Vagla - 1977 Edition (Drama - NT)

<div class="version vid1938 iso6393vag" data-vid="1938" data-iso6393="vag">
 <div class="book bkJHN">
 <div class="chapter ch14" data-usfm="JHN.14">
 <div class="label">14</div><div class="s1">Yeesu n tig u hi&#331;ra bampiree wia</div><div class="p"> 1&#8220;Ii&#769; gil&#603;&#603; gil wia zuu ii nyuuni ii bampiree ch&#596;gi. Ii&#769; yardi K&#596;raawiizi di kaa yardi n ge jaa.#1Pit 3:22 2N M&#603;&#603; dia d&#596;&#596; diinii kpilaa werge, wibii maa. Di u vii waa gu&#331; d&#596;&#596;w&#603;, n da&#331; faa bagli ia gu&#331;? N na la denii n&#769; gaa &#603;&#603; a diini sirya di ra dau ia ii&#769; ra ba. 3Di n wa la&#331;&#331;&#596; di ga &#603;&#603; a sirya maa wa tu&#331;, n da&#331; kaa bir ba di wa chaali ii maa di la de ya&#769;a maa ga wer du b&#596;kpa&#331; de. 4Ii ge zum b&#596;r la minna la &#331;m&#603;n&#603;&#603;r&#603;.&#8221;</div><div class="s1">Yeesuu &#603;&#603; &#331;m&#603;n&#603;&#603;</div><div class="p"> 5T&#596;mas &#331;&#596;, &#8220;N D&#596;&#596;ri, yaa waa zum b&#596;r la hinna la. Ka &#603;r&#603;&#603; ya &#603;&#603; zum u &#331;m&#603;n&#603;&#603;i?&#8221; 6Yeesu &#331;&#596;, &#8220;Minuu &#331;m&#603;n&#603;&#603;, minuu wibii, minuu miib&#596;&#596;. N&#603;r maa wa&#768;a&#769; wer la K&#596;raawiizi be di waa n be ball&#603; l&#603;i.#1Tim 2:5 7Di ii vii zumimbuu n&#603;nn&#603;, ii da&#331; vii zum n M&#603;&#603; gba. Fila&#331;ke&#331; ii jaa zumuubuu di ra nau.&#8221;</div><div class="p"> 8Filip &#331;&#596; u be, &#8220;N D&#596;&#596;ri, gil ya na yaa M&#603;&#603; K&#596;raawiizi la ka a&#769; jaa par yaa.&#8221; 9Yeesu &#331;&#596;, &#8220;Filip, mi&#331; du ii be birgi kennaa, ka i haa wan zumm&#603;a? N&#603;r la maa n na&#331;, u na n M&#603;&#603; K&#596;raawiizi gbaa. &#400;r&#603;&#603; wiar&#603; i kaa &#331;&#596; n&#769; gil i na i m&#603;&#603; K&#596;raawiiz&#603;i? 10Haa s&#603;&#603;w&#603; lug&#596; n du K&#596;raawiizi nin&#603;&#603;, u ge du n nii? Wii la maa minna &#331;&#596;, n be l&#603;i a lii. N M&#603;&#603; la n du n ni la, waabuu &#596;&#596; ra hum u huma gu&#331;. 11Ii&#769; yardi&#331; alug&#596; n du K&#596;raawiizi nin&#603;&#603;, u ge du n ni. Di ii wa&#768;a&#769; wer kuu n wi&#331;&#596;zi naa wia s&#603;&#603;, ka ii&#769; s&#603;&#603; dikuu n wizenaa naawaa wia.</div><div class="p"> 12Ii&#769; gil n &#331;&#596; wibii maa t&#603;&#603; ia. N&#603;r la maa n ni&#331; s&#603;&#603; n wia, wizenaa la mi&#331; &#596;&#596; ra &#603;&#603; la, a hi&#331; gba da&#331; &#603;&#603;a di kaa &#603;&#603; anla n kpekke di kaali annii gba dikuu minna la n M&#603;&#603; be wia. 13Di ii wa su&#331;&#331;i&#331; wii la maa, n da&#331; &#603;&#603;u t&#603;&#603; ia, dikuu ii&#331; kpa n s&#596;&#331; di su&#331;&#331;i la wia n&#769; wer na girme t&#603;&#603; n M&#603;&#603; K&#596;raawiizi. 14Di ii kpa n s&#596;&#331; di su&#331;&#331;i&#331; wiimaa, n da&#331; &#603;&#603;u t&#603;&#603; ia.</div><div class="s1">Yeesu n &#331;&#596; nua u Dumnanii wia</div><div class="p"> 15Di ii n&#596;&#331;&#331;i&#331;, am&#596;, ii da&#331; hi&#331; n nuuzi. 16N da&#331; su&#331;&#331;i n M&#603;&#603; K&#596;raawiizi u&#769; kaa t&#603;&#603; ia N&#603;hiini b&#603;l n ni&#331; wer du ii be di ra la. 17U Dumnanii labuu n&#769; su&#331;&#331;i t&#603;&#603; ia. U da&#331; bagli ia wibii. Durnya wa&#768;a&#769; wer s&#603;&#603; u Dumnanii la wia, dikuub&#603;&#603;wiai, ba siwee wa&#768;a&#769; wer nau, ba&#769; zumuu. Ka iawaa zumuubuu dikuu u&#331; &#596;&#596; du ii be wia. U da&#331; wa du ii biine.</div><div class="p"> 18Ma&#768;a&#769; gil ia ha ii birgi lug&#596; lalbiizi. N da&#331; bir ba ii be. 19Di a wa &#603;&#603; tama, durnya wa&#768;a&#769; ka na&#331;. Ka iawaa da&#331; haa ra na&#331;. N da&#331; haa ra nyi&#331;. Ii gba da&#331; na miib&#596;&#596; dikuu mi&#331;waa miib&#596;&#596; la wia. 20Di n sa&#331;a wa hello, ii da&#331; jaa zum n&#603;nn&#603; lug&#596; n du n M&#603;&#603; nin&#603;&#603;, ii ge du n ni, n ge du ii ni. 21N&#603;r la maa n s&#603;&#603;w&#603; t&#603;&#603; n nuuzi naa di &#596;&#596; ra hi&#331;aa, waabuu n&#596;&#331;&#331;i&#331; n&#603;nn&#603;. N M&#603;&#603; da&#331; n&#596;&#331;&#331;i unla maa n n&#596;&#331;&#331;i&#331; gu&#331;. N gba da&#331; n&#596;&#331;&#331;uu di kpa n hi&#331; bagluu.&#8221;</div><div class="p"> 22Judas#14:22 Judas Iskari&#596;t la l&#603;i, u t&#596;gma b&#603;ll&#603;. jaa p&#603;&#603;zuu wii b&#603;l, &#8220;N D&#596;&#596;ri, b&#603;&#603; n baani i &#331;&#596; i da&#331; kpa i hi&#331; bagli yaa ka ha&#768;a&#769; s&#603;&#603; bagli durnya maa waai?&#8221; 23Yeesu &#331;&#596;, &#8220;Di ii n&#596;&#331;&#331;imbuu wibii, am&#596;, ii da&#331; &#596;&#596; ra hi&#331; n baglaa. Denii n&#769; m&#603;&#603; n&#596;&#331;&#331;i ia n&#769; nuu maa ba ii be di &#596;&#596; wa du ii ni. 24N&#603;r la maa n wan n&#596;&#331;&#331;&#603;&#603;, wa&#768;a&#769; ra hi&#331; n baglaa. Ka wi&#331;&#596;zi la iin nuuw&#603; n be la, n hora l&#603;i. N M&#603;&#603; la n humi&#331; la benii a lii.</div><div class="p"> 25Mi&#331; haa du ii be naa, minuu ra bagli ia. 26Ka di n wa kaal&#596;&#596;, N&#603;hiini la, K&#596;raawiizi Dumnanii la un ni&#331; hum u&#769; ba wa l&#603;&#603; n b&#596;r la, waabuu ni&#331; waa bagli ia wiimaa di ra liizi ia wii la maa mi&#331; bagli ia la.</div><div class="p"> 27Minna kaali naa, n t&#603;&#603; iabuu bampirs&#596;na. N himmaa bampirs&#596;naa n kpa t&#603;&#603; ia la. Durnya bampirs&#596;na l&#603;i. Awia, ii&#769; gil&#603;&#603; gil wiimaa kaa tir ia di gil&#603;&#603; ra &#596;m. 28Ii nuuw&#596;&#596; mi&#331; &#331;&#596;w&#603;&#603; lug&#596; n da&#331; la ka bir ba. Di ii vii n&#596;&#331;&#331;imbuu n&#603;nn&#603;, ii b&#596;ra da&#331; vii s&#596;&#596;ni ia lug&#596; mi&#331; &#331;&#596; minna la n M&#603;&#603; benii naa. N M&#603;&#603;r&#603; d&#596;&#596; zenni kaali&#331;. 29N feloore di ra &#331;&#596; wia naa ii be ka a&#769; haa wa &#603;&#603;, di a wa &#603;&#603;w&#596; ii&#769; jaa wer yardi&#331;.</div><div class="p"> 30N ni ia wa&#768;a&#769; ka &#331;&#596; wia werge fila&#331;ke&#331;. Durnya koori ra bau. Waa n wiimaa f&#596;&#331;&#331;a d&#596;&#596;w&#603; u&#769; firi&#331;. 31Ka u ra bau du&#769;rnya maa wer zum lug&#596; n n&#596;&#331;&#331;i K&#596;raawiizii di ra &#603;&#603; u kipar la u&#331; faa &#331;&#596; n&#769; na &#603;&#603; la maa di ga tu&#331;. Ii&#769; izi, ya kaali.&#8221;</div>
 </div>
 </div>
</div>

“Ií gilɛɛ gil wia zuu ii nyuuni ii bampiree chɔgi. Ií yardi Kɔraawiizi di kaa yardi n ge jaa. N Mɛɛ dia dɔɔ diinii kpilaa werge, wibii maa. Di u vii waa guŋ dɔɔwɛ, n daŋ faa bagli ia guŋ? N na la denii ń gaa ɛɛ a diini sirya di ra dau ia ií ra ba. Di n wa laŋŋɔ di ga ɛɛ a sirya maa wa tuŋ, n daŋ kaa bir ba di wa chaali ii maa di la de yáa maa ga wer du bɔkpaŋ de. Ii ge zum bɔr la minna la ŋmɛnɛɛrɛ.”

Tɔmas ŋɔ, “N Dɔɔri, yaa waa zum bɔr la hinna la. Ka ɛrɛɛ ya ɛɛ zum u ŋmɛnɛɛi?” Yeesu ŋɔ, “Minuu ŋmɛnɛɛ, minuu wibii, minuu miibɔɔ. Nɛr maa wàá wer la Kɔraawiizi be di waa n be ballɛ lɛi. Di ii vii zumimbuu nɛnnɛ, ii daŋ vii zum n Mɛɛ gba. Filaŋkeŋ ii jaa zumuubuu di ra nau.”
Filip ŋɔ u be, “N Dɔɔri, gil ya na yaa Mɛɛ Kɔraawiizi la ka á jaa par yaa.” Yeesu ŋɔ, “Filip, miŋ du ii be birgi kennaa, ka i haa wan zummɛa? Nɛr la maa n naŋ, u na n Mɛɛ Kɔraawiizi gbaa. Ɛrɛɛ wiarɛ i kaa ŋɔ ń gil i na i mɛɛ Kɔraawiizɛi? Haa sɛɛwɛ lugɔ n du Kɔraawiizi ninɛɛ, u ge du n nii? Wii la maa minna ŋɔ, n be lɛi a lii. N Mɛɛ la n du n ni la, waabuu ɔɔ ra hum u huma guŋ. Ií yardiŋ alugɔ n du Kɔraawiizi ninɛɛ, u ge du n ni. Di ii wàá wer kuu n wiŋɔzi naa wia sɛɛ, ka ií sɛɛ dikuu n wizenaa naawaa wia.
Ií gil n ŋɔ wibii maa tɛɛ ia. Nɛr la maa n niŋ sɛɛ n wia, wizenaa la miŋ ɔɔ ra ɛɛ la, a hiŋ gba daŋ ɛɛa di kaa ɛɛ anla n kpekke di kaali annii gba dikuu minna la n Mɛɛ be wia. Di ii wa suŋŋiŋ wii la maa, n daŋ ɛɛu tɛɛ ia, dikuu iiŋ kpa n sɔŋ di suŋŋi la wia ń wer na girme tɛɛ n Mɛɛ Kɔraawiizi. Di ii kpa n sɔŋ di suŋŋiŋ wiimaa, n daŋ ɛɛu tɛɛ ia.

Di ii nɔŋŋiŋ, amɔ, ii daŋ hiŋ n nuuzi. N daŋ suŋŋi n Mɛɛ Kɔraawiizi ú kaa tɛɛ ia Nɛhiini bɛl n niŋ wer du ii be di ra la. U Dumnanii labuu ń suŋŋi tɛɛ ia. U daŋ bagli ia wibii. Durnya wàá wer sɛɛ u Dumnanii la wia, dikuubɛɛwiai, ba siwee wàá wer nau, bá zumuu. Ka iawaa zumuubuu dikuu uŋ ɔɔ du ii be wia. U daŋ wa du ii biine.
Màá gil ia ha ii birgi lugɔ lalbiizi. N daŋ bir ba ii be. Di a wa ɛɛ tama, durnya wàá ka naŋ. Ka iawaa daŋ haa ra naŋ. N daŋ haa ra nyiŋ. Ii gba daŋ na miibɔɔ dikuu miŋwaa miibɔɔ la wia. Di n saŋa wa hello, ii daŋ jaa zum nɛnnɛ lugɔ n du n Mɛɛ ninɛɛ, ii ge du n ni, n ge du ii ni. Nɛr la maa n sɛɛwɛ tɛɛ n nuuzi naa di ɔɔ ra hiŋaa, waabuu nɔŋŋiŋ nɛnnɛ. N Mɛɛ daŋ nɔŋŋi unla maa n nɔŋŋiŋ guŋ. N gba daŋ nɔŋŋuu di kpa n hiŋ bagluu.”
Judas jaa pɛɛzuu wii bɛl, “N Dɔɔri, bɛɛ n baani i ŋɔ i daŋ kpa i hiŋ bagli yaa ka hàá sɛɛ bagli durnya maa waai?” Yeesu ŋɔ, “Di ii nɔŋŋimbuu wibii, amɔ, ii daŋ ɔɔ ra hiŋ n baglaa. Denii ń mɛɛ nɔŋŋi ia ń nuu maa ba ii be di ɔɔ wa du ii ni. Nɛr la maa n wan nɔŋŋɛɛ, wàá ra hiŋ n baglaa. Ka wiŋɔzi la iin nuuwɛ n be la, n hora lɛi. N Mɛɛ la n humiŋ la benii a lii.
Miŋ haa du ii be naa, minuu ra bagli ia. Ka di n wa kaalɔɔ, Nɛhiini la, Kɔraawiizi Dumnanii la un niŋ hum ú ba wa lɛɛ n bɔr la, waabuu niŋ waa bagli ia wiimaa di ra liizi ia wii la maa miŋ bagli ia la.
Minna kaali naa, n tɛɛ iabuu bampirsɔna. N himmaa bampirsɔnaa n kpa tɛɛ ia la. Durnya bampirsɔna lɛi. Awia, ií gilɛɛ gil wiimaa kaa tir ia di gilɛɛ ra ɔm. Ii nuuwɔɔ miŋ ŋɔwɛɛ lugɔ n daŋ la ka bir ba. Di ii vii nɔŋŋimbuu nɛnnɛ, ii bɔra daŋ vii sɔɔni ia lugɔ miŋ ŋɔ minna la n Mɛɛ benii naa. N Mɛɛrɛ dɔɔ zenni kaaliŋ. N feloore di ra ŋɔ wia naa ii be ka á haa wa ɛɛ, di a wa ɛɛwɔ ií jaa wer yardiŋ.
N ni ia wàá ka ŋɔ wia werge filaŋkeŋ. Durnya koori ra bau. Waa n wiimaa fɔŋŋa dɔɔwɛ ú firiŋ. Ka u ra bau dúrnya maa wer zum lugɔ n nɔŋŋi Kɔraawiizii di ra ɛɛ u kipar la uŋ faa ŋɔ ń na ɛɛ la maa di ga tuŋ. Ií izi, ya kaali.”

Listen to Jɔɔn 14