Audio recordings courtesy of KBRW radio, Barrow, Alaska.

North Slope Iñupiaq New Testament and Portions of OT © American Bible Society. All rights reserved.  Bible text from the North Slope Iñupiaq New Testament and Portions of OT is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).

Iñupiatun Mumiksat Uqalugiksuat

<div class="version vid1415 iso6393esi" data-vid="1415" data-iso6393="esi">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s1">Jesus I&#322;uaqsigaa Ayau&#331;aruaq Anikamiqa&#331;a</div><div class="p"> 1Iglauvluni, Jesus tautu&#331;agaa i&#241;uk anikamiqa&#331;a ayau&#331;aruaq. 2Aasii i&#7735;itchitquraisa api&#289;i&#331;agaat, Rabbi, ki&#241;a pi&#7735;uksi&#331;ava, una i&#241;uk naagga a&#331;ayuqaak, ani&#331;aniqpauna ayau&#331;avluni? 3Jesus kiu&#331;agai, Una i&#241;uk pi&#7735;uksi&#331;aitchuq naaggaunnii a&#331;ayuqaa&#331;ik, aglaan tainnaittuq savaa&#331;a God-im qi&#241;i&#289;naqsitquvlugu i&#322;uaqsi&#7735;ugu. 4Savaktui&#241;&#241;aqtuksraurugut savaa&#331;i&#241;ik tilisiruam uvamnik uvluu&#331;&#331;aan. Taaqsimman i&#241;uk savakkumi&#241;aitchuq. 5#Mt 5.14; Jn 8.12.Sivisutilaa&#331;atun nunamiinni&#289;ma, qaummatauru&#331;a nunapayaanun. 6Uqa&#289;nialla&#289;mi taavrumi&#331;a, tivvua&#331;aruq nunamun aasii qikuyyaliv&#7735;uni tivvua&#289;unmi&#241;ik aasii nanuk&#322;ugik i&#241;uum irrak qikuyyamik, 7uqallautivlugu ilaanun, Aulla&#289;i&#241; iqa&#289;iyaqtua&#289;i&#241; imaqsuanun Siloam, sivuniqaqtuam Tiliramik. Tavra ilaa aulla&#331;aruq aasii iqa&#289;ivluni. Uti&#331;aruq tautullasiv&#7735;uni.</div><div class="p"> 8Si&#7735;alli&#331;isa tamatkualu tautuktikaa&#331;isa piatchiaqtaqtauvlugu, uqallausi&#289;i&#331;agaat, Uvvauna taim&#241;au&#331;itpa i&#241;uk aquppisuu&#331;aruaq piatchiaqtaq&#322;uni? 9I&#7735;a&#331;ich uqalla&#331;arut, Tavrauruq. Allat uqalla&#331;arut, Naumi, aglaan taivrumatun uvva inniqsuq. Ilaa uqalla&#331;aruq, Taim&#241;auru&#331;a. 10Ili&#331;isa uqallauti&#331;agaat, Qanuq&#322;utin ayau&#331;aiqpich? 11Tavra kiu&#331;agai, I&#241;uum atiqaqtuam Jesus-mik qikuyyaliv&#7735;uni nanu&#331;agik irraka uqallauti&#331;agaa&#331;a, aulla&#289;i&#241; Siloam-mun aasii iqa&#289;ilutin. Tavra aullaq&#322;u&#331;a iqa&#289;ivlu&#331;a ayau&#331;aiqsitau&#331;aru&#331;a. 12Ilaisa api&#289;i&#331;agaat, Sumiitpaimma? Ilaan uqallauti&#331;agai, Naluru&#331;a.</div><div class="s1">Pharisees Apiqsruqtu&#289;aat I&#322;uaqsirauruaq</div><div class="p"> 13Ilaisa qa&#289;&#289;isi&#331;agaat Pharisee-&#241;un i&#241;uk sivuani ayau&#331;aruaq. 14Tavra Jew-guruat Savai&#241;&#241;i&#331;anni Jesus qikuyyali&#331;aruq aasii ayau&#331;aiq&#322;&#803;ugik irrak. 15Pharisees api&#289;itqi&#331;agaat qanuq&#322;uni ayau&#331;ai&#289;magaan. Aasii uqallauti&#331;agai, Ilaan i&#7735;i&#331;agaa qikuyyaq irramnun, aasii iqa&#289;ikama tautullasiru&#331;a. 16I&#7735;a&#331;ich Pharisees uqalla&#331;arut, Taim&#241;a i&#241;uk God-mi&#331;&#331;aqtuagu&#331;itchuq, qanuq kamaksri&#7735;aitchuq Savai&#241;&#241;ikun pitquranik. Allalli uqalla&#331;arut, Qanu&#289;luni i&#241;uk pi&#7735;uusiqirauruaq piyumi&#241;aqpa tainnatchi&#241;ik aliu&#289;naqtuanik? Tavrani atin&#289;i&#331;arut.</div><div class="p"> 17Tavra Pharisees api&#289;itqi&#331;agaat ayau&#331;a&#331;aruaq, Qanu&#289;li uqallausi&#289;iviu&#331; ilaa ayau&#331;aiqsin&#331;ammatin? Ilaan kiu&#331;agai, uqaqtauruq God-mun. 18Jew-guruat arguagi&#331;agaat ayau&#331;ani&#331;a suli qi&#241;illasi&#241;i&#331;a, kiisaimmaa ququaqpaik a&#331;ayuqaak ayau&#331;aiqsitauruam. 19Aasii api&#289;i&#331;agaik, Una i&#289;&#241;i&#289;ivitku, uqausi&#289;ikkaqtik ani&#331;aniv&#7735;ugu ayau&#331;avluni? Qanuq&#322;uni pa&#331;mapak qi&#241;illasiva? 20Ilaan a&#331;ayuqaa&#331;ikta kiu&#331;agaich, I&#7735;isimaruguk una i&#289;&#241;i&#289;igikpuk, ani&#331;atilaa&#331;alu ayau&#331;avluni, 21aglaan nalugikpuk qanuq&#322;uni pa&#331;mapak qi&#241;illasisilaa&#331;a, naaggaunnii i&#7735;isima&#331;itchuguk kimun ayau&#331;aiqsilaa&#331;anik. Apiqsruqsiu&#331;. Ukiuqtusi&#331;aruq. Uqautiginiaqtuq inmi&#241;ik. 22A&#331;ayuqaak uqalla&#331;aruk tainna sivuu&#289;avlutik Jew-guruanik, qanuq Jew-guruat sivunniani&#331;arut atisiv&#7735;uti&#331; kialiqaa i&#7735;isimanirualikpagu Jesus Christ-guni&#7735;ugu, ilaa anitaunia&#289;niv&#7735;ugu Jew-guruat a&#331;aiyyuvianni&#241;. 23Taamna pisigivlugu a&#331;ayuqaak uqalla&#331;aruk, Ukiuqtusi&#331;aruq apiqsruqsiu&#331;.</div><div class="p"> 24Tavra ig&#7735;u&#331;agaat qaitquri&#241;iqti&#331; ayau&#331;a&#331;aruamik, aasii uqallautivlugu, Uqa&#289;i&#241; i&#7735;umun ittuamik. God nan&#289;a&#289;u&#331; i&#322;uaqsiraukavich. I&#7735;isimagikput i&#241;uk taim&#241;a pi&#7735;uusiqirauruq qi&#241;illasipkairuaq ili&#331;nik. 25Ilaan kiu&#331;agai, Pi&#7735;uusiqirautilaa&#331;a nalugiga. Aglaan atausiq i&#7735;isimagiga, ayau&#331;agaluaqtua&#331;aa pa&#331;mapak qi&#241;illasiru&#331;a. 26Ilaisa api&#289;i&#331;agaat, Qanusi&#289;aqpatin? Qanuq&#322;uni ayau&#331;aiqsitpatin? 27Ilaan kiu&#331;agai, Quliaqtua&#289;utiani&#331;asugaavsi, aasii naala&#289;nisu&#331;itchusi. Summan tusaatqigukpisiu&#331;? Ilivsivsauq i&#7735;itchitquraliutisukpisi ilaanun? 28Tavra ilaisa kiu&#331;agaat suammautivlugu, Ilivitkiuvva i&#7735;itchitqura&#289;ini&#289;aatin, aglaan uvagut i&#7735;itchitqura&#289;igaatigut Moses. 29I&#7735;isimarugut God-mun uqautisuu&#331;atilaa&#331;anik Moses, aglaan taim&#241;a i&#241;uk nalugikput sumi&#241; qaisilaa&#331;a. 30I&#241;uum kiu&#331;agai, Allayua&#289;napaluktuq una naluniqavsiu&#331; sumi&#241; qaisilaa&#331;a, naaggauvva ayau&#331;ai&#331;agaa&#331;a. 31I&#7735;isimarugut God naala&#289;ni&#7735;aitchuq pi&#7735;uusiqirinun, aglaan ki&#241;aliqaa a&#331;aiyyuraumman God-mun suli kamagivlugu pisuutaa, God-im naala&#289;ni&#7735;&#7735;agaa. 32Nuna isagutil&#289;ata&#289;manqa&#331;a tusa&#289;na&#331;aitchuq i&#241;uk a&#331;mai&#241;i&#7735;ugu irra&#331;nik i&#241;uum ani&#331;aruam ayau&#331;avluni. 33Taim&#241;a i&#241;uk God-mi&#331;&#331;aqtuagu&#331;aitkumi, sumik piyumi&#241;ai&#241;&#331;agaluaqtuq. 34Ilaisa kiu&#331;agaat, Ani&#331;apiallaktutin pi&#7735;uutikun. Aasiuvva i&#7735;isautiniaqsaavisigut? Tavra ilaisa anin&#331;agaat a&#331;aiyyuvi&#331;mi&#241;.</div><div class="s1">I&#241;uich Ayau&#331;aruatullu Tautullaruatullu Ittut</div><div class="p"> 35Jesus tusaa&#331;agaa ilai&#241;&#241;un anitilaa&#331;a, aasii paqi&#322;&#322;ugu uqallauti&#331;agaa, Ukpiqpich I&#289;&#241;i&#331;anun I&#241;uum? 36Ilaan kiu&#331;agaa, A&#331;uun, imma kiuva ukpi&#289;vigiyumagiga? 37Jesus uqallauti&#331;agaa, Tautuani&#331;agi&#241;, suli ilaaguruq uqaqtuaq ili&#331;nun. 38Tavra ilaa uqalla&#331;aruq, Ataniiq, ukpiqtu&#331;a. Suli ilaan qiksiksrautikun sitqu&#289;vigi&#331;agaa. 39Jesus uqalla&#331;aruq, Pisigilugu qai&#331;ani&#289;a nunamun, i&#241;uich isiv&#289;iqsauyumi&#241;aqsirut. Ayau&#331;aruat qi&#241;illasipka&#289;matun ittuq ka&#331;iqsipkaqtitaummata i&#7735;umun ittuamik. Aasii&#7735;i tamatkua tautuksi&#7735;&#7735;aruat ayaupkaqtitaummatun ka&#331;iqsi&#7735;ai&#322;&#803;&#322;&#803;ugu i&#7735;umun ittuaq i&#7735;isimagaluakkaqti&#331;. 40I&#7735;a&#331;isa Pharisees qanittuat ilaanun tusaa&#331;agaat taamna, aasii api&#289;i&#331;agaat, Uvaguttauq ayau&#331;ammivisa? 41Jesus uqallauti&#331;agai, Ayau&#331;aguvsi pi&#7735;uutai&#241;&#241;ia&#289;aluaqtusi. Aglaan pa&#331;mapak uqaqtusi, Tautullarugut, tavra pi&#7735;uutiqaqtusi.</div>
 </div>
 </div>
</div>

Iñupiatun Mumiksat Uqalugiksuat (North Slope Iñupiaq Bible) © American Bible Society. All rights reserved. Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder: American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)

Iglauvluni, Jesus tautuŋagaa iñuk anikamiqaŋa ayauŋaruaq. Aasii iḷitchitquraisa apiġiŋagaat, Rabbi, kiña piḷuksiŋava, una iñuk naagga aŋayuqaak, aniŋaniqpauna ayauŋavluni? Jesus kiuŋagai, Una iñuk piḷuksiŋaitchuq naaggaunnii aŋayuqaaŋik, aglaan tainnaittuq savaaŋa God-im qiñiġnaqsitquvlugu iłuaqsiḷugu. Savaktuiññaqtuksraurugut savaaŋiñik tilisiruam uvamnik uvluuŋŋaan. Taaqsimman iñuk savakkumiñaitchuq. Sivisutilaaŋatun nunamiinniġma, qaummatauruŋa nunapayaanun. Uqaġniallaġmi taavrumiŋa, tivvuaŋaruq nunamun aasii qikuyyalivḷuni tivvuaġunmiñik aasii nanukługik iñuum irrak qikuyyamik, uqallautivlugu ilaanun, Aullaġiñ iqaġiyaqtuaġiñ imaqsuanun Siloam, sivuniqaqtuam Tiliramik. Tavra ilaa aullaŋaruq aasii iqaġivluni. Utiŋaruq tautullasivḷuni.
Siḷalliŋisa tamatkualu tautuktikaaŋisa piatchiaqtaqtauvlugu, uqallausiġiŋagaat, Uvvauna taimñauŋitpa iñuk aquppisuuŋaruaq piatchiaqtaqłuni? Iḷaŋich uqallaŋarut, Tavrauruq. Allat uqallaŋarut, Naumi, aglaan taivrumatun uvva inniqsuq. Ilaa uqallaŋaruq, Taimñauruŋa. Iliŋisa uqallautiŋagaat, Qanuqłutin ayauŋaiqpich? Tavra kiuŋagai, Iñuum atiqaqtuam Jesus-mik qikuyyalivḷuni nanuŋagik irraka uqallautiŋagaaŋa, aullaġiñ Siloam-mun aasii iqaġilutin. Tavra aullaqłuŋa iqaġivluŋa ayauŋaiqsitauŋaruŋa. Ilaisa apiġiŋagaat, Sumiitpaimma? Ilaan uqallautiŋagai, Naluruŋa.

Ilaisa qaġġisiŋagaat Pharisee-ñun iñuk sivuani ayauŋaruaq. Tavra Jew-guruat Savaiññiŋanni Jesus qikuyyaliŋaruq aasii ayauŋaiqł̣ugik irrak. Pharisees apiġitqiŋagaat qanuqłuni ayauŋaiġmagaan. Aasii uqallautiŋagai, Ilaan iḷiŋagaa qikuyyaq irramnun, aasii iqaġikama tautullasiruŋa. Iḷaŋich Pharisees uqallaŋarut, Taimña iñuk God-miŋŋaqtuaguŋitchuq, qanuq kamaksriḷaitchuq Savaiññikun pitquranik. Allalli uqallaŋarut, Qanuġluni iñuk piḷuusiqirauruaq piyumiñaqpa tainnatchiñik aliuġnaqtuanik? Tavrani atinġiŋarut.
Tavra Pharisees apiġitqiŋagaat ayauŋaŋaruaq, Qanuġli uqallausiġiviuŋ ilaa ayauŋaiqsinŋammatin? Ilaan kiuŋagai, uqaqtauruq God-mun. Jew-guruat arguagiŋagaat ayauŋaniŋa suli qiñillasiñiŋa, kiisaimmaa ququaqpaik aŋayuqaak ayauŋaiqsitauruam. Aasii apiġiŋagaik, Una iġñiġivitku, uqausiġikkaqtik aniŋanivḷugu ayauŋavluni? Qanuqłuni paŋmapak qiñillasiva? Ilaan aŋayuqaaŋikta kiuŋagaich, Iḷisimaruguk una iġñiġigikpuk, aniŋatilaaŋalu ayauŋavluni, aglaan nalugikpuk qanuqłuni paŋmapak qiñillasisilaaŋa, naaggaunnii iḷisimaŋitchuguk kimun ayauŋaiqsilaaŋanik. Apiqsruqsiuŋ. Ukiuqtusiŋaruq. Uqautiginiaqtuq inmiñik. Aŋayuqaak uqallaŋaruk tainna sivuuġavlutik Jew-guruanik, qanuq Jew-guruat sivunnianiŋarut atisivḷutiŋ kialiqaa iḷisimanirualikpagu Jesus Christ-guniḷugu, ilaa anitauniaġnivḷugu Jew-guruat aŋaiyyuvianniñ. Taamna pisigivlugu aŋayuqaak uqallaŋaruk, Ukiuqtusiŋaruq apiqsruqsiuŋ.
Tavra igḷuŋagaat qaitquriñiqtiŋ ayauŋaŋaruamik, aasii uqallautivlugu, Uqaġiñ iḷumun ittuamik. God nanġaġuŋ iłuaqsiraukavich. Iḷisimagikput iñuk taimña piḷuusiqirauruq qiñillasipkairuaq iliŋnik. Ilaan kiuŋagai, Piḷuusiqirautilaaŋa nalugiga. Aglaan atausiq iḷisimagiga, ayauŋagaluaqtuaŋaa paŋmapak qiñillasiruŋa. Ilaisa apiġiŋagaat, Qanusiġaqpatin? Qanuqłuni ayauŋaiqsitpatin? Ilaan kiuŋagai, Quliaqtuaġutianiŋasugaavsi, aasii naalaġnisuŋitchusi. Summan tusaatqigukpisiuŋ? Ilivsivsauq iḷitchitquraliutisukpisi ilaanun? Tavra ilaisa kiuŋagaat suammautivlugu, Ilivitkiuvva iḷitchitquraġiniġaatin, aglaan uvagut iḷitchitquraġigaatigut Moses. Iḷisimarugut God-mun uqautisuuŋatilaaŋanik Moses, aglaan taimña iñuk nalugikput sumiñ qaisilaaŋa. Iñuum kiuŋagai, Allayuaġnapaluktuq una naluniqavsiuŋ sumiñ qaisilaaŋa, naaggauvva ayauŋaiŋagaaŋa. Iḷisimarugut God naalaġniḷaitchuq piḷuusiqirinun, aglaan kiñaliqaa aŋaiyyuraumman God-mun suli kamagivlugu pisuutaa, God-im naalaġniḷḷagaa. Nuna isagutilġataġmanqaŋa tusaġnaŋaitchuq iñuk aŋmaiñiḷugu irraŋnik iñuum aniŋaruam ayauŋavluni. Taimña iñuk God-miŋŋaqtuaguŋaitkumi, sumik piyumiñaiñŋagaluaqtuq. Ilaisa kiuŋagaat, Aniŋapiallaktutin piḷuutikun. Aasiuvva iḷisautiniaqsaavisigut? Tavra ilaisa aninŋagaat aŋaiyyuviŋmiñ.

Jesus tusaaŋagaa ilaiññun anitilaaŋa, aasii paqiłługu uqallautiŋagaa, Ukpiqpich Iġñiŋanun Iñuum? Ilaan kiuŋagaa, Aŋuun, imma kiuva ukpiġvigiyumagiga? Jesus uqallautiŋagaa, Tautuaniŋagiñ, suli ilaaguruq uqaqtuaq iliŋnun. Tavra ilaa uqallaŋaruq, Ataniiq, ukpiqtuŋa. Suli ilaan qiksiksrautikun sitquġvigiŋagaa. Jesus uqallaŋaruq, Pisigilugu qaiŋaniġa nunamun, iñuich isivġiqsauyumiñaqsirut. Ayauŋaruat qiñillasipkaġmatun ittuq kaŋiqsipkaqtitaummata iḷumun ittuamik. Aasiiḷi tamatkua tautuksiḷḷaruat ayaupkaqtitaummatun kaŋiqsiḷaił̣ł̣ugu iḷumun ittuaq iḷisimagaluakkaqtiŋ. Iḷaŋisa Pharisees qanittuat ilaanun tusaaŋagaat taamna, aasii apiġiŋagaat, Uvaguttauq ayauŋammivisa? Jesus uqallautiŋagai, Ayauŋaguvsi piḷuutaiññiaġaluaqtusi. Aglaan paŋmapak uqaqtusi, Tautullarugut, tavra piḷuutiqaqtusi.

Listen to John 9