Izere - 2006 WBT (NT) Drama

<div class="version vid2070 iso6393izr" data-vid="2070" data-iso6393="izr">
 <div class="book bk1TI">
 <div class="chapter ch6" data-usfm="1TI.6">
 <div class="label">6</div><div class="p"> 1&#193;ner aya &#225; ta nye &#225;sam cice&#817;r ra fok &#225;tekasa ba ato ne &#225; ka no&#817;o&#817;k ba kuyiik ba nong fan akak bu zhe&#817;e&#817;sh riyerek Adakunom ne ike&#817;ng iya yir t&#225; bo&#817;so&#817;p yir. 2&#193;sam &#225;ya atekasa ba ta nye &#225;fikuus, sang &#225;sam'me ta ka zhe&#817;e&#817;sh ba kamok &#225; ta nye &#225;roneng ba ba&#42892;. Amma i se gye&#817;r ke asam'me ka nye ba itomong gye&#817;r ne &#225; nar ingya kamok &#225;ner &#225; ta ya nubo&#817;k ba nye &#225;fikuus ne &#225; shim &#225;tekasa ba. Iyu ne inye ike&#817;re&#817; iya wan tana ka bo&#817;so&#817;p ba'me ne wan ku no&#817;o&#817;k ba itabak nong a ta kuus.</div><div class="s">Kushim itso&#817;m dide&#817;ng be&#817; be kuwei</div><div class="p"> 3Ke aner akak bo&#817;so&#817;p &#225;nerawe ike&#817;ng ikak ze&#817;e&#817;r be iya Agwo&#817;m &#193;gwo&#817;m yir aYeso Kiristi t&#225; bo&#817;so&#817;p ne kuri kuya ku ta nye kufe &#225;fikuus Adakunom ba&#42892;, 4aner kuri ayong be kuka ne a ra ren ike&#817;ng ikak ba&#42892;. A be amaan ise ne a shim nanan be akikar natoon abaan azhizhe&#817;k rife&#817; naya na tana be&#817;e&#817;n be rishishim be kuren ne ritok be amaan kuto&#817; natoon akak, 5ne &#225; ya nanan be &#225;ya a ta be akpe&#817;de&#817;ng kuto&#817;ro&#817;ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se&#817; itso&#817;m.</div><div class="p"> 6Amma ke aner aya a ta sor kusor kuri kufe Adakunom ta shim ne a ni fan be ike&#817;ng iya wu ta be, aner'e be agbang kurum. 7Kamok sang yir be&#817; yir be ike&#817;ng ikak kaye&#817;e&#817;r kazatse ba&#42892;, yir ta tseng yir be ike&#817;ng ikak ba&#42892;. 8Amma ke yir be yir naya be ares kute ike&#817;re&#817; iyong ti kyem yir. 9Amma &#225;ner aya a ta shim &#225; ta te arum ti gor ni kon i nye rine&#817;n ne &#225; ku yiir kaye&#817;e&#817;r amaan ike&#817;re&#817; iduk ife kuro&#817;m, ife i tana kuman ba ma i ta tseng be ba naro&#817; &#225; tana ku beseng ne &#225; wei. 10Kamok kushim itso&#817;m ne kunye ritin koakye kuri amaan kunye. &#193;ner &#225;kak kamok kushim itso&#817;m dide&#817;ng ma &#225; won kuno&#817;o&#817;k katsak ba nong &#225; ta te rice ba kaye&#817;e&#817;r amaan risam dide&#817;ng.</div><div class="s">Itabak aBulus t&#225; no&#817;o&#817;k aTimoti nigang'e</div><div class="p"> 11Amma wan, aner Adakunom, kuteng ike&#817;re&#817; na cei ni te rice wan ni itse&#817;r ike&#817;ng iya i ta se gye&#817;r nasho&#817;o&#817;n Adakunom, ike&#817;ng iya Adakunom ta shim, be kuno&#817;o&#817;k katsak ne kushim be ku naka tsesek ne kuse tatan. 12Ko&#817;n kuren kutek kaye&#817;e&#817;r kuno&#817;o&#817;k katsak. Yiir kutser kufe izen izen kuya a ta ka yis mo nizen iya wan ta fe&#817; nasho&#817;o&#817;n &#225;nerawe whe&#817;r ye wan shan aKiristi. 13Nasho&#817;o&#817;n Adakunom afe a ta no&#817;o&#817;k koakye ike&#817;ng kutser ne aYeso Kiristi aya a ta fe&#817; katsak natoon rice wu nasho&#817;o&#817;n aBuntus Bilatus, a t&#225; fe&#817; atuk katsak. Mi ta nye akusuk ye, 14wan rinye itomong be rife&#817; na zhe&#817;l ka dar narik ma nizen iya Agwo&#817;m &#193;gwo&#817;m yir aYeso Kiristi tana be&#817;. 15Kube&#817; aYeso ta se nizen iya Adakunom ta di i tu se gye&#817;r. Adakunom ne a nye aya &#225;nerawe tu ku kerek, ne wu ne a be kukyem cei, agbang Agwo&#817;m &#193;gwo&#817;m, Agwo&#817;m natoon &#225;gwo&#817;m cei. 16Wu ze&#817;e&#817;r ne a ku ba&#42892; a sor na akanang aya akak tana kyem a tseng bubarak be wu ba&#42892;, aya akak ta kun ku di ka a ta kyem a ku di ba&#42892;. Kuyiik be kukyem nye kufu ma izen izen. Anong.</div><div class="p"> 17Tak &#225;ya a ta be kurum kaye&#817;e&#817;r kazatse na be agbang kuto&#817; ye sang &#225; tu ya kuka be kurum ba ba&#42892;, ka &#225; tin te aye&#817; natoon kurum ba ba&#42892;, kuya ku tana gang koakye izen. Amma &#225; rin te aye&#817; na Adakunom aya a tin nyesek yir koakye ike&#817;ng kpe&#817; iya yir tanin fok yir kusas'e. 18Ka tak ba be agbang kuto&#817; ye &#225; ra nye kunye kutek, &#225; rin barang kurum kunye kunye kutek dide&#817;ng ne a se washak ne a shim kuno&#817;o&#817;k ike&#817;ng. 19Ke ba nye anong ne a ta tusung ike&#817;re&#817; itek kamok rice ba kaye&#817;e&#817;r kaza ne i sor agbang kanye&#817;k kamok izen i ta saase nong ase&#817; yin ta se&#817; yin kutser ku ta nye kufe katsak.</div><div class="p"> 20aTimoti, ni sak riye&#817; be ike&#817;ng iya a ta ka no&#817;o&#817;k amana'me. Kam be akpe&#817;de&#817;ng itak ne rife&#817; kuzhe&#817;e&#817;sh Adakunom ra wan abo&#817;o&#817;s a ta yis ye kuren ike&#817;ng, 21&#225;ya &#225;nerawe akak ta min kam be iren kuno&#817;o&#817;k katsak ba.</div><div class="p">Ritek ra se mak be yin.</div>
 </div>
 </div>
</div>

Áner aya á ta nye ásam cice̱r ra fok átekasa ba ato ne á ka no̱o̱k ba kuyiik ba nong fan akak bu zhe̱e̱sh riyerek Adakunom ne ike̱ng iya yir tá bo̱so̱p yir. Ásam áya atekasa ba ta nye áfikuus, sang ásam'me ta ka zhe̱e̱sh ba kamok á ta nye ároneng ba baꞌ. Amma i se gye̱r ke asam'me ka nye ba itomong gye̱r ne á nar ingya kamok áner á ta ya nubo̱k ba nye áfikuus ne á shim átekasa ba. Iyu ne inye ike̱re̱ iya wan tana ka bo̱so̱p ba'me ne wan ku no̱o̱k ba itabak nong a ta kuus.

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ, aner kuri ayong be kuka ne a ra ren ike̱ng ikak baꞌ. A be amaan ise ne a shim nanan be akikar natoon abaan azhizhe̱k rife̱ naya na tana be̱e̱n be rishishim be kuren ne ritok be amaan kuto̱ natoon akak, ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.
Amma ke aner aya a ta sor kusor kuri kufe Adakunom ta shim ne a ni fan be ike̱ng iya wu ta be, aner'e be agbang kurum. Kamok sang yir be̱ yir be ike̱ng ikak kaye̱e̱r kazatse baꞌ, yir ta tseng yir be ike̱ng ikak baꞌ. Amma ke yir be yir naya be ares kute ike̱re̱ iyong ti kyem yir. Amma áner aya a ta shim á ta te arum ti gor ni kon i nye rine̱n ne á ku yiir kaye̱e̱r amaan ike̱re̱ iduk ife kuro̱m, ife i tana kuman ba ma i ta tseng be ba naro̱ á tana ku beseng ne á wei. Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

Amma wan, aner Adakunom, kuteng ike̱re̱ na cei ni te rice wan ni itse̱r ike̱ng iya i ta se gye̱r nasho̱o̱n Adakunom, ike̱ng iya Adakunom ta shim, be kuno̱o̱k katsak ne kushim be ku naka tsesek ne kuse tatan. Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi. Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye, wan rinye itomong be rife̱ na zhe̱l ka dar narik ma nizen iya Agwo̱m Ágwo̱m yir aYeso Kiristi tana be̱. Kube̱ aYeso ta se nizen iya Adakunom ta di i tu se gye̱r. Adakunom ne a nye aya ánerawe tu ku kerek, ne wu ne a be kukyem cei, agbang Agwo̱m Ágwo̱m, Agwo̱m natoon ágwo̱m cei. Wu ze̱e̱r ne a ku baꞌ a sor na akanang aya akak tana kyem a tseng bubarak be wu baꞌ, aya akak ta kun ku di ka a ta kyem a ku di baꞌ. Kuyiik be kukyem nye kufu ma izen izen. Anong.
Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e. Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng. Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.
aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng, áya ánerawe akak ta min kam be iren kuno̱o̱k katsak ba.
Ritek ra se mak be yin.

Listen to 1 aTimoti 6