Misima-Paneati - 2018 WBT (NT+Malachi) Drama

Misima-Paneati

<div class="version vid1482 iso6393mpx" data-vid="1482" data-iso6393="mpx">
 <div class="book bkJHN">
 <div class="chapter ch19" data-usfm="JHN.19">
 <div class="label">19</div><div class="s1">Pilato Yeisu I Talamwan ge Ni Yaomal</div><div class="r">(Mataiyo 27:26-31; Mak 15:15-26; Luke 23:24-25)</div><div class="p"> 1Inoke Pilato i ba tolohaveyan Yeisu hi ahe ge hihiu elololina elana hi nibinibihan. 2Yaka pepesala hi ahe hi ginol ana hanahana ge hi teli kokowanaa. Kaliko yayapona matana pepol i ola kin ali kaliko, hi ahe ge hi pagaloi, 3yaka hi nonok elana ge hi babaa, &#8220;Atema owa, Yudiya wali kin!&#8221; Inoke gegenana hi tataganepal.</div><div class="p"> 4Pilato i na i tagil al boda elal ge i ba, &#8220;Ku laegan! Na en tagilan nuku kite, inoke nuku atena te nige ana woliwoli puna etega ya pwapwawa ge tage ana lahi na baunan.&#8221; 5Inoke Yeisu i notagil, ana hanahana pepesala iyoho kokowanaa, ge kaliko yayapona matana pepol i galoi iyoho tuwanaa. Yaka Pilato i ba, &#8220;Ku kite! Tauina iya hiwe!&#8221;</div><div class="p"> 6Sauga topowon bwabwatal ge wali pulisimanau Yeisu hi kite, yaka hi yoga hi ba, &#8220;U lokolosan! U lokolosan!&#8221;</div><div class="p">Pilato analiya i lahe i ba, &#8220;Totomiu ku ahe ku na ku lokolosan. Nau nige ana woliwoli puna etega ya pwapwawa ge tage ana lahi na baunan.&#8221;</div><div class="p"> 7Inoke Yudiya Pilato anana hi lahe hi ba, &#8220;Ama wama logugui etega i gan, ge logugui o i ba ni yaomal, kaiwena i ba tage iya Yehoba Natuna.&#8221;</div><div class="p"> 8Sauga Pilato baaba o i hago, yaka i lovakun nabi hot. 9Inoke i na i tuk al wana limi gamwanaa ge Yeisu i neli i ba, &#8220;He owa ga u neem?&#8221; Yaa Yeisu nige Pilato anana i lalahe. 10Yaka Pilato i ba, &#8220;Nige nuwam nu baem elau? Tab u atena no gasisi i gan bosowaiu na sokaliwa o ebo na ba nihi lokolosagiwa?&#8221;</div><div class="p"> 11Yaka Yeisu i ba, &#8220;Binimala Yehoba nige gasisi ni tatalamwan elam, he nige wam gasisi ni gagan ge nu lologugui-agau. Inoke bolo hi talamwagau nimwamwa, heliya wali gegi wam gegi i bwata lake.&#8221;</div><div class="p"> 12Sauga o elana Pilato kamwasa i loya ge Yeisu ni sokal. Yaa Yudiya hi ganyogayoga hi ba, &#8220;Ebo tau ei nu sokal, he nige Sisa wana heliyam i oola owa. Henala ebo totona i ba iya kin, iya i pihigelgel Sisa elana.&#8221;</div><div class="p"> 13Sauga Pilato Yudiya wali baaba o i hago, inoke Yeisu i en tagilan noleleya, yaka Pilato i misiyo topapayatala wali abamisiyowa, abamisiyo o i minaa limi bebena etega alana hi ba, &#8220;Bwalal Pat.&#8221; He alana pana Hibilu hi ba, &#8220;Gabata.&#8221; 14Lan o Nopalegi Hagalena ana lan lovivina, ge sauga o iyaka kelaubwa alalati bwagatau.</div><div class="p">Yaka Pilato i baek Yudiya elal i ba, &#8220;Wami kin iya hiwe.&#8221;</div><div class="p"> 15Yudiya hi yoga hi ba, &#8220;U ahe u egonan! U ahe u egonan! U na u lokolosan!&#8221;</div><div class="p">Pilato i nelil i ba, &#8220;Nuwamiu wami kin na lokolosan?&#8221;</div><div class="p">Topowon bwabwatal anana hi lahe hi ba, &#8220;Nige wama kin etega al i gagan, iyai ya te Sisa maisena.&#8221;</div><div class="p"> 16Yaka Pilato Yeisu i talamwan elal ge nihi lokolosan.</div><div class="s1">Yeisu Hi Lokolosan</div><div class="r">(Mataiyo 27:32-44; Mak 15:21-32; Luke 23:26-43)</div><div class="p">Inoke tolohaveyan Yeisu hi ahe. 17Totona ana kolos hi pakalivai ge i tagil panuwa tolinaa i na labi toto hi ba &#8220;Pana Babaloma.&#8221; (He pana Hibilu hi ba &#8220;Goligota.&#8221;) 18Inoke hi lokolosana to. Gamagalau labui alonau hi lokolosil, etegana ana kolos hi pamilila labena awonaa, ge etegana labena gegebanaa, yaa Yeisu i minaa luwaluwala.</div><div class="p"> 19Pilato leleli etega i ginol ge i ba hi tagahikan Yeisu ana kolos elana. Leleli i ba, &#8220;Yeisu gagama Nasaleta, Yudiya wali kin.&#8221; 20Yudiya hi gewi leleli o hi vasili, kaiwena labi toto Yeisu hi lokolosana nige ana bwaga i yayapu panuwa bwabwatana elana, ge leleli o hi leli pana Hibilu, pana Loma ge pana Gilik elana. 21Yudiya wali topowon bwabwatal hi nok hi na Pilato elana hi ba, &#8220;Binimala bahi nu leleli ola te, &#8216;Yudiya wali kin.&#8217; Yaa nu leli te, &#8216;Tau ya i ba: Nau Yudiya wali kin.&#8217;&#8221;</div><div class="p"> 22Pilato analiya i lahe i ba, &#8220;Leleli toto iyaka ya leli, he iyaka ya leli.&#8221;</div><div class="p"> 23Sauga tolohaveyan Yeisu hi lokolosan haba, yaka ana kaliko hi ahe ge hi wali, he teli wali ana gewi esopali, tolohaveyan maisena ge maisena tomaha ona ali kaliko. Ana holahola awaa al hi ahe, ge hi kite kaliko maisena ya te elana hi ginoliya, ge nige ana hel tubwi i gagan. 24Inoke hi ba, &#8220;Bahi ta kukuleleli-an. He pat ta ahe ta galavenu-an, inoke henala ebo pat toto ana etotohi gaganina ni ahe, he ta pek elana.&#8221; Hi ginol ola o, inoke Buki Bwabwalena ana baaba hi patunahot, toto i ba:</div><div class="q1">&#8220;O kaliko hi wali hi guyauan elal,</div><div class="q2">ge pat hi galavenu-an yaka nihi kite henala o kama ni ahe.&#8221;</div><div class="m">He tolohaveyan wali ginol i ola to.</div><div class="p"> 25Yeisu hinana alona talina, avaliyau Meli toto Kolopas lagona ge Meli Magidala yovana, hi talmilil ana kolos gegelinaa. 26Yeisu matana i nok hinana i kite, ge tohago toto i nunuwana-an nabiyan i talmilil gegelinaa, yaka i baek hinana elana i ba, &#8220;Nevenak, natum tei.&#8221; 27Yaka i baek al tohago elana i ba, &#8220;Hinam tei.&#8221; Inoke sauga o tohago nevenak i ahe, i na i matahikan wana limiya.</div><div class="s1">Yeisu wana Yaomal</div><div class="r">(Mataiyo 27:45-56; Mak 15:33-41; Luke 23:44-49)</div><div class="p"> 28Yeisu i atena wana tuwalali gegewena iyaka i mowasi, inoke Buki Bwabwalena ana baaba ana patunahot kaiwena i ba, &#8220;Ya walem.&#8221; 29Oine manumanunina ana patuna etega iyoho to. Balou hi ahe hi pahun oine manumanunina elana i vinum, yaka hisopa lana etega hi ahe balou hi howa, inoke hi paelu heyan Yeisu hohopenaa. 30Sauga i im, yaka i ba, &#8220;Iyaka i mowasi.&#8221; Inoke kaununa i pwabun lowan, yaka yawalina i talamwan i mowasi.</div><div class="s1">Yeisu Luluna Hi Howa</div><div class="p"> 31Lan o Sabwata ana lan lovivina, ge lan ni gan Sabwata bwabwatana alana gaganina etega. Yudiya nige nuwaliya Yeisu ge alonau tuwaliya ni kukukiya kolos elana ge Sabwata ni pwawa, inoke hi na hi awanun Pilato elana ge ni ba tolohaveyan Yeisu ge alonau aeliya nihi tagagabom,#19:31 Aeliya nihi tagagabom inoke etimwawa yawaliliya ni mowasi. ge tuwaliya nihi bugul lowan. 32Yaka tolohaveyan hi nok hi na gamagalau bolo avaliya Yeisu hi lokolosagil, etegana aena hi tagagabom, yaka abwe hi na labuina al aena hi tagagabom. 33Yaa sauga hi nok Yeisu elana, hi kite yawalina iyaka i mowasi, inoke aena nige hi tatagagabom. 34Yaa tolohaveyan etega gau i ahe Yeisu luluna i howa, yaka etimwawa saliya ge wewel i sani tagil. 35Tau toto bugul ya i kite i gan,#19:35 Diyon totona bana te i ba, &#8220;Tau toto bugul ya i kite i gan.&#8221; iya i wasaan, ge wana wasa i tunahot. I atena wana baaba i tunahot, ge iya i wasa inoke komiu nuku abulilek. 36Bugul ya i gan inoke Buki Bwabwalena ana baaba i patunahot, toto i ba, &#8220;Nige tutuwana etega ni mwamwagabom.&#8221; 37Ge Buki Bwabwalena ana baaba etega al i ba, &#8220;Toto hi howa nihi gayawaan.&#8221;</div><div class="s1">Yeisu Tuwana Hi Teli Salaiya</div><div class="r">(Mataiyo 27:57-61; Mak 15:42-47; Luke 23:50-56)</div><div class="p"> 38Bugul ya i mowasi, yaka Yosepa gagama Alimadiya i na Pilato elana Yeisu tuwana ni patalam. He Yosepa iya Yeisu wana tohago etegana, yaa i tohago sumi, kaiwena Yudiya wali tologugui i lovakunagil. Pilato i talam, yaka i nok i na Yeisu tuwana ni ahe. 39Nikodimas alona Yosepa hi nok, Nikodimas toto valila bulin gamwana i nok i na Yeisu i kite. Iya enonu bwalena waiwaisana, meya alona ge alos hi vikuhu, i noahe, ana pulowan i ola teti kiloglem (30 kg). 40Heliya Yeisu tuwana hi ahe, enonu bwalena waiwaisana o elana hi paenonu, yaka kaliko waiwaisana ge yayapona hi ahe tuwana hi avan. He hi ginol i ola to, i ola Yudiya wali yaomal ana teliteli paganina. 41Labena toto Yeisu hi lokolosana, eyowa etega i minaa to. Eyowa o gamwanaa salai etega hi ken tukan, salai o i vavaluna ge nigeya ga gamagal etega i kekenuwa. 42Lan o Yudiya wali lan lovivina, yaka lan ni gan lan Sabwata, ge salai o i mikelaubwa. Inoke Yeisu tuwana hi kalivai hi na hi teliya to.</div>
 </div>
 </div>
</div>

Inoke Pilato i ba tolohaveyan Yeisu hi ahe ge hihiu elololina elana hi nibinibihan. Yaka pepesala hi ahe hi ginol ana hanahana ge hi teli kokowanaa. Kaliko yayapona matana pepol i ola kin ali kaliko, hi ahe ge hi pagaloi, yaka hi nonok elana ge hi babaa, “Atema owa, Yudiya wali kin!” Inoke gegenana hi tataganepal.
Pilato i na i tagil al boda elal ge i ba, “Ku laegan! Na en tagilan nuku kite, inoke nuku atena te nige ana woliwoli puna etega ya pwapwawa ge tage ana lahi na baunan.” Inoke Yeisu i notagil, ana hanahana pepesala iyoho kokowanaa, ge kaliko yayapona matana pepol i galoi iyoho tuwanaa. Yaka Pilato i ba, “Ku kite! Tauina iya hiwe!”
Sauga topowon bwabwatal ge wali pulisimanau Yeisu hi kite, yaka hi yoga hi ba, “U lokolosan! U lokolosan!”
Pilato analiya i lahe i ba, “Totomiu ku ahe ku na ku lokolosan. Nau nige ana woliwoli puna etega ya pwapwawa ge tage ana lahi na baunan.”
Inoke Yudiya Pilato anana hi lahe hi ba, “Ama wama logugui etega i gan, ge logugui o i ba ni yaomal, kaiwena i ba tage iya Yehoba Natuna.”
Sauga Pilato baaba o i hago, yaka i lovakun nabi hot. Inoke i na i tuk al wana limi gamwanaa ge Yeisu i neli i ba, “He owa ga u neem?” Yaa Yeisu nige Pilato anana i lalahe. Yaka Pilato i ba, “Nige nuwam nu baem elau? Tab u atena no gasisi i gan bosowaiu na sokaliwa o ebo na ba nihi lokolosagiwa?”
Yaka Yeisu i ba, “Binimala Yehoba nige gasisi ni tatalamwan elam, he nige wam gasisi ni gagan ge nu lologugui-agau. Inoke bolo hi talamwagau nimwamwa, heliya wali gegi wam gegi i bwata lake.”
Sauga o elana Pilato kamwasa i loya ge Yeisu ni sokal. Yaa Yudiya hi ganyogayoga hi ba, “Ebo tau ei nu sokal, he nige Sisa wana heliyam i oola owa. Henala ebo totona i ba iya kin, iya i pihigelgel Sisa elana.”
Sauga Pilato Yudiya wali baaba o i hago, inoke Yeisu i en tagilan noleleya, yaka Pilato i misiyo topapayatala wali abamisiyowa, abamisiyo o i minaa limi bebena etega alana hi ba, “Bwalal Pat.” He alana pana Hibilu hi ba, “Gabata.” Lan o Nopalegi Hagalena ana lan lovivina, ge sauga o iyaka kelaubwa alalati bwagatau.
Yaka Pilato i baek Yudiya elal i ba, “Wami kin iya hiwe.”
Yudiya hi yoga hi ba, “U ahe u egonan! U ahe u egonan! U na u lokolosan!”
Pilato i nelil i ba, “Nuwamiu wami kin na lokolosan?”
Topowon bwabwatal anana hi lahe hi ba, “Nige wama kin etega al i gagan, iyai ya te Sisa maisena.”
Yaka Pilato Yeisu i talamwan elal ge nihi lokolosan.


Inoke tolohaveyan Yeisu hi ahe. Totona ana kolos hi pakalivai ge i tagil panuwa tolinaa i na labi toto hi ba “Pana Babaloma.” (He pana Hibilu hi ba “Goligota.”) Inoke hi lokolosana to. Gamagalau labui alonau hi lokolosil, etegana ana kolos hi pamilila labena awonaa, ge etegana labena gegebanaa, yaa Yeisu i minaa luwaluwala.
Pilato leleli etega i ginol ge i ba hi tagahikan Yeisu ana kolos elana. Leleli i ba, “Yeisu gagama Nasaleta, Yudiya wali kin.” Yudiya hi gewi leleli o hi vasili, kaiwena labi toto Yeisu hi lokolosana nige ana bwaga i yayapu panuwa bwabwatana elana, ge leleli o hi leli pana Hibilu, pana Loma ge pana Gilik elana. Yudiya wali topowon bwabwatal hi nok hi na Pilato elana hi ba, “Binimala bahi nu leleli ola te, ‘Yudiya wali kin.’ Yaa nu leli te, ‘Tau ya i ba: Nau Yudiya wali kin.’”
Pilato analiya i lahe i ba, “Leleli toto iyaka ya leli, he iyaka ya leli.”
Sauga tolohaveyan Yeisu hi lokolosan haba, yaka ana kaliko hi ahe ge hi wali, he teli wali ana gewi esopali, tolohaveyan maisena ge maisena tomaha ona ali kaliko. Ana holahola awaa al hi ahe, ge hi kite kaliko maisena ya te elana hi ginoliya, ge nige ana hel tubwi i gagan. Inoke hi ba, “Bahi ta kukuleleli-an. He pat ta ahe ta galavenu-an, inoke henala ebo pat toto ana etotohi gaganina ni ahe, he ta pek elana.” Hi ginol ola o, inoke Buki Bwabwalena ana baaba hi patunahot, toto i ba:
“O kaliko hi wali hi guyauan elal,
ge pat hi galavenu-an yaka nihi kite henala o kama ni ahe.”
He tolohaveyan wali ginol i ola to.
Yeisu hinana alona talina, avaliyau Meli toto Kolopas lagona ge Meli Magidala yovana, hi talmilil ana kolos gegelinaa. Yeisu matana i nok hinana i kite, ge tohago toto i nunuwana-an nabiyan i talmilil gegelinaa, yaka i baek hinana elana i ba, “Nevenak, natum tei.” Yaka i baek al tohago elana i ba, “Hinam tei.” Inoke sauga o tohago nevenak i ahe, i na i matahikan wana limiya.


Yeisu i atena wana tuwalali gegewena iyaka i mowasi, inoke Buki Bwabwalena ana baaba ana patunahot kaiwena i ba, “Ya walem.” Oine manumanunina ana patuna etega iyoho to. Balou hi ahe hi pahun oine manumanunina elana i vinum, yaka hisopa lana etega hi ahe balou hi howa, inoke hi paelu heyan Yeisu hohopenaa. Sauga i im, yaka i ba, “Iyaka i mowasi.” Inoke kaununa i pwabun lowan, yaka yawalina i talamwan i mowasi.

Lan o Sabwata ana lan lovivina, ge lan ni gan Sabwata bwabwatana alana gaganina etega. Yudiya nige nuwaliya Yeisu ge alonau tuwaliya ni kukukiya kolos elana ge Sabwata ni pwawa, inoke hi na hi awanun Pilato elana ge ni ba tolohaveyan Yeisu ge alonau aeliya nihi tagagabom, ge tuwaliya nihi bugul lowan. Yaka tolohaveyan hi nok hi na gamagalau bolo avaliya Yeisu hi lokolosagil, etegana aena hi tagagabom, yaka abwe hi na labuina al aena hi tagagabom. Yaa sauga hi nok Yeisu elana, hi kite yawalina iyaka i mowasi, inoke aena nige hi tatagagabom. Yaa tolohaveyan etega gau i ahe Yeisu luluna i howa, yaka etimwawa saliya ge wewel i sani tagil. Tau toto bugul ya i kite i gan, iya i wasaan, ge wana wasa i tunahot. I atena wana baaba i tunahot, ge iya i wasa inoke komiu nuku abulilek. Bugul ya i gan inoke Buki Bwabwalena ana baaba i patunahot, toto i ba, “Nige tutuwana etega ni mwamwagabom.” Ge Buki Bwabwalena ana baaba etega al i ba, “Toto hi howa nihi gayawaan.”


Bugul ya i mowasi, yaka Yosepa gagama Alimadiya i na Pilato elana Yeisu tuwana ni patalam. He Yosepa iya Yeisu wana tohago etegana, yaa i tohago sumi, kaiwena Yudiya wali tologugui i lovakunagil. Pilato i talam, yaka i nok i na Yeisu tuwana ni ahe. Nikodimas alona Yosepa hi nok, Nikodimas toto valila bulin gamwana i nok i na Yeisu i kite. Iya enonu bwalena waiwaisana, meya alona ge alos hi vikuhu, i noahe, ana pulowan i ola teti kiloglem (30 kg). Heliya Yeisu tuwana hi ahe, enonu bwalena waiwaisana o elana hi paenonu, yaka kaliko waiwaisana ge yayapona hi ahe tuwana hi avan. He hi ginol i ola to, i ola Yudiya wali yaomal ana teliteli paganina. Labena toto Yeisu hi lokolosana, eyowa etega i minaa to. Eyowa o gamwanaa salai etega hi ken tukan, salai o i vavaluna ge nigeya ga gamagal etega i kekenuwa. Lan o Yudiya wali lan lovivina, yaka lan ni gan lan Sabwata, ge salai o i mikelaubwa. Inoke Yeisu tuwana hi kalivai hi na hi teliya to.

Listen to Diyon 19