë, e' kë̀ dalöiëne ie'pa wa̱, e' ta̱ e' nuí̱ a̱te̱ ie'pa ki̱. E' kue̱ki̱ esepa kiè kë̀ shtar yëkkuö ki̱ a̱s kë̀ itkö̀ ie'pa ta̱ es. Ñies a' tö alakölpa schö́ esepa ki̱mé eta̱ ie'pa bikërdaka̱ tai̱ë, michoë upakök u ët u ët biyöblök suluë, e̱' tiù̱ mir mir s'yamipa tsiriu̱k, ttè kë̀ yër ta̱' ese cherami shabatshabat. E' kue̱ki̱ alakölpa schö́ ià̱ busipa, esepa a̱ ye' tö ichè tö a' se̱núwa̱ne, a' ala'r kö́ka̱ne, a' wákpa u kaneú̱. Ie'pa tö iwé̱ es eta̱ pë' kë̀ wöbatsö Jesús ttè wa e'pa kë̀ tö se' chepa suluë. Alakölpa schö́ we̱lepa a̱nemibakne Cristo ttè yöki̱ tso'ne Satanás ttö̀ iu̱tök, e' kue̱ki̱ ye' tö ichè es.
Alaköl isie dör Jesús mik e̱rblökwak, e' yamipa alè dör alakölpa schö́, eta̱ ie' ké ie'pa kkö'nuk a̱s kanè e' kë̀ a̱rka̱ Skëkëpa icha male̱pa ki̱. Es imale̱pa tö alakölpa schö́ kë̀ wa̱ yi ta̱' e̱' kkö'nuk, esepa kkö'nemi.
Skëkëpa Jesús icha erule erule e'pa wökirpa tö se' wëttse̱ke buaë, esepa ka̱wöta̱ dalöiè tai̱ë patuè̱ buaë. Ie'pa wé̱pa e̱' ché s'pattök s'wöbla'u̱k Skëköl ttè wa, esepa ka̱wöta̱ pasuè̱ bua'iewa̱. Skëköl yëkkuö tö ichè: “Baka wë'ñe tso' kanebloie trigo wöttsoie, e' kë̀ ka̱wö ta̱' kkö̀ payuèwa̱ itso' kaneblök e' dalewa a̱s ie' tö trigowö katö̀.” Ñies ichèitö: “Kaneblökwakpa ka̱wöta̱ patuè̱.” E' kue̱ki̱ s'wökirpa pasa̱u̱k buaë se' ka̱wöta̱.
Yile debitu̱ s'wökirpa eköl kkatök, ese kë̀ iu̱tar. Erë mik idebitu̱rak böl mañal ikkatök ta̱ iché tö ie'pa tö isué̱, eta̱ ttè e' wà chakö́ tö iyëne ö kë̀ iyëne. S'wökirpa tö ì sulu wamblekeia̱, kë̀ é̱na ilo'yak, esepa wöuñú s'yamipa ulitane wörki̱ a̱s imale̱pa suarka̱ ta̱ ie'pa kë̀ tö íyi sulu wamblö̀.
Ye' tö be' a̱ icheke Skëköl wörki̱ ñies Jesucristo wörki̱ ñies Skëköl biyöchökwakpa shu̱kitule e'pa wörki̱ tö ttè ekkëpa wà iu̱tö́ ñikkëë s'wökirpa ulitane ta̱. Ie'pa sa̱ú̱ ñikkëë. Kë̀ yi marka̱ betbet s'wökirie. Mik be' tö imekeka̱, eta̱ iwà bikeitsö́wa̱ buaë ke̱we. Wëm tö ì sulu wamblé, ese méka̱bö s'wökirie e' ta̱ ie'pa tö ichèmi tö be' tso' ie' pabakök. Ñies be' sue̱raë suluë ie'pa tö. Be' e̱' kkö'nú batse'r ì sulu ko̱s e' yöki̱.
Be' shu̱ dalër ñië, e' kue̱ki̱ kë̀ be' kàne di' ë̀ yök. Mikle ta̱ vino yö́ elkela kapöliie.
Ì sulu wambleke we̱lepa tö ese jche̱rwa̱ sulitane wa̱ bet, ka̱m ishu̱lir e' yöki̱. Erë ì sulu skà tso' ese kë̀ jche̱rwa̱ yi wa̱ dö̀ aishkuö ta̱ mik ishu̱line eta̱. Es ñies ì buaë we̱kesö ese wërwa̱ bet. Erë kë̀ iwëne bet, e' ta̱ iwërdaë aishkuö ta̱, kë̀ iblënuk. E' kue̱ki̱ kë̀ yi marka̱ betbet s'wökirie ka̱m iwà bikeìtswa̱ buaë e' yöki̱.

Listen to 1 Timoteo 5