Chindau: Bhaibheri Rakachena muChindau Bible

Bhaibheri Rakachena muChindau

<div class="version vid1694 iso6393ndc" data-vid="1694" data-iso6393="ndc">
 <div class="book bkLUK">
 <div class="chapter ch3" data-usfm="LUK.3">
 <div class="label">3</div><div class="s">Kuchumaira kwaJohani Mubhabhatidzi</div><div class="r">(Mat. 3:1-12; Mk. 1:1-8; Joh. 1:19-28)</div><div class="p"> 1Ngegore regumi namashanu rokutonga kwaThibheriusi Siza, Phontiusi Piratu mutongi weJudhia, naHerodhi sadunhu weGarire, nomunun'una wake Firipu sadunhu wenyika yeIturia neyeTrakhonitisi, naRusaniasi sadunhu weAbhirene, 2Anasi naKaiafasi, vari vapristi vakuru, izwi raMwari rakauya kuna Johani mukororo waZekharia ari mushango; 3naye wakauya kunyika yeshe inotendenedza Jorodhani, echichumaira rubhabhatidzo rwokutenderuka kwokurekererwa kwezvishaishi. 4Kudai ngezvezvakanyorwa mubhuku remazwi aIsaya muprofeti kuti,</div><div class="q">&#8220;Izwi rounodaidzira mushango</div><div class="q">kuti: Nasirirai njira yaMambo Mwari,</div><div class="q">ruramisai makwara ake.</div><div class="q"> 5Mapani eshe anozozadzwa,</div><div class="q">nemitunhu yeshe nezvimitunhu zvinozodzaswa pashi,</div><div class="q">nezvakashongoroka zvinozoruramiswa,</div><div class="q">nenjira dzakaita marindi dzinozoserereswa;</div><div class="q"> 6nevanhu veshe vanozoona ruponeso rwaMwari.&#8221;</div><div class="p"> 7Ndizvo wakati kuvazhinji avo vakabuda kuuya kuzobhabhatidzwa ndiye, &#8220;Imwimwi vana vemabuura! Ndiani wakamunyowedza kuti mutize ushungu hunouya? 8Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe. 9Kunyazwi zvinopano sanho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto.&#8221;</div><div class="p"> 10Nembungano yakamubvunza yechiti, &#8220;Ndizvo tinozoitenyi?&#8221; 11Naye wakapingura, akati kwavari, &#8220;Uwo unemabhachi mairi, ngaakowane nousina; nouwo unezvokudya ngaaitewo kudaro.&#8221;</div><div class="p"> 12Nevabharisi vechibharo vakauyawo kuti vazobhabhatidzwa, vakati kwaari, &#8220;Mudzidzisi, isusu tinozoitenyi?&#8221; 13Wakati kwavari, &#8220;Musapamba zviro zvinopinda izvo zvakaemeserwa kwomuri.&#8221; 14Majoni nawo akamubvunzawo, akati, &#8220;Nesuwo tinozoitenyi?&#8221; Naye wakati kwavari, &#8220;Musazotorera munhu chiro ngesimba nokuti musazoitira munhu ndaa yokunyepa, asi mwechigutiswa ngemisharo yenyu.&#8221;</div><div class="p"> 15Naapo vanhu vachakarira, navo veshe vaidzibvunza mumwoyo ngendaa yaJohani, kuti pamweni ndiye Kristu, 16Johani wakapingura echiti kwavari veshe, &#8220;Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto. 17Aye unerutsero rwake munyara yake, kuti anase kutsvaira mbuwa yake nokuunganidza koroni mudura rake; asi makoto unozoapisha ngomwoto usikadzimi.&#8221;</div><div class="p"> 18Ndizvo wakachumaira mashoko akanaka nezviro zvimweni zvakawanda kuvanhu echivapanga. 19Asi Herodhi sadunhu, arambidzwa ndiye ngendaa yaHerodhiasi, mukadzi womunun'una wake, zve ngendaa yezveshe zvakashata zvaaiya akaita Herodhi, 20wakatutsira ichi chiro padera pazvo zveshe, kuti wakakonyera Johani mutirongo.</div><div class="s">Kubhabhatidzwa kwaJesu</div><div class="r">(Mat. 3:13-17; Mk. 1:9-11)</div><div class="p"> 21Naapo vanhu veshe vakabhabhatidzwa, naapo Jesu wakabhabhatidzwawo, achakumbira, denga rakabeurwa, 22noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, &#8220;Iwewe uri Mukororo wangu, unodikanwa, ndinonasa kudakara ndiwe.&#8221;</div><div class="s">Madzibabamukuru aJesu</div><div class="r">(Mat. 1:1-17)</div><div class="p"> 23Jesu wakaamba kudzidzisa anemakore anoda kuita makumi matatu, ari mukororo waJosefa, mukuona kwevanhu, uwo waiya mukororo waHeri, 24mukororo waMathati, mukororo waRevhi, mukororo waMereki, mukororo waJanai, mukororo waJosefa 25mukororo waMatatiasi, mukororo waAmosi, mukororo waNahumi, mukororo waEsiri, mukororo waNagai, 26mukororo waMaathi, mukororo waMatathiasi, mukororo waSemeini, mukororo waJoseki, mukororo waJodha, 27mukororo waJohanani, mukororo waResa, mukororo waZerubhabheri, mukororo weShearatieri, mukororo waNeri, 28mukororo waMereki, mukororo waAdhi, mukororo waKhosami, mukororo waEramadhamu, mukororo waEri, 29mukororo waJoshua, mukororo waErieza, mukororo waJorimu, mukororo waMathati, mukororo waRevhi, 30mukororo waSimeoni, mukororo waJudha, mukororo waJosefa, mukororo waJonamu, mukororo waEriakimu, 31mukororo waMerea, mukororo waMena, mukororo waMatatha, mukororo waNathani, mukororo waDhavhidha, 32mukororo waJesi, mukororo waObhedhi, mukororo waBhoazi, mukororo waSara, mukororo waNashoni, 33mukororo waAminadhabhi, mukororo waAdhimini, mukororo waArni, mukororo waHezironi, mukororo waPerezi, mukororo waJudha, 34mukororo waJakobe, mukororo waIsaka, mukororo waAbrahama, mukororo waThera, mukororo waNahori, 35mukororo waSerugi, mukororo waReu, mukororo waPheregi, mukororo waEbha, mukororo waShera, 36mukororo waKhenani, mukororo waArifakisadhi, mukororo waShemu, mukororo waNoa, mukororo waRameki, 37mukororo waMethusera, mukororo waEnokhi, mukororo waJaredhi, mukororo waMaharareri, mukororo waKhenani, 38mukororo waEnosi, mukororo waSethi, mukororo waAdhamu, mukororo waMwari.</div>
 </div>
 </div>
</div>

Ngegore regumi namashanu rokutonga kwaThibheriusi Siza, Phontiusi Piratu mutongi weJudhia, naHerodhi sadunhu weGarire, nomunun'una wake Firipu sadunhu wenyika yeIturia neyeTrakhonitisi, naRusaniasi sadunhu weAbhirene, Anasi naKaiafasi, vari vapristi vakuru, izwi raMwari rakauya kuna Johani mukororo waZekharia ari mushango; naye wakauya kunyika yeshe inotendenedza Jorodhani, echichumaira rubhabhatidzo rwokutenderuka kwokurekererwa kwezvishaishi. Kudai ngezvezvakanyorwa mubhuku remazwi aIsaya muprofeti kuti,
“Izwi rounodaidzira mushango
kuti: Nasirirai njira yaMambo Mwari,
ruramisai makwara ake.
Mapani eshe anozozadzwa,
nemitunhu yeshe nezvimitunhu zvinozodzaswa pashi,
nezvakashongoroka zvinozoruramiswa,
nenjira dzakaita marindi dzinozoserereswa;
nevanhu veshe vanozoona ruponeso rwaMwari.”
Ndizvo wakati kuvazhinji avo vakabuda kuuya kuzobhabhatidzwa ndiye, “Imwimwi vana vemabuura! Ndiani wakamunyowedza kuti mutize ushungu hunouya? Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe. Kunyazwi zvinopano sanho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto.”
Nembungano yakamubvunza yechiti, “Ndizvo tinozoitenyi?” Naye wakapingura, akati kwavari, “Uwo unemabhachi mairi, ngaakowane nousina; nouwo unezvokudya ngaaitewo kudaro.”
Nevabharisi vechibharo vakauyawo kuti vazobhabhatidzwa, vakati kwaari, “Mudzidzisi, isusu tinozoitenyi?” Wakati kwavari, “Musapamba zviro zvinopinda izvo zvakaemeserwa kwomuri.” Majoni nawo akamubvunzawo, akati, “Nesuwo tinozoitenyi?” Naye wakati kwavari, “Musazotorera munhu chiro ngesimba nokuti musazoitira munhu ndaa yokunyepa, asi mwechigutiswa ngemisharo yenyu.”
Naapo vanhu vachakarira, navo veshe vaidzibvunza mumwoyo ngendaa yaJohani, kuti pamweni ndiye Kristu, Johani wakapingura echiti kwavari veshe, “Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto. Aye unerutsero rwake munyara yake, kuti anase kutsvaira mbuwa yake nokuunganidza koroni mudura rake; asi makoto unozoapisha ngomwoto usikadzimi.”
Ndizvo wakachumaira mashoko akanaka nezviro zvimweni zvakawanda kuvanhu echivapanga. Asi Herodhi sadunhu, arambidzwa ndiye ngendaa yaHerodhiasi, mukadzi womunun'una wake, zve ngendaa yezveshe zvakashata zvaaiya akaita Herodhi, wakatutsira ichi chiro padera pazvo zveshe, kuti wakakonyera Johani mutirongo.


Naapo vanhu veshe vakabhabhatidzwa, naapo Jesu wakabhabhatidzwawo, achakumbira, denga rakabeurwa, noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, “Iwewe uri Mukororo wangu, unodikanwa, ndinonasa kudakara ndiwe.”


Jesu wakaamba kudzidzisa anemakore anoda kuita makumi matatu, ari mukororo waJosefa, mukuona kwevanhu, uwo waiya mukororo waHeri, mukororo waMathati, mukororo waRevhi, mukororo waMereki, mukororo waJanai, mukororo waJosefa mukororo waMatatiasi, mukororo waAmosi, mukororo waNahumi, mukororo waEsiri, mukororo waNagai, mukororo waMaathi, mukororo waMatathiasi, mukororo waSemeini, mukororo waJoseki, mukororo waJodha, mukororo waJohanani, mukororo waResa, mukororo waZerubhabheri, mukororo weShearatieri, mukororo waNeri, mukororo waMereki, mukororo waAdhi, mukororo waKhosami, mukororo waEramadhamu, mukororo waEri, mukororo waJoshua, mukororo waErieza, mukororo waJorimu, mukororo waMathati, mukororo waRevhi, mukororo waSimeoni, mukororo waJudha, mukororo waJosefa, mukororo waJonamu, mukororo waEriakimu, mukororo waMerea, mukororo waMena, mukororo waMatatha, mukororo waNathani, mukororo waDhavhidha, mukororo waJesi, mukororo waObhedhi, mukororo waBhoazi, mukororo waSara, mukororo waNashoni, mukororo waAminadhabhi, mukororo waAdhimini, mukororo waArni, mukororo waHezironi, mukororo waPerezi, mukororo waJudha, mukororo waJakobe, mukororo waIsaka, mukororo waAbrahama, mukororo waThera, mukororo waNahori, mukororo waSerugi, mukororo waReu, mukororo waPheregi, mukororo waEbha, mukororo waShera, mukororo waKhenani, mukororo waArifakisadhi, mukororo waShemu, mukororo waNoa, mukororo waRameki, mukororo waMethusera, mukororo waEnokhi, mukororo waJaredhi, mukororo waMaharareri, mukororo waKhenani, mukororo waEnosi, mukororo waSethi, mukororo waAdhamu, mukororo waMwari.

Listen to Ruka 3