Sambal, Botolan - 2014 Edition (NT) Drama

Sambal, Botolan New Testament Drama ℗ 2014 Hosanna

<div class="version vid1343 iso6393sbl" data-vid="1343" data-iso6393="sbl">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Hi Apo Hisos ay nabiyay oman</div><div class="r">(Matiyo 28:1-10; Markos 16:1-8; Howan 20:1-10)</div><div class="p"> 1Hay hambak nin allon Dominggo, hatoy bawbabayi ay nipampako do ha pinangitabonan koni Apo Hisos, boy gintan la baytoy pabangoh ya inhand&#224; la. 2Hin ni-abot hila bayro ay nakit lay natolid ana baytoy malhay ya bato ya pinanar&#224; nin hatoy poltan pinangitabonan koni Apo Hisos. 3Kay&#224; nilomo-ob hila piro agla nakit bayro ya bangkay ni Apo Hisos. 4Mintras angkagoloy ihip la nin tongkol bayri, ha dani la ay bigl&#224; hilan nakakit nin loway lalaki ya nakadolon ampanginangkinang. 5Hatoy bawbabayi ay nipanlokob ha kalimowan la. Hapa-eg, naghalit&#224; konla baytoy loway lalaki, ya wanla, &#8220;Ant&#224; nin hay angkabiyay ay antikapen moyo bayri ha pangitabonan nin nikati? 6Hi Apo Hisos ay ayin ana bayri ta nabiyay yan oman. Ihipen moyo baytoy hinalit&#224; na komoyo hin anti ya ha probinsyan Galiliya ya ombayri: 7&#8216;Hay an-ingaten Anak nin Tawo ay ka-ilangan igw&#224; ha gamet nin mawmakasalanan, ta ipak&#242; ha koroh, biha ha ikatlon allo ay mabiyay yan oman.&#8217;&#8221;</div><div class="p"> 8Hin na-ihipan nin hatoy bawbabayi baytoy hinalit&#224; ni Apo Hisos 9ay nog-alih hila bayro ha pinangitabonan ta norong hila. Kaganawan pangyayari ya nakit la ay imbalit&#224; la do ha labimmihay alagad boy ha kaganawan nin hatoy kanayon et ya kalamowan la. 10Hatoy bawbabayi ya nako bayro ha pinangitabonan ay hi Mariya ya taga Magdala, hi Howana, hi Mariya ya nanay ni Santiyago, boy ma-in et kanayon ya bawbabayi ya kalamowan la. Hila ya nangibalit&#224; ha aw-alagad nin tongkol ha nangyari. 11Piro hatoy aw-alagad ay ah&#232; ninto-o do ha imbalit&#224; nin hatoy bawbabayi ta andap la no gawa-gaw&#224; bongat. 12Ombayro man, hi Pidro ay nowayon nako bayro ha pinangitabonan. Hin ni-abot ya bayro ay inelewan nay lo-ob nin hatoy pinangitabonan. Nakit na baytoy dolo ya pinamotot koni Apo Hisos ya ayin anan nakapotot. Hapa-eg, norong yan angkagoloy ihip nin tongkol ha nangyari.</div><div class="s">Hay pamowakon palako ha banowan Ima-os</div><div class="r">(Markos 16:12-13)</div><div class="p"> 13Hin habayto et allo, lowa ha kawkalamowan ni Apo Hisos ay ampowakon palako ha banowan Ima-os ya labimmihay kilomitroy day&#242; pa-ibat ha siyodad nin Hirosalim. 14Mintras ampowako hila ay ampi-ilgowan la ya tongkol ha kaganawan bagay ya nangyari. 15Ha pami-ilgo la nin tongkol bayro, hi Apo Hisos ay napakarani konla boy nakisabay ha pamowako la. 16Maski angkakit la ya ay agla ya nabalayan.</div><div class="p"> 17Hapa-eg, pinastang hila ni Apo Hisos, &#8220;Anyay ampi-ilgowan moyo?&#8221; wana.</div><div class="p">Tinonggen hila nin hay lopa la ay malel&#232;. 18Hay miha konla ya nagngalan Kliyopas ay nagpastang koni Apo Hisos, ya wana, &#8220;Hikan bongat nay&#236; ha kaganawan nin ampa-iri ha siyodad nin Hirosalim ya ah&#232; magtand&#224; ha bawbagay ya nangyari bayro hin ongnoy allon bongat ya nalabah?&#8221;</div><div class="p"> 19&#8220;Anyay bawbagay ya nangyari?&#8221; pastang ni Apo Hisos.</div><div class="p">Tinombay hila, ya wanla, &#8220;Hay bawbagay ya nangyari koni Apo Hisos ya taga Nasarit. Hiya ay propita ya ha tegteg nin Diyos boy ha tegteg nin tawtawo, hay hawhalit&#224; na boy gawgaw&#224; na ay ma-in kapangyariyan. 20Piro hay pawpo-on nin pawpar&#236; boy ampipamo-on konnawen ay nandakep kona, biha la ya inggaw&#224; ha tawtaga Roma ya ampipamo-on ya nanintinsya kona nin kamatyan. Kay&#224; hiya ay impak&#242; ha koroh. 21An-asawan nawen pa et nin hiya ya mambeh konnawen nin aw-inalalak ni Israyil; piro ikatloynan allo hapa-eg pa-ibat hin nangyari bayto. 22Ma-in ongno ha bawbabayi ya kalamowan nawen ya nahambak nin nako ha pinangitabonan kona. Hin nagbira hila ay nag-ispanta kayi ha pangyayari ya imbalit&#224; la konnawen; 23ta hinalit&#224; la ya agla nakit ya bangkay ni Apo Hisos, bal&#232; ta nakakit hila nin aw-anghil ya nangibalit&#224; konla nin hi Apo Hisos ay nabiyay oman. 24Ma-in kayi et kanayon ya kalamowan ya nako bayro ha pinangitabonan, boy nakit la bayto ya bilang ombayro ha hinalit&#224; nin hatoy bawbabayi. Piro agla simpri nakit ya bangkay ni Apo Hisos.&#8221;</div><div class="p"> 25Hapa-eg, hinalit&#224; ni Apo Hisos konla, ya wana, &#8220;Hay kapey nin pangingintindi moyo, boy hay irap moyon papinto-owen ha kaganawan hinolat nin pawpropita hin hato. 26Alwa nay&#236; nin hi Kristo ya impangak&#242; nin Diyos ay ka-ilangan magdanas nin kadya-dya-an biha ya magkama-in nin karangalan?&#8221; 27Impalinaw konla ni Apo Hisos baytoy tongkol kona ya impaholat nin Diyos; inompisawan na ha hinolat ni Moysis angga ha hinolat nin kaganawan propita.</div><div class="p"> 28Hin andomani hilayna ha banowa ya lalakwen la, nagkanwar&#236; hi Apo Hisos nin magdiritso; 29piro kinatotol la ya, ya wanla, &#8220;Bayri kayna pon konnawen ta anyomabi ana.&#8221; Kay&#224; hi Apo Hisos ay nilomo-ob nin kalamo la ta bayro yayna pon konla.</div><div class="p"> 30Hin nikn&#242; hilayna ta mangan, hi Apo Hisos ay nandampot nin tinapay biha na pinasalamatan ha Diyos. Hin nayar&#236; nan pinasalamatan bayto ay bini-hil na biha na inggaw&#224; konla. 31Hapa-eg, hatoy agla pon pamakabalay koni Apo Hisos ay nabalayan la yayna, piro bigl&#224; yan na-anam ha tegteg la. 32Ni-ilgo hilay lowa nin ombayri: &#8220;Kay&#224; awod,&#8221; wanla, &#8220;nin maligay nakem ta hin ampaki-ilgo ya konta ha daan boy hin an-ipalinaw na konta ya nakaholat ha Kaholatan nin Diyos.&#8221;</div><div class="p"> 33Hapa-eg habayto et oras ay nanig&#232; hila nin nagbira ha siyodad nin Hirosalim. Bayro ay nalatngan la baytoy labimmihay alagad ya nititipon boy hatoy kanayon et ya kalamowan la, 34ya ampaghalit&#224; nin, &#8220;Talaga bay awod, nabiyay oman ya Pangino-on boy napakit ya koni Simon Pidro.&#8221;</div><div class="p"> 35Hapa-eg, imbalit&#224; nin hatoy loway na-ibat ha banowan Ima-os baytoy pangyayari konla ha daan ya hi Apo Hisos ya nakisabay konla ay agla nabalayan boy no pangno la ya nabalayan hin bini-hil nay tinapay.</div><div class="s">Hi Apo Hisos ay napakit ha aw-alagad na</div><div class="r">(Matiyo 28:16-20; Markos 16:14-18; Howan 20:19-23; Gawgaw&#224; 1:6-8)</div><div class="p"> 36Mintras ampi-i-ilgowan la baytoy pangyayari, hi Apo Hisos ay bigl&#224; napakit konla ta hinalit&#224; na, &#8220;Magkama-in kawo nin katinekan,&#8221; wana.</div><div class="p"> 37Piro nabigl&#224; hila boy nalimo ta andap la no molto ya nakit la. 38Hapa-eg, hinalit&#224; konla ni Apo Hisos, &#8220;Ant&#224;,&#8221; wana, &#8220;nin angkagoloy nakem moyo boy ampagdoda kawo? 39Helken moyoy gamet ko boy bitih ko emen moyo matanda-an ya talagan hiko. Gap-an moyo ko emen moyo matanda-an ya hiko ay alwan molto. Hay molto ay ayin laman boy ayin bot-o nin bilang ombayri ha angkakit moyo kongko.&#8221;</div><div class="p"> 40Hin nayar&#236; hinalit&#224; bayti ni Apo Hisos ay impakit na konla ya gawgamet na boy bawbitih na. 41Halos aghila et minto-o ban&#224; ha masyadoy kaligawan la boy pag-ispanta la. Kay&#224; pinastang hila ni Apo Hisos, &#8220;Ma-in nay&#236; bayri,&#8221; wana, &#8220;nin ma-ekan?&#8221; 42Binyan la ya nin poton kon&#224; ya iniyaw. 43Kinwa na ta kinn&#224; na bayto nin angkakit la.</div><div class="p"> 44Hapa-eg, hinalit&#224; ni Apo Hisos konla, ya wana, &#8220;Hin hato et hin ampilalamo tamo ay hinalit&#224; koyna komoyo ya ka-ilangan mangyari kongko baytoy hinolat ni Moysis, boy hinolat nin kanayon ya pawpropita, boy hatoy nakaholat ha libron Kawkanta.&#8221;</div><div class="p"> 45Hapa-eg, binyan na hila nin pangingintindi emen la ma-intindiyan ya Kaholatan nin Diyos. 46Hinalit&#224; na konla, &#8220;Ombayri ya nakaholat: hi Kristo ya impangak&#242; nin Diyos ay ka-ilangan magdanas nin kadya-dya-an boy mati biha mabiyay oman ha ikatlon allo; 47boy ha ngalan na, hay balit&#224; ya tongkol ha paghehehe boy pamatawad nin kasalanan ay ka-ilangan i-aral ha kaganawan dogal pa-ibat ha siyodad nin Hirosalim. 48Hikawoy nakakit ya mamapteg nin habayti. 49Hiko ya mangihog&#242; bayri komoyo nin hatoy impangak&#242; nin Tatay ko. Piro manatili kawo bayri ha siyodad angga ha mag-ayp&#224; bayri komoyo ya kapangyariyan ya mangibat ha katatag-ayan.&#8221;</div><div class="s">Hi Apo Hisos ay gintan ha katatag-ayan ha kama-inan nin Diyos</div><div class="r">(Markos 16:19-20; Gawgaw&#224; 1:9-11)</div><div class="p"> 50Hapa-eg hatoy aw-alagad ay gintan ni Apo Hisos angga ha banowan Bitanya, biha na intag-ay ya gamet na ta binindisyonan na hila. 51Mintras ambindisyonan na hila ay ampitag-ay ya ta gintan ya ha katatag-ayan ha kama-inan nin Diyos. 52Hatoy aw-alagad ay hinomamba kona, biha hila nagbira ha siyodad nin Hirosalim ya ma-in nin masyadoy kaligawan, 53boy hila ay pirmi ha bali nin Diyos nin ampamori ha Diyos.</div>
 </div>
 </div>
</div>

Hay hambak nin allon Dominggo, hatoy bawbabayi ay nipampako do ha pinangitabonan koni Apo Hisos, boy gintan la baytoy pabangoh ya inhandà la. Hin ni-abot hila bayro ay nakit lay natolid ana baytoy malhay ya bato ya pinanarà nin hatoy poltan pinangitabonan koni Apo Hisos. Kayà nilomo-ob hila piro agla nakit bayro ya bangkay ni Apo Hisos. Mintras angkagoloy ihip la nin tongkol bayri, ha dani la ay biglà hilan nakakit nin loway lalaki ya nakadolon ampanginangkinang. Hatoy bawbabayi ay nipanlokob ha kalimowan la. Hapa-eg, naghalità konla baytoy loway lalaki, ya wanla, “Antà nin hay angkabiyay ay antikapen moyo bayri ha pangitabonan nin nikati? Hi Apo Hisos ay ayin ana bayri ta nabiyay yan oman. Ihipen moyo baytoy hinalità na komoyo hin anti ya ha probinsyan Galiliya ya ombayri: ‘Hay an-ingaten Anak nin Tawo ay ka-ilangan igwà ha gamet nin mawmakasalanan, ta ipakò ha koroh, biha ha ikatlon allo ay mabiyay yan oman.’”
Hin na-ihipan nin hatoy bawbabayi baytoy hinalità ni Apo Hisos ay nog-alih hila bayro ha pinangitabonan ta norong hila. Kaganawan pangyayari ya nakit la ay imbalità la do ha labimmihay alagad boy ha kaganawan nin hatoy kanayon et ya kalamowan la. Hatoy bawbabayi ya nako bayro ha pinangitabonan ay hi Mariya ya taga Magdala, hi Howana, hi Mariya ya nanay ni Santiyago, boy ma-in et kanayon ya bawbabayi ya kalamowan la. Hila ya nangibalità ha aw-alagad nin tongkol ha nangyari. Piro hatoy aw-alagad ay ahè ninto-o do ha imbalità nin hatoy bawbabayi ta andap la no gawa-gawà bongat. Ombayro man, hi Pidro ay nowayon nako bayro ha pinangitabonan. Hin ni-abot ya bayro ay inelewan nay lo-ob nin hatoy pinangitabonan. Nakit na baytoy dolo ya pinamotot koni Apo Hisos ya ayin anan nakapotot. Hapa-eg, norong yan angkagoloy ihip nin tongkol ha nangyari.


Hin habayto et allo, lowa ha kawkalamowan ni Apo Hisos ay ampowakon palako ha banowan Ima-os ya labimmihay kilomitroy dayò pa-ibat ha siyodad nin Hirosalim. Mintras ampowako hila ay ampi-ilgowan la ya tongkol ha kaganawan bagay ya nangyari. Ha pami-ilgo la nin tongkol bayro, hi Apo Hisos ay napakarani konla boy nakisabay ha pamowako la. Maski angkakit la ya ay agla ya nabalayan.
Hapa-eg, pinastang hila ni Apo Hisos, “Anyay ampi-ilgowan moyo?” wana.
Tinonggen hila nin hay lopa la ay malelè. Hay miha konla ya nagngalan Kliyopas ay nagpastang koni Apo Hisos, ya wana, “Hikan bongat nayì ha kaganawan nin ampa-iri ha siyodad nin Hirosalim ya ahè magtandà ha bawbagay ya nangyari bayro hin ongnoy allon bongat ya nalabah?”
“Anyay bawbagay ya nangyari?” pastang ni Apo Hisos.
Tinombay hila, ya wanla, “Hay bawbagay ya nangyari koni Apo Hisos ya taga Nasarit. Hiya ay propita ya ha tegteg nin Diyos boy ha tegteg nin tawtawo, hay hawhalità na boy gawgawà na ay ma-in kapangyariyan. Piro hay pawpo-on nin pawparì boy ampipamo-on konnawen ay nandakep kona, biha la ya inggawà ha tawtaga Roma ya ampipamo-on ya nanintinsya kona nin kamatyan. Kayà hiya ay impakò ha koroh. An-asawan nawen pa et nin hiya ya mambeh konnawen nin aw-inalalak ni Israyil; piro ikatloynan allo hapa-eg pa-ibat hin nangyari bayto. Ma-in ongno ha bawbabayi ya kalamowan nawen ya nahambak nin nako ha pinangitabonan kona. Hin nagbira hila ay nag-ispanta kayi ha pangyayari ya imbalità la konnawen; ta hinalità la ya agla nakit ya bangkay ni Apo Hisos, balè ta nakakit hila nin aw-anghil ya nangibalità konla nin hi Apo Hisos ay nabiyay oman. Ma-in kayi et kanayon ya kalamowan ya nako bayro ha pinangitabonan, boy nakit la bayto ya bilang ombayro ha hinalità nin hatoy bawbabayi. Piro agla simpri nakit ya bangkay ni Apo Hisos.”
Hapa-eg, hinalità ni Apo Hisos konla, ya wana, “Hay kapey nin pangingintindi moyo, boy hay irap moyon papinto-owen ha kaganawan hinolat nin pawpropita hin hato. Alwa nayì nin hi Kristo ya impangakò nin Diyos ay ka-ilangan magdanas nin kadya-dya-an biha ya magkama-in nin karangalan?” Impalinaw konla ni Apo Hisos baytoy tongkol kona ya impaholat nin Diyos; inompisawan na ha hinolat ni Moysis angga ha hinolat nin kaganawan propita.
Hin andomani hilayna ha banowa ya lalakwen la, nagkanwarì hi Apo Hisos nin magdiritso; piro kinatotol la ya, ya wanla, “Bayri kayna pon konnawen ta anyomabi ana.” Kayà hi Apo Hisos ay nilomo-ob nin kalamo la ta bayro yayna pon konla.
Hin niknò hilayna ta mangan, hi Apo Hisos ay nandampot nin tinapay biha na pinasalamatan ha Diyos. Hin nayarì nan pinasalamatan bayto ay bini-hil na biha na inggawà konla. Hapa-eg, hatoy agla pon pamakabalay koni Apo Hisos ay nabalayan la yayna, piro biglà yan na-anam ha tegteg la. Ni-ilgo hilay lowa nin ombayri: “Kayà awod,” wanla, “nin maligay nakem ta hin ampaki-ilgo ya konta ha daan boy hin an-ipalinaw na konta ya nakaholat ha Kaholatan nin Diyos.”
Hapa-eg habayto et oras ay nanigè hila nin nagbira ha siyodad nin Hirosalim. Bayro ay nalatngan la baytoy labimmihay alagad ya nititipon boy hatoy kanayon et ya kalamowan la, ya ampaghalità nin, “Talaga bay awod, nabiyay oman ya Pangino-on boy napakit ya koni Simon Pidro.”
Hapa-eg, imbalità nin hatoy loway na-ibat ha banowan Ima-os baytoy pangyayari konla ha daan ya hi Apo Hisos ya nakisabay konla ay agla nabalayan boy no pangno la ya nabalayan hin bini-hil nay tinapay.


Mintras ampi-i-ilgowan la baytoy pangyayari, hi Apo Hisos ay biglà napakit konla ta hinalità na, “Magkama-in kawo nin katinekan,” wana.
Piro nabiglà hila boy nalimo ta andap la no molto ya nakit la. Hapa-eg, hinalità konla ni Apo Hisos, “Antà,” wana, “nin angkagoloy nakem moyo boy ampagdoda kawo? Helken moyoy gamet ko boy bitih ko emen moyo matanda-an ya talagan hiko. Gap-an moyo ko emen moyo matanda-an ya hiko ay alwan molto. Hay molto ay ayin laman boy ayin bot-o nin bilang ombayri ha angkakit moyo kongko.”
Hin nayarì hinalità bayti ni Apo Hisos ay impakit na konla ya gawgamet na boy bawbitih na. Halos aghila et minto-o banà ha masyadoy kaligawan la boy pag-ispanta la. Kayà pinastang hila ni Apo Hisos, “Ma-in nayì bayri,” wana, “nin ma-ekan?” Binyan la ya nin poton konà ya iniyaw. Kinwa na ta kinnà na bayto nin angkakit la.
Hapa-eg, hinalità ni Apo Hisos konla, ya wana, “Hin hato et hin ampilalamo tamo ay hinalità koyna komoyo ya ka-ilangan mangyari kongko baytoy hinolat ni Moysis, boy hinolat nin kanayon ya pawpropita, boy hatoy nakaholat ha libron Kawkanta.”
Hapa-eg, binyan na hila nin pangingintindi emen la ma-intindiyan ya Kaholatan nin Diyos. Hinalità na konla, “Ombayri ya nakaholat: hi Kristo ya impangakò nin Diyos ay ka-ilangan magdanas nin kadya-dya-an boy mati biha mabiyay oman ha ikatlon allo; boy ha ngalan na, hay balità ya tongkol ha paghehehe boy pamatawad nin kasalanan ay ka-ilangan i-aral ha kaganawan dogal pa-ibat ha siyodad nin Hirosalim. Hikawoy nakakit ya mamapteg nin habayti. Hiko ya mangihogò bayri komoyo nin hatoy impangakò nin Tatay ko. Piro manatili kawo bayri ha siyodad angga ha mag-aypà bayri komoyo ya kapangyariyan ya mangibat ha katatag-ayan.”


Hapa-eg hatoy aw-alagad ay gintan ni Apo Hisos angga ha banowan Bitanya, biha na intag-ay ya gamet na ta binindisyonan na hila. Mintras ambindisyonan na hila ay ampitag-ay ya ta gintan ya ha katatag-ayan ha kama-inan nin Diyos. Hatoy aw-alagad ay hinomamba kona, biha hila nagbira ha siyodad nin Hirosalim ya ma-in nin masyadoy kaligawan, boy hila ay pirmi ha bali nin Diyos nin ampamori ha Diyos.

Listen to Lokas 24