Quichua, Salasaka Highland - WBT Version (Drama NT)

<div class="version vid1770 iso6393qxl" data-vid="1770" data-iso6393="qxl">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Viuda kuchkida Diosmu kushkamunda</div><div class="r"> Mc 12.41-44</div><div class="p"> 1Diosbuj wasibi ofrenda churanabi charijkuna kuchkida churajtami Jesusga rikuguga. 2Imadash na charij viudash ishki ashalla valij kuchkida#21.2 Kai kuchkigunaga cobren rurashkami. churajta rikusha 3kashna niga, &#8220;Kabishkadadimi nini, imadash na charij viudaga tuki chaishujkunadash yallimi kuga. 4Chaishuj charijkunaga puchushkagunadami churugaguna. Chi viudaga imada na charishash pai imajllash charishkada tukidami kuga.&#8221;</div><div class="s">&#8220;Diosbuj wasida urmachingami&#8221;</div><div class="r"> Mt 24.1-2; Mc 13.1-2</div><div class="p"> 5Diosbuj wasi k'uilla rikunaidi rumigunan Diosmu kumbidasha churashkagunanbish k'uilladi rurashkada rikusha wakingunaga parlanukuga. Shina parlanukukimi Jesusga kashna niga, 6&#8220;P'unllaguna p'aktukiga kanguna kunun rikugushkaga tukidami tukuchishka ganga. Shuj rumillash na chaishuj rumi jawabi sakiringachu.&#8221;</div><div class="s">Kai pacha narij tukurijllabidi llakigunamunda</div><div class="r"> Mt 24.3-28; Mc 13.3-23</div><div class="p"> 7Kashna nikimi yachagujkunaga, &#8220;Yachachij &#191;ima p'unlladi kashnaga tukungari? &#209;a chashna tukungujka &#191;imagunadi rikuringari?&#8221; nisha tapugaguna.</div><div class="p"> 8Shina niki Jesusga niga, &#8220;Taugagunami &#209;ukaj shutibi shamusha, &#8216;&#209;ukami kishpichij Cristo gani.&#8217; &#8216;Kununmi tukurina p'unlla chayamun,&#8217; nikish ama katinguichichu. Yuyin ganguichi. P'akta paiguna llagmushkada cringuichimu. 9Llaktagunapura takanukiguna mandajkunada bulla rurashka wa&#241;unukigunash uyarikiga ama mancharinguichichu. Chi llakigunaga tiyungaidimi. Shinash tukurina p'unllaga narij chayamungachu.&#8221;</div><div class="p"> 10Kaidash nigami, &#8220;Shuj llaktaga kaishuj llaktan takanukungami. Llaktada mandujkunapurash p'i&#241;anukusha jataringami. 11Jatun achpa ch'ujchiguna tiyangami. Yarijish unguigunash kaibi chaibimi tiyanga. Jawa pachabish pish na rikuchishkagunash manchanai jatun mancharinagunash rikuringami.</div><div class="p"> 12&#8220;Narij shina tukujllabidij prezungu munusha kangunada katik'ichungami. Diosmunda yachana wasigunamush carcelgunamush pushungagunami. &#209;uka shutimundash jatun mandujkunajmu llaktada mandujkunajmush pushungami. 13Paigunaj &#241;aubujmu pushukish kangunaga ashtan &#209;ukamunda parli pudinguichimi. 14Kangunada pushukiga &#241;aubushadi &lt;&#191;Imadadi &#241;ukada ama llakichichunga nishari?&gt; yuyashaga ama chi yuyin ganguichichu. 15&#209;ukaidimi kangunamunga alli rimarina yuyida kusha. Chimunda kangunada p'i&#241;ujkunaga na ch'imbapuri pudingukish &lt;Kan parlashkaga na allichu&gt; ningujllash na pudingagunachu. 16Kangunaj taita mamagunaidi, wauki panigunaidi, &#241;a&#241;a turigunaidi, familiagunaidi, alli rijsishkagunaidimi upalla llullasha japichinga. Kangunapuramundash shujkunada wa&#241;uchingami. 17Tukigunami &#209;ukamunda kangunadaga na rikunachinga. 18Shina rurukish kangunaj uma juakchallash na chingaringachu. 19Shina llakichigukish &#209;ukada na sakishalla jinchi shayarishaga kishpiringuichimi.</div><div class="p"> 20&#8220;Tauga soldadoguna Jerusal&#233;n puebloda muyundijta shayajta rikushaga &#241;alla tukuchishtashka ganada yachichi. 21Shina tukukiga Judea llaktabi gajkunaga urkugunabi mitikungu ringuichi. Jerusalenbi gajkunash llujshisha ringuichi. Chagrabi gajkunash ama kutin pueblomu ringuichi. 22Chi p'unllagunabiga manchanaidimi llakichinga. Dios parlusha escribichishka Shimigunaga tukimi p'aktunga. 23Chi jatun llakigunabiga iksa charij warmigunash chuchuchigujkunash &#191;imachari tukunga? Kai pachabiga llakinaidijminga. Kaibi kausujkunadaga Dios p'i&#241;arisha manchanaidimi llakichinga. 24Shujkunadaga espadanmi wa&#241;uchinga. Chaishujkunadash prezu japisha tuki llaktagunamumi pushunga. Jerusalendaga saruj laya llakichichun Dios sakishka p'unllaguna p'aktungagama na israelgunami mandunga.&#8221;</div><div class="s">Jes&#250;s ima laya shamunamunda</div><div class="r"> Mt 24.29-35,42-44; Mc 13.24-37</div><div class="p"> 25&#8220;Chi k'ipaga indibi, lunabi, luzerogunabish, nash rikushkagunami rikuringa. Jatun yaku kuchaguna manchanaidi kaimu chaimu jatarisha juass mandaki kai pachabi kausujkuna musparishka shinami tukusha mancharingaguna. 26Kaibi kausujkunaga jawa cielobi imalla tiyashkash kuyuchishkamundami kai pacha ima tukunada ashtan mancharisha yuyida chingachisha musparingaguna. 27Kashna tukukiga Aichayuj tukushka Churi tukida ruri pudishkan k'uilla p'alaniguj gashkan#21.27 Castellanobi nin poder y gran gloria. p'uyubi shamujtami rikungaguna. 28Kai tuki llakiguna kallarimukiga kangunada kishpichina p'unlla p'aktagushkada yachunguichimi. Chimunda kanguna &#241;aubujmu risha kushilla chapagunguichilla.&#8221;</div><div class="p"> 29Yuyachingu nisha Jesusga kaidash niga, &#8220;Jigus yuragunada, shuj yuragunadash rikichi. 30Chi yuragunabi p'anga jundujta rikusha, tamia paskarina p'unlla chayamugujta kangunalladi yachunguichimi. 31Shinalladi kai llakigunadash rikusha Diosbuj mandana p'unlla chayamunada yachichi.</div><div class="p"> 32&#8220;Kabishkadadimi nini, kausajkuna narij wa&#241;ullabidimi tuki shina tukunadi p'aktashka ganga.#21.32 Generaci&#243;n nisha Jes&#250;s parlaki uyajkunadami ninga. Shuj yuyibiga generaci&#243;n nishaga israel gashta gentegunami ganga. 33Jawa pachash kai pachash tukuringami, ashtanbish &#209;uka nishka shimigunaga nalladi tukuringachu.</div><div class="p"> 34&#8220;Kangunalladi alli yuyarichi. P'akta machanallabi, mikunallabi, kai pachabi imadash charinallabi kangunaj shunguda churasha kausagunguichimu. Shina kausuguki p'akta kanguna na yuyashka uras chai p'unllaga chayamunmu. 35Shuj trampa shina kai pachabi kausujkunadaga tukigunadami kai llakigunaga japinga. 36Shinusha rinalla shuyanguichi. Kai shamuna llakigunamunda llujshi pudingajka Aichayuj tukushka Churij &#241;aubuki alli rikuri pudingajka Diosta ma&#241;unguichi,&#8221; nigami.</div><div class="p"> 37P'unllaga Diosbuj wasibi Jesusga yachachiga. Tutaga Olivos shuti urkubimi pakarij gaga. 38Pai yachachishkada uyungajmi tukiguna tutamundadi Diosbuj wasimu rigaguna.</div>
 </div>
 </div>
</div>

Diosbuj wasibi ofrenda churanabi charijkuna kuchkida churajtami Jesusga rikuguga. Imadash na charij viudash ishki ashalla valij kuchkida churajta rikusha kashna niga, “Kabishkadadimi nini, imadash na charij viudaga tuki chaishujkunadash yallimi kuga. Chaishuj charijkunaga puchushkagunadami churugaguna. Chi viudaga imada na charishash pai imajllash charishkada tukidami kuga.”


Diosbuj wasi k'uilla rikunaidi rumigunan Diosmu kumbidasha churashkagunanbish k'uilladi rurashkada rikusha wakingunaga parlanukuga. Shina parlanukukimi Jesusga kashna niga, “P'unllaguna p'aktukiga kanguna kunun rikugushkaga tukidami tukuchishka ganga. Shuj rumillash na chaishuj rumi jawabi sakiringachu.”


Kashna nikimi yachagujkunaga, “Yachachij ¿ima p'unlladi kashnaga tukungari? Ña chashna tukungujka ¿imagunadi rikuringari?” nisha tapugaguna.
Shina niki Jesusga niga, “Taugagunami Ñukaj shutibi shamusha, ‘Ñukami kishpichij Cristo gani.’ ‘Kununmi tukurina p'unlla chayamun,’ nikish ama katinguichichu. Yuyin ganguichi. P'akta paiguna llagmushkada cringuichimu. Llaktagunapura takanukiguna mandajkunada bulla rurashka wañunukigunash uyarikiga ama mancharinguichichu. Chi llakigunaga tiyungaidimi. Shinash tukurina p'unllaga narij chayamungachu.”
Kaidash nigami, “Shuj llaktaga kaishuj llaktan takanukungami. Llaktada mandujkunapurash p'iñanukusha jataringami. Jatun achpa ch'ujchiguna tiyangami. Yarijish unguigunash kaibi chaibimi tiyanga. Jawa pachabish pish na rikuchishkagunash manchanai jatun mancharinagunash rikuringami.
“Narij shina tukujllabidij prezungu munusha kangunada katik'ichungami. Diosmunda yachana wasigunamush carcelgunamush pushungagunami. Ñuka shutimundash jatun mandujkunajmu llaktada mandujkunajmush pushungami. Paigunaj ñaubujmu pushukish kangunaga ashtan Ñukamunda parli pudinguichimi. Kangunada pushukiga ñaubushadi <¿Imadadi ñukada ama llakichichunga nishari?> yuyashaga ama chi yuyin ganguichichu. Ñukaidimi kangunamunga alli rimarina yuyida kusha. Chimunda kangunada p'iñujkunaga na ch'imbapuri pudingukish <Kan parlashkaga na allichu> ningujllash na pudingagunachu. Kangunaj taita mamagunaidi, wauki panigunaidi, ñaña turigunaidi, familiagunaidi, alli rijsishkagunaidimi upalla llullasha japichinga. Kangunapuramundash shujkunada wañuchingami. Tukigunami Ñukamunda kangunadaga na rikunachinga. Shina rurukish kangunaj uma juakchallash na chingaringachu. Shina llakichigukish Ñukada na sakishalla jinchi shayarishaga kishpiringuichimi.
“Tauga soldadoguna Jerusalén puebloda muyundijta shayajta rikushaga ñalla tukuchishtashka ganada yachichi. Shina tukukiga Judea llaktabi gajkunaga urkugunabi mitikungu ringuichi. Jerusalenbi gajkunash llujshisha ringuichi. Chagrabi gajkunash ama kutin pueblomu ringuichi. Chi p'unllagunabiga manchanaidimi llakichinga. Dios parlusha escribichishka Shimigunaga tukimi p'aktunga. Chi jatun llakigunabiga iksa charij warmigunash chuchuchigujkunash ¿imachari tukunga? Kai pachabiga llakinaidijminga. Kaibi kausujkunadaga Dios p'iñarisha manchanaidimi llakichinga. Shujkunadaga espadanmi wañuchinga. Chaishujkunadash prezu japisha tuki llaktagunamumi pushunga. Jerusalendaga saruj laya llakichichun Dios sakishka p'unllaguna p'aktungagama na israelgunami mandunga.”


“Chi k'ipaga indibi, lunabi, luzerogunabish, nash rikushkagunami rikuringa. Jatun yaku kuchaguna manchanaidi kaimu chaimu jatarisha juass mandaki kai pachabi kausujkuna musparishka shinami tukusha mancharingaguna. Kaibi kausujkunaga jawa cielobi imalla tiyashkash kuyuchishkamundami kai pacha ima tukunada ashtan mancharisha yuyida chingachisha musparingaguna. Kashna tukukiga Aichayuj tukushka Churi tukida ruri pudishkan k'uilla p'alaniguj gashkan p'uyubi shamujtami rikungaguna. Kai tuki llakiguna kallarimukiga kangunada kishpichina p'unlla p'aktagushkada yachunguichimi. Chimunda kanguna ñaubujmu risha kushilla chapagunguichilla.”
Yuyachingu nisha Jesusga kaidash niga, “Jigus yuragunada, shuj yuragunadash rikichi. Chi yuragunabi p'anga jundujta rikusha, tamia paskarina p'unlla chayamugujta kangunalladi yachunguichimi. Shinalladi kai llakigunadash rikusha Diosbuj mandana p'unlla chayamunada yachichi.
“Kabishkadadimi nini, kausajkuna narij wañullabidimi tuki shina tukunadi p'aktashka ganga. Jawa pachash kai pachash tukuringami, ashtanbish Ñuka nishka shimigunaga nalladi tukuringachu.
“Kangunalladi alli yuyarichi. P'akta machanallabi, mikunallabi, kai pachabi imadash charinallabi kangunaj shunguda churasha kausagunguichimu. Shina kausuguki p'akta kanguna na yuyashka uras chai p'unllaga chayamunmu. Shuj trampa shina kai pachabi kausujkunadaga tukigunadami kai llakigunaga japinga. Shinusha rinalla shuyanguichi. Kai shamuna llakigunamunda llujshi pudingajka Aichayuj tukushka Churij ñaubuki alli rikuri pudingajka Diosta mañunguichi,” nigami.
P'unllaga Diosbuj wasibi Jesusga yachachiga. Tutaga Olivos shuti urkubimi pakarij gaga. Pai yachachishkada uyungajmi tukiguna tutamundadi Diosbuj wasimu rigaguna.

Listen to Lucas 21