दुई शब्द नेपाल बाइबलसोसाइटीले ईस्वी सम्बत्१९९७मा प्रकाशित गरेको नयाँ संशोधित नेपाली बाइबललाई अझ स्तरिय र हाम्रा आदरणीयपाठकवर्गको चाहनाअनुसारको आकार, सज्जार माध्यममा तयार गरी उपलब्ध गराउने अभियानमा यो सोसाइटी अनवरतरूपमा लागिरहेको तथ्यसबै प्यारा पाठकवृन्दमा स्पष्ट पार्न चाहँदछ। थप सुधार रकेही नयाँ विशेषता सहितको प्रभु येशूको वाणी रातो अक्षरमा भएको नयाँ संशोधित बाइबलकोयो संस्करण यस तथ्यको एउटा ज्वलन्त उदाहरण हो। यस संस्करणले प्यारा पाठकहरूलाईबाइबलका पुस्तकहरू कहाँ छन् भनी छिटो पत्ता लगाउन र नयाँ करार भित्र प्रभु येशूकावाणीहरू स्पष्ट रूपमा छुट्ट्याउन सहायता पुग्नेछ र व्यक्तिगत तथा मण्डलीको जीवनमाबाइबलको प्रयोग गर्न हाम्रा आदरणीय पाठकहरू अझ उत्साहित हुनेछन् भन्ने यससोसाइटीले आशा लिएको छ। अन्तमा,हाल देखिएका सबैकिसिमका त्रुटीहरूलाई सच्च्याएर अझ स्तरिय र थप विशेषता सहितको नेपाली बाइबलउपलब्ध गराउने उद्देश्य राखेर ईस्वी सम्बत् २००८ बाट सुरु भएको नेपाली बाइबलकोपुन: सम्पादन कार्य गर्न यो सोसाइटी सक्षम होऊन् र यस कार्यमा संलग्न सबैलाईत्रिएक जीवित परमेश्वरको बुद्धि र अनुग्रह प्राप्त होऊन् भनी प्रार्थना गर्नकासाथै आ-आफ्ना तर्फबाट सम्भव भएका सहायता गर्नहुन सबैसँग नेपाल बाइबल सोसाइटी सादरआह्वान गर्दछ नेपाल बाइबल सोसाइटी २०६९ वैशाख २५

Scripture Text © Nepal Bible Society 1997, 2006, 2009, 2012 

Nepali New Revised Audio Version (Drama)

हे शासक हो, के तिमीहरू न्‍यायपूर्वक बोल्‍दछौ? के तिमीहरू मानिसहरूका बीचमा ठीक-ठीक न्‍याय गर्दछौ?
होइन, तिमीहरू त हृदयभित्र खराब युक्ति रच्‍तछौ,
र तिमीहरूका हातले पृथ्‍वीमा हिंसाका काम गर्दछन्‌।
दुष्‍टहरू त जन्‍मदेखि नै भड्‌केर जान्‍छन्‌। गर्भदेखि नै तिनीहरू दुष्‍ट हुन्‍छन्‌ र झूट बोल्‍छन्‌।
तिनीहरूको विष सर्पको विषजस्‍तै छ, गोमनको विषजस्‍तो, जसले आफ्‍नो कान बन्‍द गरेको छ,
जसले सपेराको आवाज
र जत्तिसुकै निपुण जादूगर भए पनि, तिनको सोर सुन्‍दैन।
हे परमेश्‍वर, तिनीहरूका दाँत तिनीहरूकै मुखमा भाँचिदिनुहोस्‌। हे परमप्रभु, सिंहहरूका बङ्गारा थुतिदिनुहोस्‌।
तिनीहरू बग्‍ने पानीजस्‍तै विलीन भइजाऊन्‌, तिनीहरूले धनुमा ताँदो चढ़ाउँदा तिनका काँड़हरू बोधा भइजाऊन्‌।
तिनीहरू हिँड्‌दाहिँड्‌दै पग्‍लेर जाने चिप्‍लेकीराझैँ होइजाऊन्‌, तुहेको बालकजस्‍तै तिनीहरूले सूर्यको किरण कहिल्‍यै नदेखून्‌।
तिम्रा भाँड़ाहरू काँढ़ाको आगोमा तातिन अघि, ती हरिया हुन्‌ कि सुकेका, दुष्‍टहरू बगाएर लगिनेछन्‌।
प्रतिशोध खनिएको देखेर धर्मी जन खुशी हुनेछन्‌, जब तिनीहरूले आफ्‍ना खुट्टा दुष्‍टहरूको रगतमा धुनेछन्‌।
तब मानिसहरूले भन्‍नेछन्‌, “निश्‍चय नै धर्मीहरू अझै पुरस्‍कृत हुन्‍छन्‌। निश्‍चय नै पृथ्‍वीको न्‍याय गर्ने एक परमेश्‍वर हुनुहुन्‍छ।”

Listen to भजनसंग्रह 58