Penan, Eastern for Malaysia 2011 MAS; Non-Drama (NT)

© 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia. Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia ℗ 2018 Hosanna; 

Penan, Eastern for Malaysia 2011 MAS; Drama (NT)

<div class="version vid134 iso6393pez" data-vid="134" data-iso6393="pez">
 <div class="book bkCOL">
 <div class="chapter ch1" data-usfm="COL.1">
 <div class="label">1</div><div class="p"> 1Akeu' Paulus lem pengeloo' Allah &#233;h lawah Kristus Y&#233;sus, ngan pad&#233;&#233;' lu' Timotius amo &#233;h maneu' surat iteu' 2ngan kekat kelunan &#233;h anah Tuhan &#233;h pu'un tong leboo' Kolos&#233;, inah &#233;h ngan kekat pad&#233;&#233;' m&#233;' &#233;h tig&#233;h &#233;h ngelan tong Kristus. Jian Allah &#233;h Tamen lu' mena' penika N&#233;h ngan pengepawah N&#233;h ngan keh.</div><div class="s">Ha' Paulus sebayang bara' jian kenin ngan Tuhan</div><div class="p"> 3La'ah hun m&#233;' sebayang tong ka'ah ngelayau m&#233;' bara' jian kenin ngan Allah &#233;h Tamen lu' Tuhan Y&#233;sus Kristus. 4Uban pu'un m&#233;' men&#233;ng rengah tong pengelan keh tong Kristus Y&#233;sus ngan tong penika keh ngan kekat kelunan &#233;h anah Tuhan. 5La'ah hun keh men&#233;ng tong tebaraa' &#233;h teneng, Rengah Jian &#233;h benara' m&#233;' ngan keh rai, pu'un keh men&#233;ng tong jalan Tuhan juk mena' urip &#233;h pelinguh ngan keh. La'ah pengelan keh tong Tuhan ngan penika keh, pu'un &#233;h kenat uban keh ngelan Tuhan juk mena' urip pelinguh ngan keh &#233;h petenup N&#233;h ngan keh tong seruga. 6La'ah Rengah Jian inah pu'un &#233;h mihin kuraa'-kuraa' kelunan jian kenin ngan pu'un &#233;h av&#233;&#233;' tong kuraa'-kuraa' kelunan pah tipo tana', barei' &#233;h pu'un belah ka'ah jin dau bu'un keh men&#233;ng tong penika Allah ngan nesen &#233;h lem kenin keh kep&#233;h. 7#Kol. 4:12, Plm. 23 Pu'un keh men&#233;ng Rengah Jian inah jin bak&#233;h m&#233;' Epapras. Iah jah bak&#233;h m&#233;' &#233;h pekua' ketig&#233;h am&#233;&#233;' kereja' ngan Kristus. 8Pu'un iah bara' ngan am&#233;&#233;' tong penika keh &#233;h neu' Sah&#233;&#233;'.</div><div class="p"> 9Uban n&#233;h kenat am&#233;&#233;' ngelayau sebayang tong ka'ah. Pu'un m&#233;' sebayang kenat jin bu'un m&#233;' men&#233;ng rengah keh. Am&#233;&#233;' menyat Tuhan nolong keh dokoo' keh omok jam mu'un tong pengeloo' N&#233;h ngan jam seruh ngan nesen mu'un uban Sah&#233;&#233;' Tuhan pekelenaa' pengeloo' N&#233;h ngan keh. 10Boh keh omok murip barei' Tuhan keloo' keh murip, ngan ngelayau ngepayoo' kenin N&#233;h. Pinaa' buaa' keh kep&#233;h &#233;h neu' kuraa'-kuraa' kereja' keh &#233;h jian, ngan pu'un keh pepit dalem pengejam keh tong Allah. 11Jian ka'ah gahang neu' kekat pengegahang N&#233;h &#233;h jin penyukat N&#233;h &#233;h ja'au mu'un, dokoo' keh omok ngeretep ngan kebit kenin tong ineu'-ineu' &#233;h teneng tong ka'ah. 12La'ah jian uleu' bara' jian kenin ngan murung kenin ngan Tamen lu', uban pu'un Iah peteneng kenin lu', dokoo' lu' omok alaa' kekat pengejian &#233;h petenup N&#233;h ngan kekat kelunan &#233;h anah N&#233;h tong retek &#233;h rema. 13Uban pu'un Iah ngelepu lu' jin kekat penyukat &#233;h tong merem, ngan pepiso lu' tai lem nihau Anak &#233;h kemurung N&#233;h, 14#&#201;pe. 1:7 &#233;h ngelepu lu' jin kamit Sitan ngan &#233;h mega' penyala' lu'.</div><div class="s">Tong Kristus ngan kereja' N&#233;h</div><div class="p"> 15Kristus Iah pekua' ngan Allah &#233;h b&#233;' omok ta'an kelunan palaa' maten usah n&#233;h. Kristus nah Anak Allah &#233;h jah awah &#233;h kemurung N&#233;h, kep&#233;h Iah pelapah jian jin kekat &#233;h pu'un senuai N&#233;h. 16Uban dalem Iah Allah suai kekat ineu'-ineu' &#233;h tong langit ngan &#233;h tong tana', &#233;h pol&#233;ng ngan &#233;h b&#233;' pol&#233;ng, kenat p&#233;h kekat meliket ngan ineu'-ineu' kep&#233;h &#233;h pu'un penyukat. La'ah Allah suai kekat tana' ngan langit neu' Anak N&#233;h, dokoo' kekat penyuai N&#233;h inah ngajung Kristus. 17La'ah Kristus Anak N&#233;h inah pu'un &#233;h ten&#233;h hun kekat ineu'-ineu' b&#233;' jak pu'un, ngan neu' penyukat N&#233;h kekat ineu'-ineu' pu'un petem reken. 18#&#201;pe. 1:22-23 La'ah Kristus &#233;h Anak N&#233;h pengeja'au usah, inah &#233;h sidang, Iah &#233;h pungun urip sidang N&#233;h. Kenat kep&#233;h Iah &#233;h tenah net&#233;&#233;' Allah jin patai N&#233;h dokoo' Iah omok pu'un penyukat bau ineu'-ineu' p&#233;h. 19Uban lem pengeloo' Allah, Anak N&#233;h nah pu'un pekua' mu'un ngan Allah &#233;h sukup lem kekat pengejian ngan pengemaren N&#233;h. 20#&#201;pe. 2:16 Kenat p&#233;h neu' Anak N&#233;h Allah maneu' jah pemekat kenin dokoo' N&#233;h mihin kekat-kekat penyuai N&#233;h mol&#233;&#233;' tavin Tuhan ngan petunuk r&#233;h neu' dahaa' Anak N&#233;h &#233;h matai tong kayeu' salib. Kenat p&#233;h jalan N&#233;h mihin kekat &#233;h tong tana' ngan &#233;h tong langit p&#233;h mol&#233;&#233;' tavin Iah kep&#233;h.</div><div class="p"> 21La'ah hun sahau rai ka'ah juu' jin Allah, la'ah inah &#233;h maneu' keh ayau N&#233;h neu' kekat penganeu' ngan penyeruh keh &#233;h sa'at. 22Bang hun iteu' neu' Anak N&#233;h matai, Tuhan pu'un maneu' keh bak&#233;h N&#233;h kep&#233;h, dokoo' N&#233;h mihin keh tai tong jumen N&#233;h mu'un, ngan ni'ai ngan teneng kenin, b&#233;' pu'un sa'at ineu'-ineu' p&#233;h. 23Bang jian keh tig&#233;h ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian &#233;h lepah nen&#233;ng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.</div><div class="s">Tong kereja' Paulus tong Sidang</div><div class="p"> 24Hun iteu' murung akeu' dalem kekat pengeketa k&#233;', uban kereja' k&#233;' ngan keh, uban k&#233;' jam pengeketa k&#233;' inah, inah maneu' akeu' omok pemung ngan Kristus lem pengeketa N&#233;h, uban sidang N&#233;h. 25La'ah akeu' &#233;h kev&#233;l&#233;&#233;' Allah dokoo' k&#233;' nolong sidang N&#233;h Iah nyohoo' ku' maneu' kereja' iteu' dokoo' nolong ka'ah. Kereja' k&#233;' iteu', inah &#233;h dokoo' k&#233;' bara' rengah N&#233;h. 26Uban jin sahau nah pu'un jah jalan &#233;h juk neu' Allah bang pelim &#233;h tong kelunan sahau nah. Bang hun iteu' kep&#233;h Tuhan pepol&#233;ng &#233;h ngan irah &#233;h anah Nah kep&#233;h. 27La'ah jian mu'un &#233;h kivu pengeloo' N&#233;h pu'un &#201;h petenup &#233;h ngan kekat arong kelunan, b&#233;' makat ngan pohoo' Yahudi awah. &#201;h pelim jin irah sahau, inah &#233;h Kristus pu'un dalem ka'ah ngan hun N&#233;h pu'un dalem keh kenat adang kelunan ngelan keh pu'un pemung ngan Allah lem kekat pengaren N&#233;h. 28Uban n&#233;h kenat inah &#233;h mihin am&#233;&#233;' bara' Kristus ngan kekat kelunan. Am&#233;&#233;' nebaraa' ngan petena' r&#233;h b&#233;&#233; ngan kekat pengejam kenin m&#233;', dokoo' m&#233;' omok mihin siget-siget usah r&#233;h tong jumen Tuhan barei' kelunan &#233;h sukup mu'un kenin dalem Kristus. 29Uban n&#233;h kenat inah akeu' kereja' muruh ngan kekat pengegahang Kristus &#233;h pu'un dalem akeu'.</div>
 </div>
 </div>
</div>

Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia

Akeu' Paulus lem pengeloo' Allah éh lawah Kristus Yésus, ngan padéé' lu' Timotius amo éh maneu' surat iteu' ngan kekat kelunan éh anah Tuhan éh pu'un tong leboo' Kolosé, inah éh ngan kekat padéé' mé' éh tigéh éh ngelan tong Kristus. Jian Allah éh Tamen lu' mena' penika Néh ngan pengepawah Néh ngan keh.

La'ah hun mé' sebayang tong ka'ah ngelayau mé' bara' jian kenin ngan Allah éh Tamen lu' Tuhan Yésus Kristus. Uban pu'un mé' menéng rengah tong pengelan keh tong Kristus Yésus ngan tong penika keh ngan kekat kelunan éh anah Tuhan. La'ah hun keh menéng tong tebaraa' éh teneng, Rengah Jian éh benara' mé' ngan keh rai, pu'un keh menéng tong jalan Tuhan juk mena' urip éh pelinguh ngan keh. La'ah pengelan keh tong Tuhan ngan penika keh, pu'un éh kenat uban keh ngelan Tuhan juk mena' urip pelinguh ngan keh éh petenup Néh ngan keh tong seruga. La'ah Rengah Jian inah pu'un éh mihin kuraa'-kuraa' kelunan jian kenin ngan pu'un éh avéé' tong kuraa'-kuraa' kelunan pah tipo tana', barei' éh pu'un belah ka'ah jin dau bu'un keh menéng tong penika Allah ngan nesen éh lem kenin keh kepéh. Pu'un keh menéng Rengah Jian inah jin bakéh mé' Epapras. Iah jah bakéh mé' éh pekua' ketigéh améé' kereja' ngan Kristus. Pu'un iah bara' ngan améé' tong penika keh éh neu' Sahéé'.
Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh. Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah. Jian ka'ah gahang neu' kekat pengegahang Néh éh jin penyukat Néh éh ja'au mu'un, dokoo' keh omok ngeretep ngan kebit kenin tong ineu'-ineu' éh teneng tong ka'ah. La'ah jian uleu' bara' jian kenin ngan murung kenin ngan Tamen lu', uban pu'un Iah peteneng kenin lu', dokoo' lu' omok alaa' kekat pengejian éh petenup Néh ngan kekat kelunan éh anah Néh tong retek éh rema. Uban pu'un Iah ngelepu lu' jin kekat penyukat éh tong merem, ngan pepiso lu' tai lem nihau Anak éh kemurung Néh, éh ngelepu lu' jin kamit Sitan ngan éh mega' penyala' lu'.

Kristus Iah pekua' ngan Allah éh bé' omok ta'an kelunan palaa' maten usah néh. Kristus nah Anak Allah éh jah awah éh kemurung Néh, kepéh Iah pelapah jian jin kekat éh pu'un senuai Néh. Uban dalem Iah Allah suai kekat ineu'-ineu' éh tong langit ngan éh tong tana', éh poléng ngan éh bé' poléng, kenat péh kekat meliket ngan ineu'-ineu' kepéh éh pu'un penyukat. La'ah Allah suai kekat tana' ngan langit neu' Anak Néh, dokoo' kekat penyuai Néh inah ngajung Kristus. La'ah Kristus Anak Néh inah pu'un éh tenéh hun kekat ineu'-ineu' bé' jak pu'un, ngan neu' penyukat Néh kekat ineu'-ineu' pu'un petem reken. La'ah Kristus éh Anak Néh pengeja'au usah, inah éh sidang, Iah éh pungun urip sidang Néh. Kenat kepéh Iah éh tenah netéé' Allah jin patai Néh dokoo' Iah omok pu'un penyukat bau ineu'-ineu' péh. Uban lem pengeloo' Allah, Anak Néh nah pu'un pekua' mu'un ngan Allah éh sukup lem kekat pengejian ngan pengemaren Néh. Kenat péh neu' Anak Néh Allah maneu' jah pemekat kenin dokoo' Néh mihin kekat-kekat penyuai Néh moléé' tavin Tuhan ngan petunuk réh neu' dahaa' Anak Néh éh matai tong kayeu' salib. Kenat péh jalan Néh mihin kekat éh tong tana' ngan éh tong langit péh moléé' tavin Iah kepéh.
La'ah hun sahau rai ka'ah juu' jin Allah, la'ah inah éh maneu' keh ayau Néh neu' kekat penganeu' ngan penyeruh keh éh sa'at. Bang hun iteu' neu' Anak Néh matai, Tuhan pu'un maneu' keh bakéh Néh kepéh, dokoo' Néh mihin keh tai tong jumen Néh mu'un, ngan ni'ai ngan teneng kenin, bé' pu'un sa'at ineu'-ineu' péh. Bang jian keh tigéh ngan reken mu'un lem pengelan keh, mai keh kejeraa' ineu'-ineu' ngusii' ngan mega' keh jin pengelan keh tong Rengah Jian éh lepah nenéng keh. La'ah uban Rengah Jian iteu' akeu' Paulus pu'un maneu' kereja' ngan Tuhan, ngan Rengah Jian iteu' benara' kelunan ngan kekat irah pah tipo tana'.

Hun iteu' murung akeu' dalem kekat pengeketa ké', uban kereja' ké' ngan keh, uban ké' jam pengeketa ké' inah, inah maneu' akeu' omok pemung ngan Kristus lem pengeketa Néh, uban sidang Néh. La'ah akeu' éh kevéléé' Allah dokoo' ké' nolong sidang Néh Iah nyohoo' ku' maneu' kereja' iteu' dokoo' nolong ka'ah. Kereja' ké' iteu', inah éh dokoo' ké' bara' rengah Néh. Uban jin sahau nah pu'un jah jalan éh juk neu' Allah bang pelim éh tong kelunan sahau nah. Bang hun iteu' kepéh Tuhan pepoléng éh ngan irah éh anah Nah kepéh. La'ah jian mu'un éh kivu pengeloo' Néh pu'un Éh petenup éh ngan kekat arong kelunan, bé' makat ngan pohoo' Yahudi awah. Éh pelim jin irah sahau, inah éh Kristus pu'un dalem ka'ah ngan hun Néh pu'un dalem keh kenat adang kelunan ngelan keh pu'un pemung ngan Allah lem kekat pengaren Néh. Uban néh kenat inah éh mihin améé' bara' Kristus ngan kekat kelunan. Améé' nebaraa' ngan petena' réh béé ngan kekat pengejam kenin mé', dokoo' mé' omok mihin siget-siget usah réh tong jumen Tuhan barei' kelunan éh sukup mu'un kenin dalem Kristus. Uban néh kenat inah akeu' kereja' muruh ngan kekat pengegahang Kristus éh pu'un dalem akeu'.

Listen to KOLOSÉ 1