Talinga-Bwisi - WBT Version (Non-Drama - NT)

Lubwisi - Talinga-Bwisi - WBT Version (Drama - NT)

<div class="version vid1797 iso6393tlj" data-vid="1797" data-iso6393="tlj">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Mu&#817;kwi&#817;si&#817;ya na mu&#817;cu&#817;</div><div class="p"> 1Yesu aatwi&#817;la beeghesebuwa be lu&#817;si&#817;mo ku&#817;beegheesi&#817;ya ngoku babhonganuuwe kuukala mbasaba Luhanga bwile bwona, kandi kutahuwa maani&#817;. 2Aabaghila ati, &#8220;Hakaba aliyo mu&#817;cu&#817; oghu akaba aakaaye mu tau&#817;ni&#817; emui, akaba atoobahi&#817;ye Luhanga kedha bantu. 3Na mu&#817;kwi&#817;si&#817;ya akaba aakaaye mu tau&#817;ni&#817; eghi dhee. Mu&#817;kwi&#817;si&#817;ya oghu aakalagha naaghenda ewaa mu&#817;cu&#817; oghu ati amukoonele kijibu kiye, naamughila ati, &#8216;Gutu, onkingilile ew&#700;oghu ninyegheleeye.&#8217;</div><div class="p"> 4&#8220;Mu&#817;cu&#817; oghu aamala bwile bukani&#817;ye anabhengi&#817;ye kukoonela mu&#817;kwi&#817;si&#817;ya oghu. Bhaatu haakumaliilila aaghila ati, &#8216;Noobu ndaba ntakwobaagha Luhanga kedha bantu, 5haabwa mu&#817;kwi&#817;si&#817;ya oghu kuukala naasa kuntalibani&#817;ja bwile bwona, nkumukolela eki akubbala, ataliisa anjiyamu mu&#817;li&#817;mu&#817;!&#8217; &#8221;</div><div class="p"> 6Niibuwo Mukama Yesu aaghi&#817;li&#817;ye beeghesebuwa be ati, &#8220;Mweli&#817;li&#817;kan&#700;o bhyani eki mu&#817;cu&#817; mubhi oghu aabu&#817;ghi&#817;ye eki. 7Ti&#817; buuye Luhanga taakusaali&#817;y&#700;o kukoonela bantu aba aakomi&#817;yemu kandi abakumusabagha bwile bwona? Mu&#817;kweli&#817;li&#817;kana muti akumala bwile bukani&#817;ye atakabakooneeye? Bbaa! 8Muleke mbaghambile kini: bwile bwonini obu buliba mbwahi&#817;ki&#817;ye, Luhanga alibakoonela bwangu. Bhaatu Mwana wa Muntu obu alikuuka, buuye alisanga bantu banamu&#817;hi&#817;ki&#817;li&#817;i&#817;je?&#8221;</div><div class="s1">Mufali&#817;saayo na mukumaani&#817;ya wa musolo</div><div class="p"> 9Kilo kinji Yesu aatodha aatwi&#817;la lu&#817;si&#817;mo bantu abeeyetagha kuba bahi&#817;ki&#817;li&#817;i&#817;ye kandi baghaya bantu banji. 10Aaghila ati, &#8220;Basaasa babili bakaghenda mu Numba ya Luhanga kusaba. Omui akaba ali Mufali&#817;saayo, onji ali mukumaani&#817;ya wa musolo. 11Mufali&#817;saayo aamilila haakpengbu&#817; nga hali&#817;, aatandika kusabila haa mutima neepanka ati, &#8216;Nku&#817;ku&#817;si&#817;i&#817;ma Luhanga, nanga si&#817;ye kutaba mu&#817;si&#817;i&#817;si&#817; nga bantu banji. Tandi na mululu kedha bu&#817;ghobi&#817;ya, kandi tandi mu&#817;syani&#817; nga bantu banji. Nku&#817;ku&#817;si&#817;i&#817;ma nanga si&#817;ye tandi mu&#817;si&#817;i&#817;si&#817; nga mukumaani&#817;ya wa musolo oghu. 12Mu wi&#817;i&#817;ki&#817; nku&#817;si&#817;i&#817;baghamu bilo bibili, kandi nkuhaaghayo kimui kyeku&#817;mi&#817; ky&#700;ebi nkutungagha.&#8217; 13Bhaatu mukumaani&#817;ya wa musolo aamilila haakpengbu&#817; nga hali&#817;, aselaan&#700;o na Mufali&#817;saayo oghu, eetu&#817;li&#817;ka kandi eeku&#817;mbata.#18:13 Mu Lu&#817;gi&#817;li&#817;ki&#817; baghambi&#817;ye bati eeku&#817;nanga haa ki&#817;ku&#817;bha. Mu ngeso ya Ki&#817;yu&#817;daaya kweku&#817;nanga haa ki&#817;ku&#817;bha kyolekagha kutuntula. Aasaba naaghila ati, &#8216;Luhanga nkwesengeleei&#817;ye, gutu onganile si&#817;ye mu&#817;si&#817;i&#817;si&#817; oghu asaalukaane.&#8217; &#8221;</div><div class="p"> 14&#8220;Mbaghambiiye majima, mukumaani&#817;ya wa musolo oghu niiye akaghenda ewe naabaluwa kuba ahi&#817;ki&#817;li&#817;i&#817;ye, oli&#817; eye bbaa. Nanga weena munakwebhi&#817;mba-bhi&#817;mbi&#817;ya bali&#817;mu&#817;bhondi&#817;ya, kandi oghu akwebundaali&#817;ya bali&#817;mu&#817;hu&#817;ti&#817;ya.&#8221;</div><div class="s1">Yesu naaha baana mu&#817;gi&#817;sa</div><div class="r">(Matayo 19:13-15; Maliko 10:13-16)</div><div class="p"> 15Bantu baaleetela Yesu baana baabo nkelembe bati abaku&#817;m&#700;o. Obu beeghesebuwa be baaboone babyaye baa baana aba mbabaleeta, baabatanuka. 16Bhaatu Yesu aaghila ati baleete baana aba hambali ali, aaghila beeghesebuwa be ati, &#8220;Muleke baana aba banjis&#700;o, mutabatanga. Nanga abali nga baana bani niibo baliba mu bu&#817;lemi&#817; bwa Luhanga. 17Mbaghambiiye majima, muntu weena ataasi&#817;i&#817;mi&#817;ye bu&#817;lemi&#817; bwa Luhanga nga mwana, taakubutaahamu bbaa.&#8221;</div><div class="s1">Ki&#817;bu&#817;u&#817;li&#817;yo eki musaasa muguudha aabu&#817;u&#817;i&#817;ye</div><div class="r">(Matayo 19:16-30; Maliko 10:17-31)</div><div class="p"> 18Mu&#817;lemi&#817; omui Mu&#817;yu&#817;daaya, aabu&#817;u&#817;li&#817;ya Yesu ati, &#8220;Mwegheesi&#817;ya mulungi, nkole ki niikuwo ntunge bwomi&#817;i&#817;li&#817; butahuw&#700;o?&#8221;</div><div class="p"> 19Yesu aamukuukamu ati, &#8220;Wangi&#817;li&#817;yemu mulungi nangaaki? Taaliyo muntu mulungi n&#700;omui, kuuy&#700;o Luhanga enkaha. 20Omani&#817;ye bilaghilo bini: Otali&#817;syana, otaliita, otaliibha, otalihabi&#817;i&#817;li&#817;li&#817;ya muunakyawe, ohu&#817;ti&#817;yaghe so waawe na njoko waawe.&#8221;#Ku&#817;lu&#817;gha 20:12; Kyabilaghilo 5:16-20</div><div class="p"> 21Musaasa oghu aakuukamu Yesu ati, &#8220;Ebi byona nkabikwata ku&#817;lu&#817;ghi&#817;i&#817;li&#817;la mu bwana.&#8221;</div><div class="p"> 22Obu Yesu aaghu&#817;u&#817;ye musaasa oghu naabu&#817;gha atiyo, aamughila ati, &#8220;Oti&#817;ghaai&#817;ye kukola kintu kinji kimui kyonkaha, oghende oghu&#817;li&#817;ye bintu byawe byona, sente esi&#817;ku&#817;lu&#817;ghamu osihe banaku, wiise onkwame, olitungila buguudha mu eghulu.&#8221;</div><div class="p"> 23Bhaatu obu musaasa oghu aaghu&#817;u&#817;ye Yesu naabu&#817;gha atiyo, aasaaliluwa kimui nanga akaba atungiiye kimui. 24Obu Yesu aaboone ngoku musaasa oghu asaaluuwe, aakala amuloleleeye, aamughila ati, &#8220;Ngakitimbiikilaane kimui baguudha kuba mu bu&#817;lemi&#817; bwa Luhanga! 25Kidhooteeye kimui ngamila kusaalila mu kahulu kaa nkinjo kusaali&#817;ya muguudha kuba mu bu&#817;lemi&#817; bwa Luhanga.&#8221;</div><div class="p"> 26Abaaghu&#817;u&#817;ye naabu&#817;gha atiyo, baaghila bati, &#8220;Buuye, ni ani&#817; akugubha kujunuwa?&#8221;</div><div class="p"> 27Yesu aabakuukamu ati, &#8220;Eki bantu bataakugubha, Luhanga akukigubha.&#8221;</div><div class="p"> 28Niibuwo Peetelo aamu&#817;ghi&#817;li&#817;ye ati, &#8220;Ebyatu byona tukabi&#817;ti&#817;gha twakukwama.&#8221;</div><div class="p"> 29Yesu aabaghila ati, &#8220;Mbaghambiiye majima, muntu weena oghu aku&#817;ti&#817;gha ka yee, mukali&#817; wee, baana baani&#817;na wee, babyaye be, baana be, haabwa kugbatikani&#817;ya bu&#817;lemi&#817; bwa Luhanga, 30akumuha bintu bikaniiye kimui anali munsi muni kusaali&#817;ya ebi aati&#817;ghi&#817;ye ebi, ti&#817; mu bwile buliisa atunge bwomi&#817;i&#817;li&#817; butahuw&#700;o.&#8221;</div><div class="s1">Yesu naatodha ku&#817;bu&#817;gh&#700;o ngoku bakumwita</div><div class="r">(Matayo 20:17-19; Maliko 10:32-34)</div><div class="p"> 31Yesu aatwala beeghesebuwa be eku&#817;mi&#817; na babili haakpengbu&#817;, aabaghila ati, &#8220;Tulimakoma kughenda Yelusaalemu hambali ebi balangi&#817; baahandi&#817;i&#817;ki&#817;ye bati bikub&#700;o Mwana wa Muntu bikumubeel&#700;o. 32Akuheebuwayo mu balemi&#817; batali Bayu&#817;daaya, abakumuwawaani&#817;ya, bamubbaaki&#817;i&#817;si&#817;ye, kandi bamu&#817;twi&#817;le matanta. 33Bakumuhuulila kimui kandi bamwite, bhaatu haa kilo kya kasatu ahu&#817;mbu&#817;u&#817;ke.&#8221;</div><div class="p"> 34Bhaatu beeghesebuwa be aba baasaaghuwa kwetegheeleli&#817;ya ebi aabu&#817;ghi&#817;ye ebi. Bataakenga eki bikumani&#817;i&#817;si&#817;ya, nahabweki bataamanya eki Yesu aabu&#817;ghagh&#700;o kyonini.</div><div class="s1">Yesu naaki&#817;li&#817;ya musaasa oghu maaso ghaaghaaye</div><div class="r">(Matayo 20:29-34; Maliko 10:46-52)</div><div class="p"> 35Yesu naaneebinga tau&#817;ni&#817; ya Yeli&#817;ko, musaasa aaghaaye maaso akaba asitami&#817;ye haakpengbu&#817; ya luguudhe, naasaba-saba bantu. 36Musaasa oghu akaba makaaghu&#817;wa kiigambi&#817; kya bantu nkisaala, aabu&#817;u&#817;li&#817;ya abamuli haai ebikwete kulehukana. 37Bamui mu bantu aba baamughila bati, &#8220;Yesu w&#700;omu tau&#817;ni&#817; ya Najaaleeti&#817; niiye alimasaala.&#8221;</div><div class="p"> 38Du&#817;mbi&#817; musaasa oghu aatandika kugugangana ati, &#8220;Yesu! Muusukulu wa Dhau&#817;dhi&#817;! Gutu ongilile kisa!&#8221;</div><div class="p"> 39Bantu abaabaagha bahikiiye Yesu baatandika kutanga musaasa oghu bati aholi&#817;ye. Bhaatu eeyongelela kimui kugugangana ati, &#8220;Muusukulu wa Dhau&#817;dhi&#817;, ongilile kisa!&#8221;</div><div class="p"> 40Yesu eemilila aaghila abaabaagha haai na musaasa oghu ati bamuleete hambali. Obu baamuleeti&#817;ye, aamu&#817;bu&#817;u&#817;li&#817;ya ati, 41&#8220;Okubbala nkukolele ki?&#8221; Musaasa oghu aamukuukamu ati, &#8220;Mukama, nkubbala mbone!&#8221;</div><div class="p"> 42Yesu aamughila ati, &#8220;Obone! Ku&#817;hi&#817;ki&#817;li&#817;ja kwawe kwaku&#817;ki&#817;li&#817;i&#817;ye.&#8221; 43Du&#817;mbi&#817; musaasa oghu aabonel&#700;o, kandi aaghenda akweme Yesu, naanasindila kimui Luhanga. Ti&#817; bantu boona abaaboone ngoku musaasa oghu aaki&#817;li&#817;ye, baasinda Luhanga.</div>
 </div>
 </div>
</div>

Yesu aatwi̱la beeghesebuwa be lu̱si̱mo ku̱beegheesi̱ya ngoku babhonganuuwe kuukala mbasaba Luhanga bwile bwona, kandi kutahuwa maani̱. Aabaghila ati, “Hakaba aliyo mu̱cu̱ oghu akaba aakaaye mu tau̱ni̱ emui, akaba atoobahi̱ye Luhanga kedha bantu. Na mu̱kwi̱si̱ya akaba aakaaye mu tau̱ni̱ eghi dhee. Mu̱kwi̱si̱ya oghu aakalagha naaghenda ewaa mu̱cu̱ oghu ati amukoonele kijibu kiye, naamughila ati, ‘Gutu, onkingilile ewʼoghu ninyegheleeye.’
“Mu̱cu̱ oghu aamala bwile bukani̱ye anabhengi̱ye kukoonela mu̱kwi̱si̱ya oghu. Bhaatu haakumaliilila aaghila ati, ‘Noobu ndaba ntakwobaagha Luhanga kedha bantu, haabwa mu̱kwi̱si̱ya oghu kuukala naasa kuntalibani̱ja bwile bwona, nkumukolela eki akubbala, ataliisa anjiyamu mu̱li̱mu̱!’ ”
Niibuwo Mukama Yesu aaghi̱li̱ye beeghesebuwa be ati, “Mweli̱li̱kanʼo bhyani eki mu̱cu̱ mubhi oghu aabu̱ghi̱ye eki. Ti̱ buuye Luhanga taakusaali̱yʼo kukoonela bantu aba aakomi̱yemu kandi abakumusabagha bwile bwona? Mu̱kweli̱li̱kana muti akumala bwile bukani̱ye atakabakooneeye? Bbaa! Muleke mbaghambile kini: bwile bwonini obu buliba mbwahi̱ki̱ye, Luhanga alibakoonela bwangu. Bhaatu Mwana wa Muntu obu alikuuka, buuye alisanga bantu banamu̱hi̱ki̱li̱i̱je?”

Kilo kinji Yesu aatodha aatwi̱la lu̱si̱mo bantu abeeyetagha kuba bahi̱ki̱li̱i̱ye kandi baghaya bantu banji. Aaghila ati, “Basaasa babili bakaghenda mu Numba ya Luhanga kusaba. Omui akaba ali Mufali̱saayo, onji ali mukumaani̱ya wa musolo. Mufali̱saayo aamilila haakpengbu̱ nga hali̱, aatandika kusabila haa mutima neepanka ati, ‘Nku̱ku̱si̱i̱ma Luhanga, nanga si̱ye kutaba mu̱si̱i̱si̱ nga bantu banji. Tandi na mululu kedha bu̱ghobi̱ya, kandi tandi mu̱syani̱ nga bantu banji. Nku̱ku̱si̱i̱ma nanga si̱ye tandi mu̱si̱i̱si̱ nga mukumaani̱ya wa musolo oghu. Mu wi̱i̱ki̱ nku̱si̱i̱baghamu bilo bibili, kandi nkuhaaghayo kimui kyeku̱mi̱ kyʼebi nkutungagha.’ Bhaatu mukumaani̱ya wa musolo aamilila haakpengbu̱ nga hali̱, aselaanʼo na Mufali̱saayo oghu, eetu̱li̱ka kandi eeku̱mbata. Aasaba naaghila ati, ‘Luhanga nkwesengeleei̱ye, gutu onganile si̱ye mu̱si̱i̱si̱ oghu asaalukaane.’ ”
“Mbaghambiiye majima, mukumaani̱ya wa musolo oghu niiye akaghenda ewe naabaluwa kuba ahi̱ki̱li̱i̱ye, oli̱ eye bbaa. Nanga weena munakwebhi̱mba-bhi̱mbi̱ya bali̱mu̱bhondi̱ya, kandi oghu akwebundaali̱ya bali̱mu̱hu̱ti̱ya.”


Bantu baaleetela Yesu baana baabo nkelembe bati abaku̱mʼo. Obu beeghesebuwa be baaboone babyaye baa baana aba mbabaleeta, baabatanuka. Bhaatu Yesu aaghila ati baleete baana aba hambali ali, aaghila beeghesebuwa be ati, “Muleke baana aba banjisʼo, mutabatanga. Nanga abali nga baana bani niibo baliba mu bu̱lemi̱ bwa Luhanga. Mbaghambiiye majima, muntu weena ataasi̱i̱mi̱ye bu̱lemi̱ bwa Luhanga nga mwana, taakubutaahamu bbaa.”


Mu̱lemi̱ omui Mu̱yu̱daaya, aabu̱u̱li̱ya Yesu ati, “Mwegheesi̱ya mulungi, nkole ki niikuwo ntunge bwomi̱i̱li̱ butahuwʼo?”
Yesu aamukuukamu ati, “Wangi̱li̱yemu mulungi nangaaki? Taaliyo muntu mulungi nʼomui, kuuyʼo Luhanga enkaha. Omani̱ye bilaghilo bini: Otali̱syana, otaliita, otaliibha, otalihabi̱i̱li̱li̱ya muunakyawe, ohu̱ti̱yaghe so waawe na njoko waawe.”
Musaasa oghu aakuukamu Yesu ati, “Ebi byona nkabikwata ku̱lu̱ghi̱i̱li̱la mu bwana.”
Obu Yesu aaghu̱u̱ye musaasa oghu naabu̱gha atiyo, aamughila ati, “Oti̱ghaai̱ye kukola kintu kinji kimui kyonkaha, oghende oghu̱li̱ye bintu byawe byona, sente esi̱ku̱lu̱ghamu osihe banaku, wiise onkwame, olitungila buguudha mu eghulu.”
Bhaatu obu musaasa oghu aaghu̱u̱ye Yesu naabu̱gha atiyo, aasaaliluwa kimui nanga akaba atungiiye kimui. Obu Yesu aaboone ngoku musaasa oghu asaaluuwe, aakala amuloleleeye, aamughila ati, “Ngakitimbiikilaane kimui baguudha kuba mu bu̱lemi̱ bwa Luhanga! Kidhooteeye kimui ngamila kusaalila mu kahulu kaa nkinjo kusaali̱ya muguudha kuba mu bu̱lemi̱ bwa Luhanga.”
Abaaghu̱u̱ye naabu̱gha atiyo, baaghila bati, “Buuye, ni ani̱ akugubha kujunuwa?”
Yesu aabakuukamu ati, “Eki bantu bataakugubha, Luhanga akukigubha.”
Niibuwo Peetelo aamu̱ghi̱li̱ye ati, “Ebyatu byona tukabi̱ti̱gha twakukwama.”
Yesu aabaghila ati, “Mbaghambiiye majima, muntu weena oghu aku̱ti̱gha ka yee, mukali̱ wee, baana baani̱na wee, babyaye be, baana be, haabwa kugbatikani̱ya bu̱lemi̱ bwa Luhanga, akumuha bintu bikaniiye kimui anali munsi muni kusaali̱ya ebi aati̱ghi̱ye ebi, ti̱ mu bwile buliisa atunge bwomi̱i̱li̱ butahuwʼo.”


Yesu aatwala beeghesebuwa be eku̱mi̱ na babili haakpengbu̱, aabaghila ati, “Tulimakoma kughenda Yelusaalemu hambali ebi balangi̱ baahandi̱i̱ki̱ye bati bikubʼo Mwana wa Muntu bikumubeelʼo. Akuheebuwayo mu balemi̱ batali Bayu̱daaya, abakumuwawaani̱ya, bamubbaaki̱i̱si̱ye, kandi bamu̱twi̱le matanta. Bakumuhuulila kimui kandi bamwite, bhaatu haa kilo kya kasatu ahu̱mbu̱u̱ke.”
Bhaatu beeghesebuwa be aba baasaaghuwa kwetegheeleli̱ya ebi aabu̱ghi̱ye ebi. Bataakenga eki bikumani̱i̱si̱ya, nahabweki bataamanya eki Yesu aabu̱ghaghʼo kyonini.


Yesu naaneebinga tau̱ni̱ ya Yeli̱ko, musaasa aaghaaye maaso akaba asitami̱ye haakpengbu̱ ya luguudhe, naasaba-saba bantu. Musaasa oghu akaba makaaghu̱wa kiigambi̱ kya bantu nkisaala, aabu̱u̱li̱ya abamuli haai ebikwete kulehukana. Bamui mu bantu aba baamughila bati, “Yesu wʼomu tau̱ni̱ ya Najaaleeti̱ niiye alimasaala.”
Du̱mbi̱ musaasa oghu aatandika kugugangana ati, “Yesu! Muusukulu wa Dhau̱dhi̱! Gutu ongilile kisa!”
Bantu abaabaagha bahikiiye Yesu baatandika kutanga musaasa oghu bati aholi̱ye. Bhaatu eeyongelela kimui kugugangana ati, “Muusukulu wa Dhau̱dhi̱, ongilile kisa!”
Yesu eemilila aaghila abaabaagha haai na musaasa oghu ati bamuleete hambali. Obu baamuleeti̱ye, aamu̱bu̱u̱li̱ya ati, “Okubbala nkukolele ki?” Musaasa oghu aamukuukamu ati, “Mukama, nkubbala mbone!”
Yesu aamughila ati, “Obone! Ku̱hi̱ki̱li̱ja kwawe kwaku̱ki̱li̱i̱ye.” Du̱mbi̱ musaasa oghu aabonelʼo, kandi aaghenda akweme Yesu, naanasindila kimui Luhanga. Ti̱ bantu boona abaaboone ngoku musaasa oghu aaki̱li̱ye, baasinda Luhanga.

Listen to Luka 18