If you have would like a copy of this version please contact info@davarpartners.org

Lumasaaba Old Testament

<div class="version vid2183 iso6393myx" data-vid="2183" data-iso6393="myx">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Kukwombekhe kwe nuungo tsingali kwe Babeli</div><div class="p"> 1Mu khunyoowa khukhweene, babaandu be shibala shoosi baaba bakanikha luulomo lutweela. 2Ne babaandu ni baakyeendaanaka beetsa khukhwaama i bwaamanyaanga, boola khu musaleela kwe mu Shinari#11.2 Shinari: Shifwo shino nisho Babulooni, bekholela buumenyo ibweene iyo.</div><div class="p"> 3Baryo kila beelomela bonyene bari, &#8220;Khakhwiitse atweela, khubuumbeyo kamatofwaali, khukoomise koome kahandalalile ilala buulayi bubweene.&#8221; Baryo baafuna kamatofwaali ke khukhwoombekhela mu shifwo she kamabaale busa, baafunayo ni buutosi bubuwaambanisa kamatofwaali atweela. 4Lwanyuma ndi kila beelomela bonyene bari, &#8220;Khayo khwiyombekhele shiriimba, nga shilimwo kukwombekhe kwe tsinuungo tsingali, nga kwaakulukha shisuli shakwo, shaaniina khukhwoola mwikulu, nio nafwe khuryo khube nga khwekholeele lisiina. Shino shinakhuyeeta khulekhe khusalanila khumalatane mu shibala shoosi ta.&#8221;</div><div class="p"> 5Ne Umukasya naye umweene kila eekha aasi khuulola khu shiriimba ni kukwoombekhe byeesi babaandu baaba boombekhile. 6Kila Umukasya naye aloma ari, &#8220;Babaandu bano balikho baraambila atweela, lwekhuuba bakanikha luulomo lutweela. Khuno khuli khuurakikha busa khweesho sheesi bali khuukana khuukhola. Nashiryo mbaawo shiindu shoosi shishikane shibakhaase khuukhola ta. 7Nashiryo ari yiitsa khwiikhe aasi, khutsye khukaraangaranise luulomo lwaabwe, nio ilekhe khuubawo umuundu umanya sheesi uwashe aloma ta.&#8221;</div><div class="p"> 8Aryo Umukasya waasalanisaka babaandu khukhwaama awo khuutsya mu shibala shoosi. Ni abweene awo baakamisa khukhwoombekha shiriimba. 9Isho nisho shishakila shiriimba isho shalaangibwa bari Babeli, lwekhuuba abweene awo, niwo isi Umukasya aakaraangaranisila luulomo lwe babaandu boosi. Ni khukhwaama abweene awo, waasalanisa babaandu khuutsya mu shibala shoosi.</div><div class="s">Lisaaye lya Shemu</div><div class="p"> 10Bano nibo babaaba babetsukhulu ba Shemu. Lwanyuma lwe kimiiko kibili nga kameetsi kaaweeleele, Shemu aaba nga oolesa kimiiko shitoondo shitweela (100) kye buukhulu, waasaala Arupakusadi. 11Ne lwanyuma lwe khuusaala Arupakusadi, aawaangala waamenyawo kimiiko kikiindi bitoondo biraano (500), waasaalayo babaana babaandi besiinde ni bekhaana.</div><div class="p"> 12Nga Arupakusadi naye woolesile kimiiko kamakhumi kataru na kiraano (35) kye buukhulu, waasaalayo umwaana umusiinde, waamutwiikha lisiina ari Shela. 13Lwanyuma lwe khuusaala Shela, Arupakusadi aawaangala, waamenyawo kimiiko kikiindi bitoondo bine na kitaru (403), waasaalayo babaana babaandi besiinde ni bekhaana.</div><div class="p"> 14Nga Shela naye woolesile kimiiko kamakhumi kataru (30) kye buukhulu, waasaala umwaana umusiinde waamutwiikha lisiina ari Eberi. 15Lwanyuma lwe khuusaala Eberi, Shela aawaangala, waamenyawo kimiiko kikiindi bitoondo bine na kitaru (403), waasaalayo babaana babaandi besiinde ni be khaana.</div><div class="p"> 16Nga Eberi naye woolisile kimiiko kamakhumi kataru na kine kye buukhulu (34), waasaala umwaana umusiinde, waamutwiikha lisiina ari Pelegi. 17Lwanyuma lwe khuusaala Pelegi, Eberi aawaangala, waamenyawo kimiiko kikiindi bitoondo bine ni kamakhumi kataru (430), waasaalayo babaana babaandi besiinde ni bekhaana.</div><div class="p"> 18Nga Pelegi woolesile kimiiko kamakhumi kataru (30) kye buukhulu, waasaala umwaana umusiinde, waamutwiikha lisiina ari Rewu. 19Lwanyuma lwe khuusaala Rewu, Pelegi aawaangala, waamenyawo kimiiko kikiindi bitoondo bibili na syeenda (209), waasaalayo babaana babaandi besiinde ni bekhaana.</div><div class="p"> 20Nga Rewu naye woolisile kimiiko kamakhumi kataru na kibili (32) kye buukhulu, waasaala umwaana umusiinde, waamutwiikha lisiina ari Serugi. 21Lwanyuma lwe khuusaala Serugi, Rewu aawaangala, waamenyawo kimiiko kikiindi bitoondo bibili na musaafu (207), waasaalayo babaana babaandi besiinde ni bekhaana.</div><div class="p"> 22Nga Serugi naye woolisile kimiiko kamakhumi kataru (30), waasaala umwaana umusiinde, waamutwiikha lisiina ari Nahori. 23Lwanyuma lwe khuusaala Nahori, Serugi aawaangala, waamenyawo kimiiko kikiindi bitoondo bibili (200), waasaalayo babaana babaandi besiinde ni bekhaana.</div><div class="p"> 24Nga Nahori naye woolisile kimiiko kamakhumi kabili na syeenda (29), waasaala umwaana umusiinde, waamutwiikha lisiina ari Tera. 25Lwanyuma lwe khuusaala Tera, Nahori aawaangala, waamenyawo kimiiko kikiindi shitoondo shitweela ni likhumi na syeenda (119), waasaalayo babaana babaandi besiinde ni bekhaana.</div><div class="p"> 26Nga Tera naye woolisile kimiiko kamakhumi musaafu (70), waasaala babaana besiinde bataru, nga nibo bano: Iburamu, Nahori, ni Harani.</div><div class="s">Lisaaye lya Tera</div><div class="p"> 27Lusaalo lwa Tera lwaba luri: Tera aasaala Iburamu, Nahori, ni Harani. Harani naye waasaala Loti. 28Lwanyuma Harani waafwiila mu shiriimba sheesi aasaalikhilamwo sha Uri#11.28 Uri: Alala shaamanyikhana nga Babulooni, shishaba she Bakaludaaya, nga paapa weewe ashiiliwo mulamu. 29Nabo Iburamu ni Nahori baayila bakhasi. Iburamu aayila umukhasi isi balaanga bari Sarayi, n'isi Nahori naye aayila nga bamulaanga bari Milika, uwaba umukhaana wa Harani naluundi paapa wa Isika. 30Sarayi aaba umukuumba busa, niye s'asaalakho babaana ta.</div><div class="p"> 31Tera waakhalawo khuuwuuya khukhwaama i Uri, khuutsya mu shibala sha Kanaani. Aryo waatsya ni Iburamu atweela ni Sarayi, umukhaana weewe umukhwe, uwaba umukhasi wa Iburamu, ni Loti umwitsukhulu weewe, uwaba umwaana wa Harani. Baryo ni beetsa boola mu Harani, baamenya ibweene iyo.</div><div class="p"> 32Tera waafwiila ibweene iyo mu Harani, nga woolisile kimiiko bitoondo bibili na kiraano (205) kye buukhulu.</div>
 </div>
 </div>
</div>

The Bible in Lumasaaba © Bible Society of Uganda, 2016. 

Mu khunyoowa khukhweene, babaandu be shibala shoosi baaba bakanikha luulomo lutweela. Ne babaandu ni baakyeendaanaka beetsa khukhwaama i bwaamanyaanga, boola khu musaleela kwe mu Shinari, bekholela buumenyo ibweene iyo.
Baryo kila beelomela bonyene bari, “Khakhwiitse atweela, khubuumbeyo kamatofwaali, khukoomise koome kahandalalile ilala buulayi bubweene.” Baryo baafuna kamatofwaali ke khukhwoombekhela mu shifwo she kamabaale busa, baafunayo ni buutosi bubuwaambanisa kamatofwaali atweela. Lwanyuma ndi kila beelomela bonyene bari, “Khayo khwiyombekhele shiriimba, nga shilimwo kukwombekhe kwe tsinuungo tsingali, nga kwaakulukha shisuli shakwo, shaaniina khukhwoola mwikulu, nio nafwe khuryo khube nga khwekholeele lisiina. Shino shinakhuyeeta khulekhe khusalanila khumalatane mu shibala shoosi ta.”
Ne Umukasya naye umweene kila eekha aasi khuulola khu shiriimba ni kukwoombekhe byeesi babaandu baaba boombekhile. Kila Umukasya naye aloma ari, “Babaandu bano balikho baraambila atweela, lwekhuuba bakanikha luulomo lutweela. Khuno khuli khuurakikha busa khweesho sheesi bali khuukana khuukhola. Nashiryo mbaawo shiindu shoosi shishikane shibakhaase khuukhola ta. Nashiryo ari yiitsa khwiikhe aasi, khutsye khukaraangaranise luulomo lwaabwe, nio ilekhe khuubawo umuundu umanya sheesi uwashe aloma ta.”
Aryo Umukasya waasalanisaka babaandu khukhwaama awo khuutsya mu shibala shoosi. Ni abweene awo baakamisa khukhwoombekha shiriimba. Isho nisho shishakila shiriimba isho shalaangibwa bari Babeli, lwekhuuba abweene awo, niwo isi Umukasya aakaraangaranisila luulomo lwe babaandu boosi. Ni khukhwaama abweene awo, waasalanisa babaandu khuutsya mu shibala shoosi.

Bano nibo babaaba babetsukhulu ba Shemu. Lwanyuma lwe kimiiko kibili nga kameetsi kaaweeleele, Shemu aaba nga oolesa kimiiko shitoondo shitweela (100) kye buukhulu, waasaala Arupakusadi. Ne lwanyuma lwe khuusaala Arupakusadi, aawaangala waamenyawo kimiiko kikiindi bitoondo biraano (500), waasaalayo babaana babaandi besiinde ni bekhaana.
Nga Arupakusadi naye woolesile kimiiko kamakhumi kataru na kiraano (35) kye buukhulu, waasaalayo umwaana umusiinde, waamutwiikha lisiina ari Shela. Lwanyuma lwe khuusaala Shela, Arupakusadi aawaangala, waamenyawo kimiiko kikiindi bitoondo bine na kitaru (403), waasaalayo babaana babaandi besiinde ni bekhaana.
Nga Shela naye woolesile kimiiko kamakhumi kataru (30) kye buukhulu, waasaala umwaana umusiinde waamutwiikha lisiina ari Eberi. Lwanyuma lwe khuusaala Eberi, Shela aawaangala, waamenyawo kimiiko kikiindi bitoondo bine na kitaru (403), waasaalayo babaana babaandi besiinde ni be khaana.
Nga Eberi naye woolisile kimiiko kamakhumi kataru na kine kye buukhulu (34), waasaala umwaana umusiinde, waamutwiikha lisiina ari Pelegi. Lwanyuma lwe khuusaala Pelegi, Eberi aawaangala, waamenyawo kimiiko kikiindi bitoondo bine ni kamakhumi kataru (430), waasaalayo babaana babaandi besiinde ni bekhaana.
Nga Pelegi woolesile kimiiko kamakhumi kataru (30) kye buukhulu, waasaala umwaana umusiinde, waamutwiikha lisiina ari Rewu. Lwanyuma lwe khuusaala Rewu, Pelegi aawaangala, waamenyawo kimiiko kikiindi bitoondo bibili na syeenda (209), waasaalayo babaana babaandi besiinde ni bekhaana.
Nga Rewu naye woolisile kimiiko kamakhumi kataru na kibili (32) kye buukhulu, waasaala umwaana umusiinde, waamutwiikha lisiina ari Serugi. Lwanyuma lwe khuusaala Serugi, Rewu aawaangala, waamenyawo kimiiko kikiindi bitoondo bibili na musaafu (207), waasaalayo babaana babaandi besiinde ni bekhaana.
Nga Serugi naye woolisile kimiiko kamakhumi kataru (30), waasaala umwaana umusiinde, waamutwiikha lisiina ari Nahori. Lwanyuma lwe khuusaala Nahori, Serugi aawaangala, waamenyawo kimiiko kikiindi bitoondo bibili (200), waasaalayo babaana babaandi besiinde ni bekhaana.
Nga Nahori naye woolisile kimiiko kamakhumi kabili na syeenda (29), waasaala umwaana umusiinde, waamutwiikha lisiina ari Tera. Lwanyuma lwe khuusaala Tera, Nahori aawaangala, waamenyawo kimiiko kikiindi shitoondo shitweela ni likhumi na syeenda (119), waasaalayo babaana babaandi besiinde ni bekhaana.
Nga Tera naye woolisile kimiiko kamakhumi musaafu (70), waasaala babaana besiinde bataru, nga nibo bano: Iburamu, Nahori, ni Harani.

Lusaalo lwa Tera lwaba luri: Tera aasaala Iburamu, Nahori, ni Harani. Harani naye waasaala Loti. Lwanyuma Harani waafwiila mu shiriimba sheesi aasaalikhilamwo sha Uri, shishaba she Bakaludaaya, nga paapa weewe ashiiliwo mulamu. Nabo Iburamu ni Nahori baayila bakhasi. Iburamu aayila umukhasi isi balaanga bari Sarayi, n'isi Nahori naye aayila nga bamulaanga bari Milika, uwaba umukhaana wa Harani naluundi paapa wa Isika. Sarayi aaba umukuumba busa, niye s'asaalakho babaana ta.
Tera waakhalawo khuuwuuya khukhwaama i Uri, khuutsya mu shibala sha Kanaani. Aryo waatsya ni Iburamu atweela ni Sarayi, umukhaana weewe umukhwe, uwaba umukhasi wa Iburamu, ni Loti umwitsukhulu weewe, uwaba umwaana wa Harani. Baryo ni beetsa boola mu Harani, baamenya ibweene iyo.
Tera waafwiila ibweene iyo mu Harani, nga woolisile kimiiko bitoondo bibili na kiraano (205) kye buukhulu.

Listen to Khuurakikha 11