Burunge: Ila⁄imbidu Gu ⁄abu hari Burungaisoo (Bible)

Ila⁄imbidu Gu  ⁄abu hari Burungaisoo

<div class="version vid2304 iso6393bds" data-vid="2304" data-iso6393="bds">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s1">Yeesu dugu maakhi du&#8260;iya Betaniyaage</div><div class="r">(Mataayo 26:6-13; Maariko 14:3-9)</div><div class="p"> 1Balalu lahho&#42892;o giyaa ilii kahhiyee sa dawaraa losona gu Pasaaka, Yeesu gi day tongoo da Betaniyaage, daqa daa ilii ibimaamidiye Lasaaro gwaa gwaau, hi&#297; daa slafisi ha Yeesu. 2Taysi hida wakinay gii tihhisiri &#8260;agoo da khwayai&#297; sa Yeesu, Maarita gii satimisidi sa ina. Le&#7869; gu heedi gwaa ibiidu sliimaa haa Yeesu sa &#8260;agoo yaati Lasaaro. 3Da hhe&#42892;esi, Mariyaa gii oodi nusuu gu liita da du&#8260;iya da beyii dihhi. Ina gi maakhadi ye&#42892;eeroo gu Yeesu haa gi buuslidi hari quubu gu saga gosi. Du&#8260;iyatee dagaati boo&#8260;imisi hari humbalaalay do&#243; narido eteedine da kooma tafu gu hhou. Mara go&#245; gii qoomi tafu gu du&#8260;iyatee.</div><div class="p"> 4Inkoo, Yuuda Isikariyooti, le&#7869; gu sirakoomiisee dosi, hi&#297; namaa hiifookidi Yeesu gugii lu&#8260;i dabai&#297; gu fa&#8260;ayaage, gi kaay tuba, 5&#8220;Du&#8260;iyati daga&#227; so&#42892;oyi may naadiru hari peesay dinaari miyaa tami,#12:5 dinaari miyaa tami: Dinaari le&#7869; yaa peesay gu buaraa da yondimiisay, gwaa yondiidu letu le&#7869;. Dinaari miyaa tami yaati peesay gu bueemaa yondimiisay, gwaa yondiidu kori go&#245;. peesaykee dugugi hadimisi sa iliiawaraa kwaeeli?&#8221; 6Yuuda yaati teesaaqay kaayiiba, sa gimba yaati &#8260;awaarimi sa kwaeeli. Ina yaati kaay teesaaqay, sa gimba ina yaati fiisiisay. Ina naa qamaamidi peesay, haa yaatii oyimiimina waa wa&#8260;a peesay daa hiislaslaaslakhiye kitangeeriyateesii.</div><div class="p"> 7Yeesu gi kaay sa inay tuba, &#8220;Maw ilahufidu hadeti. Ina hintii tuutuqudi du&#8260;iyatee da kooma tafu gu hhou sa baloo da qaasaraa tuu&#42892;una dooi. 8Yu&#42892;udaa, kwaeeli yo&#243; sliimaa wanay haa unkuray balalu sliimaa. Teesaaqay see, ana waaraaba sliimaa haa unkuray balalu sliimaa.&#8221;</div><div class="s1">Ilakhuukhu&#42892;usa da gaasaraa da Lasaaro</div><div class="p"> 9Inkoo, raqa da didiri da Wayahuudi gi caahhadi tuba, Yeesu tongoo da Betaniyaage wana. Raqatee yaati hadakaydi taysi, ti sa arimaa da Yeesu kilesiiba, slime ti sa arimaa da Lasaaro, daa slafisi ha Yeesu gwaa&#42892;araago. 10Teesaaqay, hhapalooee da deni gi ilakhuukhu&#42892;usiri gaasa Lasaaro see slime. 11Sa gimba gu Lasaaro, Wayahuudi wa&#8260;a hingaa tlinti&#42892;isidi haa giyaadimiisee dooina, gi &#8260;imbiri Yeesu.</div><div class="s1">Yeesu hiiguuma dosi Yerusaleemuge hari kaba&#8260;amuu</div><div class="r">(Mataayo 21:1-11; Maariko 11:1-11; Luuka 19:28-40)</div><div class="p"> 12Heetlaalee dosi, raqa da didiri da hida daa khaydi losona gu Pasaakage, gi akhasidi tuba, Yeesu amooge wana, yaa khakhaakhay yaamu gu Yerusaleemuge. 13Da hhe&#42892;esi, inay gii oyiri elemu gu khai do&#243; tende oine,#Yu&#42892;udii kitaabuu gu Gimba gu Walaawi 23:40. gii ca&#8260;iri sa amoodabaawa kawa Yeesu. Inay gi maahhiri kakaanay tuba,</div><div class="q1">&#8220;Iliitleemu dugu hha&#42892;aleesiye!</div><div class="q2">Dugu&#361; &#8260;aafi ina gwaa khawa hari uma gu Taataa Iliitleemu!#Yu&#42892;udii kitaabuu gu Daareesoo 118:25-26.</div><div class="q2">Dugu &#8260;aafiye, Mutemi gu Israeeli!&#8221;</div><div class="m"> 14Yeesu yaa slay daqumoo le&#7869;, gugi ilii day, idoo daa ilii handikimi gooay tuba,</div><div class="q1"> 15&#8220;Hhanti tla&#42892;amutay, ye hida gu yaamu gu Sayuuni.</div><div class="q2">Yu&#42892;udiyaa! Mutemi googuna yaa khoci,</div><div class="q2">yaanii day rawaa gu daqumooge!&#8221;#Yu&#42892;udii kitaabuu gu Sakariyaa 9:9.</div><div class="p"> 16Sirakoomiisee dosi Yeesu tlaatleesoogo yaa caahhiriiba gimbaki. Qariqaaqari giyaati caahhiri, Yeesu giyaa ilii waaudi rawaa gu rawge. Te&#42892;esii, inay yaa hiislayri tuba, gimbaki dugwaati handikimi sa ina, haa hida yaa teesaaqay yondiidiri daqa dosii.</div><div class="p"> 17Inkoo, raqa da hida hhakira gwaa sliimaa waaree haa Yeesu, qatlay giyaa ilii eteedi Lasaaro wa&#42892;ay gu ayisago haa gwaagi slafisi, inay yaa ilatlawa kayri gimbakee. 18Sa gimbakee, hida wa&#8260;a gugi amoo dabaawakayri. Inay yaa akhasiri tuba, Yeesu yaa yondiidi gimbakee gu kaaru gu baka&#42892;asa. 19Teesaaqay, Farisaayoo hingigi wariikaayri inay haa inay tuba, &#8220;Yu&#42892;udaa! Dandiray hiidahhasanaaba idoo lensee. Hida sliimaa guti sirakomaamidiyay Ina!&#8221;</div><div class="s1">Yeesu tletiru gu gwaa&#42892;araa dosi</div><div class="p"> 20Te&#42892;esii yaa wanay Wayunaani angaamaka tla&#8260;a&#227; gu hida gwaa dawee Yerusaleemuge sa firoo qatlay gu losonakeesii. 21Inay yaa ilii hadakayri Filiipo, yaamulooay gu yaamu gu Betisayda da hhapee da Galilaayage waara, gi kaayri tuba, &#8220;Hiiye, dandiray sla&#42892;ana arimaa Yeesu.&#8221; 22Filiipo gi kaawa kay sa Andareyaa. Da hhe&#42892;esi, inay cada koinaa gi kaawa kayri sa Yeesu idoo daa kaay ha Wayunaanitee.</div><div class="p"> 23Yeesu gigi ilaki&#8260;isi inay tuba, &#8220;Qatlay gu daareesaraa Nanku Heedi hi&#297; bu&#42892;udi. 24Gu lou, sangu kaay unkuray ambee, pisagariya da ganoo, bere dabasli huua hhapeege haa gi gwa&#42892;ata, meta nama pisagariya da ganoo kilesi. Bere pisagariya hi&#297; gwa&#42892;ati laqwalida &#8260;aamu wa&#8260;a. 25Gu lou, heedika&#42892;a gu sla&#42892;a ibinaa dosi, hikee higimaa hhamisi. Kara, heedika&#42892;a gu waka ibinaa dosi sa ana khoorotii, higimaa ilabu&#42892;una ibinaa dosi da koraraa haa koraraa go&#243;ba hiifaakoo. 26Bere heedi hiti slai yondiida sa ana, kwanda hini sirakone. Daqa ga iliiwaare ana, yondimiisay goy see ginimaa ilii wana. Heedi gu yondimaamida sa ana, sugumaa hadisi muree ha Taataa goy.</div><div class="p"> 27Inkoo, muuna goy hinti bahhangaruusi. Ana taysa hati mala kaawaa see. Firima Taataa, hinima ilabu&#42892;umi daqa gimbaka&#42892;a gwaa khoca qatlaykii? Suti! Ana hanti khay sa gimbakee da yondiidiye qatlaykii. 28Taataa, daareesi uma googu!&#8221;</div><div class="p">Te&#42892;esii, daagii ca&#8260;i afoo rawaa gu rawgo, kakanta tuba, &#8220;Hagu&#361; daareesi, haa hagu kara daareesa.&#8221; 29Inkoo, raqa da hida daa qaditi te&#42892;esii haa gwaa akhasee afotee, gi kaadi tuba, &#8220;Hatee ti afoo da gwaasla&#8260;aa!&#8221; Hida angaamaka raqateesaa gi kaayri tuba, &#8220;Ti malayika ni&#297; cocaacoi haa ina!&#8221;</div><div class="p"> 30Yeesu gi kaay sa inay tuba, &#8220;Afotee yantii ca&#8260;adiiba sa faydaa dooi, ti sa faydaa dooguna. 31Inkoo, ti qatlay gu hukumuu gu khooroti. Iliitleemu gu hiilihhi segenge Sataanimoki gu tawaaliilima khooroti. 32Ana dinimaa ilii tlaysiye rawaage, hida sliimaa hagimaa hiidafida, maa khayri daqa dooii.&#8221; 33Yeesu yaa kaay teesaaqay, ma laqami, idoo dugumaa ilii gaasiye.</div><div class="p"> 34Raqatee da hida gi ilaki&#8260;isidi Yeesu tuba, &#8220;Dandiray hanti akhasani sariyaa dooraa tuba, Kristu#12:34 Kristu: Ti&#42892;ii umaki Kristu hari Yunaanaisoo na Masiiya, ma&#42892;aana dosi na Daa maakhi du&#8260;iya. ti ibiidi koraraa haa koraraa go&#243;ba hiifaakoo. Inkoo, ugu malee hiidahhasida kaawa tuba, Nanku Heedi kwanda dugu hiitlaysiye rawaage? &#8216;Nakee gu Heedi&#8217; ti miyaa?&#8221;</div><div class="p"> 35Da hhe&#42892;esi, Yeesu gi kaay sa raqatee tuba, &#8220;Cencee kahhada sliimaa wanta haa unkuray qatlay coko&#8260;u. Unkuray khookhocima, tay toogunaa kontay cencetee, danguma may kaba&#8260;a ha hhantee. Heedi go&#243; khookhocima hhanteege, hhidina daqa gi kakaakaye. 36Inkoo, &#8260;imba qatlay ga iliiwante haa cencetee, ma hida gu cencee tleehhitiri.&#8221; Qatlay giyaa ilii hhe&#42892;esi kaawa gimbakee, Yeesu gi waaudi, hingigi yakwakay segenge, duguma may arimaa ha raqatee.</div><div class="s1">Wayahuudi konaaiiba &#8260;imbaraa daqa Yeesuge</div><div class="p"> 37Yeesu yaa yondiidi gimba wa&#8260;a gu baka&#42892;asa hari &#8260;uuru gu Iliitleemu pandaa dooinay, inay gwaa &#8260;imbiriiba. 38Teesaaqay, daatii gaasi gimba daa kaay tletimiisay Isaaya tuba,</div><div class="q1">&#8220;Taataa Iliitleemu, miyaa naa &#8260;imbi ya&#8260;aboo doori?</div><div class="q2">Kara, miyaa sugunaay tlaa&#42892;asi &#8260;uuru googu?&#8221;#Yu&#42892;udii kitaabuu gu Isaaya 53:1.</div><div class="p"> 39Teesaaqay, raqatee yaa hiidahhasidiiba &#8260;imbaraa, sa gimba Isaaya bere kaay tuba,</div><div class="q1"> 40&#8220;Iliitleemu hi&#297; guumuu&#42892;udisi ilaa koina, ma mayri arimaa,</div><div class="q2">kara, hi&#297; &#8260;isimi muunai&#297; koina, ma karaarahhiri.</div><div class="q2">Ha&#227; teesaaqay yondiidi, ma mayri hiifookida daqa dooii, magi hhoeesi.&#8221;#Yu&#42892;udii kitaabuu gu Isaaya 6:10.</div><div class="m"> 41Isaaya yaa kaay gimbaki, sa gimba yaa arimi wanqamee da Yeesu, kara gi gimbuusi gimba gosi Yeesu.</div><div class="p"> 42Teesaaqay see, giyaadimiisee wa&#8260;a da Wayahuudi yaa &#8260;imbidi Yeesu. Inkoo, sa gimba gu Farisaayoo, inay yaa &#8260;imbiriiba Yeesu pandaa da hidage. Inay yaa tla&#42892;amuumuudiri tuba, digi gusina sinagoogigo. 43Caahha tuba, inay yaa slaiyay digima hha&#42892;aleesi ha hida ba&#8260;ay da slawaraa hha&#42892;aleesa da daqa Iliitleemu dahha.</div><div class="p"> 44Da hhe&#42892;esi, Yeesu gi maahhi hari afoo da didiri tuba, &#8220;Heedi guno&#243; &#8260;imba, slime yo&#243;ti &#8260;imbi hikira gunaa ya&#8260;abu ana. 45Heedi guno&#243; arima ana, slime go&#243;ti arina hikira gunaa ya&#8260;abu ana. 46Ana hanti khay khoorotii cencee pahha, kila heedi gu &#8260;imba ana, ma hhanti meeti hhanteege.</div><div class="p"> 47Heedi gu akhaakhamisa gimba gooi, gugi may oowaraa, ana hagu hukumaaba. Ana haati khayiiba khoorotii sa hukuruu hida, haati khay sa ilabu&#42892;uru inay. 48Hakimuu wana sa heedi guni sisaasia haa gooba &#8260;imba gimba gooi. Gimba loi ga gimaamise, namaa hukuna ina baloo da hiifaakooge. 49Sa gimba, ana haati kakaakamaaba gimbaki ana lenkway, ti Taataa gunaa ya&#8260;abu ana, ninaa ilafahhi, mala gani kaawa haa idoo ga ilii kaawe. 50Ana khua tuba, ilakaawa dosi ti slafimaa gu koraraa haa koraraa go&#243;ba hiifaakoo. Inkoo, gimba ga kakaakame ana, ti hika&#42892;a kilesi sinaa kaay ha Taataa, magu kakaami.&#8221;</div>
 </div>
 </div>
</div>

Balalu lahhoꞌo giyaa ilii kahhiyee sa dawaraa losona gu Pasaaka, Yeesu gi day tongoo da Betaniyaage, daqa daa ilii ibimaamidiye Lasaaro gwaa gwaau, hiĩ daa slafisi ha Yeesu. Taysi hida wakinay gii tihhisiri ⁄agoo da khwayaiĩ sa Yeesu, Maarita gii satimisidi sa ina. Leẽ gu heedi gwaa ibiidu sliimaa haa Yeesu sa ⁄agoo yaati Lasaaro. Da hheꞌesi, Mariyaa gii oodi nusuu gu liita da du⁄iya da beyii dihhi. Ina gi maakhadi yeꞌeeroo gu Yeesu haa gi buuslidi hari quubu gu saga gosi. Du⁄iyatee dagaati boo⁄imisi hari humbalaalay doó narido eteedine da kooma tafu gu hhou. Mara goõ gii qoomi tafu gu du⁄iyatee.
Inkoo, Yuuda Isikariyooti, leẽ gu sirakoomiisee dosi, hiĩ namaa hiifookidi Yeesu gugii lu⁄i dabaiĩ gu fa⁄ayaage, gi kaay tuba, “Du⁄iyati dagaã soꞌoyi may naadiru hari peesay dinaari miyaa tami, peesaykee dugugi hadimisi sa iliiawaraa kwaeeli?” Yuuda yaati teesaaqay kaayiiba, sa gimba yaati ⁄awaarimi sa kwaeeli. Ina yaati kaay teesaaqay, sa gimba ina yaati fiisiisay. Ina naa qamaamidi peesay, haa yaatii oyimiimina waa wa⁄a peesay daa hiislaslaaslakhiye kitangeeriyateesii.
Yeesu gi kaay sa inay tuba, “Maw ilahufidu hadeti. Ina hintii tuutuqudi du⁄iyatee da kooma tafu gu hhou sa baloo da qaasaraa tuuꞌuna dooi. Yuꞌudaa, kwaeeli yoó sliimaa wanay haa unkuray balalu sliimaa. Teesaaqay see, ana waaraaba sliimaa haa unkuray balalu sliimaa.”

Inkoo, raqa da didiri da Wayahuudi gi caahhadi tuba, Yeesu tongoo da Betaniyaage wana. Raqatee yaati hadakaydi taysi, ti sa arimaa da Yeesu kilesiiba, slime ti sa arimaa da Lasaaro, daa slafisi ha Yeesu gwaaꞌaraago. Teesaaqay, hhapalooee da deni gi ilakhuukhuꞌusiri gaasa Lasaaro see slime. Sa gimba gu Lasaaro, Wayahuudi wa⁄a hingaa tlintiꞌisidi haa giyaadimiisee dooina, gi ⁄imbiri Yeesu.


Heetlaalee dosi, raqa da didiri da hida daa khaydi losona gu Pasaakage, gi akhasidi tuba, Yeesu amooge wana, yaa khakhaakhay yaamu gu Yerusaleemuge. Da hheꞌesi, inay gii oyiri elemu gu khai doó tende oine, gii ca⁄iri sa amoodabaawa kawa Yeesu. Inay gi maahhiri kakaanay tuba,
“Iliitleemu dugu hhaꞌaleesiye!
Duguũ ⁄aafi ina gwaa khawa hari uma gu Taataa Iliitleemu!
Dugu ⁄aafiye, Mutemi gu Israeeli!”
Yeesu yaa slay daqumoo leẽ, gugi ilii day, idoo daa ilii handikimi gooay tuba,
“Hhanti tlaꞌamutay, ye hida gu yaamu gu Sayuuni.
Yuꞌudiyaa! Mutemi googuna yaa khoci,
yaanii day rawaa gu daqumooge!”
Sirakoomiisee dosi Yeesu tlaatleesoogo yaa caahhiriiba gimbaki. Qariqaaqari giyaati caahhiri, Yeesu giyaa ilii waaudi rawaa gu rawge. Teꞌesii, inay yaa hiislayri tuba, gimbaki dugwaati handikimi sa ina, haa hida yaa teesaaqay yondiidiri daqa dosii.
Inkoo, raqa da hida hhakira gwaa sliimaa waaree haa Yeesu, qatlay giyaa ilii eteedi Lasaaro waꞌay gu ayisago haa gwaagi slafisi, inay yaa ilatlawa kayri gimbakee. Sa gimbakee, hida wa⁄a gugi amoo dabaawakayri. Inay yaa akhasiri tuba, Yeesu yaa yondiidi gimbakee gu kaaru gu bakaꞌasa. Teesaaqay, Farisaayoo hingigi wariikaayri inay haa inay tuba, “Yuꞌudaa! Dandiray hiidahhasanaaba idoo lensee. Hida sliimaa guti sirakomaamidiyay Ina!”

Teꞌesii yaa wanay Wayunaani angaamaka tla⁄aã gu hida gwaa dawee Yerusaleemuge sa firoo qatlay gu losonakeesii. Inay yaa ilii hadakayri Filiipo, yaamulooay gu yaamu gu Betisayda da hhapee da Galilaayage waara, gi kaayri tuba, “Hiiye, dandiray slaꞌana arimaa Yeesu.” Filiipo gi kaawa kay sa Andareyaa. Da hheꞌesi, inay cada koinaa gi kaawa kayri sa Yeesu idoo daa kaay ha Wayunaanitee.
Yeesu gigi ilaki⁄isi inay tuba, “Qatlay gu daareesaraa Nanku Heedi hiĩ buꞌudi. Gu lou, sangu kaay unkuray ambee, pisagariya da ganoo, bere dabasli huua hhapeege haa gi gwaꞌata, meta nama pisagariya da ganoo kilesi. Bere pisagariya hiĩ gwaꞌati laqwalida ⁄aamu wa⁄a. Gu lou, heedikaꞌa gu slaꞌa ibinaa dosi, hikee higimaa hhamisi. Kara, heedikaꞌa gu waka ibinaa dosi sa ana khoorotii, higimaa ilabuꞌuna ibinaa dosi da koraraa haa koraraa goóba hiifaakoo. Bere heedi hiti slai yondiida sa ana, kwanda hini sirakone. Daqa ga iliiwaare ana, yondimiisay goy see ginimaa ilii wana. Heedi gu yondimaamida sa ana, sugumaa hadisi muree ha Taataa goy.
Inkoo, muuna goy hinti bahhangaruusi. Ana taysa hati mala kaawaa see. Firima Taataa, hinima ilabuꞌumi daqa gimbakaꞌa gwaa khoca qatlaykii? Suti! Ana hanti khay sa gimbakee da yondiidiye qatlaykii. Taataa, daareesi uma googu!”
Teꞌesii, daagii ca⁄i afoo rawaa gu rawgo, kakanta tuba, “Haguũ daareesi, haa hagu kara daareesa.” Inkoo, raqa da hida daa qaditi teꞌesii haa gwaa akhasee afotee, gi kaadi tuba, “Hatee ti afoo da gwaasla⁄aa!” Hida angaamaka raqateesaa gi kaayri tuba, “Ti malayika niĩ cocaacoi haa ina!”
Yeesu gi kaay sa inay tuba, “Afotee yantii ca⁄adiiba sa faydaa dooi, ti sa faydaa dooguna. Inkoo, ti qatlay gu hukumuu gu khooroti. Iliitleemu gu hiilihhi segenge Sataanimoki gu tawaaliilima khooroti. Ana dinimaa ilii tlaysiye rawaage, hida sliimaa hagimaa hiidafida, maa khayri daqa dooii.” Yeesu yaa kaay teesaaqay, ma laqami, idoo dugumaa ilii gaasiye.
Raqatee da hida gi ilaki⁄isidi Yeesu tuba, “Dandiray hanti akhasani sariyaa dooraa tuba, Kristu ti ibiidi koraraa haa koraraa goóba hiifaakoo. Inkoo, ugu malee hiidahhasida kaawa tuba, Nanku Heedi kwanda dugu hiitlaysiye rawaage? ‘Nakee gu Heedi’ ti miyaa?”
Da hheꞌesi, Yeesu gi kaay sa raqatee tuba, “Cencee kahhada sliimaa wanta haa unkuray qatlay coko⁄u. Unkuray khookhocima, tay toogunaa kontay cencetee, danguma may kaba⁄a ha hhantee. Heedi goó khookhocima hhanteege, hhidina daqa gi kakaakaye. Inkoo, ⁄imba qatlay ga iliiwante haa cencetee, ma hida gu cencee tleehhitiri.” Qatlay giyaa ilii hheꞌesi kaawa gimbakee, Yeesu gi waaudi, hingigi yakwakay segenge, duguma may arimaa ha raqatee.

Yeesu yaa yondiidi gimba wa⁄a gu bakaꞌasa hari ⁄uuru gu Iliitleemu pandaa dooinay, inay gwaa ⁄imbiriiba. Teesaaqay, daatii gaasi gimba daa kaay tletimiisay Isaaya tuba,
“Taataa Iliitleemu, miyaa naa ⁄imbi ya⁄aboo doori?
Kara, miyaa sugunaay tlaaꞌasi ⁄uuru googu?”
Teesaaqay, raqatee yaa hiidahhasidiiba ⁄imbaraa, sa gimba Isaaya bere kaay tuba,
“Iliitleemu hiĩ guumuuꞌudisi ilaa koina, ma mayri arimaa,
kara, hiĩ ⁄isimi muunaiĩ koina, ma karaarahhiri.
Haã teesaaqay yondiidi, ma mayri hiifookida daqa dooii, magi hhoeesi.”
Isaaya yaa kaay gimbaki, sa gimba yaa arimi wanqamee da Yeesu, kara gi gimbuusi gimba gosi Yeesu.
Teesaaqay see, giyaadimiisee wa⁄a da Wayahuudi yaa ⁄imbidi Yeesu. Inkoo, sa gimba gu Farisaayoo, inay yaa ⁄imbiriiba Yeesu pandaa da hidage. Inay yaa tlaꞌamuumuudiri tuba, digi gusina sinagoogigo. Caahha tuba, inay yaa slaiyay digima hhaꞌaleesi ha hida ba⁄ay da slawaraa hhaꞌaleesa da daqa Iliitleemu dahha.
Da hheꞌesi, Yeesu gi maahhi hari afoo da didiri tuba, “Heedi gunoó ⁄imba, slime yoóti ⁄imbi hikira gunaa ya⁄abu ana. Heedi gunoó arima ana, slime goóti arina hikira gunaa ya⁄abu ana. Ana hanti khay khoorotii cencee pahha, kila heedi gu ⁄imba ana, ma hhanti meeti hhanteege.
Heedi gu akhaakhamisa gimba gooi, gugi may oowaraa, ana hagu hukumaaba. Ana haati khayiiba khoorotii sa hukuruu hida, haati khay sa ilabuꞌuru inay. Hakimuu wana sa heedi guni sisaasia haa gooba ⁄imba gimba gooi. Gimba loi ga gimaamise, namaa hukuna ina baloo da hiifaakooge. Sa gimba, ana haati kakaakamaaba gimbaki ana lenkway, ti Taataa gunaa ya⁄abu ana, ninaa ilafahhi, mala gani kaawa haa idoo ga ilii kaawe. Ana khua tuba, ilakaawa dosi ti slafimaa gu koraraa haa koraraa goóba hiifaakoo. Inkoo, gimba ga kakaakame ana, ti hikaꞌa kilesi sinaa kaay ha Taataa, magu kakaami.”

Listen to Yohaana 12