Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkMRK">
 <div class="chapter ch15" data-usfm="MRK.15">
 <div class="label">15</div><div class="s">Y&#233;su b&#250;jo&#331;or &#11363;ilat</div><div class="r">(M&#225;cie 27.1-2, 11-26 ; L&#237;k 23.1-5, 13-25 ; Saa&#331; 18.28&#8211;19.15)</div><div class="p"> 1Tinah n&#8217;ehalen, ufan ute&#331;enaaw n&#8217;gujoj manur n&#8217;ufan &#233;suh yay ni &#250;&#7549;ajula g&#250;bo&#241; Al&#225;emit bugagu, d&#243;emme fujoj fafu f&#225;mah fafu &#7549;oofo. No gujoj me guban, n&#8217;gujoh Y&#233;su guhoh, mbiban n&#8217;g&#250;jaenumol iki gusen &#11363;ilat. 2&#209;er &#11363;ilat narorenol aah : &#171; Aw uomme &#225;vi Es&#250;if yay ? &#187; Y&#233;su naagol : &#171; Aw fa&#331;ai nulob yo uban. &#187; 3Ufan ute&#331;enaaw baje sulob samme&#331;e so gutegol. 4&#209;er &#11363;ilat nabba&#241; arorenol aah : &#171; Mat&#8217;&#250;bahul w&#225;fowaf ? Nuune wo gulobe me &#7549;e guya n&#8217;aw ? &#187; 5Bare Y&#233;su abba&#241;ut &#225;bal ; ni kan &#11363;ilat gajahali.</div><div class="p"> 6Ni gaggan g&#225;nogan gaa Paak, &#11363;ilat nah&#8217;ahalenilhalen ace ni umigel waw gakuli me o guogol me ahalenulil. 7Ban bajene ace &#225;ine, gajaol Barabas, o g&#250;rure ni fipeh manur ni &#250;gua-&#233;suh guce, mata ni g&#225;guo gace gumumuh an. 8F&#237;timan fafu ni fiji&#331; bi r&#243; ya&#331; &#11363;ilat, fi&#265;ih ni funamo elaol wo na&#7549;i me nah&#8217;akanil. 9&#11363;ilat naagil : &#171; Jima&#331;e ihanulul &#225;vi ahu ala Es&#250;if yay ? &#187; 10(Narorenil mee mata naffase b&#250;oh f&#237;sil fi&#265;ile min ufan ute&#331;enaaw g&#250;&#331;arul Y&#233;su bi ni o.) 11Bare ufan ute&#331;enaaw n&#8217;guilen f&#237;timan fafu min mbi &#11363;ilat ahanulil til Barabas. 12&#11363;ilat nabba&#241; aagil : &#171; Wa &#241;er jima&#331;e ikan an ahu o buru juvoge me &#225;vi ahu ala Es&#250;if yay ? &#187; 13N&#8217;gubba&#241; g&#250;&#7549;ib guoh : &#171; Ubba&#331;ol n&#8217;ekurua ! &#187; 14Naagil : &#171; Maarat &#241;er may nakane ? &#187; Bare n&#8217;gufa&#331; n&#8217;g&#250;&#7549;ibe guoh : &#171; Ubba&#331;ol n&#8217;ekurua ! &#187; 15&#209;er &#11363;ilat, nemme namama&#331; aalen fii&#241; f&#237;timan fafu, nahanulil Barabas. Mbiban, nabo&#241; guteh Y&#233;su gusoh gal uba&#331;, aban nasenil o bi eke ebba&#331; n&#8217;ekurua.</div><div class="s">Ekosombil yay bugo n&#8217;elegen Y&#233;su</div><div class="r">(M&#225;cie 27.27-31 ; Saa&#331; 19.2-3)</div><div class="p"> 16&#209;er ekosombil yay n&#8217;g&#250;jaenum Y&#233;su bi &#241;&#225;raru f&#250;lumet fafu faa ya&#331; &#11363;ilat, guban n&#8217;g&#250;vogul fuyo&#331; fafu faa gupalil ekosombil &#7549;oofo. 17N&#8217;gusimol wa&#241; &#250;jugah, guban n&#8217;gu&#331;ar ulali&#331; waa sije&#331; gue&#265; fuga&#331; guo&#7549;ol ni fuhow. 18Mbiban n&#8217;gunamo esafol guoh : &#171; Jisafi, &#225;vi Es&#250;if yay ! &#187; 19N&#8217;gutegol egol ni fuhow, n&#8217;gumasenol ban n&#8217;guya g&#250;jul b&#250;jo&#331;orol ti nihi guma&#331; me emigeletol. 20No g&#250;fohulol me iki gu&#7549;ilo, n&#8217;guram wa&#241; waw &#250;jugah waw wo gukanol me, guban n&#8217;gubba&#241;enol bisimool, mbiban n&#8217;g&#250;&#7549;unnol t&#237;ya&#331; bi eke ebba&#331; n&#8217;ekurua.</div><div class="s">Y&#233;su o n&#8217;ebba&#331;i n&#8217;ekurua</div><div class="r">(M&#225;cie 27.32-44 ; L&#237;k 23.26-43 ; Saa&#331; 19.17-27)</div><div class="p"> 21N&#8217;ejail, n&#8217;guemor n&#8217;ace &#225;ine aam ni b&#250;olul n&#8217;ulah ; gajaol Simo&#331;, an ala Siren, &#7549;ay Alsandul ni Rufus. N&#8217;gukanol ni sembe min ateb ekurua yay yaa Y&#233;su. 22N&#8217;g&#250;jaenum Y&#233;su bi ti&#241; talu to guvoge me Golugota, d&#243;emme "ti&#241; taa gasen". 23N&#8217;guma&#331; esenol b&#237;&#241;u yo g&#250;gu&#241;ore ni m&#237;&#265;ir arem, bare nalat yo marem. 24N&#8217;gubba&#331;ol n&#8217;ekurua yay, guban n&#8217;gugabor bisimool n&#8217;elukor#15.24 elukor : d&#243;emme e&#241;agor usos. bo bi effas &#225;noan fugabol fo najae me e&#331;ar.</div><div class="p"> 25No gubba&#331;ol me n&#8217;ekurua yay, tinah b&#225;raberul. 26Jibabar jaju d&#243; hi&#265;i me wa&#265;il me Y&#233;su namugi, maa julobe : "Av&#237; ahu ala Es&#250;if yay".</div><div class="p"> 27Baje &#7549;o&#7549; ukana-maarat g&#250;uba bugo gubba&#331;e ni sukurua manur ni o, ahu n&#8217;ga&#241;enol g&#225;rib, ahuo n&#8217;gamayol. [28Mamu, wo Bahi&#265;er babu bulob me n&#8217;ukano baah me : &#171; Gu&#7549;inol ni ukana-maarat bugagu. &#187;]#15.28 Ni bahi&#265;er bamme&#331;e b&#237;tiar, firim faufe f&#237;lero. Juluj Esai 53.12.</div><div class="p"> 29Bugan bugagu gaamme n&#8217;&#233;gat nihi g&#250;llis guhoil ban n&#8217;gujelol n&#237;moro n&#8217;guoh : &#171; E&#233;, aw &#225;ju me ufum g&#225;vi-Al&#225;emit gagu mbiban nubba&#241; ute&#7549; go ni gunah g&#250;faji, 30u&#7549;agenoro n&#250;avul n&#8217;ekuruai ! &#187;</div><div class="p"> 31Ufan ute&#331;enaaw may ni &#250;&#7549;ajula g&#250;bo&#241; Al&#225;emit bugagu nihi &#7549;o&#7549; g&#250;fohulol guoh : &#171; Nah&#8217;a&#7549;agen bugan, aban &#225;juut a&#7549;agenoro ! 32In&#237; me maagen o aamme Kirista ahu, &#225;vi ahu ala Israel, &#225;avul maer yauye n&#8217;ekuruaol wolal ujugal, ban &#7549;an &#250;inenal ! &#187; Bugo gubba&#331;or me ni sukuruail manur ni o n&#8217;gunamo may ejelol.</div><div class="s">E&#265;et yay yaa Y&#233;su</div><div class="r">(M&#225;cie 27.45-56 ; L&#237;k 23.44-49 ; Saa&#331; 19.28-30)</div><div class="p"> 33No tinah tirih me, emo&#265; n&#233;avul ni mof mamu &#7549;oomo, ban n&#233;ni to iki t&#237;tigo. 34No t&#237;tigo me maa, Y&#233;su n&#225;&#7549;ib fatiya ni sembe aah : &#171; El&#237;, El&#237;, lama sabahtani ? &#187; D&#243;emme : &#171; Al&#225;emilom, Al&#225;emilom, wa u&#265;ile nujundenom ? &#187; 35Guce ni gaamen to me n&#8217;guunol ban n&#8217;guoh : &#171; Juutten &#7549;aa, abo&#241;er ahu El&#237; navoge mee ! &#187; 36&#209;er ace ni bugo natey &#225;k&#8217;&#225;jeben jurocob b&#237;&#241;u yafifir ahoh ni gapil, aban na&#241;uren jo min mb&#8217;acot jo n&#8217;eoh n&#237;moro : &#171; Jinah, &#7549;an ujugal ter El&#237; &#7549;an &#225;joul &#225;kiil aannulol n&#8217;ekurua yay. &#187; 37Bare Y&#233;su naya g&#225;&#7549;ib g&#225;mah aban na&#265;et.</div><div class="p"> 38To baenah, g&#225;bil gagu gaminden me ti&#241; talu t&#225;&#241;ai me d&#243; ni g&#225;vi-Al&#225;emit gagu n&#8217;gu&#265;a&#265;o k&#225;biri&#331; fatiya go bi n&#8217;ettam go gukan u&#7549;e&#331; &#250;uba. 39Afan ekosombil yay aiyen to me b&#250;jo&#331;or Y&#233;su, no najuh me min aalo me nogor, naah : &#171; A&#237;ne ahumu maagen A&#241;ol Al&#225;emit omene. &#187;</div><div class="p"> 40Bajene &#7549;o&#7549; waare gamme&#331;e gaiye r&#225;li n&#8217;g&#250;ni ni faluj. Baje ni bugo Mari ala &#233;suh yay yaa Magudala, Mari jaw Soses bugo ni Saak apuma ahu, ni Salome. 41Bugo nihi gulagen me Y&#233;su ban n&#8217;gucokorol k&#225;biri&#331; no naamen me G&#225;lile. Ni baj to &#7549;o&#7549; waare guce gamme&#331;e gajaorulo n&#8217;a&#265;ila bi Y&#233;rusalem.</div><div class="s">Gafoh Y&#233;su</div><div class="r">(M&#225;cie 27.57-61 ; L&#237;k 23.50-56 ; Saa&#331; 19.38-42)</div><div class="p"> 42-43Funah faufu funah fom fal ecokor w&#225;ari me bi fiti&#241;, yoemme fo tihalene me f&#237;iyay Es&#250;if yay. Ni baj ace &#225;ine gajaol Susef. O an om ala Arimate o g&#250;kanume fa&#331; ni fujoj fafu f&#225;mah fal Es&#250;if yay d&#243; naamme ; o &#7549;o&#7549; J&#225;vi jaju jal Al&#225;emit naamen n&#8217;enah. Min ajuh me b&#250;oh tinah utu n&#8217;ejon, nabaj gaka&#241;en gagu gal ejow bi ni &#11363;ilat &#225;k&#8217;&#225;cinol efulu&#331; yay yaa Y&#233;su. 44&#11363;ilat najahali min Y&#233;su afaen me a&#265;et ; nabo&#241; g&#250;vogul afan ekosombil yay min arorenol ter maagen mamu Y&#233;su na&#265;e&#265;et. 45No afan ekosombil yay a&#265;ilo me ak&#8217;agitenol wabaj me, &#11363;ilat nahat Susef nak&#8217;a&#331;ar efulu&#331; yay. 46&#209;er Susef nak&#8217;annom g&#225;bil, aban n&#225;annul efulu&#331; Y&#233;su n&#8217;ekurua yay na&#331;ar g&#225;bil gagu &#225;ggub yo, aban naba&#331; yo &#241;&#225;raru fuyah faogioh n&#8217;gaca&#265; erija&#331;. Mbiban, n&#225;baken fuval atoj g&#225;nonum fuyah fafu. 47Mari ala Magudala ni Mari jaw Soses n&#8217;gunamo n&#8217;g&#250;ni ni faluj to guba&#331;e yo me.</div>
 </div>
 </div>
</div>

Tinah n’ehalen, ufan uteŋenaaw n’gujoj manur n’ufan ésuh yay ni úᵽajula gúboñ Aláemit bugagu, dóemme fujoj fafu fámah fafu ᵽoofo. No gujoj me guban, n’gujoh Yésu guhoh, mbiban n’gújaenumol iki gusen Ᵽilat. Ñer Ᵽilat narorenol aah : « Aw uomme ávi Esúif yay ? » Yésu naagol : « Aw faŋai nulob yo uban. » Ufan uteŋenaaw baje sulob sammeŋe so gutegol. Ñer Ᵽilat nabbañ arorenol aah : « Mat’úbahul wáfowaf ? Nuune wo gulobe me ᵽe guya n’aw ? » Bare Yésu abbañut ábal ; ni kan Ᵽilat gajahali.
Ni gaggan gánogan gaa Paak, Ᵽilat nah’ahalenilhalen ace ni umigel waw gakuli me o guogol me ahalenulil. Ban bajene ace áine, gajaol Barabas, o gúrure ni fipeh manur ni úgua-ésuh guce, mata ni gáguo gace gumumuh an. Fítiman fafu ni fijiŋ bi ró yaŋ Ᵽilat, fiĉih ni funamo elaol wo naᵽi me nah’akanil. Ᵽilat naagil : « Jimaŋe ihanulul ávi ahu ala Esúif yay ? » (Narorenil mee mata naffase búoh físil fiĉile min ufan uteŋenaaw gúŋarul Yésu bi ni o.) Bare ufan uteŋenaaw n’guilen fítiman fafu min mbi Ᵽilat ahanulil til Barabas. Ᵽilat nabbañ aagil : « Wa ñer jimaŋe ikan an ahu o buru juvoge me ávi ahu ala Esúif yay ? » N’gubbañ gúᵽib guoh : « Ubbaŋol n’ekurua ! » Naagil : « Maarat ñer may nakane ? » Bare n’gufaŋ n’gúᵽibe guoh : « Ubbaŋol n’ekurua ! » Ñer Ᵽilat, nemme namamaŋ aalen fiiñ fítiman fafu, nahanulil Barabas. Mbiban, naboñ guteh Yésu gusoh gal ubaŋ, aban nasenil o bi eke ebbaŋ n’ekurua.


Ñer ekosombil yay n’gújaenum Yésu bi ñáraru fúlumet fafu faa yaŋ Ᵽilat, guban n’gúvogul fuyoŋ fafu faa gupalil ekosombil ᵽoofo. N’gusimol wañ újugah, guban n’guŋar ulaliŋ waa sijeŋ gueĉ fugaŋ guoᵽol ni fuhow. Mbiban n’gunamo esafol guoh : « Jisafi, ávi Esúif yay ! » N’gutegol egol ni fuhow, n’gumasenol ban n’guya gújul bújoŋorol ti nihi gumaŋ me emigeletol. No gúfohulol me iki guᵽilo, n’guram wañ waw újugah waw wo gukanol me, guban n’gubbañenol bisimool, mbiban n’gúᵽunnol tíyaŋ bi eke ebbaŋ n’ekurua.


N’ejail, n’guemor n’ace áine aam ni búolul n’ulah ; gajaol Simoŋ, an ala Siren, ᵽay Alsandul ni Rufus. N’gukanol ni sembe min ateb ekurua yay yaa Yésu. N’gújaenum Yésu bi tiñ talu to guvoge me Golugota, dóemme "tiñ taa gasen". N’gumaŋ esenol bíñu yo gúguñore ni míĉir arem, bare nalat yo marem. N’gubbaŋol n’ekurua yay, guban n’gugabor bisimool n’elukor bo bi effas ánoan fugabol fo najae me eŋar.
No gubbaŋol me n’ekurua yay, tinah báraberul. Jibabar jaju dó hiĉi me waĉil me Yésu namugi, maa julobe : "Aví ahu ala Esúif yay".
Baje ᵽoᵽ ukana-maarat gúuba bugo gubbaŋe ni sukurua manur ni o, ahu n’gañenol gárib, ahuo n’gamayol. [Mamu, wo Bahiĉer babu bulob me n’ukano baah me : « Guᵽinol ni ukana-maarat bugagu. »]
Bugan bugagu gaamme n’égat nihi gúllis guhoil ban n’gujelol nímoro n’guoh : « Eé, aw áju me ufum gávi-Aláemit gagu mbiban nubbañ uteᵽ go ni gunah gúfaji, uᵽagenoro núavul n’ekuruai ! »
Ufan uteŋenaaw may ni úᵽajula gúboñ Aláemit bugagu nihi ᵽoᵽ gúfohulol guoh : « Nah’aᵽagen bugan, aban ájuut aᵽagenoro ! Iní me maagen o aamme Kirista ahu, ávi ahu ala Israel, áavul maer yauye n’ekuruaol wolal ujugal, ban ᵽan úinenal ! » Bugo gubbaŋor me ni sukuruail manur ni o n’gunamo may ejelol.


No tinah tirih me, emoĉ néavul ni mof mamu ᵽoomo, ban néni to iki títigo. No títigo me maa, Yésu náᵽib fatiya ni sembe aah : « Elí, Elí, lama sabahtani ? » Dóemme : « Aláemilom, Aláemilom, wa uĉile nujundenom ? » Guce ni gaamen to me n’guunol ban n’guoh : « Juutten ᵽaa, aboñer ahu Elí navoge mee ! » Ñer ace ni bugo natey ák’ájeben jurocob bíñu yafifir ahoh ni gapil, aban nañuren jo min mb’acot jo n’eoh nímoro : « Jinah, ᵽan ujugal ter Elí ᵽan ájoul ákiil aannulol n’ekurua yay. » Bare Yésu naya gáᵽib gámah aban naĉet.
To baenah, gábil gagu gaminden me tiñ talu táñai me dó ni gávi-Aláemit gagu n’guĉaĉo kábiriŋ fatiya go bi n’ettam go gukan uᵽeŋ úuba. Afan ekosombil yay aiyen to me bújoŋor Yésu, no najuh me min aalo me nogor, naah : « Aíne ahumu maagen Añol Aláemit omene. »
Bajene ᵽoᵽ waare gammeŋe gaiye ráli n’gúni ni faluj. Baje ni bugo Mari ala ésuh yay yaa Magudala, Mari jaw Soses bugo ni Saak apuma ahu, ni Salome. Bugo nihi gulagen me Yésu ban n’gucokorol kábiriŋ no naamen me Gálile. Ni baj to ᵽoᵽ waare guce gammeŋe gajaorulo n’aĉila bi Yérusalem.


Funah faufu funah fom fal ecokor wáari me bi fitiñ, yoemme fo tihalene me fíiyay Esúif yay. Ni baj ace áine gajaol Susef. O an om ala Arimate o gúkanume faŋ ni fujoj fafu fámah fal Esúif yay dó naamme ; o ᵽoᵽ Jávi jaju jal Aláemit naamen n’enah. Min ajuh me búoh tinah utu n’ejon, nabaj gakañen gagu gal ejow bi ni Ᵽilat ák’ácinol efuluŋ yay yaa Yésu. Ᵽilat najahali min Yésu afaen me aĉet ; naboñ gúvogul afan ekosombil yay min arorenol ter maagen mamu Yésu naĉeĉet. No afan ekosombil yay aĉilo me ak’agitenol wabaj me, Ᵽilat nahat Susef nak’aŋar efuluŋ yay. Ñer Susef nak’annom gábil, aban náannul efuluŋ Yésu n’ekurua yay naŋar gábil gagu ággub yo, aban nabaŋ yo ñáraru fuyah faogioh n’gacaĉ erijaŋ. Mbiban, nábaken fuval atoj gánonum fuyah fafu. Mari ala Magudala ni Mari jaw Soses n’gunamo n’gúni ni faluj to gubaŋe yo me.

Listen to Maruk 15