Iban - Today's Iban Version (NT)

<div class="version vid171 iso6393iba" data-vid="171" data-iso6393="iba">
 <div class="book bkEPH">
 <div class="chapter ch6" data-usfm="EPH.6">
 <div class="label">6</div><div class="s">Anak Enggau Apai Indai</div><div class="p"> 1Kita ke anak, ngasika apai indai kita dalam Tuhan, laban utai nya ngena. 2 &#8220;Bebasaka apai enggau indai nuan&#8221; - nya terubah-rubah pesan ti disempulang enggau semaya: 3 &#8220;ngambika nuan mujur, sereta panjai umur nguan menua.&#8221;</div><div class="p"> 4 Lalu kita ke apai, anang ngereja utai ti tau ngemediska ati anak kita, tang iring sida nyadi orang ke besai tuai dalam disiplin enggau ajar Tuhan.</div><div class="s">Ulun Enggau Tuan Sida</div><div class="p"> 5Kita ke ulun, ngasika tuan kita enggau ati ti nangi sereta bejimat, enda belampung ati, baka ke ngasika Kristus; 6ukai semina lebuh sida meda kita, ketegal kita deka minta diri dipuji sida, tang laban kita ulun Kristus ke ngereja peneka Allah Taala enggau pengabis ati kita. 7Kereja pengawa kita enggau ati ti ransing, baka ke ngereja pengawa ke Tuhan, ukai baka ke ngereja pengawa ke mensia, 8laban kita nemu, Tuhan deka ngupah genap iku kitai ketegal kereja ti manah ti dikereja kitai, nemuka kitai nya ulun tauka ukai ulun.</div><div class="p"> 9 Lalu kita ke bempu ulun, kereja baka nya mega ngagai ulun kita. Badu agi ngemba sida, laban kita nemu, kita enggau sida sama besaumka siku aja Tuan di serega, lalu Iya enda bepilih mata.</div><div class="s">Semua Senyata Allah Taala</div><div class="p"> 10Ke pengujung iya, keringka diri dalam Tuhan, ngena pengering kuasa Iya. 11 Rasukka semua senyata Allah Taala, ngambika kita ulih ngelaban akal Sitan. 12Laban kitai ukai beperang ngelaban isi enggau darah, tang ngelaban bala pemerintah, ngelaban perintah, ngelaban kuasa dunya ti petang tu, enggau ngelaban kuasa roh ti jai di langit. 13Nya alai, rasukka semua senyata Allah Taala, ngambika kita tan lebuh hari ti jai nya datai, lalu lebuh kita udah ngereja semua utai, kita deka mengkang bediri tegap.</div><div class="p"> 14 Nya alai bediri kita, lalu tanchangka pemendar nyadika belulang ba punggung kita, enggau pengelurus nyadika terabai dada kita, 15 enggau ati ti seruran sedia deka nusui Berita Manah pasal pemaik, nyadika kasut kita. 16Nambahka nya, ambi pengarap nyadika terabai kena kita madamka semua laja ti beapi-api ti ditimbakka Sitan. 17 Lalu ambi pengelepas nyadika selapuk kebal kita, enggau jaku Allah Taala nyadika pedang Roh. 18Besampi dalam Roh tiap kali kita besampi, ngena semua macham sampi enggau peminta. Nya alai seruran bejaga lalu majak besampika semua nembiak Tuhan. 19Besampi mega ke aku ngambika lebuh aku bejaku, leka jaku diberi ngagai aku lebuh aku, enggau ati ti berani, madahka misteri Berita Manah, 20laban aku nyadi pengari ke Berita Manah nya, taja pen aku kena jil ketegal Berita Manah nya. Besampi ke aku, ngambika aku berani nusui Berita Manah nya, laban aku enda tau enda nusui Berita Manah nya.</div><div class="s">Jaku Tabi Ti Penudi</div><div class="p"> 21 Menyadi kitai Taikikus, ke tetap ati nyadi ulun Tuhan, deka madahka semua utai ngagai kita, ngambika kita nemu pasal aku, enggau pasal utai ti dikereja aku. 22Aku ngasuh iya nemuai ngagai kita ketegal tuju tu aja, ngambika kita nemu gaya pendiau kami, sereta meransang kita.</div><div class="p"> 23Awakka Allah Taala ti Apai, enggau Tuhan Jesus Kristus meri pemaik, pengerindu enggau pengarap ngagai semua orang Kristian. 24Awakka berekat Allah Taala meruan enggau semua orang ke enda badu rinduka Tuhan Jesus Kristus. </div>
 </div>
 </div>
</div>

Kita ke anak, ngasika apai indai kita dalam Tuhan, laban utai nya ngena. “Bebasaka apai enggau indai nuan” - nya terubah-rubah pesan ti disempulang enggau semaya: “ngambika nuan mujur, sereta panjai umur nguan menua.”
Lalu kita ke apai, anang ngereja utai ti tau ngemediska ati anak kita, tang iring sida nyadi orang ke besai tuai dalam disiplin enggau ajar Tuhan.

Kita ke ulun, ngasika tuan kita enggau ati ti nangi sereta bejimat, enda belampung ati, baka ke ngasika Kristus; ukai semina lebuh sida meda kita, ketegal kita deka minta diri dipuji sida, tang laban kita ulun Kristus ke ngereja peneka Allah Taala enggau pengabis ati kita. Kereja pengawa kita enggau ati ti ransing, baka ke ngereja pengawa ke Tuhan, ukai baka ke ngereja pengawa ke mensia, laban kita nemu, Tuhan deka ngupah genap iku kitai ketegal kereja ti manah ti dikereja kitai, nemuka kitai nya ulun tauka ukai ulun.
Lalu kita ke bempu ulun, kereja baka nya mega ngagai ulun kita. Badu agi ngemba sida, laban kita nemu, kita enggau sida sama besaumka siku aja Tuan di serega, lalu Iya enda bepilih mata.

Ke pengujung iya, keringka diri dalam Tuhan, ngena pengering kuasa Iya. Rasukka semua senyata Allah Taala, ngambika kita ulih ngelaban akal Sitan. Laban kitai ukai beperang ngelaban isi enggau darah, tang ngelaban bala pemerintah, ngelaban perintah, ngelaban kuasa dunya ti petang tu, enggau ngelaban kuasa roh ti jai di langit. Nya alai, rasukka semua senyata Allah Taala, ngambika kita tan lebuh hari ti jai nya datai, lalu lebuh kita udah ngereja semua utai, kita deka mengkang bediri tegap.
Nya alai bediri kita, lalu tanchangka pemendar nyadika belulang ba punggung kita, enggau pengelurus nyadika terabai dada kita, enggau ati ti seruran sedia deka nusui Berita Manah pasal pemaik, nyadika kasut kita. Nambahka nya, ambi pengarap nyadika terabai kena kita madamka semua laja ti beapi-api ti ditimbakka Sitan. Lalu ambi pengelepas nyadika selapuk kebal kita, enggau jaku Allah Taala nyadika pedang Roh. Besampi dalam Roh tiap kali kita besampi, ngena semua macham sampi enggau peminta. Nya alai seruran bejaga lalu majak besampika semua nembiak Tuhan. Besampi mega ke aku ngambika lebuh aku bejaku, leka jaku diberi ngagai aku lebuh aku, enggau ati ti berani, madahka misteri Berita Manah, laban aku nyadi pengari ke Berita Manah nya, taja pen aku kena jil ketegal Berita Manah nya. Besampi ke aku, ngambika aku berani nusui Berita Manah nya, laban aku enda tau enda nusui Berita Manah nya.

Menyadi kitai Taikikus, ke tetap ati nyadi ulun Tuhan, deka madahka semua utai ngagai kita, ngambika kita nemu pasal aku, enggau pasal utai ti dikereja aku. Aku ngasuh iya nemuai ngagai kita ketegal tuju tu aja, ngambika kita nemu gaya pendiau kami, sereta meransang kita.
Awakka Allah Taala ti Apai, enggau Tuhan Jesus Kristus meri pemaik, pengerindu enggau pengarap ngagai semua orang Kristian. Awakka berekat Allah Taala meruan enggau semua orang ke enda badu rinduka Tuhan Jesus Kristus.

Listen to Epesus 6