If you have would like a copy of this version please contact info@davarpartners.org

Lumasaaba Old Testament

<div class="version vid2184 iso6393myx" data-vid="2184" data-iso6393="myx">
 <div class="book bkGEN">
 <div class="chapter ch23" data-usfm="GEN.23">
 <div class="label">23</div><div class="s">Khuufwa ni khuusiikhibwa khwa Sara</div><div class="p"> 1Sara aawangaala woolesa kimiiko shitoondo shitweela ni kamakhumi kabili na musaafu (127). 2Aryo waafwiila i Kiriyasi Aruba (nga nisho Heburoni) mu shibala sha Kanaani. Mu mbuka iyo, Iburayimu wewunamila lwe kumutaambo kwe khuufwa khweewe.</div><div class="p"> 3Lwanyuma Iburayimu wenyukhawo isi umufu weewe aaba, waatsya isi ba Hiiti, waabalomela ari, 4#Heb 11.9,13; Bur 7.16&#8220;Iseese ndi umuwuuyi busa mu shibala sheenywe, naluundi siindikho ni kumukuunda kwoosi mweesi inyala khuusiikha umukyelama wase ta. Ni mungulisekho kumukuunda inyalise khuusiikhamwo umufu wase.&#8221; 5Kila ba Hiiti beelamwo Iburayimu bari, 6&#8220;Musakhulu n'ukhurekeerese. Ifwe khukhubona iwe nga uli umuundu umukhulu naabi. N'utsye usiikhe umufu woowo mu &#331;ani ifuura buulayi naabi. Mbaawo umuundu na mutweela akari musiifwe, unyala waakhukhaangabisa iwe khuusiikha umufu woowo ta.&#8221;</div><div class="p"> 7Kila Iburayimu enyukha aasi, enamisa kumurwe kweewe isi babaandu ba Hiiti bano, 8lwanyuma waabalomela ari, &#8220;Inywe siinga muba nga muufukiilisa ise khuusiikha umukyelama wase ano, imbaloomba munoombele Efuroni, umusooleli wa Zohari, 9muri angulisekho liifuluma Makipela, liliili ibwaakamilo we kumukuunda kweewe. Mumunoombela akuungulise khu nusu tsoosi tsitsoolana ni nakwo, ni nase kane imusasule nga mweesi mubona, nio kube kukwase nga kwe khuusiikhatsakamwo baafu baase.&#8221;</div><div class="p"> 10Khu mbuka iyo, Efuroni umu Hiiti, aaba nga wekhaale aambi ni shilibwa she shiriimba atweela ni babaandu beewe. Kila alomela Iburayimu nga babaandu ba Hiiti boosi bawulila ari, 11&#8220;Musakhulu, ikhuloomba undekeerese buulayi. Ise indi khuukhuwa iwe kumukuunda ukwo, ni liifuluma lyamwo lyeene, ni babaandu baase bano bali baaboni. Indikhuukhuwa kumukuunda kuno kube kukwoowo usiikhatsakemo baafu boowo.&#8221;</div><div class="p"> 12Kila luundi ndi Iburayimu wenamisa kumurwe kweewe aasi isi babaandu ba Hiiti abo, 13waalomela Efuroni nga babaandu boosi baawulila ari, &#8220;Ise ndi khuukhuloomba iwe aluna ari, ikhuloomba undekeeresekho. Iseese ndi khuukana khuukhusasula tsinusu tsitsoolana ni kumukuunda kuno, nase inyalise khuusiikhamwo kumulaambo kw'omukyelama wase.&#8221;</div><div class="p"> 14Efuroni weelamwo Iburayimu ari, 15&#8220;Musakhulu, kumukuunda kuno kwoolesamwo busa bisiintsa bye feetsa bitoondo bine (400) byonyene. Ne bibyeene ibyo binyala byakhola shiina akari owo ni nase. N'uyile liiswa ilyo usiikhemwo umufu woowo.&#8221;</div><div class="p"> 16Aryo Iburayimu waafukiilisana ni Efuroni, waapimisa bisiintsa bye feetsa bitoondo bine (400), byeesi aaloma nga babaandu boosi bawulila, lwanyuma waabimuwa, khusiintsila khu bipimo bibyaraambisibwa ni baasubusi khu mbuka iyo. 17Musaambo iyo, kumukuunda ukwo kukwaba kwa Efuroni i Makipela, aambi ni kimisaala kya Mamure, kweekyela kwa Iburayimu. Kumukuunda kuno kwayililamwo ni liifuluma lyamwo lyeene, ni kimisaala kyoosi kikyabamwo, khuutsya khukhwoolela ilala khu lwaakha khwakwo. 18Kumukuunda kuno kwamanyikha mu lubuula nga kwa Iburayimu, mu moni tse ba Hiiti boosi babaabawo khu shilibwa. 19Lwanyuma lwayo Iburayimu waasiikha umukyelama weewe Sara mwifuluma lye mu mukuunda kwe Makipela, aambi ni kimisaala kye Mamure, shishaba i Heburoni, mu shibala sha Kanaani. 20Kuryo kumukuunda kukwaba kwe ba Hiiti kweekyela kwa Iburayimu, nga bakhola tsindakaano, khuuba kwe khuusiikhatsakamwo baafu.</div>
 </div>
 </div>
</div>

Lumasaaba Catholic Bible © The Bible Society of Uganda, 2017.

Sara aawangaala woolesa kimiiko shitoondo shitweela ni kamakhumi kabili na musaafu (127). Aryo waafwiila i Kiriyasi Aruba (nga nisho Heburoni) mu shibala sha Kanaani. Mu mbuka iyo, Iburayimu wewunamila lwe kumutaambo kwe khuufwa khweewe.
Lwanyuma Iburayimu wenyukhawo isi umufu weewe aaba, waatsya isi ba Hiiti, waabalomela ari, “Iseese ndi umuwuuyi busa mu shibala sheenywe, naluundi siindikho ni kumukuunda kwoosi mweesi inyala khuusiikha umukyelama wase ta. Ni mungulisekho kumukuunda inyalise khuusiikhamwo umufu wase.” Kila ba Hiiti beelamwo Iburayimu bari, “Musakhulu n'ukhurekeerese. Ifwe khukhubona iwe nga uli umuundu umukhulu naabi. N'utsye usiikhe umufu woowo mu ŋani ifuura buulayi naabi. Mbaawo umuundu na mutweela akari musiifwe, unyala waakhukhaangabisa iwe khuusiikha umufu woowo ta.”
Kila Iburayimu enyukha aasi, enamisa kumurwe kweewe isi babaandu ba Hiiti bano, lwanyuma waabalomela ari, “Inywe siinga muba nga muufukiilisa ise khuusiikha umukyelama wase ano, imbaloomba munoombele Efuroni, umusooleli wa Zohari, muri angulisekho liifuluma Makipela, liliili ibwaakamilo we kumukuunda kweewe. Mumunoombela akuungulise khu nusu tsoosi tsitsoolana ni nakwo, ni nase kane imusasule nga mweesi mubona, nio kube kukwase nga kwe khuusiikhatsakamwo baafu baase.”
Khu mbuka iyo, Efuroni umu Hiiti, aaba nga wekhaale aambi ni shilibwa she shiriimba atweela ni babaandu beewe. Kila alomela Iburayimu nga babaandu ba Hiiti boosi bawulila ari, “Musakhulu, ikhuloomba undekeerese buulayi. Ise indi khuukhuwa iwe kumukuunda ukwo, ni liifuluma lyamwo lyeene, ni babaandu baase bano bali baaboni. Indikhuukhuwa kumukuunda kuno kube kukwoowo usiikhatsakemo baafu boowo.”
Kila luundi ndi Iburayimu wenamisa kumurwe kweewe aasi isi babaandu ba Hiiti abo, waalomela Efuroni nga babaandu boosi baawulila ari, “Ise ndi khuukhuloomba iwe aluna ari, ikhuloomba undekeeresekho. Iseese ndi khuukana khuukhusasula tsinusu tsitsoolana ni kumukuunda kuno, nase inyalise khuusiikhamwo kumulaambo kw'omukyelama wase.”
Efuroni weelamwo Iburayimu ari, “Musakhulu, kumukuunda kuno kwoolesamwo busa bisiintsa bye feetsa bitoondo bine (400) byonyene. Ne bibyeene ibyo binyala byakhola shiina akari owo ni nase. N'uyile liiswa ilyo usiikhemwo umufu woowo.”
Aryo Iburayimu waafukiilisana ni Efuroni, waapimisa bisiintsa bye feetsa bitoondo bine (400), byeesi aaloma nga babaandu boosi bawulila, lwanyuma waabimuwa, khusiintsila khu bipimo bibyaraambisibwa ni baasubusi khu mbuka iyo. Musaambo iyo, kumukuunda ukwo kukwaba kwa Efuroni i Makipela, aambi ni kimisaala kya Mamure, kweekyela kwa Iburayimu. Kumukuunda kuno kwayililamwo ni liifuluma lyamwo lyeene, ni kimisaala kyoosi kikyabamwo, khuutsya khukhwoolela ilala khu lwaakha khwakwo. Kumukuunda kuno kwamanyikha mu lubuula nga kwa Iburayimu, mu moni tse ba Hiiti boosi babaabawo khu shilibwa. Lwanyuma lwayo Iburayimu waasiikha umukyelama weewe Sara mwifuluma lye mu mukuunda kwe Makipela, aambi ni kimisaala kye Mamure, shishaba i Heburoni, mu shibala sha Kanaani. Kuryo kumukuunda kukwaba kwe ba Hiiti kweekyela kwa Iburayimu, nga bakhola tsindakaano, khuuba kwe khuusiikhatsakamwo baafu.

Listen to Khuurakikha 23