Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Hhiee kosi Yeesu gwaa &#8260;imbiriiba ina</div><div class="p"> 1Qariqaaqari gimbakee giyaa ilii cati, Yeesu yaa ilakhookhocimi hhapee da Galilaaya. Ina yaa slaiyaaba hadakawa hhapee da Yudaayage, sa gimba giyaadimiisee da Wayahuudi gwaa slaiyay gaasaraa. 2Inkoo, losona gu Wayahuudi daa eteediidine losona gu cuurai&#297;#7:2 losona gu cuurai&#297;: Losona gu cuurai&#297; yaa losona gu balalu fanqu gu Wayahuudi, balalu hhakee fanquge, yaa ibimaamidiyay cuurai&#297; giyaa boo&#8260;imisiri hari elemu gu khai gu koomee loo&#8260;oo. Inay yaati laqiri teesaaqay sa hiislaslaw okookoi&#297; koina gwaa hhiyuudee haa gi ibiidiri kongoqomeege koraraa mibeeri cigahha. Slime yaa losonuusiri sa we&#8260;inay gu Sabiibu haa Seyituuni. Yu&#42892;udii kitaabuu gu Gimba gu Walaawi 23:33-36, 39-43; Hiislaslaw gu Sariyaa 16:13-16. Qatlay gu losonakii hida wa&#8260;a yaa hhiyuudiri Yerusaleemuge ma losonuusiri sliimaa. giyaa ilii daadaauusi, 3hhiee kosi Yeesu sugugi kaayri ina tuba, &#8220;Waaudi tiaa, taa&#8260;a yade hhapee da Yudaayage, sirakoomiisee doogu ma ariniri gimba gu baka&#42892;asa ga yondimaamite. 4Heedi gu sla&#42892;a duguma caahhi ha hida, yondiidiyaaba gimba gosi hari hhaaboo. Inkoo, bere ugu ha yondimaamita gimbaki, hangii ca&#8260;aside pandaa da hidage.&#8221; 5Hhiee kosi yaati gimbuusiri teesaaqay, sa gimba inay see yaa &#8260;imbiriiba Yeesu.</div><div class="p"> 6Yeesu gi ilaki&#8260;isi inay tuba, &#8220;Qatlay goy guraa hiiboo&#8260;u kahhi bu&#42892;uda. Daqa doogunay qatlay sliimaa hiraatiiboo&#8260;i. 7Hida gu khooroo hiidahhasiyaaiiba wakaraa unkuray. Ana hini wakiyay, sa gimba ana sigi ilatlatlaatlaw inay ambee, ibinaa dooina da tlakwi. 8Unkuray taa&#8260;amida hadakaw Yerusaleemuge sa losonakee. Ana hadakawaaba, sa gimba qatlay goy guraa hiiboo&#8260;u kahhi bu&#42892;uda.&#8221; 9Yeesu giyaa ilii hhe&#42892;esi coco&#42892;omoo gimbakee sa inay, ina gi meeti Galilaayage.</div><div class="p"> 10Qatlay hhiee kosi giyaa ilii waaudiri losonage yade Yerusaleemuge, slime Yeesu see yaa hadakay yade hari hhaaboo. Ina yaa hadakayba pandataa. 11Inkoo, giyaadimiisee da Wayahuudi gwaa damaamidiyay ina yade losonage, haa gi ilakoniri maamisu tuba, &#8220;Kaale wana heedikee?&#8221; 12Slime daa wana saasahhamoo wa&#8260;a tla&#8260;a&#227; gu raqoo gu hidage, sa gimba gu Yeesu. Hida wakinay yaa kakaakanay tuba, &#8220;Hi&#297; ti heedi gu hhou.&#8221; Kara wakinay yaa kakaakanay tuba, &#8220;Suti! Ina hiicoraaridi hida.&#8221; 13Teesaaqay see, hhaku heedi lensee gwaa gimbuusu gimba gosi pandataa, sa gimba yaa tla&#42892;amuudiri giyaadimiisee da Wayahuudi.</div><div class="s1">Yeesu caacaahhamisi losona gu cuurainge</div><div class="p"> 14Qatlay losona giyaa ilii day tla&#8260;antla&#8260;a, Yeesu yaa hadakay mara gu didiruge gu Iliitleemu, haa gi tlaatleesi caacaahhamisu. 15Giyaadimiisee da Wayahuudi gi bakairi sa caacaahhamisu gosi, gi kaayri tuba, &#8220;Heediki hi&#297; malee caahhi gimbaki, ina duguba caacaahhamisu see ha maarimamaa da sariyaa?&#8221;</div><div class="p"> 16Te&#42892;esii, Yeesu gi ilaki&#8260;isi inay tuba, &#8220;Caacaahhamisuki ga caacaahhaahhamise ti kooiiba ana loi, ti caacaahhamisu gu hikira gunaa ya&#8260;abu ana. 17Bere heedi slai yondu gimbaka&#42892;a da slaiye Iliitleemu, ina caahhi bere caacaahhamisu goy yaa daqa Iliitleemu dahhi baku hati giimaamisa gimba goy ana loi. 18Heedi gu gimbuusa hari hiidahhasa dosi, ina ti dabiidi muree dosi ina loi. Heedi gu dabiida daareesa da hikira gwaa ya&#8260;abu ina, hikee ti gimbuusi gimba gu lou, kara wa&#42892;ay kosii afa&#42892;afuuma wantaaba. 19Musaa sangwaa hadisiibaslii unkuray sariyaa da Iliitleemu? Teesaaqay see, wanaaba heedi lensee tla&#8260;a&#227; googunay gu iliikomaamida sariyaa. Inkoo, unkuray hani so&#42892;oyi sla&#42892;aday gaasaraa ana?&#8221;</div><div class="p"> 20Te&#42892;esii, hida hhakee gugi ilaki&#8260;isiri ina tuba, &#8220;Ugu ha konta gieeri gu tlakwi! Ti miyaa nugu slai gaasaraa ugu?&#8221;</div><div class="p"> 21Yeesu gigi ilaki&#8260;isi inay tuba, &#8220;Ana haa yondiidi gimba le&#7869; gu baka&#42892;asa baloo da Sabaatoge, inkoo unkuray go&#245; haringii tla&#42892;adiri. 22Teesaaqay see, sa gimba Musaa sangwaa hadisi unkuray oukira gu daba&#8260;u, unkuray daba&#8260;aday khwaylimoo gimati baloo da Sabaato see. Oukee giyaamati daqa Musaa dahhiyaaba, yaati daqa okookoi&#297; kokuna dahhi. 23Unkuray gimati baloo da Sabaato see, hiidahhasiday daba&#8260;u nanku hhawata, sariyaa da Musaa dagama may tlakweesa daqa khwaylimokeesii. Inkoo ha&#227; so&#42892;oyi slahhaa&#42892;adiri, sa gimba ga&#227; hhoeesi heedi ma slafi baloo da Sabaatoge? 24Unkuray hhanti hukuntay hari arimaa kilesi hari khooroo, ba&#8260;ay hiti hukuma hari amoo da haaki.&#8221;</div><div class="s1">Hi&#297; na Kristu goo?</div><div class="p"> 25Teesaaqay, hida wakinay gu Yerusaleemu, hingaa tlaatleesiri maamisu inay haa inay tuba, &#8220;Hi&#297; heedikiraabaslii gi damaamidiyee magu gaasiri? 26Inkoo yu&#42892;udaa, ina hiti gi maamisi pandataa cenceege, kara wanaaba gimba lensee inay sugu kakaakaneei ina. Baku angamalee giyaadimiisee hiti khuiyay tuba, gu lou hi&#297; na Kristu?#7:26 Kristu: Ti&#42892;ii umaki Kristu hari Yunaanaisoo na Masiiya, ma&#42892;aana dosi na Daa maakhi du&#8260;iya. 27Inkoo, dandiray khuana heediki daqa giyaa dahhiye. Kristu, qatlay gimaa ilii khaye, ha&#227; &#8260;imbani hhaku heedi lensee gumaa caahha ina daqa gimaa dahhiye.&#8221;</div><div class="p"> 28Da hhe&#42892;esi, Yeesu gi ilakoomi caacaahhamisu mara gu didiruge gu Iliitleemu hari afoo da didiri, kakaana tuba, &#8220;Unkuray go&#245; hani khu&#42892;uday ana, daqa gaa dahhe see haga khu&#42892;uday. Ana haati khayiiba harii dahhasa doyi. Teesaaqay see, ina gunaa ya&#8260;abu ana guti lou. Hikee unkuray hagumati hhidintiri, 29ana hagu khua, sa gimba ana haa daqa dosi dahha, kara ina naa ana ya&#8260;abi.&#8221;</div><div class="p"> 30Teesaaqay inay gi slairi magu ooyiri. Teesaaqay see, hhaku heedi gwaa waratlaysu daba gosi magu ooyi ina, sa gimba qatlay gosi yaa kahhi bu&#42892;udaraa. 31Hida wa&#8260;a gwaa raqateesii waaree gugi &#8260;imbiri ina, kakaanay tuba, &#8220;Qatlay Kristu gimaa ilii khaye, maa laqaaqanaa gimba gu baka&#42892;asa hari khisla, ba&#8260;ay da heediki?&#8221;</div><div class="s1">Sirikaarii dagaani ya&#8260;abi sa oowaraa Yeesu</div><div class="p"> 32Farisaayoo gi akhasiri raqatee da hida cocoiyay gimba gu Yeesu. Da hhe&#42892;esi, inay haa hhapalooee da deni gi ya&#8260;abiri sirikaarii da mara gu didiru gu Iliitleemu, magwaa ooyiri ina.</div><div class="p"> 33Yeesu gi kaay sa raqa da hida tuba, &#8220;Ana hati waara ha unkuray hari qatlay gu coko&#8260;u kilesi, ha ki&#8260;a kara daqa dosii ina gunaa ya&#8260;abu ana. 34Unkuray hanimaa dabitay ana, etaa hanimaa antaaiiba, slime daqa gamaa iliiwaare ana, unkuray hamaa hiidahhasidaaiiba dawaraa.&#8221;</div><div class="p"> 35Teesaaqay, giyaadimiisee da Wayahuudi hingigi maamisiri inay haa inay tuba, &#8220;Heediki kaale waaudi, dandiray haguiliimayne slawaraa? Gu louu ina hiti waaudiyaa daqa Wayahuudi gwaa pasidee yaamu gu Wayunaanige haa gi caacaahhamisi Wayunaani? 36Hi&#297; ti gimba mala ina gi&#297; gimbuusi? Hi&#297; so&#42892;oyi kaay tuba, &#8216;Unkuray hanimaa dabitay ana, etaa hanimaa antaaiiba, kara yade daqa gamaa iliiwaare ana, unkuray hiidahhasidaaiiba dawaraa?&#8217; &#8221;</div><div class="s1">Duudadaa da ma&#42892;ay gu slafimaa</div><div class="p"> 37Inkoo, baloo da hiifaakoo da losonakee gu cuurai&#297; yaa baloo da didiri. Te&#42892;esii Yeesu gi qadidi, gi kaay hari afoo da didiri tuba, &#8220;Heedi gu kooma wakhaa yaa khaye daqa dooii,#7:37 Heedi gu kooma wakhaa yaa khaye daqa dooii: Wakhaa da giimaamisiye ti&#42892;ii, ti hari bara da muuna tuba, heedi gu sla&#42892;a gu lou caahharaa Iliitleemu. ma kitahhi ma&#42892;ay gu slafimaa. 38Handikaa da Iliitleemu gooay giyo&#243; ilii kaade tuba, &#8216;Heedi guni &#8260;imba ana, duudadaa gu ma&#42892;ay gu slafimaa yaa gunay muuna gosaa.&#8217;#Yu&#42892;udii kitaabuu gu Isaaya 44:3; 55:1; 58:11. &#8221; 39Yeesu giyaa ilii gimbuusi gimbaki, yaati gimbuusi gimba gu Muuna gu Iliitleemu, hi&#297; hhaka&#42892;a gwaa &#8260;imbee ina gumaa ooyiyayi qariqaaqari. Qatlaykee Muuna gu Iliitleemu yaa kahhi khawa, sa gimba Yeesu dugwaa kahhi daareesa ha Iliitleemu.</div><div class="s1">Deehhiihhiru tla&#8260;a&#227; gu hidage</div><div class="p"> 40Qatlay hida wakinay tla&#8260;a&#227; gu raqago giyaa ilii akhasiri gimbakee, gi kaayri tuba, &#8220;Gu lou, heediki na Tletimiisay gu Iliitleemu.&#8221;</div><div class="p"> 41Wakinay gi kaayri tuba, &#8220;Hi&#297; na Kristu!&#8221; Wakinay gi kaayri tuba, &#8220;Kristu yaa hiidahhasiyaa hiica&#8260;a Galilaayago? 42Handikaa da Iliitleemu yaa kaadi tuba, Kristu maa afamaraa gu Dawdigo hiica&#8260;i, haa dugumaati laqwali yaamu gu Beteleheemuge, yaamu giyaa ilii ibimaamidiye Dawdi.&#8221; 43Teesaaqay, raqatee da hida hingigi deehhiihhiniri sa gimba gu Yeesu. 44Hida wakinay tla&#8260;a&#227; gooinay gwaa slaiyay oowaraa Yeesu. Teesaaqay see, hhaku heedi gwaa waratlaysu dabai&#297; kosi, magu ooyi ina.</div><div class="s1">Giyaadimiisee da Wayahuudi gu &#8260;imbiyaaiiba Yeesu</div><div class="p"> 45Da hhe&#42892;esi, sirikaaritira yaagi ki&#8260;iri daqa hhapalooee da denige haa daqa Farisaayooge. Inay gigi maasiri tuba, &#8220;Hagwaani so&#42892;oyi maydiri oowaraa?&#8221;</div><div class="p"> 46Sirikaaritee gi ilaki&#8260;isiri inay tuba, &#8220;Hagwaani oowaniiba, sa gimba wanaaba heedi gu giimaamisa hari hiidahhasa, heediki gooay!&#8221;</div><div class="p"> 47Da hhe&#42892;esi, Farisaayoo gigi maasiri inay tuba, &#8220;Gu lou, unkuray see danguntii corii ha hikee? 48Gu lou, wanaa giyaadimiisay lensee, baku le&#7869; gu Farisaayoo gwaa &#8260;imbu Yeesu? 49Teesaaqay see, hida hhanki go&#243; &#8260;imbee heedika&#42892;a, hhidinay sariyaa da Musaa. Inay digaa ilawaasi!&#8221;</div><div class="p"> 50Nikodeemo yaa le&#7869; gu giyaadimiisee da Farisaayoo, gwaa hadakawu daqa Yeesuge baloo waka hari amasi. Ina gi maasi dene&#42892;ee kosi tuba, 51&#8220;Inkoo, sariyaa doori hukuntaa heedi, dugu kahhi akhasa gesaa, haa dagi caahhi idoo gi&#297; yondiidi?&#8221;</div><div class="p"> 52Inay gi ilaki&#8260;isiri Nikodeemo tuba, &#8220;Ugu see haa Galilaaya dahhadaa? Taa&#8260;a somimi Handikaa da Iliitleemuge, asu caahhada tuba, wanaaba tletimiisay gwaa hiidahhasa hiica&#8260;a, hhapee da Galilaayago!&#8221; [53Da hhe&#42892;esi, hida go&#245; gi waaudiri, kila heedi gi ki&#8260;i yaamu koinay.</div>
 </div>
 </div>
</div>

Qariqaaqari gimbakee giyaa ilii cati, Yeesu yaa ilakhookhocimi hhapee da Galilaaya. Ina yaa slaiyaaba hadakawa hhapee da Yudaayage, sa gimba giyaadimiisee da Wayahuudi gwaa slaiyay gaasaraa. Inkoo, losona gu Wayahuudi daa eteediidine losona gu cuuraiĩ giyaa ilii daadaauusi, hhiee kosi Yeesu sugugi kaayri ina tuba, “Waaudi tiaa, taa⁄a yade hhapee da Yudaayage, sirakoomiisee doogu ma ariniri gimba gu bakaꞌasa ga yondimaamite. Heedi gu slaꞌa duguma caahhi ha hida, yondiidiyaaba gimba gosi hari hhaaboo. Inkoo, bere ugu ha yondimaamita gimbaki, hangii ca⁄aside pandaa da hidage.” Hhiee kosi yaati gimbuusiri teesaaqay, sa gimba inay see yaa ⁄imbiriiba Yeesu.
Yeesu gi ilaki⁄isi inay tuba, “Qatlay goy guraa hiiboo⁄u kahhi buꞌuda. Daqa doogunay qatlay sliimaa hiraatiiboo⁄i. Hida gu khooroo hiidahhasiyaaiiba wakaraa unkuray. Ana hini wakiyay, sa gimba ana sigi ilatlatlaatlaw inay ambee, ibinaa dooina da tlakwi. Unkuray taa⁄amida hadakaw Yerusaleemuge sa losonakee. Ana hadakawaaba, sa gimba qatlay goy guraa hiiboo⁄u kahhi buꞌuda.” Yeesu giyaa ilii hheꞌesi cocoꞌomoo gimbakee sa inay, ina gi meeti Galilaayage.
Qatlay hhiee kosi giyaa ilii waaudiri losonage yade Yerusaleemuge, slime Yeesu see yaa hadakay yade hari hhaaboo. Ina yaa hadakayba pandataa. Inkoo, giyaadimiisee da Wayahuudi gwaa damaamidiyay ina yade losonage, haa gi ilakoniri maamisu tuba, “Kaale wana heedikee?” Slime daa wana saasahhamoo wa⁄a tla⁄aã gu raqoo gu hidage, sa gimba gu Yeesu. Hida wakinay yaa kakaakanay tuba, “Hiĩ ti heedi gu hhou.” Kara wakinay yaa kakaakanay tuba, “Suti! Ina hiicoraaridi hida.” Teesaaqay see, hhaku heedi lensee gwaa gimbuusu gimba gosi pandataa, sa gimba yaa tlaꞌamuudiri giyaadimiisee da Wayahuudi.

Qatlay losona giyaa ilii day tla⁄antla⁄a, Yeesu yaa hadakay mara gu didiruge gu Iliitleemu, haa gi tlaatleesi caacaahhamisu. Giyaadimiisee da Wayahuudi gi bakairi sa caacaahhamisu gosi, gi kaayri tuba, “Heediki hiĩ malee caahhi gimbaki, ina duguba caacaahhamisu see ha maarimamaa da sariyaa?”
Teꞌesii, Yeesu gi ilaki⁄isi inay tuba, “Caacaahhamisuki ga caacaahhaahhamise ti kooiiba ana loi, ti caacaahhamisu gu hikira gunaa ya⁄abu ana. Bere heedi slai yondu gimbakaꞌa da slaiye Iliitleemu, ina caahhi bere caacaahhamisu goy yaa daqa Iliitleemu dahhi baku hati giimaamisa gimba goy ana loi. Heedi gu gimbuusa hari hiidahhasa dosi, ina ti dabiidi muree dosi ina loi. Heedi gu dabiida daareesa da hikira gwaa ya⁄abu ina, hikee ti gimbuusi gimba gu lou, kara waꞌay kosii afaꞌafuuma wantaaba. Musaa sangwaa hadisiibaslii unkuray sariyaa da Iliitleemu? Teesaaqay see, wanaaba heedi lensee tla⁄aã googunay gu iliikomaamida sariyaa. Inkoo, unkuray hani soꞌoyi slaꞌaday gaasaraa ana?”
Teꞌesii, hida hhakee gugi ilaki⁄isiri ina tuba, “Ugu ha konta gieeri gu tlakwi! Ti miyaa nugu slai gaasaraa ugu?”
Yeesu gigi ilaki⁄isi inay tuba, “Ana haa yondiidi gimba leẽ gu bakaꞌasa baloo da Sabaatoge, inkoo unkuray goõ haringii tlaꞌadiri. Teesaaqay see, sa gimba Musaa sangwaa hadisi unkuray oukira gu daba⁄u, unkuray daba⁄aday khwaylimoo gimati baloo da Sabaato see. Oukee giyaamati daqa Musaa dahhiyaaba, yaati daqa okookoiĩ kokuna dahhi. Unkuray gimati baloo da Sabaato see, hiidahhasiday daba⁄u nanku hhawata, sariyaa da Musaa dagama may tlakweesa daqa khwaylimokeesii. Inkoo haã soꞌoyi slahhaaꞌadiri, sa gimba gaã hhoeesi heedi ma slafi baloo da Sabaatoge? Unkuray hhanti hukuntay hari arimaa kilesi hari khooroo, ba⁄ay hiti hukuma hari amoo da haaki.”

Teesaaqay, hida wakinay gu Yerusaleemu, hingaa tlaatleesiri maamisu inay haa inay tuba, “Hiĩ heedikiraabaslii gi damaamidiyee magu gaasiri? Inkoo yuꞌudaa, ina hiti gi maamisi pandataa cenceege, kara wanaaba gimba lensee inay sugu kakaakaneei ina. Baku angamalee giyaadimiisee hiti khuiyay tuba, gu lou hiĩ na Kristu? Inkoo, dandiray khuana heediki daqa giyaa dahhiye. Kristu, qatlay gimaa ilii khaye, haã ⁄imbani hhaku heedi lensee gumaa caahha ina daqa gimaa dahhiye.”
Da hheꞌesi, Yeesu gi ilakoomi caacaahhamisu mara gu didiruge gu Iliitleemu hari afoo da didiri, kakaana tuba, “Unkuray goõ hani khuꞌuday ana, daqa gaa dahhe see haga khuꞌuday. Ana haati khayiiba harii dahhasa doyi. Teesaaqay see, ina gunaa ya⁄abu ana guti lou. Hikee unkuray hagumati hhidintiri, ana hagu khua, sa gimba ana haa daqa dosi dahha, kara ina naa ana ya⁄abi.”
Teesaaqay inay gi slairi magu ooyiri. Teesaaqay see, hhaku heedi gwaa waratlaysu daba gosi magu ooyi ina, sa gimba qatlay gosi yaa kahhi buꞌudaraa. Hida wa⁄a gwaa raqateesii waaree gugi ⁄imbiri ina, kakaanay tuba, “Qatlay Kristu gimaa ilii khaye, maa laqaaqanaa gimba gu bakaꞌasa hari khisla, ba⁄ay da heediki?”

Farisaayoo gi akhasiri raqatee da hida cocoiyay gimba gu Yeesu. Da hheꞌesi, inay haa hhapalooee da deni gi ya⁄abiri sirikaarii da mara gu didiru gu Iliitleemu, magwaa ooyiri ina.
Yeesu gi kaay sa raqa da hida tuba, “Ana hati waara ha unkuray hari qatlay gu coko⁄u kilesi, ha ki⁄a kara daqa dosii ina gunaa ya⁄abu ana. Unkuray hanimaa dabitay ana, etaa hanimaa antaaiiba, slime daqa gamaa iliiwaare ana, unkuray hamaa hiidahhasidaaiiba dawaraa.”
Teesaaqay, giyaadimiisee da Wayahuudi hingigi maamisiri inay haa inay tuba, “Heediki kaale waaudi, dandiray haguiliimayne slawaraa? Gu louu ina hiti waaudiyaa daqa Wayahuudi gwaa pasidee yaamu gu Wayunaanige haa gi caacaahhamisi Wayunaani? Hiĩ ti gimba mala ina giĩ gimbuusi? Hiĩ soꞌoyi kaay tuba, ‘Unkuray hanimaa dabitay ana, etaa hanimaa antaaiiba, kara yade daqa gamaa iliiwaare ana, unkuray hiidahhasidaaiiba dawaraa?’ ”

Inkoo, baloo da hiifaakoo da losonakee gu cuuraiĩ yaa baloo da didiri. Teꞌesii Yeesu gi qadidi, gi kaay hari afoo da didiri tuba, “Heedi gu kooma wakhaa yaa khaye daqa dooii, ma kitahhi maꞌay gu slafimaa. Handikaa da Iliitleemu gooay giyoó ilii kaade tuba, ‘Heedi guni ⁄imba ana, duudadaa gu maꞌay gu slafimaa yaa gunay muuna gosaa.’ ” Yeesu giyaa ilii gimbuusi gimbaki, yaati gimbuusi gimba gu Muuna gu Iliitleemu, hiĩ hhakaꞌa gwaa ⁄imbee ina gumaa ooyiyayi qariqaaqari. Qatlaykee Muuna gu Iliitleemu yaa kahhi khawa, sa gimba Yeesu dugwaa kahhi daareesa ha Iliitleemu.

Qatlay hida wakinay tla⁄aã gu raqago giyaa ilii akhasiri gimbakee, gi kaayri tuba, “Gu lou, heediki na Tletimiisay gu Iliitleemu.”
Wakinay gi kaayri tuba, “Hiĩ na Kristu!” Wakinay gi kaayri tuba, “Kristu yaa hiidahhasiyaa hiica⁄a Galilaayago? Handikaa da Iliitleemu yaa kaadi tuba, Kristu maa afamaraa gu Dawdigo hiica⁄i, haa dugumaati laqwali yaamu gu Beteleheemuge, yaamu giyaa ilii ibimaamidiye Dawdi.” Teesaaqay, raqatee da hida hingigi deehhiihhiniri sa gimba gu Yeesu. Hida wakinay tla⁄aã gooinay gwaa slaiyay oowaraa Yeesu. Teesaaqay see, hhaku heedi gwaa waratlaysu dabaiĩ kosi, magu ooyi ina.

Da hheꞌesi, sirikaaritira yaagi ki⁄iri daqa hhapalooee da denige haa daqa Farisaayooge. Inay gigi maasiri tuba, “Hagwaani soꞌoyi maydiri oowaraa?”
Sirikaaritee gi ilaki⁄isiri inay tuba, “Hagwaani oowaniiba, sa gimba wanaaba heedi gu giimaamisa hari hiidahhasa, heediki gooay!”
Da hheꞌesi, Farisaayoo gigi maasiri inay tuba, “Gu lou, unkuray see danguntii corii ha hikee? Gu lou, wanaa giyaadimiisay lensee, baku leẽ gu Farisaayoo gwaa ⁄imbu Yeesu? Teesaaqay see, hida hhanki goó ⁄imbee heedikaꞌa, hhidinay sariyaa da Musaa. Inay digaa ilawaasi!”
Nikodeemo yaa leẽ gu giyaadimiisee da Farisaayoo, gwaa hadakawu daqa Yeesuge baloo waka hari amasi. Ina gi maasi deneꞌee kosi tuba, “Inkoo, sariyaa doori hukuntaa heedi, dugu kahhi akhasa gesaa, haa dagi caahhi idoo giĩ yondiidi?”
Inay gi ilaki⁄isiri Nikodeemo tuba, “Ugu see haa Galilaaya dahhadaa? Taa⁄a somimi Handikaa da Iliitleemuge, asu caahhada tuba, wanaaba tletimiisay gwaa hiidahhasa hiica⁄a, hhapee da Galilaayago!” [Da hheꞌesi, hida goõ gi waaudiri, kila heedi gi ki⁄i yaamu koinay.

Listen to Yohaana 7