The Susu Bible

Susu - PBT Version (NT)

مَلَبُ لْشْي تٌ بَ عَ رَ، مَرِيَمَ مَفِدَلَكَ، مَرِيَمَ يَكِ نفَ، نُن سَلٌمٍ، عٍ نَشَ لَبُندّ تُرٍ سَرَ عَلَكٌ عٍ شَ عَ سَ عِسَ قُرٍ مَ. سَندٍ لْشْي، كُيٍ بَشِ عِبَدٍ، عٍ نَشَ كُرُن فَبُرِ يِرٍ رَ. كِرَ رَ، عٍ نَشَ عٍ بٌرٍ مَشْرِن، «ندٍ فّمّ بَمَ وٌن بّ فَبُرِ دّ مَ؟»
فّمّ نَشَن نُ دْشْشِ فَبُرِ دّ مَ، عَ نُ شُنفبٌ كِ قَنيِ. كْنْ عٍ تٌ عٍ يَ رَ سِفَ، عٍ نَشَ عَ تٌ فّمّ بَرَ بَ نَا. عٍ تٌ سٌ فَبُرِ كُي، عٍ نَشَ سّفّتَلَ ندٍ تٌ عَ دْشْشِ يِرٍقَنيِ مَ، فُبَ قِيشّ رَفٌرٌشِ عَ مَ. عٍ نَشَ فَاشُ. عَ نَشَ عَ قَلَ عٍ بّ، «وٌ نَشَ فَاشُ. وٌ نَ عِسَ نَسَرّتِكَ نَن قٍنقٍ، عٍ نَشَن بَنبَن وُرِ مَفَلَنبُشِ مَ. عَ مُ بٍ، عَ بَرَ كٍلِ قَشّ مَ. وٌ عَ مَتٌ، عٍ نُ عَ سَشِ مّننِ نّ. كْنْ وٌ سِفَ، وٌ سَ عَ قَلَ عَ قْشِرَبِرّيٍ بّ، عَ نُن ثِيّرِ، عَ عِسَ نَ سِفَقٍ وٌ يَ رَ فَلِلٍ. وٌ عَ تٌمَ مّننِ نّ عَلْ عَ عَ مَسٍن وٌ بّ كِ نَشّ.» فِنّيٍ نَشَ مِنِ فَبُرِ كُي، عٍ سِفَ عٍ فِ رَ، عٍ كَابَشِ قٌ عٍ سّرّنمَ. عٍ مُ سٍسٍ قَلَ مِشِ يٌ بّ، بَرِ مَ عٍ نُ بَرَ فّ فَاشُدٍ.


عِسَ تٌ كٍلِ قَشّ مَ سَندٍ لْشْي كُيٍ عِبَ، عَ مِنِ مَرِيَمَ مَفِدَلَكَ نَن سِنفٍ مَ، عَ حِننّ سٌلٌقٍرٍ كٍرِ نَشَن قْشْ رَ. مَرِيَمَ نَشَ سِفَ عِسَ شِبَارُ قَلَدٍ مِشِيٍ بّ عٍ نُن نَشٍيٍ نُ عَ رَ. عٍ بِرِن نُ سُننُنشِ، عٍ مَن نُ وَقٍ عِسَ شَ حْنقٍ مَ. عٍ تٌ عَ مّ عَ عَ عِسَ حِحّ تٌ نّ، عٍ مُ لَ عَ رَ.

نَ قٍيٍ دَنفِ شَنبِ، عِسَ نَشَ مِنِ كّحَ فبّتّ رَ عَ قْشِرَبِرّ مِشِ قِرِن مَ، عٍ تٌ نُ نَ دَاشَ ندٍ كِرَ شْن. نٍيٍ قَن نَشَ فبِلٍن يِ قٍ تَفِ رَبَ رَ بٌورٍيٍ بّ، كْنْ عٍ مُ لَ نٍيٍ قَن شُي رَ. نَ شَنبِ، عِسَ نَشَ مِنِ عَ قْشِرَبِرّ قُ نُن كٍرٍن مَ، عٍ نُ عٍ دّفٍقٍ تٍيبِلِ رَ تّمُي نَشّ. عِسَ نَشَ وْيّن عٍ مَ عٍ شَ دَنشَنِيَتَرٍحَ نُن شَشِلِ شْرْشْيَ شَ قٍ رَ، بَرِ مَ عٍ مُ نُ لَشِ مِشِيٍ رَ نَشٍيٍ عِسَ تٌ، عَ تٌ نُ بَرَ كٍلِ قَشّ مَ.

عِسَ نَشَ عَ مَسٍن عٍ بّ، «وٌ سِفَ دُنِحَ بِرِن كُي، وٌ دَالِ بِرِن كَوَندِ شِبَارُ قَنيِ رَ. نَشَن نَ دَنشَنِيَ ﭑ مَ، عَ شُنشَ يٍ شْورَ، نَ كَنيِ كِسِمَ نّ. كْنْ شَ نَشَن مُ دَنشَنِيَ ﭑ مَ، نَ كَنيِ بْنْمَ نّ. نَشٍيٍ نَ دَنشَنِيَ ﭑ مَ عٍ يِ كَابَنَكٌ قٍيٍ رَبَمَ نّ ﭑ شِلِ رَ. عٍ قَمَ نّ حِننّيٍ كٍرِدٍ مِشِيٍ قْشْ رَ، عٍ شُي نّينّيٍ قَلَمَ نّ، عٍ بْشِمَسٍيٍ سُشُمَ نّ عٍ بّلّشّ رَ عٍ مُ عٍ شِن، عٍ سٍقِ مِنمَ نّ سٍ مُ عٍ تٌ، عٍ عٍ بّلّشّ سَمَ نّ قُرٍ مَيٍ مَ، قُرٍ مَيٍ يَلَن.»
نَ كُي، مَرِفِ عِسَ تٌ فّ وْيّندٍ عٍ بّ، عَ نَشَ تٍ كٌورٍ مَ. عَ نَشَ سَ عَ مَفٌرٌ عَلَ يِرٍقَنيِ مَ. عٍ تَن نَشَ سِفَ كَوَندِ تِدٍ يِرٍ بِرِن، عٍ نُن مَرِفِ نَشَ وَلِ. مَرِفِ نَشَ قّيرّ قِ عٍ مَ، عٍ شَ تْنشُمَ مَكَابَشِيٍ رَبَ، مِشِيٍ شَ لَ عٍ شَ كَوَندِ رَ.

Listen to مَرَكِ 16