Ndagaanu Gihyaka

<div class="version vid1837 iso6393rub" data-vid="1837" data-iso6393="rub">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="s1">Bikukwatagana na kucwerangana Misangu</div><div class="r">(Lu&#817;u&#817;ka 6:37-38,41-42)</div><div class="p"> 1&#8220;Mutacwerangananga misangu, aleke nanywe batalibacwera; 2hab&#815;wakubba nka kumucwera bandi, nanywe kwokwo balibacwera; na ki&#817;pi&#817;mi&#817;syo ki&#817;mu&#817;koresya hali bandi, nanywe kyokyo bali&#817;bacweresya. 3Hab&#815;waki owonanga kantu kali mu li&#817;i&#817;so lya mwi&#817;ra waamu, bei&#817;tu&#817; otakusobora kuwona kali mu li&#817;i&#817;so lyamu? 4Kandi, osobora teetei&#817; kuweera mwi&#817;ra waamu nti, &#8216;Kankutoole kantu kaku&#817;gwi&#817;ri&#817; mu li&#817;i&#817;so,&#8217; kandi b&#815;u&#817;b&#815;wo nawe, b&#815;wi&#817;re b&#815;wensei&#817; oi&#817;ceeri&#817; noli na kintu mu lyamu? 5We ngobya we, banza weetoole ki&#817;kyo kili mu li&#817;i&#817;so lyamu, mwomwo osobore kuhweza na kutoola kakwo kali mu li&#817;i&#817;so lya mwi&#817;ra waamu.</div><div class="p"> 6&#8220;Mutahanga mbwene kintu kyensei&#817; ki&#817;syanu&#817;, kubba zi&#817;kwi&#817;za kubeehindukiira zi&#817;balwani&#817;sye; kandi mutagumiranga mpunu bintu byenyu&#817; bya muhendu, kubba zi&#817;kwi&#817;za kubisambasamba.&#8221;</div><div class="s1">Mu&#817;sabenge, Mu&#817;toolyenge, Mwerangenge</div><div class="r">(Lu&#817;u&#817;ka 11:9-13)</div><div class="p"> 7&#8220;Mu&#817;sabenge Ruhanga bintu bimukwetaaga, alibibaha; mu&#817;mu&#817;toolyenge, mulimwagya; mwerangenge, alibakingulira. 8Hab&#815;wakubba, yogwo yensei&#817; asaba Ruhanga, aheeb&#815;wambe; yogwo amutoolya alimwagya; na yogwo amweyanjulira alimukingulira. 9Mu&#817;byeru&#817; ki muli nywe, kakubba mwana waamu akusaba mugaati waakumuhamwo i&#817;hi&#817;ga? 10Rundi kakubba akusaba nsu&#817;, waakumuhamwo mpiri? 11Kale nu, nywe babiibi mwakabba nimukusobora kwega kuha baana beenyu&#817; bisembu birungi, Bbaa weenyu&#817; wa mwiguru tali&#817;ki&#817;ryaho hoi&#817; kuha bab&#815;wo bamusaba! 12Nahab&#815;waki&#817;kyo, mu&#817;koorenge bandi bi&#817;byo bi&#817;mwakwendeerye nabo babakoore; Kubba ki&#817;kyo kyokyo biragiro na baragu&#817;ri&#817; ki&#817;beegesya.&#8221;</div><div class="s1">Irembu Li&#817;fu&#817;ndu&#817;</div><div class="r">(Lu&#817;u&#817;ka 13:24)</div><div class="p"> 13&#8220;Murabe mu mulyangu gu&#817;fu&#817;ndu&#817;, kubba mulyangu gugali na muhanda gugali, bitwala bantu mu ku&#817;zi&#817;ka, kandi bab&#815;wo barabamwo babba banene. 14Bei&#817;tu&#817; irembu likutwala mu b&#815;womi, liicala li&#817;fu&#817;ndu&#817; na muhanda gukutwala mu b&#815;womi, gutatiro kugurabamwo, na bantu bagurabamwo badooli&#817;.&#8221;</div><div class="s1">Musaali Baguwonera ha Byana</div><div class="r">(Lu&#817;u&#817;ka 6:43-44)</div><div class="p"> 15&#8220;Mweri&#817;nde baragu&#817;ri&#817; ba b&#815;u&#817;gobya, bei&#817;za hali nywe balweri&#817; nibakwisana nka ntaama, kandi b&#815;u&#817;b&#815;wo mu mitima myab&#815;u nibali nka misege mili hab&#815;wa kwi&#817;ta. 16Mulibawonera ha bikorwa byab&#815;u. Byana bya mu&#817;yembe bakusobora kubinokola ha mutiti? Rundi byana bya mucungwa bakusobora kubinokola ha mu&#817;kalasu&#817;ma? 17Mu ngeru gyogyo gi&#817;mwei&#817; musaali gurungi gwana byana birungi; kandi musaali gubiibi gwana byana bibiibi. 18Musaali gurungi tigusobora kwana byana bibiibi, kandi musaali gubiibi tigusobora kwana byana birungi. 19Musaali gwensei&#817; gutakusobora kwana byana birungi, bagutema nibagukasuka mu mworo. 20Nahab&#815;waki&#817;kyo, bab&#815;wo baragu&#817;ri&#817; ba b&#815;u&#817;gobya mulibawonera ha bikorwa byab&#815;u.&#8221;</div><div class="s1">Bigambu Bibaze Bisagikwa Bikorwa</div><div class="r">(Lu&#817;u&#817;ka 13:25-27)</div><div class="p"> 21&#8220;Tibali bantu bensei&#817; bakoba, &#8216;Mukama wange, Mukama wange,&#8217; balingira mu b&#815;ukama b&#815;wa mwiguru; bei&#817;tu&#817; yogwo akora bya Bbaabba ali mwiguru bi&#817;yendya. 22Banene ha kiro kya kucwerwa musangu balinzeta nibakoba, &#8216;Mukama wange, Mukama wange, tu&#817;takatebyenge mwibara lyamu? Tutakabingenge mizumu mwibara lyamu? Tutakakorenge byamahanu binene mwibara lyamu?&#8217; 23B&#815;u&#817;b&#815;wo hooho ndibaweereeraho nti, &#8216;Ti&#817;mbeegi&#817;ri&#817;. Mu&#817;ndu&#817;geho nywe nkori&#817; za bibii.&#8217; &#8221;</div><div class="s1">Ku&#817;bi&#817;mba ha Mu&#817;si&#817;nge gutatiro</div><div class="r">(Lu&#817;u&#817;ka 6:47-49)</div><div class="p"> 24&#8220;Nahab&#815;waki&#817;kyo yogwo yensei&#817; yeegwa bi&#817;byo bigambu byange, kandi akabita mu nkora, abba nka muntu mu&#817;gezi&#817; munyakuhondera bi&#817;baamu&#817;weereeri&#817; yaabi&#817;mba nnyu&#817;mba gyamwe ha lubbaali. 25Ndagali&#817; b&#815;u&#817;gyagwi&#817;ri&#817;, meezi&#817; gaahuuka, kihehu kyahunga; nnyu&#817;mba gi&#817;gyo gitakagwe, hab&#815;wakubba gyali gi&#817;bi&#817;mbi&#817;i&#817;rwe ha lubbaali. 26Bei&#817;tu&#817; yogwo yensei&#817; yeegwa bi&#817;byo bigambu byange, akab&#815;ula kubita mu nkora, abba nka muntu mudoma mu&#817;nyaku&#817;bi&#817;mba nnyu&#817;mba ha musinyi. 27Ndagali&#817; b&#815;u&#817;gyagwi&#817;ri&#817;, mwizulo gwei&#817;za, na kihehu kyahunga nnyu&#817;mba gi&#817;gyo gyagwi&#817;ri&#817;, gyacwacwanikira ki&#817;mwei&#817;!&#8221;</div><div class="p"> 28Yesu&#817; b&#815;u&#817;yaamaari&#817; kubaza bi&#817;byo bigambu, bantu banene hoi&#817; baahu&#817;ni&#817;ri&#817;i&#817;ri&#817; hoi&#817; mu&#817;li&#817;ngo gu&#817;yeegeseeryengi&#817;mwo, 29hab&#815;wakubba yeegesyengi&#817; nka muntu ali na b&#815;u&#817;sobozi&#817;, hatali nka beegesa baab&#815;u ba biragiro bya Bayudaaya.</div>
 </div>
 </div>
</div>

“Mutacwerangananga misangu, aleke nanywe batalibacwera; hab̯wakubba nka kumucwera bandi, nanywe kwokwo balibacwera; na ki̱pi̱mi̱syo ki̱mu̱koresya hali bandi, nanywe kyokyo bali̱bacweresya. Hab̯waki owonanga kantu kali mu li̱i̱so lya mwi̱ra waamu, bei̱tu̱ otakusobora kuwona kali mu li̱i̱so lyamu? Kandi, osobora teetei̱ kuweera mwi̱ra waamu nti, ‘Kankutoole kantu kaku̱gwi̱ri̱ mu li̱i̱so,’ kandi b̯u̱b̯wo nawe, b̯wi̱re b̯wensei̱ oi̱ceeri̱ noli na kintu mu lyamu? We ngobya we, banza weetoole ki̱kyo kili mu li̱i̱so lyamu, mwomwo osobore kuhweza na kutoola kakwo kali mu li̱i̱so lya mwi̱ra waamu.
“Mutahanga mbwene kintu kyensei̱ ki̱syanu̱, kubba zi̱kwi̱za kubeehindukiira zi̱balwani̱sye; kandi mutagumiranga mpunu bintu byenyu̱ bya muhendu, kubba zi̱kwi̱za kubisambasamba.”


“Mu̱sabenge Ruhanga bintu bimukwetaaga, alibibaha; mu̱mu̱toolyenge, mulimwagya; mwerangenge, alibakingulira. Hab̯wakubba, yogwo yensei̱ asaba Ruhanga, aheeb̯wambe; yogwo amutoolya alimwagya; na yogwo amweyanjulira alimukingulira. Mu̱byeru̱ ki muli nywe, kakubba mwana waamu akusaba mugaati waakumuhamwo i̱hi̱ga? Rundi kakubba akusaba nsu̱, waakumuhamwo mpiri? Kale nu, nywe babiibi mwakabba nimukusobora kwega kuha baana beenyu̱ bisembu birungi, Bbaa weenyu̱ wa mwiguru tali̱ki̱ryaho hoi̱ kuha bab̯wo bamusaba! Nahab̯waki̱kyo, mu̱koorenge bandi bi̱byo bi̱mwakwendeerye nabo babakoore; Kubba ki̱kyo kyokyo biragiro na baragu̱ri̱ ki̱beegesya.”


“Murabe mu mulyangu gu̱fu̱ndu̱, kubba mulyangu gugali na muhanda gugali, bitwala bantu mu ku̱zi̱ka, kandi bab̯wo barabamwo babba banene. Bei̱tu̱ irembu likutwala mu b̯womi, liicala li̱fu̱ndu̱ na muhanda gukutwala mu b̯womi, gutatiro kugurabamwo, na bantu bagurabamwo badooli̱.”


“Mweri̱nde baragu̱ri̱ ba b̯u̱gobya, bei̱za hali nywe balweri̱ nibakwisana nka ntaama, kandi b̯u̱b̯wo mu mitima myab̯u nibali nka misege mili hab̯wa kwi̱ta. Mulibawonera ha bikorwa byab̯u. Byana bya mu̱yembe bakusobora kubinokola ha mutiti? Rundi byana bya mucungwa bakusobora kubinokola ha mu̱kalasu̱ma? Mu ngeru gyogyo gi̱mwei̱ musaali gurungi gwana byana birungi; kandi musaali gubiibi gwana byana bibiibi. Musaali gurungi tigusobora kwana byana bibiibi, kandi musaali gubiibi tigusobora kwana byana birungi. Musaali gwensei̱ gutakusobora kwana byana birungi, bagutema nibagukasuka mu mworo. Nahab̯waki̱kyo, bab̯wo baragu̱ri̱ ba b̯u̱gobya mulibawonera ha bikorwa byab̯u.”


“Tibali bantu bensei̱ bakoba, ‘Mukama wange, Mukama wange,’ balingira mu b̯ukama b̯wa mwiguru; bei̱tu̱ yogwo akora bya Bbaabba ali mwiguru bi̱yendya. Banene ha kiro kya kucwerwa musangu balinzeta nibakoba, ‘Mukama wange, Mukama wange, tu̱takatebyenge mwibara lyamu? Tutakabingenge mizumu mwibara lyamu? Tutakakorenge byamahanu binene mwibara lyamu?’ B̯u̱b̯wo hooho ndibaweereeraho nti, ‘Ti̱mbeegi̱ri̱. Mu̱ndu̱geho nywe nkori̱ za bibii.’ ”


“Nahab̯waki̱kyo yogwo yensei̱ yeegwa bi̱byo bigambu byange, kandi akabita mu nkora, abba nka muntu mu̱gezi̱ munyakuhondera bi̱baamu̱weereeri̱ yaabi̱mba nnyu̱mba gyamwe ha lubbaali. Ndagali̱ b̯u̱gyagwi̱ri̱, meezi̱ gaahuuka, kihehu kyahunga; nnyu̱mba gi̱gyo gitakagwe, hab̯wakubba gyali gi̱bi̱mbi̱i̱rwe ha lubbaali. Bei̱tu̱ yogwo yensei̱ yeegwa bi̱byo bigambu byange, akab̯ula kubita mu nkora, abba nka muntu mudoma mu̱nyaku̱bi̱mba nnyu̱mba ha musinyi. Ndagali̱ b̯u̱gyagwi̱ri̱, mwizulo gwei̱za, na kihehu kyahunga nnyu̱mba gi̱gyo gyagwi̱ri̱, gyacwacwanikira ki̱mwei̱!”
Yesu̱ b̯u̱yaamaari̱ kubaza bi̱byo bigambu, bantu banene hoi̱ baahu̱ni̱ri̱i̱ri̱ hoi̱ mu̱li̱ngo gu̱yeegeseeryengi̱mwo, hab̯wakubba yeegesyengi̱ nka muntu ali na b̯u̱sobozi̱, hatali nka beegesa baab̯u ba biragiro bya Bayudaaya.

Listen to Matayo 7