Western Cree Bible (Syllabics version) About Western Cree In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.” About This Translation A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text. If you are interested in obtaining a printed copy of this Bible, please contact the Canadian Bible Society at http://www.biblescanada.com. Copyright Information The Holy Bible in Western Cree © 2018 Canadian Bible Society. The text of the Holy Bible in Western Cree that appears in this electronic format or website is for personal use only. Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page. For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a corrected edition of the 1908 Western Cree Bible; it is in the public domain.

ᐁᑯᓯ ᑭ ᐃᑖᐱᐤ, ᐁ ᑭ ᐋᐧᐸᒫᐟ ᒫᑲ ᐊᔨᓯᔨᓂᐊᐧ ᐁ ᐁᐧᔪᑎᓯᔨᐟ ᐁ ᐱᒋᐁᐧᐱᓇᒥᔨᐟ ᐅᒣᑭᐃᐧᓂᔨᐊᐧ ᓱᓂᔮᐃᐧᐊᐧᑎᕽ. ᑭ ᐋᐧᐸᒣᐤ ᒫᑲ ᐯᔭᐠ ᐁ ᑭᑎᒪᑭᓯᔨᐟ ᓯᑳᐃᐧᐢᑫᐧᐊᐧ, ᐁ ᐱᒋᐁᐧᐱᓈᔨᐟ ᐁᑯᑕ ᓂᓱ ᐅᓴᐋᐧᐱᐢᑯᓴ. ᑭ ᐃᑌᐧᐤ ᒫᑲ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧ ᑭᑎᒪᑭᓯᐃᐧ ᓯᑲᐃᐧᐢᑫᐧᐤ ᐊᐊᐧᓯᒣ ᑭ ᐱᐦᒋ ᐁᐧᐱᓇᒼ ᐃᐢᐱᐨ ᑲᐦᑭᔭᐤ ᐃᐧᔭᐋᐧᐤ; ᒋᑫᒫ ᐅᑭ ᑲᐦᑭᔭᐤ, ᐁ ᐊᔨᐋᐧᑭᐸᔨᐃᑯᒋᐠ ᐅᐦᒋ ᑭ ᐱᐦᒋ ᐁᐧᐱᓇᒪᐧᐠ ᐅ ᒣᑭᐃᐧᓂᐋᐧᐊᐧ; ᒫᑲ ᐃᐧᔭ ᐅ ᑭᐧᑕᒫᐃᐧᓂᕽ ᐅᐦᒋ ᑭ ᐱᐦᒋ ᐁᐧᐱᓇᐣ ᑲᐦᑭᔭᐤ ᐊᓂᒪ ᑫ ᐅᐦᒋ ᐱᒫᑎᓯᐟ.
ᒣᑳᐧᐨ ᒫᑲ ᐊᑎᐟ ᐁ ᑕᓯᑕᒥᔨᐟ ᑭᐦᒋ ᐊᔭᒥᐦᐁᐃᐧᑲᒥᐠ, ᑖᓂᓯ ᐁᓯ ᐊᐧᐁᐧᓯᒋᑳᑌᔨᐠ ᒥᔪ ᐊᓯᓂᔭ ᐅᐦᒋ ᐊᓯᒋ ᐸᑭᑎᓈᓱᐃᐧᓇ, ᑭ ᐃᑌᐧᐤ, ᐃᐧᔭ ᐅᐦᐃ ᑳ ᐋᐧᐸᐦᑕᒣᐠ, ᐊᓂᐦᐃ ᑭᓯᑳᐊᐧ ᑭᑕ ᐅᑎᐦᒋᐸᔨᐊᐧ, ᐃᐢᐱ ᐁᑳ ᐊᐧᐊᐧᐨ ᐯᔭᐠ ᐊᓯᓂ ᑫ ᐃᐢᑯᓂᐦᐟ ᐁ ᑌᑖᐱᐢᑭᓯᕽ ᑯᑕᑲ, ᐁᑳ ᑭᑕ ᓂᒋᐁᐧᐱᓂᐦᐟ. ᐁᑯᓯ ᒫᑲ ᑭ ᑲᑫᐧᒋᒣᐊᐧᐠ, ᐁ ᐃᑌᐧᒋᐠ, ᐅᑭᐢᑭᓄᐦᐊᒫᑫᐤ, ᑖᓂᐢᐱ ᐅᒪ ᑫ ᐃᐦᑭᕽ? ᒥᓇ ᒫᑲ ᑖᓂᓯ ᑫ ᐃᓯ ᑭᐢᑭᓇᐊᐧᑌᔨᑖᑲᐧᕽ ᐃᐢᐱ ᐅᐦᐃ ᐃᐧ ᐅᑎᐦᒋᐸᔨᑲᐧᐃᐧ? ᑭ ᐃᑌᐤ ᒫᑲ, ᐊᔮᑲᐧᒥᓯᐠ ᐁᑳ ᑭᑕ ᐊᐧᔦᓯᒥᑲᐃᐧᔦᐠ; ᒋᑫᒫ ᒥᐦᒉᐟ ᑭᑕ ᐯ ᐃᑐᐦᑌᐊᐧᐠ ᓂ ᐃᐧᔪᐃᐧᓂᕽ, ᐁ ᐃᑌᐧᒋᐠ, ᓂᔭ ᙭: ᒥᓇ ᐯᓱᓈᑲᐧᐣ ᐃᔨᑯᕽ: ᐁᑳᐃᐧᔭ ᒫᑲ ᐱᒥᑎᓴᐅᑯᐠ. ᒫᑲ ᐃᐢᐱ ᐯᐦᑕᒣᑯ ᐁ ᐊᔭᑭ ᓄᑎᓂᑐᐃᐧᓇ, ᒥᓇ ᒫᔭᑲᒥᑭᓯᐃᐧᓇ, ᐁᑳᐃᐧᔭ ᓭᑭᓯᐠ: ᒋᑫᒫ ᐃᑕᐢᑌᐤ ᐅᒪ ᑭᑕ ᐃᐦᑭᕽ ᐱᑕ; ᒫᑲ ᐃᐧᔭ ᐃᐢᑳᐧᔮᐨ ᓇᒪᐃᐧᔭ ᓭᒫᐠ ᑭᑕ ᐅᑎᐦᒋᐸᔨᐤ.
ᐁᑯᓯ ᑭ ᐃᑌᐤ, ᐯᔭᐠ ᐁ ᐃᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᒪᐃᐧᓀᐢᑲᐁᐧᐊᐧᐠ ᑯᑕᑲ ᐊᔨᓯᔨᓂᐊᐧ, ᒥᓇ ᐯᔭᐠ ᐅᑌᓇᐃᐧᐃᐧᐣ ᑯᑕᐠ ᐅᑌᓇᐃᐧᐃᐧᐣ; ᐁᑯᓯ ᑭᑕ ᑭᐦᒋ ᑭᑲᐧᐣ ᒥᓇ ᓇᓈᑐᕽ ᐃᑕ ᓄᑌᑲᑌᐃᐧᐣ ᒥᓇ ᓯᓯᑯᑕᐢᐱᓀᐃᐧᓇ ᑭᑕ ᐊᔮᐊᐧ; ᐁᑯᓯ ᑭᐦᒋ ᒫᑫᐧᔨᒧᐃᐧᓇ ᒥᓇ ᑭᐢᑭᓇᐋᐧᒋ ᐃᓯᓇᒧᐃᐧᓇ ᑭᑕ ᐊᔮᐊᐧ ᑭᐦᒋ ᑭᓯᑯᕽ ᐅᐦᒋ. ᒫᑲ ᒪᐧᔦᐢ ᑲᐦᑭᔭᐤ ᐅᐦᐃ ᐅᑎᐦᒋᐸᔨᑳᐧᐃᐧ, ᑭ ᑲ ᐅᑎᑎᓂᑯᐊᐧᐊᐧᐠ, ᒥᓇ ᑭ ᑲ ᑲᑳᐧᑕᑭᐦᐃᑯᐋᐧᐊᐧᐠ ᐁ ᐸᑭᑎᓂᑯᔦᑯᐠ ᒫᐊᐧᒋᐃᑐᐃᐧᓂᕽ ᒥᓇ ᑭᐸᐦᐅᑐᐃᐧᑲᒥᑯᕽ, ᐁ ᐃᑐᑕᐃᐧᑲᐃᐧᔦᐠ ᑭᑕ ᐅᑎᐢᑲᐃᐧᐢᑲᐋᐧᔦᑯᐠ ᑭᐦᒋ ᐅᑭᒫᐊᐧᐠ ᒥᓇ ᐅᔭᓱᐁᐧᐊᐧᐠ ᓂ ᐃᐧᔪᐃᐧᐣ ᐅᐦᒋ. ᑭ ᑲ ᑭᐁᐧᑐᑖᑯᓈᐋᐧᐤ ᒫᑲ ᑭᑕ ᐋᒋᒥᑯᔦᐠ. ᐁᑯᓯ ᒫᑲ ᑭᓭᔨᑕᒧᐠ ᑭᑌᐃᐋᐧᕽ, ᐁᑳ ᓂᑳᐣ ᑭᑕ ᐊᐧᐁᐧᔦᔨᑕᒣᐠ ᑖᓂᓯ ᑫ ᐃᓯ ᓇᐢᑫᐧᐊᐧᓯᑖᔦᐠ; ᒋᑫᒫ ᑭ ᑲ ᒥᔨᑎᓈᐋᐧᐤ ᒥᑐᐣ ᐊᓯᒋ ᐃᔨᓂᓯᐃᐧᐣ, ᑲᐦᑭᔭᐤ ᑳ ᐸᑳᐧᑎᑯᔦᑳᐧᐤ ᐁᑳ ᑭᑕ ᑭ ᓇᑳᐢᑲᑭᐠ ᐊᐦᐳ ᑭᑕ ᐋᓯᑌᑕᑭᐠ. ᑭ ᑲ ᐸᑭᑎᓂᑯᐊᐧᐊᐧᐠ ᒫᑲ, ᐊᐦᐳ ᑭ ᓂᑭᐃᑯᐋᐧᐊᐧᐠ, ᑭᒋᐋᐧᒥᐋᐧᐊᐧᐠ, ᑭ ᐊᐧᑯᒫᑲᓂᐋᐧᐊᐧᐠ ᒥᓇ ᑭ ᑐᑌᒥᐋᐧᐊᐧᐠ; ᐁᑯᓯ ᐊᑎᐦᐟ ᑭ ᑲ ᓂᐸᐃᑯᐋᐧᐊᐧᐠ. ᑲᐦᑭᔭᐤ ᐊᔨᓯᔨᓂᐊᐧᐠ ᒫᑲ ᑭ ᑲ ᐸᑳᐧᑎᑯᐋᐧᐊᐧᐠ ᓂ ᐃᐧᔪᐃᐧᐣ ᐅᐦᒋ. ᒫᑲ ᓇᒪᐃᐧᔭ ᐯᔭᐠ ᑫᐢᑕᑳᐋᐧᐤ ᑭᐢᑎᑲᐧᓂᐊᐧᕽ ᑭᑕ ᓂᓯᐊᐧᓈᑕᐣ. ᑭ ᓴᓯᐯᔨᑕᒧᐃᐧᓂᐊᐧᕽ ᑭ ᑲ ᐸᐢᐱᐋᐋᐧᐊᐧᐠ ᑭᐟ ᐊᒑᐦᑯᐋᐧᐊᐧᐠ.
ᐃᐢᐱ ᒫᑲ ᐋᐧᐸᐦᑕᒣᑯ ᒉᕒᐅᓴᓬᐊᒼ ᐁ ᐋᐧᐢᑳᐢᑭᑳᑌᐠ ᓯᒫᑲᓂᓴᐠ ᐅᐦᒋ, ᐁᑲᐧ ᑭᐢᑫᔨᑕᒧᐠ ᐅ ᓂᓯᐊᐧᓈᒋᐃᑯᐃᐧᐣ ᑭᓯᐋᐧᐠ ᐁ ᐊᔮᔨᐠ. ᐁᑲᐧ ᑭᔮᒼ ᐊᓂᑭ ᒍᑎᐊᐃᕽ ᑳ ᐊᔮᒋᐠ ᐊᐧᒋᕽ ᑭᑕ ᐃᑖᒧᐊᐧᐠ; ᒥᓇ ᐊᓂᑭ ᒣᑳᐧᐨ ᐁᑯᑕ ᑳ ᐊᔮᒋᐠ ᑭᑕ ᓯᐯᐧᑌᐊᐧᐠ; ᒥᓇ ᐁᑳᐃᐧᔭ ᐊᓂᑭ ᐅᐦᐱᒣ ᑳ ᐊᔮᒋᐠ ᑭᑕ ᐱᐦᑐᑫᐊᐧᐠ ᐁᑯᑕ. ᒋᑫᒫ ᐁᐊᐧᑲᐧᓂ ᐅᐦᐃ ᐋᐯᐅᐃᐧ ᑭᓯᑳᐊᐧ, ᑲᐦᑭᔭᐤ ᑫᑲᐧᐩ ᑳ ᒪᓯᓇᐃᑳᑌᐠ ᑭᑕ ᑎᐱᐸᔨᐠ. ᑲᑲᐧᑕᑭᓯᐊᐧᐠ ᐊᓂᑭ ᑳ ᑭᑯᓭᒋᐠ ᒥᓇ ᐊᓂᑭ ᑳ ᓄᔭᐊᐧᓱᒋᐠ ᐁᑯᐢᐱ ᑲᑭᓯᑳᑭ? ᒋᑫᒫ ᑭᑕ ᐅᓴᒥ ᐋᔨᒪᑲᒥᑲᐣ ᐊᐢᑭᕽ, ᒥᓇ ᑭᓯᐋᐧᓯᐃᐧᐣ ᑭᑕ ᐹᑕᑯᐢᑳᑲᐧᐠ ᐅᑭ ᐊᔨᓯᔨᓂᐊᐧᐠ. ᐁ ᐃᓯ ᑮᓈᐠ ᒫᑲ ᐃᓴᐁᐧᐢᐠ ᑭᑕ ᐅᐦᒋ ᐸᐦᑭᓯᓇᐧᐠ, ᒥᓇ ᑭᑕ ᓯᐯᐧᑕᐋᐊᐧᐠ ᑭᑕ ᐊᐊᐧᑳᑎᑯᒋᐠ ᑲᐦᑭᔭᐤ ᐊᔨᓯᔨᓂᐊᐧ: ᐁᑯᓯ ᒉᕒᐅᓴᓬᐊᒼ ᑭᑕ ᑕᑯᐢᑳᑕᒪᐧᐠ ᒉᐣᑕᐃᓬᐊᐠ ᐃᔨᑯᕽ ᐅᑭᓯᑲᒥᐋᐧᐊᐧ ᒉᐣᑕᐃᓬᐊᐠ ᑭ ᑎᐱᐸᔨᑳᐧᐃᐧ.
ᐁᑯᓯ ᒥᓇ ᑭᑕ ᐊᔮᐊᐧ ᐁ ᑭᐢᑭᓇᐋᐧᒋᓈᑲᐧᑭ ᑭᓯᑲᐃᐧ ᐱᓯᒧᕽ ᒥᓇ ᑎᐱᐢᑲᐃᐧ ᐱᓯᒧᕽ ᒥᓇ ᐊᒑᑯᓯᕽ; ᒥᓇ ᐊᐢᑭᕽ ᐁ ᑯᑕᑭᑖᒋᐠ ᐊᔨᓯᔨᓂᐊᐧᐠ ᐁ ᐊᐧᐋᐧᓀᔨᑕᐦᑭᐠ, ᑭᐦᒋᑲᒥ ᒥᓇ ᑳ ᒫᒪᑳᐊᑭ ᐁ ᐯᑕᑲᐧᑭ; ᐊᔨᓯᔨᓂᐊᐧᐠ ᐁᑳ ᐁ ᑭᐢᑭᓯᒋᐠ ᐁ ᐃᓯ ᓭᑭᓯᒋᐠ, ᒥᓇ ᒋᑫᒫ ᐁ ᐯᐢᐁᐧᔨᑕᐦᑭᐠ ᐊᓂᐦᐃ ᑫ ᐅᑎᐦᒋᐸᔨᑭ ᐊᐢᑭᕽ: ᒋᑫᒫ ᑳ ᓱᑫᔨᑖᑲᐧᑭ ᑭᓯᑯᕽ ᑭᑕ ᐊᐧᐢᑲᐃᐧᐸᔨᐊᐧ. ᐁᑲᐧ ᒫᑲ ᑫ ᐋᐧᐸᒫᒋᐠ ᐃᔨᓂᐃᐧᑯᓯᓵᓇ ᐁ ᐯ ᓄᑯᓯᔨᐟ ᐊᐧᐢᑯᕽ ᑭᑭ ᒪᐢᑲᐃᐧᓯᐃᐧᐣ ᒥᓇ ᑭᐦᒋ ᑭᐢᑌᔨᑖᑯᓯᐃᐧᐣ. ᐃᐢᐱ ᒫᑲ ᐅᐦᐃ ᒫᒋ ᑎᐱᐸᔨᑳᐧᐃᐧ, ᑕᐢᑕᓵᐱᐠ, ᒥᓇ ᐅᐱᐢᑫᐧᔨᐠ; ᒋᑫᒫ ᑭ ᐱᒪᒋᐃᑯᐃᐧᓂᐋᐧᐤ ᑭᓯᐋᐧᐠ ᐁ ᐯ ᐊᔮᐠ.
ᑭ ᐃᐧᐦᑕᒪᐁᐧᐤ ᒫᑲ ᐋᐁᐧᒋᑲᐣ; ᐋᐧᐸᒥᕽ ᑭᐦᒋ ᓱᒥᓈᑎᐠ, ᒥᓇ ᑲᐦᑭᔭᐤ ᒥᐢᑎᑲᐧᐠ: ᐃᐢᐱ ᓯᔮᑭᐸᑭᑖᐧᐃᐧ, ᑭ ᐋᐧᐸᐦᑌᓈᐋᐧᐤ ᒥᓇ ᑭ ᑭᐢᑫᔨᑌᓈᐋᐧᐤ ᑭᔭᐋᐧᐤ ᑭᓯᐊᐧᐠ ᐁᑲᐧ ᐁ ᐊᔮᐠ ᑭᑕ ᓃᐱᕽ. ᐁᑯᓯ ᒫᑲ ᒣᐧᐦᒋ ᑭᐢᑕᐋᐧᐤ, ᐃᐢᐱ ᐋᐧᐸᐦᑕᒣᑯ ᑲᐦᑭᔭᐤ ᐊᓂᐦᐃ ᐁ ᑎᐱᐸᔨᑭ, ᑭᐢᑫᔨᑕᒧᐠ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᑭᓯᐊᐧᐠ ᐁ ᐊᔮᔨᐠ. ᑖᐯᐧ ᑭᐟ ᐃᑎᓈᐋᐧᐤ, ᐅᑭ ᐊᔨᓯᔨᓂᐊᐧᐠ ᐊᓄᐦᐨ ᑳ ᐱᒫᑎᓯᒋᐠ ᓇᒪᐃᐧᔭ ᑭᑕ ᒣᐢᒋᐸᔨᐊᐧᐠ ᐹᑎᒫ ᑲᐦᑭᔭᐤ ᑭ ᑎᐱᐸᔨᑭ. ᑭᓯᐠ ᒥᓇ ᐊᐢᑭ ᑭᑕ ᓯᐯᐧᐸᔨᐊᐧ; ᒫᑲ ᓂᐟ ᐊᔭᒥᐃᐧᓇ ᓇᒪᐃᐧᔭ ᑭᑕ ᓯᐯᐧᐸᔨᐊᐧ.
ᒫᑲ ᑲᓇᐁᐧᔨᒥᓱᐠ, ᐁᑳ ᑭᑌᐦᐃᐋᐧᐊᐧ ᑭᑕ ᐅᓵᒪᐢᑭᓀᑭ ᒥᒋᓱᐃᐧᐣ, ᒥᓇ ᑭᐢᑫᐧᐯᐃᐧᐣ, ᒥᓇ ᐁ ᐃᓯ ᒥᑯᐢᑲᑌᔨᑕᒥᕽ ᐅᒪ ᐱᒫᑎᓯᐃᐧᐣ, ᐁᑯᓯ ᒫᑲ ᐁᐊᐧᑳᐧᓂᒪ ᑭᓯᑳᐤ ᑭᑕ ᐅᑎᐦᑎᑯᔦᐠ ᓯᓯᑯᐨ ᑖᐱᐢᑯᐨ ᓇᑳᐧᑲᐣ: ᒋᑫᒫ ᐁᑯᓯ ᒣᐧᐦᒋ ᑭᑕ ᐃᓯ ᐅᑎᐦᑎᑲᐧᐠ ᑲᐦᑭᔭᐤ ᐊᓂᑭ ᑳ ᐊᔮᒋᐠ ᒥᓯᐁᐧ ᐊᐢᑭᕽ. ᒫᑲ ᑭᔭᐋᐧᐤ ᐊᓴᐋᐧᐱᐠ ᒧᓴᐠ, ᐁ ᐊᔭᒥᐦᐋᔦᐠ, ᑭᑕ ᑌᐸᑫᔨᑖᑯᓯᔦᐠ ᑭᑕ ᐸᐢᐱᐢᑕᒣᐠ ᑲᐦᑭᔭᐤ ᐅᐦᐃ ᑫ ᐅᑎᐦᒋᐸᔨᑭ, ᒥᓇ ᒫᑲ ᑭᑕ ᐅᑎᐢᑲᐧᐃᐧᑳᐸᐃᐧᐢᑕᐋᐧᔦᐠ ᐃᔨᓂᐃᐧᑯᓯᓵᐣ.
ᑕᐦᑐ ᑭᓯᑳᐤ ᒫᑲ ᑭ ᑭᐢᑭᓄᐦᐊᒫᑫᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ; ᐁᑯᓯ ᐁ ᑎᐱᐢᑳᔨᐠ ᑭ ᐊᐧᔭᐃᐧᐤ, ᐊᐧᒋᕽ ᐁ ᑭ ᓇᑕᐃᐧ ᐊᔭᐟ ᐋᓬᐃᑊᐢ ᐊᐧᒋ ᑳ ᐃᓯᔨᐦᑳᑌᐠ. ᑲᐦᑭᔭᐤ ᒫᑲ ᐊᔨᓯᔨᓂᐊᐧ ᐃᐧᐸᐨ ᑫᑭᓭᑊ ᑭ ᐯ ᓈᑎᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭᑕ ᓇᑐᑖᑯᐟ.

Listen to ᓭᐣᐟ ᓬᐅᐠ 21