<div class="version vid2174 iso6393bno" data-vid="2174" data-iso6393="bno">
   <div class="book bk1CO">
      <div class="chapter chINTRO1" data-usfm="1CO.INTRO1">
         <div class="imt1"><span class="content">KAG MGA PAUNANG BISAYA TUNGOR SA PRIMERONG SUYAT NI APOSTOL PABLO PARA SA</span></div><div class="is"><span class="content">MGA TAGA-CORINTO</span></div><div class="ip"><span class="content">Kag suyat nak kali ay imaw kag primero sa ruhang suyat sa Bibliya nak ingsuyat ni Apostol Pablo sa mga nagtutu-o kang Kristo sa syudad it Corinto. Kaling suyat ay ingsuyat mga 25 tuig pagkatapos sa kamatayon ni Kristo. (Kaling tuig ay ingbibilang nak 55 A.D.)</span></div><div class="ip"><span class="content">Corinto kag kapitolyo it probinsya it Acaya sa Gresya ag rili ra kag pantalan. Kaling syudad ay mayaman ag maramong tawo kag nag-iistar ag nagrarayan rili halin sa iba't-ibang lahi ag relihiyon. Nabantog ra kali dahil sa maramong naghihimo it kayainan ag imoralidad. (Basaha sa Bin. 18.)</span></div><div class="ip"><span class="content">Sa Mga Binuhatan 18:1-16 mababasa nato kag tungor sa unang pagbisita ni Pablo sa Corinto. Nagtiner sida ruto sa sakop it 1 &#189; tuig sa pagtudlo it Maadong Balita tungor kang Hesus. Tatlong tuig pagkahalin nida sa Corinto, nabaton nida kag suyat halin sa mga nagtutu-o ruto. (1 Cor. 7:1.) Parayan dili nasaduran nida nak inggwa ruto it mga nagsusuay-suayan ag ibang mga problema.</span></div><div class="ip"><span class="content">Kada nagsuyat sida sa inra pramas laygayan tungor sa kayainan nak inghihimo it inra mga myembro, lalong-laloey kag pagpangawatan it usa. Ingsabat ra nida kag inra mga pangutana tungor sa pag-asawa ag kag pagkaon nak inghalar sa mga dios-diosan. Inggwa ra sida it ingsiling sa inra tungor sa inra tamang paghiwas pag magtipon sinra sa pagdayaw, tungor sa mga ispirituhanong abilidad nak ingtata-o it Ispirito Santo ag tungor ra sa pagbanhaw it mga minatay.</span></div><div class="iot"><span class="content">KAG SUYOR IT 1 CORINTO</span></div><div class="io1"><span class="content">Kag Pagtuna it Suyat ag Pagpasalamat ni Apostol Pablo </span><span class="ior"><span class="content">1:1-9</span></span></div><div class="io1"><span class="content">Kag Pagsuay-suayan it mga Nagtutu-o </span><span class="ior"><span class="content">1:10&#8212;4:21</span></span></div><div class="io1"><span class="content">Kag Imoralidad ag Pag-akusar it Maghali sa mga Nagtutu-o </span><span class="ior"><span class="content">5:1&#8212;6:20</span></span></div><div class="io1"><span class="content">Kag Nahanungor sa Pag-asawa ag sa Waya it Asawa </span><span class="ior"><span class="content">7:1-40</span></span></div><div class="io1"><span class="content">Kag Nahanungor sa mga Inughalar sa mga Dios-diosan </span><span class="ior"><span class="content">8:1&#8212;11:1</span></span></div><div class="io1"><span class="content">Kag Nahanungor sa Tamang Paghiwas Pag Magdayaw sa Dios </span><span class="ior"><span class="content">11:2&#8212;14:40</span></span></div><div class="io1"><span class="content">Kag Pagkabanhaw ni Hesus ag kag Pagbanhaw sa mga Minatay </span><span class="ior"><span class="content">15:1-58</span></span></div><div class="io1"><span class="content">Kag Katapusan it Suyat </span><span class="ior"><span class="content">16:1-24</span></span></div><div class="imte2"><span class="content">Kag Primerong Suyat ni Apostol Pablo para sa</span></div><div class="imte1"><span class="content">MGA TAGA-CORINTO</span></div>
      </div>
   </div>
</div>

KAG MGA PAUNANG BISAYA TUNGOR SA PRIMERONG SUYAT NI APOSTOL PABLO PARA SA
MGA TAGA-CORINTO
Kag suyat nak kali ay imaw kag primero sa ruhang suyat sa Bibliya nak ingsuyat ni Apostol Pablo sa mga nagtutu-o kang Kristo sa syudad it Corinto. Kaling suyat ay ingsuyat mga 25 tuig pagkatapos sa kamatayon ni Kristo. (Kaling tuig ay ingbibilang nak 55 A.D.)
Corinto kag kapitolyo it probinsya it Acaya sa Gresya ag rili ra kag pantalan. Kaling syudad ay mayaman ag maramong tawo kag nag-iistar ag nagrarayan rili halin sa iba't-ibang lahi ag relihiyon. Nabantog ra kali dahil sa maramong naghihimo it kayainan ag imoralidad. (Basaha sa Bin. 18.)
Sa Mga Binuhatan 18:1-16 mababasa nato kag tungor sa unang pagbisita ni Pablo sa Corinto. Nagtiner sida ruto sa sakop it 1 ½ tuig sa pagtudlo it Maadong Balita tungor kang Hesus. Tatlong tuig pagkahalin nida sa Corinto, nabaton nida kag suyat halin sa mga nagtutu-o ruto. (1 Cor. 7:1.) Parayan dili nasaduran nida nak inggwa ruto it mga nagsusuay-suayan ag ibang mga problema.
Kada nagsuyat sida sa inra pramas laygayan tungor sa kayainan nak inghihimo it inra mga myembro, lalong-laloey kag pagpangawatan it usa. Ingsabat ra nida kag inra mga pangutana tungor sa pag-asawa ag kag pagkaon nak inghalar sa mga dios-diosan. Inggwa ra sida it ingsiling sa inra tungor sa inra tamang paghiwas pag magtipon sinra sa pagdayaw, tungor sa mga ispirituhanong abilidad nak ingtata-o it Ispirito Santo ag tungor ra sa pagbanhaw it mga minatay.
KAG SUYOR IT 1 CORINTO
Kag Pagtuna it Suyat ag Pagpasalamat ni Apostol Pablo 1:1-9
Kag Pagsuay-suayan it mga Nagtutu-o 1:10—4:21
Kag Imoralidad ag Pag-akusar it Maghali sa mga Nagtutu-o 5:1—6:20
Kag Nahanungor sa Pag-asawa ag sa Waya it Asawa 7:1-40
Kag Nahanungor sa mga Inughalar sa mga Dios-diosan 8:1—11:1
Kag Nahanungor sa Tamang Paghiwas Pag Magdayaw sa Dios 11:2—14:40
Kag Pagkabanhaw ni Hesus ag kag Pagbanhaw sa mga Minatay 15:1-58
Kag Katapusan it Suyat 16:1-24
Kag Primerong Suyat ni Apostol Pablo para sa
MGA TAGA-CORINTO

Listen to 1 Corinto KAG MGA PAUNANG BISAYA TUNGOR SA PRIMERONG SUYAT NI APOSTOL PABLO PARA SA